സംസ്ഥാനത്ത് ഇന്ന് ഒരാൾക്കു മാത്രം കോവിഡ്

തിരുവനന്തപുരം : സംസ്ഥാനത്ത് ഇന്ന് (വെള്ളിയാഴ്ച) ഒരാൾക്കു മാത്രമാണ് കോവിഡ് സ്ഥിതീകരിച്ചത്. കോഴിക്കോട് സ്വദേശിയായ ആൾക്ക്  സമ്പർക്കത്തിലൂടെയാണ് രോഗം പകർന്നത്.

പത്തുപേർ കൂടി ഇന്ന് രോഗമുക്തി നേടി. കാസർഗോഡ് ജില്ലയിലെ ആറുപേരുടേയും എറണാകുളം ജില്ലയിലെ രണ്ടുപേരുടേയും ആലപ്പുഴ, മലപ്പുറം എന്നീ ജില്ലകളിലുള്ള ഓരോരുത്തരുടേയും പരിശോധനാഫലമാണ് നെഗറ്റീവായത്.

255 പേരാണ് ഇതുവരെ സംസ്ഥാനത്ത്  കോവിഡിൽ നിന്നും മുക്തി നേടിയത്. 138 പേരാണ് നിലവിൽ സംസ്ഥാനത്തെ വിവിധ ആശുപത്രികളിൽ ചികിത്സയിലുള്ളത്. 78,980 പേർ  നിരീക്ഷണത്തിലാണ്. ഇവരിൽ 78,454 പേർ വീടുകളിലും 526 പേർ ആശുപത്രികളിലും നിരീക്ഷണത്തിലാണ്. 84 പേരെയാണ് ഇന്ന് ആശുപത്രിയിൽ പ്രവേശിപ്പിച്ചത്. രോഗലക്ഷണങ്ങളുള്ള 18,029 വ്യക്തികളുടെ സാമ്പിൾ പരിശോധനയ്ക്ക് അയച്ചിട്ടുണ്ട്. ഇതിൽ ലഭ്യമായ 17,279 സാമ്പിളുകളുടെ പരിശോധനാ ഫലം നെഗറ്റിവ് ആണ്.