Month: November 2019
- Top Stories
LSD പോലുള്ള ലഹരിവസ്തുക്കൾ ചില സിനിമാ സെറ്റുകളിൽ ഉപയോഗിക്കപ്പെടുന്നു
തിരുവനന്തപുരം: എൽ.എസ്.ഡി. (ലൈസർജിക്ക് ആസിഡ് ഡൈഈഥൈൽ അമൈഡ്) പോലുള്ള മാരക ലഹരിവസ്തുക്കൾ ചില സിനിമാ സെറ്റുകളിൽ ഉപയോഗിക്കപ്പെടുന്നതായി എക്സൈസ് വകുപ്പ്. അന്തരീക്ഷ ഊഷ്മാവിൽപോലും ലയിക്കുന്നസ്റ്റാമ്പ് രൂപത്തിലുള്ള എൽ.എസ്.ഡിക്കാണ് കൂടുതൽ ആവശ്യക്കാർ. സ്റ്റാമ്പിന്റെ ഒരു ഭാഗം നീക്കി നാവിനടിയിൽ വെച്ചാൽ ലഹരി ലഭിക്കും. സാങ്കേതിക പ്രവർത്തകരിലും സഹായികളിലുംപെട്ട ഒരു വിഭാഗമാണ് മയക്കുമരുന്ന് കടത്തുകാരാകുന്നത്. സിനിമാപ്രവർത്തകരുടെ സഹായം ഉണ്ടങ്കിൽ മാത്രമേ ഇവരെ കണ്ടെത്താൻ കഴിയു എന്ന് എക്സൈസ് പറയുന്നു. ഇത്തരം കേസുകളിൽ തെളിവുണ്ടാക്കുക ബുദ്ധിമുട്ടാണ്. ചില സിനിമാ സെറ്റുകളിൽ കടന്ന് പരിശോധിക്കുന്നതിനും പരിമിതികളുണ്ടന്നും എക്സൈസ് സൂചിപ്പിക്കുന്നു.
Read More » - Cinema
ഷെയ്ൻ നിഗം തലമൊട്ടയടിച്ചത് തോന്നിയവാസമാണെന്ന് ഗണേഷ് കുമാർ
ഷെയ്ൻ നിഗമിനെതിരെ ഗണേഷ് കുമാർ. ഷെയ്ൻ തലമൊട്ടയടിച്ചത് തോന്നിയവാസമാണെന്ന് ഗണേഷ് കുമാർ. അഹങ്കരിച്ചാൽ ഷെയ്ൻ മലയാള സിനിമയിൽ നിന്ന് പുറത്തുപോകുമെന്നും ഗണേഷ് കുമാർ പറഞ്ഞു. ഷെയ്ൻ പുതുമുഖ സംവിധായകനെ കണ്ണീരിലാഴ്ത്തി. അച്ചടക്കമില്ലാത്തവരെ താരസംഘടന എഎംഎംഎ പിന്തുണയ്ക്കില്ലെന്നും ഗണേഷ് കുമാർ വ്യക്തമാക്കി. സിനിമാ സെറ്റുകളിൽ ലഹരി ഉപയോഗം കൂടുതലാണെന്നും എക്‌സൈസും പൊലീസും ഇക്കാര്യം പരിശോധിക്കണമെന്നും ഗണേഷ് കുമാർ ആവശ്യപ്പെട്ടു. പ്രൊഡ്യൂസേഴ്‌സ് അസോസിയേഷൻ വിലക്കേർപ്പെടുത്തിയ സാഹചര്യത്തിൽ തന്നെ സഹായിക്കണമെന്നാവശ്യപ്പെട്ട് താരസംഘടനയായ എഎംഎംഎക്ക് ഷെയ്ൻ നിഗം കത്തയച്ചു. തന്റെ ഭാഗം കൂടി കേൾക്കണമെന്ന് ഷെയ്ൻ കത്തിൽ ആവശ്യപ്പെട്ടു.
Read More » - Top Stories
കേരള ബാങ്ക്, ലയന നടപടി പൂർത്തിയാക്കാൻ ഹൈക്കോടതി അനുമതി
തിരുവനന്തപുരം:ജില്ലാസഹകരണ ബാങ്കുകളെ സംസ്ഥാന സഹകരണ ബാങ്കിൽ ലയിപ്പിച്ച് ‘കേരള ബാങ്ക്’ രൂപീകരണം നടപ്പാക്കുന്നതിനുള്ള എല്ലാ തടസങ്ങളും നീങ്ങിയതായി സഹകരണ-ടൂറിസം മന്ത്രി കടകംപള്ളി സുരേന്ദ്രൻ വാർത്താസമ്മേളനത്തിൽ അറിയിച്ചു.
