Month: November 2019
- Cinema
ശ്രീകുമാർ മേനോന്റെ വീട്ടിൽ പോലീസ് റെയ്ഡ്
പാലക്കാട് : മഞ്ജുവാര്യരുടെ പരാതിയിൽ സംവിധായകൻ ശ്രീകുമാർ മേനോന്റെ വീട്ടിലും ഓഫീസിലും പൊലീസ് റെയ്ഡ് നടത്തി. ശ്രീകുമാർ മേനോന്റെ പാലക്കാട്ടെ വീട്ടിലും ഓഫീസിലുമാണ് റെയ്ഡ് നടത്തിയത്. അന്വേഷണ ഉദ്യോഗസ്ഥനായ ക്രൈംബ്രാഞ്ച് ഡിവൈ.എസ്.പി ശ്രീനിവാസന്റെ നേതൃത്വത്തിലാണ് റെയ്ഡ് നടന്നത്. ശ്രീകുമാർ മേനോനെതിരായ പരാതിയിൽ നടി മഞ്ജുവാര്യരുടെ രഹസ്യമൊഴി അന്വേഷണസംഘം നേരത്തെ ചാവക്കാട് മജിസ്ട്രേട്ട് കോടതിയിൽ രേഖപ്പെടുത്തിയിരുന്നു. ശ്രീകുമാർ മേനോനിൽ നിന്ന് വധഭീഷണിയുണ്ടെന്നും ഔദ്യോഗികാവശ്യങ്ങൾക്കായി നൽകിയ ലെറ്റർ ഹെഡും മറ്റു രേഖകളും ദുരുപയോഗം ചെയ്യപ്പെട്ടേക്കാമെന്ന് ഭയപ്പെടുന്നു എന്നുമായിരുന്നു മഞ്ജുവിന്റെ പരാതി. മോഹൻലാലിനെ നായകനാക്കി ശ്രീകുമാര്‍ മേനോന്‍ സംവിധാനം ചെയ്ത ഒടിയൻ എന്ന ചിത്രത്തിന് ശേഷം തനിക്ക് നേരെ സോഷ്യൽമീഡിയയിൽ നടക്കുന്ന ആക്രമണത്തിന് പിന്നിൽ ശ്രീകുമാർ മേനോനും ഇയാളുടെ ഒരു സുഹൃത്തുമാണെന്ന് പരാതിയിൽ മഞ്ജു ആരോപിച്ചിരുന്നു.
Read More » - Top Stories
ബൈക്ക് യാത്രക്കാരനെ എറിഞ്ഞുവീഴ്ത്തിയ പോലീസ് നടപടി ‘അപരിഷ്‌കൃത’മെന്ന് രമേശ്‌ ചെന്നിത്തല
കൊല്ലം : കടക്കലിൽ വാഹന പരിശോധനക്കിടെ അമിത വേഗതയിൽ വന്ന ബൈക്ക് ചൂരൽ വച്ചു എറിഞ്ഞുവീഴ്ത്തിയ പോലീസ് നടപടിയെ ‘അപരിഷ്‌കൃതം’ എന്ന് പ്രതിപക്ഷ നേതാവ് രമേശ്‌ ചെന്നിത്തല അപലപിച്ചു. പൊലീസിന്റെ മേൽ സർക്കാരിന് യാതൊരു നിയന്ത്രണവുമില്ലാ തായതിന്റെ തെളിവാണിതെന്നും അദ്ദേഹം പ്രതികരിച്ചു. ഇന്ന് ഉച്ചക്ക് രണ്ടുമണിയോടെയാണ് കൊല്ലം കടക്കലിൽ വാഹനപരിശോധനക്കിടെ പോലീസിന്റെ അതിക്രമം. 19 കാരനായ സിദ്ദിഖ് എന്ന യുവാവ് ബൈക്കിൽ വന്നപ്പോൾ, പോലീസ് റോഡിലേക്ക് ചാടിയിറങ്ങി കാളികാണിക്കുകയും വണ്ടി പിടിക്കാൻ നിന്ന പോലീസ് കൈകാണിച്ചിട്ട് നിർത്താത്തതിനാൽ ചൂരൽ കൊണ്ട് എറിഞ്ഞു വീഴ്ത്തുകയായിരുന്നു. തുടർന്ന് എതിരെ വരികയായിരുന്ന ഇന്നോവ കാറിൽ നിയന്ത്രണം വിട്ട