Year: 2019
- News
നാളെമുതൽ സംസ്ഥാനത്ത് പ്ലാസ്റ്റിക് നിരോധനം
തിരുവനന്തപുരം :നാളെമുതൽ സംസ്ഥാനത്ത് പ്ലാസ്റ്റിക് നിരോധനം. ഒരു തവണ മാത്രം ഉപയോഗിക്കുന്ന പ്ലാസ്റ്റിക് വസ്തുക്കളുടെ നിര്‍മാണവും വില്‍പ്പനയും സൂക്ഷിക്കലും നാളെ മുതല്‍ സംസ്ഥാനത്ത് അനുവദനീയമല്ല.
Read More » - News
പുതുവർഷത്തെ വരവേറ്റും വരവേൽക്കാനൊരുങ്ങിയും ലോകം
പുതുവർഷത്തെ വരവേറ്റും വരവേൽക്കാൻ ഒരുങ്ങിയും ലോകം.പസഫിക് സമുദ്രത്തിലെ സമാവോ കിരിബാത്തി ദ്വീപുകളിലാണ് 2020 ആദ്യമെത്തിയത്.ഇന്ത്യൻ സമയം ഡിസംബർ 31 വൈകിട്ട് 3.30 നാണ് സമാവോ ദ്വീപുകളിൽ പുതുവർഷം എത്തിയത്. ഇന്ത്യൻ സമയം വൈകിട്ട് 4.30നാണ് ന്യൂസിലാന്റ് പുതുവർഷത്തെ വരവേറ്റത്.വമ്പൻ കരിമരുന്നു പ്രയോഗങ്ങളുടെയും ലേസർ ഷോ യുടെ അത്ഭുത കാഴ്ചകളോടെയുമാണ് ന്യൂസിലാൻഡ് പുതുവർഷത്തെ വരവേറ്റത്.ന്യൂസിലാൻഡിൽ തന്നെ ഓക്ലാൻഡിലും വെല്ലിങ്ടണിലുമാണ് ആദ്യം പുതുവർഷം പിറന്നത്. ഇന്ത്യൻ സമയം വൈകിട്ട് 5.30 ന് റഷ്യയിലും,6.30ന് ഓസ്‌ട്രേലിയയിലെ മെൽബണിലും, സിഡ്നിയിലും പുതുവർഷത്തെ വരവേറ്റു.
Read More » - News
ആലപ്പുഴയിൽ കെഎസ്ആർടിസി ബസും കാറും കൂട്ടിയിടിച്ച് രണ്ട് കൊല്ലം സ്വദേശികൾ മരിച്ചു
ആലപ്പുഴ : ചേപ്പാട് കെഎസ്ആർടിസി ബസും കാറും കൂട്ടിയിടിച്ച് രണ്ട് പേർ മരിച്ചു. ഒരാളുടെ നില ഗുരുതരം.കൊല്ലം പെരുമ്പുഴ സ്വദേശി കൊച്ചുകുഞ്ഞ് (75), ഇയാളുടെ മകൻ സുറൈൻ ( 40 ) എന്നിവരാണ് മരിച്ചത്. കൊച്ചുകുഞ്ഞിന്റെ ഭാര്യ ലൈല, ഭാര്യാസഹോദരൻ ജമാലുദ്ദീൻ എന്നിവരെ ഗുരുതര പരുക്കുകളോടെ വണ്ടാനം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.