Read More » - Top Stories
യുവാവിനെ പോലീസ് എറിഞ്ഞുവീഴ്ത്തിയ സംഭവം,എസ്. ഐ, സിപിഒ എന്നിവരുടെ ഭാഗത്തുനിന്നുമുണ്ടായത് കുറ്റകരമായ അനാസ്ഥ-ഡി.വൈ.എസ്.പി
കൊല്ലം : കൊല്ലം കടയ്ക്കലിൽ വാഹന പരിശോധനക്കിടെ പോലീസ് ബൈക്കിൽ വന്ന യുവാവിനെ ചൂരൽ കൊണ്ട് എറിഞ്ഞുവീഴ്ത്തിയ സംഭവത്തിൽ ഡി.വൈ എസ് പിയുടെ അന്വേഷണ റിപ്പോർട്ട് കൊല്ലം റൂറൽ എസ്പിക്ക് കൈമാറി.പൊലീസ് ഉദ്യോഗസ്ഥന്റെ ഭാഗത്ത് നിന്നും, എസ്.ഐ യുടെ ഭാഗത്തുനിന്നും കുറ്റകരമായ അനാസ്ഥയാണുണ്ടായതെന്ന് റിപ്പോർട്ടിൽ പറയുന്നു.
Read More » - News
കേരളത്തിൽ നാളെയും മറ്റന്നാളും കനത്ത മഴ, മൂന്ന് ജില്ലകളിൽ യെല്ലോ അലെർട്ട്
തിരുവനന്തപുരം:കേരളത്തിൽ നാളെയും മറ്റന്നാളും കനത്ത മഴയ്ക്ക് സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നൽകി. ഈ മാസം 30 ന് തിരുവനന്തപുരം, കൊല്ലം, ഇടുക്കി ജില്ലകളിൽ ശക്തമായ മഴയ്ക്ക് സാധ്യതയുള്ളതിനാൽ യെല്ലോ അലർട്ട് പ്രഖ്യപിച്ചു. ഡിസംബർ ഒന്നിന് ഇടുക്കി, എറണാകുളം, വയനാട് ജില്ലകളിലും ശക്തമായ മഴയ്ക്ക് സാധ്യതയുള്ളതിനാൽ ഈ ജില്ലകളിലും യെല്ലോ അലർട്ട് പ്രഖ്യാപിച്ചിട്ടുണ്ട്.
Read More » - Top Stories
ജ്ഞാനപീഠ പുരസ്കാരം അക്കിത്തം അച്യുതൻ നമ്പൂതിരിക്ക്
ന്യൂഡൽഹി: അക്കിത്തം അച്യുതൻ നമ്പൂതിരിക്ക് ജ്ഞാനപീഠ പുരസ്കാരം. മലയാളത്തിന് ലഭിക്കുന്ന ആറാമത്തെ ജ്ഞാനപീഠ പുരസ്കാരമാണിത്. കവി ജി ശങ്കരക്കുറുപ്പാണ് മലയാളത്തിലേക്ക് ആദ്യമായി ജ്ഞാനപീഠ പുരസ്കാരം കൊണ്ടുവരുന്നത്. തകഴി, എസ്കെ പൊറ്റക്കാട്, എംടിവാസുദേവൻനായർ, ഒഎൻവി കുറുപ്പ് എന്നിവരാണ് ഇതിനു മുമ്പ് ജ്ഞാനപീഠം നേടിയ മലയാളികളാണ്.ഏറ്റവും ഒടുവിൽ മലയാളത്തിൽ ജ്ഞാനപീഠം ലഭിച്ചത് ഒ.എൻ.വി കുറുപ്പിനായിരുന്നു. 2017ൽ അക്കിത്തത്തെ രാജ്യം പദ്മശ്രീ നൽകി ആദരിച്ചിട്ടുണ്ട്. ഇരുപതാം നൂറ്റാണ്ടിന്റെ ഇതിഹാസമാണ് അദ്ദേഹത്തിന്റെ പ്രധാന കൃതി. കേന്ദ്ര-സംസ്ഥാന സാഹിത്യ അക്കാദമി അവാർഡുകൾ, എഴുത്തച്ഛൻ പുരസ്കാരം എന്നിവയും അക്കിത്തം അച്യുതൻ നമ്പൂതിരിക്ക് ലഭിച്ചിട്ടുണ്ട്.