ബൈക്ക് ഇടിച്ചു അപകടമുണ്ടായി. അപകടത്തിൽ തലയ്ക്കു ഗുരുതരമായി പരിക്കേറ്റ യുവാവിനെ മെഡിക്കൽ കോളേജിൽ അഡ്മിറ്റ്‌ ചെയ്യ്തു. വാഹന പരിശോധനയിൽ പാലിക്കേണ്ട നടപടിക്രമങ്ങളെ കുറിച്ച് ഹൈക്കോടതിയുടെ കർശന നിദ്ദേശം നിലനിൽക്കെയാണ് വീണ്ടും പോലീസിന്റെ നര നായാട്ട്. പതുങ്ങിനിന്നും, ഹെൽമറ്റ് ധരിക്കാത്ത ഇരുചക്രവാഹന യാത്രക്കാരെ പിന്നാലെ പാഞ്ഞു പിടിക്കരുതെന്നും കഴിഞ്ഞ ആഴ്ചയാണ് ഹൈക്കോടതി കർശന നിർദ്ദേശം നൽകിയത്. ഇത്തരം അതിസാഹസികത കാരണം നിരവധി പേർ മരിച്ചിട്ടുണ്ടെന്നും, ഇതിനു പരിഹാരം കാണേണ്ട സമയം അതിക്രമിച്ചെന്നും ഹൈക്കോടതി സിംഗിൾ ബെഞ്ച് പറഞ്ഞിരുന്നു.
Read More » - Top Stories
19 കാരനെ എറിഞ്ഞുവീഴ്ത്തി പോലീസ്, യുവാവ് മെഡിക്കൽ കോളേജിൽ
Representative image കടയ്ക്കല്‍: കൊല്ലം കടയ്ക്കലിൽ ബൈക്കുകാരുനേരെ പൊലീസിന്റെ അതിക്രമം. വാഹന പരിശോധനയ്ക്കിടെ ബൈക്ക് യാത്രികാരനായ പത്തുമ്പതുകാരനെ പൊലീസ് ലാത്തികൊണ്ട് എറിഞ്ഞു വീഴ്ത്തി. തലയ്ക്ക് ഗുരുതരമായി പരിക്കേറ്റ യുവാവിനെ തിരുവനന്തപുരം മെഡിക്കൽ കേളേജിൽ പ്രവേശിപ്പിച്ചിരിക്കുകയാണ്. ലാത്തിയെറിഞ്ഞതിനെ തുടർന്ന് നിയന്ത്രണം വിട്ട ബൈക്ക് ഇന്നോവ കാറിൽ ഇടിച്ച് മറിയുകയായിരുന്നു. സംഭവത്തിനു ഉത്തരവാദിയായ സിപിഒ ചന്ദ്രമോഹനെ സസ്പെൻഡ് ചെയ്തു. വാഹന പരിശോധനയിൽ പാലിക്കേണ്ട നടപടിക്രമങ്ങളെ കുറിച്ച് ഹൈക്കോടതിയുടെ കർശന നിദ്ദേശം നിലനിൽക്കെയാണ് വീണ്ടും പോലീസിന്റെ നര നായാട്ട്. പതുങ്ങിനിന്നും, ഹെൽമറ്റ് ധരിക്കാത്ത ഇരുചക്രവാഹന യാത്രക്കാരെ പിന്നാലെ പാഞ്ഞു പിടിക്കരുതെന്നും കഴിഞ്ഞ ആഴ്ചയാണ് ഹൈക്കോടതി കർശന നിർദ്ദേശം നൽകിയത്. ഇത്തരം അതിസാഹസികത കാരണം നിരവധി പേർ മരിച്ചിട്ടുണ്ടെന്നും, ഇതിനു പരിഹാരം കാണേണ്ട സമയം അതിക്രമിച്ചെന്നും ഹൈക്കോടതി സിംഗിൾ ബെഞ്ച് പറഞ്ഞിരുന്നു. സംഭവത്തെ തുടർന്ന് നാട്ടുകാരുടെ ഭാഗത്തു നിന്നും വലിയ പ്രതിഷേധം ഉയർന്നു. പ്രതിഷേധക്കാർ റോഡ് ഉപരോധിച്ചതിനെ തുടർന്ന് എസ് പി എത്തി രംഗം ശാന്തമാക്കാൻ ശ്രമിക്കുന്നു.
