Month: November 2019
- News
ഷെഹ്‌ല, വിദ്യാർഥികൾ സർവജനസ്കൂൾ ഉപരോധിക്കുന്നു
ബത്തേരി : ഷെഹ്‌ല ഷെറിൻ പാമ്പുകടിയേറ്റ് മരിച്ച സംഭവത്തിൽ സർവജന സ്കൂളിൽ കുട്ടികളുടെ പ്രതിഷേധം. പിടിഎ പ്രതിനിധികളും അധ്യാപകരും ചേർന്ന് കേസ് അട്ടിമറിക്കുന്നു എന്നാരോപിച്ച് വിദ്യാർഥികൾ സ്കൂൾ ഉപരോധിക്കുന്നു. സസ്‌പെൻഡ് ചെയ്യപ്പെട്ട അധ്യാപകരെ പിരിച്ചു വിടണം. കേസിൽപ്പെട്ട താലൂക് ഹോസ്പിറ്റലിലെ ഡോക്ടർ ജിസ,പ്രധാനാധ്യാപകൻ മോഹൻകുമാർ, പ്രിൻസിപ്പൽ കരുണാകരൻ, അധ്യാപകൻ ഷിജിൽ എന്നിവരെ ഉടൻ അറസ്റ്റ് ചെയ്യണം എന്നിവ ആവശ്യപ്പെട്ടാണ് വിദ്യാർത്ഥികളുടെ സ്കൂൾ ഉപരോധം. ഷെഹ്‌ല സംഭവത്തിൽ മാധ്യമങ്ങളോട് കാര്യങ്ങൾ തുറന്നുപറഞ്ഞ കുട്ടികളെ ചില അധ്യാപകരും പി ടി എ പ്രതിനിധികളും ഭീഷണിപ്പെടുത്തുന്നു എന്ന് പരാതിയുണ്ട്. കുട്ടികളെ ഭീഷണിപ്പെടുത്തുന്നവർക്കെതിരെ cwc അന്വേഷണം നടത്തണമെന്നും, ഇവർക്കെതിരെ പോക്‌സോ നിയമപ്രകാരം കേസെടുക്കണമെന്നും പ്രതിപക്ഷനേതാവ് രമേശ്‌ ചെന്നിത്തല പ്രതികരിച്ചിരുന്നു.
Read More » - News
അങ്കമാലിയിൽ സ്വകാര്യ ബസ് ഓട്ടോയിലിടിച്ച് 4 മരണം
കൊച്ചി: അങ്കമാലിയിൽ സ്വകാര്യ ബസ്സും ഓട്ടോയും കൂട്ടിയിടിച്ചു നാല് മരണം, ഓട്ടോ ഡ്രൈവർ അങ്കമാലി സ്വദേശി ജോസഫ്, യാത്രക്കാരായ മെരിമത്തായി, റോസി തോമസ്, മേരി ജോർജ് എന്നിവരാണ് മരിച്ചത്. അങ്കമാലി ബാങ്ക് കവലയിൽ വച്ച് രാവിലെ 7:30ഓടെയാണ് അപകടമുണ്ടായത്. ഇടിയുടെ ആഘാതത്തിൽ തൽക്ഷണം മരണം സംഭവിക്കുകയായിരുന്നു. ബസിനടിയിൽ പെട്ട ഓട്ടോ വെട്ടിപ്പൊളിച്ചാണ് ആളുകളെ പോലീസും, അഗ്‌നിരക്ഷസേനയും, നാട്ടുകാരും പുറത്തെടുത്തത്. ഫോക്കസ് റോഡിൽനിന്ന് ദേശീയപാതയിലേക്ക് കയറിവന്ന ഓട്ടോറിക്ഷയിൽ ബസ് സ്റ്റാൻഡിൽനിന്ന് വരികയായിരുന്ന ബസ് ഇടിക്കുകയായിരുന്നു.ബസ് യാത്രക്കാർക്കാർക്കും പരിക്കുകളില്ല. മൃതദേഹങ്ങൾ അങ്കമാലി ഗവൺമെന്‍റ് ആശുപത്രിയിലേക്ക് മാറ്റിയിരിക്കുകയാണ്.