Read More » - Top Stories
തോമസ് ചാണ്ടി എംഎൽഎ യെ അപമാനിച്ച് നിയമസഭ
തിരുവനന്തപുരം : അന്തരിച്ച തോമസ് ചാണ്ടി എംഎൽഎ യെ അപമാനിച്ച് നിയമസഭ. 14-ാം നിയമസഭാംഗവും മുന്‍ മന്ത്രിയുമായിരുന്ന തോമസ് ചാണ്ടിക്ക് ചരമോപചാരം അർപ്പിക്കാതെ പ്രത്യേക സഭാ സമ്മേളനം നടത്തിയാണ് തോമസ് ചാണ്ടിയെ സഭ അപമാനിച്ചത്. നിലവിലെ അംഗത്തിന്‍റെ നിര്യാണത്തിന് ശേഷം സഭ ചേരുമ്പോൾ ചരമോപചാരം നടത്തുന്നതാണ് നിയമസഭയുടെ കീഴ്വഴക്കം. എന്നാല്‍ അന്തരിച്ച തോമസ് ചാണ്ടിയെ കുറിച്ച് ഒരു വാക്ക് പോലും പരാമർശിക്കാതെയാണ് സഭാ സമ്മേളനം തുടങ്ങിയത്. തോമസ് ചാണ്ടിയെ അനുസ്മരിക്കാതെ സഭയിൽ അപമാനിച്ചത് ദൗർഭാഗ്യകരമാണെന്നും സഭാ കീഴ്വഴക്കങ്ങളുടെ ലംഘനമാണെന്നും ചൂണ്ടിക്കാട്ടി പ്രതിപക്ഷം സ്പീക്കർക്ക് കത്തുനൽകി. കെ.എസ് ശബരീനാഥന്‍ എം.എല്‍.എയാണ് കത്ത് നല്‍കിയത്.
Read More » - Top Stories
പൗരത്വ നിയമ ഭേദഗതി റദ്ദാക്കണം;കേരള നിയമസഭ പ്രമേയം പാസ്സാക്കി
തിരുവനന്തപുരം: പൗരത്വ ഭേദഗതി നിയമം റദ്ദാക്കണമെന്ന് കേരള നിയമസഭ പ്രമേയം പാസാക്കി.പട്ടികജാതി പട്ടികവർഗ്ഗ സംവരണം പത്തു വർഷം കൂടി നീട്ടാൻ ഉള്ള പ്രമേയം ചര്‍ച്ച ചെയ്യാന്‍ ചേര്‍ന്ന നിയമസഭയുടെ പ്രത്യേക സമ്മേളനമാണ് പ്രമേയം പാസാക്കിയത്. പൗരത്വ നിയമഭേദഗതി റദ്ദാക്കണമെന്ന പ്രമേയം മുഖ്യമന്ത്രി പിണറായി വിജയന്‍ അവതരിപ്പിച്ചു. പ്രതിപക്ഷ നേതാവ് രമേശ് ചെന്നിത്തല അടക്കമുള്ളവര്‍ പ്രമേയത്തെ പിന്തുണച്ചു.പ്രമേയത്തെ സഭയിലെ ഏക ബി.ജെ.പി അംഗം ഒ. രാജഗോപാല്‍ എതിര്‍ത്തു. പൗരത്വ നിയമ ഭേദഗതി രാജ്യത്തിന്റെ മതനിരപേക്ഷതക്ക് എതിരാണെന്നും, നിയമത്തിൽ വരുത്തിയ ഭേദഗതി റദ്ദാക്കണമെന്നും മുഖ്യമന്ത്രി പ്രമേയത്തിൽ ആവശ്യപ്പെട്ടു. മൗലികാവകാശമായ സമത്വത്തിന്റെ ലംഘനമാണ് പൗരത്വ നിയമത്തിൽ വരുത്തിയ ഭേദഗതി.നിയമ ഭേദഗതി ഭരണഘടനാ വിരുദ്ധമാണ്. പുതിയ നിയമം പ്രവാസികളുടെ ഇടയിൽ ആശങ്ക സൃഷ്ടിക്കുന്നു. ഇത് മത വിവേചനത്തിന് ഇടയാക്കും. പൗരത്വ നിയമ ഭേദഗതി മതരാഷ്ട്രം സൃഷ്ടിക്കാനെന്നും മുഖ്യമന്ത്രി പ്രമേയത്തിൽ ചൂണ്ടിക്കാട്ടി. കേന്ദ്ര നിയമത്തിന് എതിരായി പ്രമേയം പാസാക്കുന്നത് ഭരണഘടനാവിരുദ്ധമാണെന്ന് ബിജെപി എം എൽ എ ഒ രാജഗോപാൽ പ്രമേഹത്തെ എതിർത്തുകൊണ്ട് പറഞ്ഞു. മുസ്‌ലിംങ്ങൾക്കെതിരായ അല്ല നിയമം.മുസ്ലിങ്ങൾക്ക് എതിരാണ് നിയമമെന്ന് ഒരു സ്ഥലത്തും ബിജെപിയോ കേന്ദ്രസർക്കാരോ പറഞ്ഞിട്ടില്ല.ഭരണഘടന അനുസരിച്ചുള്ള കാര്യങ്ങൾ മാത്രമേ രാജ്യത്ത് നടക്കുകയുള്ളൂ. പൗരത്വ നിയമ ഭേദഗതിയെ ഇപ്പോൾ എതിർക്കുന്നവർ മതത്തിന്റെ പേരിൽ രാജ്യത്തെ വെട്ടിമുറിച്ചവരാണ് എന്നും രാജഗോപാൽ പറഞ്ഞു.
Read More » - News
പ്രമുഖ നടിക്കും സംവിധായകനും എതിരെ ഫേസ്ബുക് പോസ്റ്റുമായി സന്ദീപ് വാരിയർ
പ്രമുഖ നടിക്കും സംവിധായകനും എതിരെ വീണ്ടും ഫേസ്ബുക് പോസ്റ്റുമായി സന്ദീപ് വാരിയർ.സംഗീത നിശ നടത്തി പ്രളയ ദുരിതാശ്വാസ ഫണ്ട് അടിച്ചു മാറ്റിയന്നാണ് സന്ദീപ് വാര്യർ ഫേസ്ബുക് പോസ്റ്റിൽ ആരോപിക്കുന്നത്. ‘കള്ളി ങ്കൽ മാടവും ഹാഷിഷ് ഇക്കയും’-എന്നാണ് സംഗീത നിശയുമായി ബന്ധമുണ്ടായിരുന്ന നടിയെയും സംവിധായകനെയും സന്ദീപ് വാര്യർ സൂചിപ്പിച്ചിരിക്കുന്നത്.
Read More » - Top Stories
പൗരത്വ നിയമ ഭേദഗതി റദ്ദാക്കണം;നിയമസഭയിൽ മുഖ്യമന്ത്രി പ്രമേയം അവതരിപ്പിച്ചു
തിരുവനന്തപുരം : പൗരത്വ നിയമത്തിലെ ഭേദഗതി റദ്ദാക്കണമെന്നാവശ്യപ്പെട്ട് നിയമസഭയിൽ മുഖ്യമന്ത്രി പ്രമേയം അവതരിപ്പിച്ചു. പൗരത്വ നിയമ ഭേദഗതി രാജ്യത്തിന്റെ മതനിരപേക്ഷതക്ക് എതിരാണെന്നും, നിയമത്തിൽ വരുത്തിയ ഭേദഗതി റദ്ദാക്കണമെന്നും മുഖ്യമന്ത്രി പ്രമേയത്തിൽ ആവശ്യപ്പെട്ടു. മൗലികാവകാശമായ സമത്വത്തിന്റെ ലംഘനമാണ് പൗരത്വ നിയമത്തിൽ വരുത്തിയ ഭേദഗതി.നിയമ ഭേദഗതി ഭരണഘടനാ വിരുദ്ധമാണ്. പുതിയ നിയമം പ്രവാസികളുടെ ഇടയിൽ ആശങ്ക സൃഷ്ടിക്കുന്നു. ഇത് മത വിവേചനത്തിന് ഇടയാക്കും. പൗരത്വ നിയമ ഭേദഗതി മതരാഷ്ട്രം സൃഷ്ടിക്കാനെന്നും മുഖ്യമന്ത്രി പ്രമേയത്തിൽ ചൂണ്ടിക്കാട്ടി. തടങ്കൽ പാളയങ്ങൾ സൃഷ്ടിക്കാനുള്ള യാതൊരു നടപടികളും കേരളത്തിൽ നടപ്പാക്കുക ഇല്ലെന്ന് മുഖ്യമന്ത്രി ഉറപ്പുനൽകി. ജീർണിച്ച ജാതിവ്യവസ്ഥ രാജ്യത്തിന്റെ പല ഭാഗങ്ങളിലും ഇപ്പോഴും നിലനിൽക്കുന്നു. പല ഗ്രാമങ്ങളിലും ഇപ്പോഴും ആവാസവ്യവസ്ഥയിൽ പോലും ജാതിവ്യവസ്ഥ നിലനിൽക്കുന്നു. ഇത് ദൗർഭാഗ്യകരമായ അവസ്ഥയാണ്. ഈ അരാജകത്വത്തിന് ആക്കം കൂട്ടാൻ മാത്രമേ പൗരത്വ നിയമഭേദഗതി കാരണമാകൂ എന്നും മുഖ്യമന്ത്രി പറഞ്ഞു. കേന്ദ്ര നിയമത്തിന് എതിരായി പ്രമേയം പാസാക്കുന്നത് ഭരണഘടനാവിരുദ്ധമാണെന്ന് ബിജെപി എം എൽ എ ഒ രാജഗോപാൽ പ്രമേഹത്തെ എതിർത്തുകൊണ്ട് പറഞ്ഞു. “മുസ്‌ലിംങ്ങൾക്കെതിരായ അല്ല നിയമം.