Read More » - News
സ്കൂൾ വളപ്പിൽ ടൂറിസ്റ്റു ബസിന്റെ അഭ്യാസപ്രകടനം, ഡ്രൈവറെ അറസ്റ്റ് ചെയ്യ്തു
കൊല്ലം :കൊട്ടാരക്കര വിദ്യാധിരാജ ഹയർ സെക്കണ്ടറി സ്കൂളിൽ കഴിഞ്ഞ 24 ന് ടൂർ പോകുന്നതിനു മുന്നോടിയായി അപകടമായ രീതിയിൽ അഭ്യാസപ്രകടനം നടത്തിയ ടൂറിസ്റ്റു ബസിന്റെ ഡ്രൈവറെ അറസ്റ്റ് ചെയ്യ്തു. ടൂറിസ്റ്റു ബസും പോലീസ് കസ്റ്റഡിയിൽ എടുത്തു. താഴത്ത് കുളക്കട സ്വദേശി രഞ്ജു ആണ് അറസ്റ്റിൽ ആയത്. ആകടപരമായ രീതിയിൽ വാഹനം ഓടിച്ചതിന് രഞ്ജുവിന്റെ പേരിൽ കേസ് ചാർജ് ചെയ്തന്നും തുടർ നടപടികൾ ആലോചിച്ചു തീരുമാനിക്കുമെന്നും പുത്തൂർ പോലീസ് അറിയിച്ചു.
Read More » - Top Stories
പാലാരിവട്ടം പാലത്തിന്റെ കരാറുകാരായ ആർഡിഎസ് കമ്പനിയെ കരിമ്പട്ടികയിൽപ്പെടുത്തി സർക്കാർ
കൊച്ചി: പാലാരിവട്ടം പാലത്തിന്റെ കരാറുകാരായ ആർഡിഎസ് കമ്പനിയെ സർക്കാർ കരിമ്പട്ടികയിൽ ഉൾപ്പെടുത്തുന്നതിന്റെ നടപടികൾ തുടങ്ങിയതായി സർക്കാർ ഹൈക്കോടതിയെ അറിയിച്ചു. കമ്പനിക്ക് സംസ്ഥാനത്തെ യാതൊരു നിർമാണ പ്രവൃത്തികളും നൽകേണ്ടതില്ലെന്നാണ് സർക്കാർ തീരുമാനിച്ചിരിക്കുന്നത്. പുനലൂർ- പൊൻകുന്നം റോഡ് നിർമാണത്തിന് ആർഡിഎസ്, ചെറിയാൻ വർക്കി കൺസ്ട്രക്ഷൻസ് എന്നീ കമ്പനികൾ ചേർന്നുള്ള കൺസോർഷ്യത്തിനാണ് കരാർ നൽകിയിരുന്നത്. ഈ കരാറിൽ നിന്ന് ഇവരെ സർക്കാർ ഒഴിവാക്കി. അതിനെതിരെ ആർഡിഎസ് ഹൈക്കോടതിയെ സമീപിച്ചതിനെ തുടർന്നാണ് സംസ്ഥാന സർക്കാർ നിലപാട് വ്യക്തമാക്കിയത്. പാലാരിവട്ടം പാലം അഴിമതിയുമായി ബന്ധപ്പെട്ട് ആർഡിഎസ് കമ്പനിക്കെതിരെ നിലവിൽ അഴിമതി നിരോധന നിയമ പ്രകാരം കേസ് രജിസ്റ്റർ ചെയ്തിട്ടുണ്ട്. ജനങ്ങളുടെ ജീവനും സ്വത്തിനും ഭീഷണിയുണ്ടാകുന്ന തരത്തിലുള്ള നിർമാണ പ്രവർത്തനങ്ങളാണ് കമ്പനി