സിസ്റ്റർ അഭയയെ കൊന്നതുതന്നെ – ഡോ.വി. കന്തസ്വാമി

തിരുവനന്തപുരം: സിസ്റ്റർ അഭയ മരിച്ചത് തലയ്‌ക്കേറ്റ മാരക ക്ഷതം കൊണ്ടാണെന്ന് നിർണായക മൊഴി. ഫോറൻസിക് വിദഗ്ദ്ധൻ ഡോ.വി.കന്തസ്വാമിയാണ് തിരുവനന്തപുരം സി.ബി.ഐ പ്രതേക കോടതിയിൽ മൊഴി നൽകിയത്. അഭയ കിണറ്റിൽചാടി ആത്മഹത്യ ചെയ്തുവെന്നായിരുന്നു ക്രൈംബ്രാഞ്ചിന്റെ നിഗമനം. എന്നാൽ ആത്മഹത്യയുടെ ലക്ഷണങ്ങളും, മുങ്ങി മരിക്കുന്ന മൃദേഹങ്ങളിൽ കാണുന്ന ലക്ഷണങ്ങളും അഭയയുടെ ശരീരത്തിൽ ഉണ്ടായിരുന്നില്ലെന്നും, മുങ്ങി മരണമാണെങ്കിൽ ശ്വാസകോശത്തിൽ എന്തെങ്കിലും പദാർത്ഥമുണ്ടാകും, കൈവിരലുകൾ മുറുക്കി പിടിച്ചിരിക്കും, കൈക്കുള്ളിൽ ചെളിയോ പുല്ലുകളോ കാണും. ഇതൊന്നും അഭയയുടെ ശരീരത്തിൽ കണ്ടതായി പോസ്റ്റ് മോർട്ടം റിപ്പോർട്ടിൽ ഉണ്ടായിരുന്നില്ലെന്നും കന്തസ്വാമി മൊഴി നൽകി.