Read More » - Top Stories
ദൃശ്യങ്ങൾ ദിലീപിന് കാണാം കൈമാറാനാകില്ല, സുപ്രീം കോടതി
ന്യൂഡൽഹി: നടി ആക്രമിക്കപ്പെട്ട കേസിൽ ദൃശ്യങ്ങളടങ്ങുന്ന മെമ്മറി കാർഡിന്റെ പകർപ്പ് കൈമാറണമെന്ന ദിലീപിന്റെ ആവശ്യം സുപ്രീംകോടതി തള്ളി.അതേ സമയം ദൃശ്യങ്ങൾ ദിലീപിന് പരിശോധിക്കാമെന്നും കോടതി അറിയിച്ചു. ദൃശ്യങ്ങളുടെ പകർപ്പാവശ്യപ്പെട്ട് ദിലിപ് നൽകിയ ഹർജിയിലാണ് കോടതിയുടെ ഉത്തരവ്. ജസ്റ്റിസ് എ.എം. ഖാൻവിൽക്കർ അധ്യക്ഷനായ ബെഞ്ചിന്റേതാണ് വിധി. മെമ്മറി കാർഡ് നൽകുന്നത് ഇരയുടെ സ്വകാര്യത ഹനിക്കലാണെന്ന് നടിയും സംസ്ഥാനസർക്കാരും വാദിച്ചപ്പോൾ, അത് രേഖയാണെങ്കിൽ പകർപ്പുലഭിക്കേണ്ടത് തന്റെ അവകാശമാണെന്ന് ദിലീപും വാദിച്ചിരുന്നു. നടിയുടെ സ്വകാര്യത പരിഗണിച്ചുകൊണ്ടാണ് ദൃശ്യങ്ങൾ രേഖകളാണെങ്കിലും കൈമാറേണ്ടതില്ലെന്ന നിലപാട് കോടതി സ്വീകരിച്ചത്. മെമ്മറി കാർഡിലെ ദൃശ്യങ്ങൾ രഹസ്യമായി തന്നെ സൂക്ഷിക്കണമെന്ന് നിർദേശിച്ച കോടതി ദൃശ്യങ്ങൾ ദിലീപിനോ അദ്ദേഹത്തിന്റെ അഭിഭാഷകനോ കാണാമെന്നും ഉത്തരവിട്ടു.
Read More » - Top Stories
സിദ്ധാരാമയ്യക്കും കുമാരസ്വാമിക്കുമെതിരെ രാജ്യദ്രോഹ കുറ്റം ചുമത്തി
ബെംഗളൂരു: കർണാടക മുൻ മുഖ്യമന്ത്രിമാരായ സിദ്ധരാമയ്യക്കും എച്ച്.ഡി.കുമാരസ്വാമിക്കുമെതിരെ ബെംഗളൂരു പോലീസ് രാജ്യദ്രോഹ കുറ്റം ചുമത്തി കേസെടുത്തു. ലോക്സഭാ തിരഞ്ഞെടുപ്പ് വേളയിൽ ആദായ നികുതി വകുപ്പ് നടത്തിയ റെയ്ഡിനെതിരെ സംഘടിപ്പിച്ച പ്രതിഷേധവുമായി ബന്ധപ്പെട്ടാണ് കേസ്.കോടതി നിർദേശ പ്രകാരമാണ് എഫ്.ഐ.ആർ രജിസ്റ്റർ ചെയ്തത്. എ.മല്ലികാർജുൻ എന്നയാളുടെ പരാതിയിലാണ് ബംഗളുരു പോലീസ് കേസെടുത്തത്.ബംഗളുരു സി.സി.എച്ച് കോടതിയുടെ നിർദേശത്തെ തുടർന്ന് കൊമേഴ്സ്യൽ സ്ട്രീറ്റ് പോലീസാണ് കേസ് രജിസ്റ്റർ ചെയ്തിരിക്കുന്നത്. അപകീർത്തിപ്പെടുത്തൽ,രാജ്യദ്രോഹം, ക്രിമിനൽ ഗൂഢാലോചന, രാജ്യത്തിനെതിരെ യുദ്ധത്തിന് ശ്രമിച്ചു തുടങ്ങിയ കുറ്റങ്ങളാണ് ഇരുവർക്കുമെതിരെ ചുമത്തിയത്. മുൻ ഉപമുഖ്യമന്ത്രി ജി.പരമേശ്വര, പിസിസി അധ്യക്ഷൻ ദിനേശ് ഗുണ്ടുറാവു, മുൻ മന്ത്രി ഡി.കെ ശിവകുമാർ തുടങ്ങി 23 രാഷ്ട്രീയ പാർട്ടി നേതാക്കൾക്കും മുൻ ബെംഗളൂരു പോലീസ് കമ്മീഷണർ ടി.സുനീൽകുമാറടക്കം ഒമ്പത് പോലീസ് ഉദ്യോഗസ്ഥർക്കുമെതിരെ ഇതേ പരാതിയിൽ കേസെടുത്തിട്ടുണ്ട്.