മുസ്ലിങ്ങൾക്ക് എതിരാണ് നിയമമെന്ന് ഒരു സ്ഥലത്തും ബിജെപിയോ കേന്ദ്രസർക്കാരോ പറഞ്ഞിട്ടില്ല. മുസ്ലിമായ എപിജെ അബ്ദുൽ കലാമിനെ രാഷ്ട്രപതി ആക്കിയ പാർട്ടിയാണ് ബിജെപി. ഭരണഘടനയാണ് എന്റെ വിശുദ്ധ ഗ്രന്ഥം എന്ന് പ്രധാനമന്ത്രി നരേന്ദ്രമോദി പറഞ്ഞിട്ടുണ്ട്. ഭരണഘടന അനുസരിച്ചുള്ള കാര്യങ്ങൾ മാത്രമേ രാജ്യത്ത് നടക്കുകയുള്ളൂ. പൗരത്വ നിയമ ഭേദഗതിയെ ഇപ്പോൾ എതിർക്കുന്നവർ മതത്തിന്റെ പേരിൽ രാജ്യത്തെ വെട്ടിമുറിച്ചവരാണ്”എന്നും രാജഗോപാൽ പറഞ്ഞു.
Read More » - News
സ്കൂട്ടറും കെഎസ്ആർടിസി ബസും കൂട്ടിയിടിച്ച് സുഹൃക്കളായ മൂന്നു യുവാക്കൾക്ക് ദാരുണാന്ത്യം;ഹെൽമറ്റ് ധരിക്കാഞ്ഞത് തലയ്ക്കേറ്റ ഗുരുതരപരിക്കിന് കാരണമായി
തിരുവനന്തപുരം : പോത്തൻകോട് വെമ്പായം പെരുംകൂറിൽ സ്കൂട്ടറും കെഎസ്ആർടിസി ബസും കൂട്ടിയിടിച്ച് സുഹൃത്തുക്കളായ മൂന്നു യുവാക്കൾ മരിച്ചു. വെമ്പായം മൊട്ടമൂട് പാളയംകെട്ടി തടത്തരികത്തു വീട്ടിൽ വേണുവിന്റെയും ഷീലയുടെയും മകൻ മനു (26), വട്ടപ്പാറ കണക്കോട് കല്ലുവാക്കുഴി വിഷ്ണുഭവനിൽ കൃഷ്ണൻ കുട്ടിയുടെയും കുമാരിയുടെയും മകൻ വിഷ്ണു (27), വട്ടപ്പാറ വേറ്റിനാട് കല്ലുവാക്കുഴി വീട്ടിൽ വാസുവിന്റെയും കമലമ്മയുടെയും മകൻ ഉണ്ണി (35) എന്നിവരാണ് മരിച്ചത്. ഞായർ രാത്രി 9.45 മണിയോടെ പെരുംകൂറിൽ ആയിരുന്നു അപകടം. ബസും സ്കൂട്ടറും അമിതവേഗത്തിലായിരുന്നതായി ദൃക്സാക്ഷികൾ പറയുന്നു.അറുപതോളം യാത്രക്കാരുമായി തിരുവനന്തപുരത്തു നിന്നു മല്ലപ്പള്ളിയിലേക്കു പോകുകയായിരുന്നു ബസ്. സ്കൂട്ടറിൽ യാത്ര ചെയ്ത രണ്ടു പേർ ബസിനടിയിലും മറ്റൊരാൾ ദൂരേക്കും തെറിച്ചു വീണു. മൂന്നു പേർക്കും തലയ്ക്ക് ഗുരുതര പരുക്കേറ്റു.ഉടൻ സ്ഥലത്തെത്തിയ വട്ടപ്പാറ പൊലീസാണ് രണ്ടു പേരെ തങ്ങളുടെ വാഹനത്തിലും ഒരാളെ മറ്റൊരു കാറിലും മെഡിക്കൽകോളജ് ആശുപത്രിയിൽ എത്തിച്ചത്.