നടത്തിയിരിക്കുന്നതെന്ന് സർക്കാർ കോടതിയെ അറിയിച്ചു. അതുകൊണ്ട് ആർഡിഎസിനോ അവർ ഉൾപ്പെടുന്ന കൺസോർഷ്യത്തിനോ മേലിൽ യാതൊരു നിർമാണ പ്രവൃത്തികളും നൽകില്ലെന്നും സർക്കാർ കോടതിയിൽ വ്യക്തമാക്കി. മതിയായ കാരണങ്ങളുണ്ടെങ്കിൽ കരാറുകാരെ ഒഴിവാക്കുമെന്ന് ടെൻഡർ വ്യവസ്ഥയിൽ പറയുന്നുണ്ട്. അതനുസരിച്ചാണ് നടപടിയെന്നും സർക്കാർ പറഞ്ഞു.
Read More » - Top Stories
ഓൺലൈൻ വാർത്താ മാധ്യമങ്ങളെ നിയന്ത്രിക്കാൻ നിയമഭേദഗതിയുമായി കേന്ദ്രസർക്കാർ
ന്യൂഡൽഹി: രാജ്യത്തെ ഓൺലൈൻ മാധ്യമങ്ങള്ള നിയന്ത്രിക്കാനുള്ള നിയമഭേദഗതിയുമായി കേന്ദ്ര സർക്കാർ. ഇതിനായുള്ള രജിസ്ട്രേഷൻ ഓഫ് പ്രസ് ആന്റ് പീരിയോഡിക്കൽ( ആർപിപി) ബിൽ 2019ന്റെ കരടിന് രൂപമായി. ഇത് ബന്ധപ്പെട്ട മന്ത്രാലയങ്ങൾക്കും സംസ്ഥാന സർക്കാരുകൾക്കും കേന്ദ്ര സർക്കാർ അയച്ചുകൊടുക്കുകയും ചെയ്തു. ഓൺലൈൻ മാധ്യമങ്ങൾക്ക് കർശനമായ നിയന്ത്രണങ്ങൾ ഏർപ്പെടുത്താനും മാധ്യമങ്ങളുടെ ഉടമകളെ ഗുരുതര വകുപ്പുകൾ ചുമത്തി പ്രോസിക്യൂട്ട് ചെയ്യാനുള്ള നിർദ്ദേശങ്ങളും ആർപിപി നിയമത്തിൽ ഉൾപ്പെടുത്തിയിട്ടുണ്ട്. നിലവിലുള്ള 1867ലെ പ്രസ് ആന്റ് രജിസ്ട്രേഷൻ ഓഫ് ബുക്സ് (പിആർബി) ചട്ടങ്ങൾക്ക് പകരമായാണ് പുതിയ നിയമം കൊണ്ടുവരുന്നത്. വർത്തമാന പത്രങ്ങൾ രജിസ്റ്റർ ചെയ്യുന്ന അതേ മാതൃകയിൽ ഡിജിറ്റൽ മാധ്യമങ്ങളും രജിസ്റ്റർ ചെയ്യണമെന്ന് നിയമത്തിന്റെ 18ാം വകുപ്പിൽ വ്യവസ്ഥ ചെയ്യുന്നു. ആയിരക്കണക്കിന് വാർത്താ വെബ്സൈറ്റുകൾ, ബ്ലോഗുകൾ എന്നിവ രാജ്യത്ത് പ്രവർത്തിക്കുന്നുണ്ട്. മൗലികാവകാശങ്ങൾ, രാജ്യസുരക്ഷ എന്നിവയെ ഹനിക്കുന്ന വിധത്തിലുള്ള വാർത്തകൾ നൽകരുതെന്നാണ് നിലവിലുള്ള പിആർബി ചട്ടം. പുതിയ നിയമം വരുന്നതോടെ ഡിജിറ്റൽ മാധ്യമങ്ങൾക്കെതിരെ ശിക്ഷാ നടപടികൾ സ്വീകരിക്കാൻ കഴിയും. ഡിജിറ്റൽ മാധ്യമങ്ങൾക്കുള്ള വിദേശ നിക്ഷേപ പരിധി 26 ശതമാനമായി ഓഗസ്റ്റിൽ നിജപ്പെടുത്തിയിരുന്നു. ഇന്ത്യൻ പൗരനായിരിക്കണം എഡിറ്റർ എന്ന വ്യവസ്ഥയും നിർദ്ദിഷ്ട ബില്ലിൽ ഉൾപ്പെടുത്തിയിട്ടുണ്ട്. ഇക്കാര്യം നിലവിലുള്ള പിആർബി ചട്ടങ്ങളിലില്ല. രജിസ്ട്രേഷൻ നൽകുന്നതിനുള്ള അധികാരം കേന്ദ്ര സർക്കാരിന്റെ നിയന്ത്രണത്തിലുള്ള പ്രസ് രജിസ്ട്രാർ ജനറലിന് മാത്രമായിരിക്കും. വർത്തമാന പത്രങ്ങൾക്കും ഡിജിറ്റൽ മാധ്യമങ്ങൾക്കും പരസ്യങ്ങൾ നൽകുന്നതുമായി ബന്ധപ്പെട്ട ചട്ടങ്ങൾ രൂപീകരിക്കാനും സംസ്ഥാന സർക്കാരുകളോട് നിർദ്ദേശിക്കുന്നു.
Read More » - Top Stories
റിയാലിറ്റിഷോ താരത്തെ പീഢിപ്പിക്കാൻ ശ്രമിച്ച കാസറഗോഡ് സ്വദേശി അറസ്റ്റിൽ
കോട്ടയ്ക്കൽ: കല്ലട ബസിൽ യുവതിക്ക് നേരെ പീഡനശ്രമം. തിരുവനന്തപുരത്ത് നിന്ന് കാസർകോട്ടേക്ക് പോകുകയായിരുന്ന ബസിൽ ഇന്ന് പുലർച്ചെ മൂന്ന് മണിയോടെ മലപ്പുറം കോട്ടക്കലിൽ വച്ചായിരുന്നു സംഭവം.കാസർകോട് നടക്കുന്ന സംസ്ഥാന സ്കൂൾ കലോത്സവത്തിന് പോയ കൊല്ലം സ്വദേശിനിയായ യുവതിയ്ക്ക് നേരെയാണ് പീഡനശ്രമം ഉണ്ടായത്. പീഢന ശ്രമം നടത്തിയ കാസർകോട് കുടലു സ്വദേശി മുനവറിനെ(23) പൊലീസ് പിടികൂടി. പുലർച്ചെ മൂന്നു മണിയോടെയാണ് ഉറങ്ങുകയായിരുന്ന യുവതിയെ പീഡിപ്പിക്കാൻ ശ്രമിച്ചത്. ബസിന്റെ താഴത്തെ ബർത്തിലായിരുന്നു യുവതി കിടന്നിരുന്നത്. നേരെ എതിർവശത്തുള്ള ബർത്തിൽ കിടന്നിരുന്ന മുനവർ കൈനീട്ടി യുവതിയുടെ ശരീരത്തിൽ കടന്നുപിടിക്കുകയായിരുന്നു. തുടർന്ന് യുവതി ബഹളം വച്ചതോടെ സഹയാത്രകർ ഉണർന്നു.പിന്നീട് യുവതിയുടെ നിർദേശ പ്രകാരം ബസ് കോട്ടയ്ക്കൽ പോലീസ് സ്റ്റേഷനിലേക്ക് പോകുകയായിരുന്നു. ബസ് പൊലീസ് കസ്റ്റഡിയിലെടുത്തു.
