പതുങ്ങിനിന്നും, റോഡിന്റെ നടുക്കുനിന്നും വാഹനപരിശോധന നടത്തരുത് – ഹൈക്കോടതി

കൊച്ചി: പതുങ്ങിനിന്ന് വാഹനപരിശോധന നടത്തരുതെന്ന് ഹൈക്കോടതിയുടെ കർശന നിർദ്ദേശം. ഹെൽമറ്റ് ധരിക്കാത്ത ഇരുചക്രവാഹന യാത്രക്കാരെ പിടിക്കാൻ പിന്നാലെ പായരുതെന്നും ഹൈക്കോടതി നിർദ്ദേശിച്ചു. ഇത്തരം അതിസാഹസികത കാരണം നിരവധി പേർ മരിച്ചിട്ടുണ്ടെന്നും, ഇതിനു പരിഹാരം കാണേണ്ട സമയം അതിക്രമിച്ചെന്നും സിംഗിൾ ബെഞ്ച് പറഞ്ഞു. മലപ്പുറം രണ്ടത്താണി ദേശീയ പാതയിൽ മോട്ടോർ വെഹിക്കിൾ ഇൻസ്പെക്ടറെ ബൈക്കിടിച്ചു വീഴ്‌ത്തി രക്ഷപ്പെടാൻ ശ്രമിച്ച കേസിൽ പ്രതിയായ മുഫ്‌ലിഹ് നൽകിയ ജാമ്യാപേക്ഷ അനുവദിച്ചാണ്, മോട്ടോർ വാഹന വകുപ്പിനുള്ള ഹൈക്കോടതി നിർദ്ദേശങ്ങൾ.