Read More » - Top Stories
രാജ്യത്താദ്യമായി പൗരത്വനിയമഭേദഗതിക്കെതിരെ കേരള നിയമസഭ ഇന്ന് പ്രമേയം പാസാക്കും
തിരുവനന്തപുരം: രാജ്യത്താദ്യമായി പൗരത്വനിയമഭേദഗതിക്കെതിരെ കേരള നിയമസഭ ഇന്ന് പ്രമേയം പാസാക്കും.ഇന്ന് കൂടുന്ന അടിയന്തിര നിയമസഭാ സമ്മേളനത്തിലാണ് പൗരത്വ നിയമത്തിനെതിരെയുള്ള പ്രമേയം നിയമസഭ പാസാക്കുന്നത്.എന്നാൽ കേന്ദ്രവിജ്ഞാപനം ഇറക്കരുത് തടയണമെന്നാവശ്യപ്പെടണമെന്ന കോൺഗ്രസിന്‍റെ ആവശ്യം അംഗീകരിക്കാനിടയില്ല. രാജ്യത്താദ്യമായാണ് പൗരത്വനിയമഭേദഗതിക്കെതിരെ ഒരു നിയമസഭ പ്രമേയം ചർച്ച ചെയ്യുന്നത്.സർവകക്ഷിയോഗത്തിലെ തീരുമാനപ്രകാരമാണ് നിയമസഭയിൽ പ്രമേയം കൊണ്ടുവരുന്നത്.നിയമഭേദഗതി പിൻവലിക്കണമെന്ന പ്രമേയമാണ് സർക്കാർ നിയമസഭയിൽ കൊണ്ടുവരുന്നത്. പൗരത്വനിയമഭേദഗതിക്കെതിരെ സംസ്ഥാനത്തിന്റെ പൊതുവികാരം കേന്ദ്രത്തെ അറിയിക്കണമെന്നാണ് സർക്കാരിന്റെ തീരുമാനം. എന്നാൽ പ്രമേയം പാസാക്കുള്ള തീരുമാനത്തിനെതിരെ രാഷ്ട്രപതിയെ സമീപിക്കാനാണ് ബിജെപിയുടെ തീരുമാനം.
Read More » - News
പതിനഞ്ചുകാരനെ പീഡിപ്പിച്ചു;ഇരുപത്തൊന്നുകാരിക്കെതിരെ പോക്‌സോ ചുമത്തി
മൂന്നാര്‍: പതിനഞ്ചുകാരനെ പീഡിപ്പിച്ച പരാതിയിൽ യുവതിക്കെതിരെ പോക്‌സോ നിയമപ്രകാരം കേസ് എടുത്തു. തമിഴ്‌നാട് സ്വദേശിനിയായ 21 കാരിക്കെതിരെയാണ് മൂന്നാര്‍ പോലീസ് പോക്‌സോ വകുപ്പ് ചുമത്തി കേസ് എടുത്തത്. തമിഴ്‌നാട് ലക്ഷി സ്വദേശിയാണ് 15 വയസ്സുകാരന്‍. കഴിഞ്ഞ ദിവസം സ്വകാര്യ ഭാഗങ്ങളില്‍ വേദന അനുഭവപ്പെടുന്നതായി കുട്ടി മാതാപിതാക്കളോട് പറഞ്ഞിരുന്നു. തുടര്‍ന്ന് മാതാപിതാക്കള്‍ കുട്ടിയെ ചിത്തിരപുരത്തെ സര്‍ക്കാര്‍ ആശുപത്രിയില്‍ എത്തിച്ചു. ഡോക്ടര്‍ നടത്തിയ പരിശോധനയിലാണ് കുട്ടി പീഡനത്തിനിരയായതായി കണ്ടെത്തിയത്.കുട്ടിയുടെ ബന്ധുവായ യുവതി കഴിഞ്ഞ ആഴ്ചയാണ് കുട്ടിയുടെ വീട്ടില്‍ എത്തിയത്.
Read More »