Read More » - News
വടകരയിൽ പെട്രോൾ ടാങ്കർ മറിഞ്ഞു
വടകര: വടകര കണ്ണൂർ-കോഴിക്കോട് ദേശീയ പാതയിൽ പെട്രോൾ ടാങ്കർ മറിഞ്ഞു. ടാങ്കറിൽ നിന്ന് പെട്രോൾ ചോർച്ച ഉണ്ടായിട്ടുണ്ട് . വടകര ആശ ആശുപത്രിക്ക് സമീപം ഇന്ന് രാവിലെ 5.45 ഓടെയാണ് അപകടമുണ്ടായത്. അഞ്ചോളം അഗ്നിശമന സേനാ യൂണിറ്റുകളുടെ ശ്രമഫലമായി ഒരു പരിധിവരെ ചോർച്ച തടയാൻ സാധിച്ചിട്ടുണ്ട്. സ്ഥിതി നിയന്ത്രണ വിധേയമാണെന്നും അൽപസമയത്തിനകം തന്നെ ചോർച്ച പൂർണ്ണമായും ഇല്ലാതാക്കാനാകുമെന്നും അധികൃതർ അറിയിച്ചു. റോഡിൽ പെട്രോൾ പരന്നതോടെ ഇത് വഴിയുള്ള ഗതാഗതം നിർത്തിവെച്ച് വാഹനങ്ങൾ വഴി തിരിച്ച് വിടുകയാണ്.
Read More » - News
പന്ത്രണ്ടു വിളക്ക് , ഓച്ചിറയിൽ ഇന്ന് ഗതാഗത നിയന്ത്രണം
ഓച്ചിറ :ഓച്ചിറ പന്ത്രണ്ട് വിളക്ക് പ്രമാണിച്ച് ഇന്ന് ഓച്ചിറയിൽ പൊലീസ് ഗതാഗത ക്രമീകരണം ഏർപ്പെടുത്തി.
Read More » - News
ഷെഹ്‌ല സംഭവം, കൂട്ട സ്ഥലം മാറ്റ ആവശ്യവുമായി അധ്യാപകർ
ബത്തേരി : സ്ഥലംമാറ്റം ആവശ്യപ്പെട്ട് സർവജന സ്കൂളിലെ മുഴുവൻ അധ്യാപകരും പൊതു വിദ്യാഭ്യാസ ഡെപ്യൂട്ടി ഡയറക്ടർക്ക് കത്ത് നൽകി. ഷെഹ്‌ല ഷെറിൻ പാമ്പുകടിയേറ്റു മരിച്ച കേസിൽ അധ്യാപകർക്കെതിരെ ജനവികാരം ഉയരുന്നതിന്റെ പശ്ചാത്തലത്തിലാണ് അധ്യാപകരെല്ലാവരും സ്ഥലം മാറ്റത്തിന് അപേക്ഷിച്ചിരിക്കുന്നത്. സ്കൂളിൽ തുടർന്ന് പഠിപ്പിക്കാൻ മാനസികമായി ബുദ്ദിമുട്ടുണ്ടാകുന്നു എന്ന് ചൂണ്ടിക്കാട്ടിയാണ് അധ്യാപകർ കൂട്ട സ്ഥലം മാറ്റത്തിന് അപേക്ഷിച്ചിരിക്കുന്നത്. യു പി, ഹൈസ്കൂൾ വിഭാഗങ്ങളിലായി 26അധ്യാപകരും ഹയർസെക്കന്ററിയിൽ 10 അധ്യാപകരുമാണ് സർവജന സ്കൂളിൽ ഉള്ളത്. സസ്‌പെൻഷനിൽ ഉള്ള മൂന്ന് അധ്യാപകർ ഒഴിച്ച് ബാക്കി എല്ലാവരും കത്തിൽ ഒപ്പിട്ടിട്ടുണ്ട്.
Read More »