Read More » - Top Stories
തിരഞ്ഞെടുപ്പ് സത്യവാഗ്മൂലത്തിൽ ക്രിമിനൽ കേസ് മറച്ചുവച്ചു, ഫഡ്നാവിസിന് കോടതിയുടെ സമൻസ്
നാഗ്പൂർ: മഹാരാഷ്ട്ര മുൻ മുഖ്യമന്ത്രി ദേവേന്ദ്ര ഫഡ്നാവിസിന് സമൻസ്. തിരഞ്ഞെടുപ്പ് സത്യവാങ്മൂലത്തിൽക്രിമിനൽ കേസിൽ പ്രതിയായിരുന്നുവെന്ന കാര്യം മറച്ചുവച്ചതിനാണ് കോടതി സമൻസ് അയച്ചത്. അപ്രതീക്ഷിതമായി സത്യപ്രതിജ്ഞ ചെയ്യുകയും, മണിക്കൂറിനുള്ളിൽ രാജിവച്ച് ഒഴിയേണ്ടി വരുകയും ചെയ്തതിന് പിന്നാലെയാണ് ഫഡ്നാവിസിന് കുരുക്കായി കോടതിയുടെ സമൻസ് എത്തിയത്.കോടതിയുടെ സമൻസ് നാഗ്പൂർ പോലീസ് ഫഡ്നാവിസിന്റെ വസതിയിലെത്തി കൈമാറി. ശിവസേന, എൻസിപി, കോൺഗ്രസ്‌ സർക്കാർ അധികാരമേറ്റ അതേ ദിവസം തന്നെയായിരുന്നു ഫഡ്നാവിസിന് സമൻസും എത്തിയത്. ക്രിമിനൽ കേസുള്ള കാര്യം മറച്ചുവച്ചതിന് ഫഡ്നാവിസിനെതിരെ ക്രിമിനൽ നടപടിക്ക് അനുമതി തേടി കോടതിയെ സമീപിച്ചത് സതീഷ് എന്ന അഭിഭാഷകൻ ആയിരുന്നു . കീഴ്ക്കോടതിയും ഹൈക്കോടതിയും അഭിഭാഷകന്റെ ഹർജി തള്ളി.എന്നാൽ സുപ്രീംകോടതി മജിസ്ട്രേറ്റ് കോടതിയോട് അപേക്ഷയിൽ തീരുമാനമെടുക്കാൻ നിർദേശിക്കുകയായിരുന്നു. ഇതിനെ തുടർന്നാണ് നവംബർ നാലിന് മജിസ്ട്രേറ്റ് കോടതി നോട്ടീസ് അയക്കാൻ ഉത്തരവിട്ടത്.
Read More » - Spiritual
വ്യാഴ മാറ്റത്തെ ഭയക്കേണ്ടതില്ല, ഒരു രൂപാ പോലും ചിലവില്ലാതെ വ്യാഴ ദോഷങ്ങൾക്ക് പരിഹാരം കാണാം.
വ്യാഴം 12 വർഷങ്ങൾക്കു ശേഷം സ്വന്തം രാശിയായ ധനുരാശിയിലേക്ക് പ്രവേശിച്ചിരിക്കുന്നു. തന്മൂലം ഇടവം, കർക്കിടകം, കന്നി, തുലാം, ധനു, മകരം, മീനം തുടങ്ങിയ രാശികളിൽ പെട്ട നക്ഷത്രങ്ങൾക്ക് ദോഷ കാലമാണെന്നുള്ള വ്യാപകമായ പ്രചാരണത്തിൽ മനസ്സമാധാനം നഷ്ടപ്പെട്ട ധാരാളം ആളുകൾ, ജോതിഷാലങ്ങളിലും, പരിഹാരക്രിയകളിലും ധാരാളം സമയവും പണവും ചിലവഴിക്കുന്നുണ്ട്. സത്യത്തിൽ ഈ വ്യാഴമാറ്റത്തെ പരിഭ്രാന്തിയോടെ കൂടിക്കണ്ട് പണം ചെലവഴിക്കേണ്ട കാര്യമൊന്നുമില്ലെന്ന് വ്യക്തമാക്കുകയാണ് ജ്യോതിഷ പണ്ഡിതൻ ഡോക്ടർ ഗോപാലകൃഷ്ണ ശർമ.
Read More »