Read More » - News
ഷെഹ്‌ല ഷെറിൻ പാമ്പ് കടിയേറ്റ് മരിച്ച സംഭവം, ഇന്ന് തെളിവെടുപ്പ് നടത്തും
ബത്തേരി: വിദ്യാര്‍ത്ഥിനി ക്ലാസ് മുറിയിൽ പാമ്പ് കടിയേറ്റ് മരിച്ച സംഭവത്തില്‍ അന്വേഷണ സംഘം ഇന്ന് തെളിവെടുപ്പ് നടത്തും. എഎസ്പി വൈഭവ് സക്‌സേനയുടെ നേതൃത്വത്തിലുള്ള പോലീസ് സംഘം ബത്തേരിയിലെ ഗവ.സര്‍വജന സ്‌കൂളിലെത്തിയാണ് തെളിവെടുപ്പ് നടത്തുക. അദ്ധ്യാപകരില്‍ നിന്നും വിദ്യാര്‍ത്ഥികളില്‍ നിന്നും മൊഴി എടുത്തേക്കുമെന്നാണ് സൂചന. അതേസമയം വിദ്യാര്‍ത്ഥിനിയുടെ മരണം സംബന്ധിച്ച കേസില്‍ പ്രതികളായ അധ്യാപകരും ഡോക്ടറും ഒളിവില്‍ തുടരുകയാണ്. കുട്ടിയെ ചികിത്സിച്ച താലൂക്ക് ആശുപത്രിയിലെ ഡോക്ടര്‍ ജിസ, പ്രധാനാധ്യാപകൻ മോഹന്‍കുമാര്‍, പ്രിന്‍സിപ്പല്‍ കരുണാകരന്‍, അധ്യാപകൻ ഷിജില്‍ എന്നിവരാണ് ഒളിവില്‍ തുടരുന്നത്. ഇവര്‍ക്കായുള്ള അന്വേഷണം പുരോഗമിക്കുകയാണ്.
Read More » - News
സൂര്യഗ്രഹണം, ശബരിമല നട അടച്ചിടും
ശബരിമല : സൂര്യഗ്രഹണം കണക്കിലെടുത്ത് ഡിസംബര്‍ 26ന് രാവിലെ 7.30 മുതല്‍ 11.30വരെ ക്ഷേത്രനട അടച്ചിടും. മാളികപ്പുറം, പമ്പ തുടങ്ങിയ ക്ഷേത്രങ്ങിലും ഇത് ബാധകമായിരിക്കും. ഗ്രഹണസമയത്ത് ക്ഷേത്രനട തുറന്നിരിക്കുന്നത് ഉചിതമല്ലെന്ന് ക്ഷേത്രം തന്ത്രി കണ്ഠരര് മഹേഷ് മോഹനര് അറിയിച്ചതിനെ തുടര്‍ന്നാണിത്. അന്നേദിവസം പുലര്‍ച്ചെ മൂന്ന് മണിക്ക് തുറക്കുന്ന ക്ഷേത്രനട അഭിഷേകത്തിനും നെയ്യഭിഷേകത്തിനും ശേഷം ഉഷപൂജ കഴിഞ്ഞ് 7.30ന് അടയ്ക്കും. പിന്നീട് ഗ്രഹണം കഴിഞ്ഞ് 11.30ന് നടതുറന്ന് പുണ്യാഹം കഴിഞ്ഞതിന് ശേഷം മാത്രമെ ഉച്ചപൂജയ്ക്കുള്ള നിവേദ്യം പാകം ചെയ്യുകയുള്ളു. ഇതനുസരിച്ച് പൂജാസമയങ്ങള്‍ ക്രമീകരിക്കുന്നതാണെന്ന് ശബരിമല എക്‌സിക്യൂട്ടീവ് ഓഫീസര്‍ അറിയിച്ചു.
Read More » - Top Stories
14 ഉപഗ്രഹങ്ങളെ ഭ്രമണപഥത്തിലെത്തിക്കാൻ ഐ എസ്ആർഒ
ബംഗളുരു : 14 ഉപഗ്രഹങ്ങളെ ഭ്രമണപഥത്തിലെത്തിക്കാനുള്ള ദൗത്യവുമായി ഐ എസ് ആർ ഒ. നവംബർ 27 രാവിലെ 9.28 ന് ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽ നിന്ന് 14 ഉപഗ്രഹങ്ങൾ ഭ്രമണ പദത്തിലേക്ക് കുതിച്ചുയരും. സതീഷ് ധവാൻ ബഹിരാകാശ കേന്ദ്രത്തിന്റെ രണ്ടാം ലോഞ്ച് പാഡിൽ നിന്ന് വിക്ഷേപിക്കുന്ന ഉപഗ്രഹങ്ങൾ ലിഫ്റ്റ് ഓഫിന് ശേഷമുള്ള 27 മിനിറ്റിനുള്ളിൽ ഉപഗ്രഹങ്ങൾ ഭ്രമണപഥത്തിൽ എത്തിക്കുകയാണ് ഇസ്രോയുടെ ലക്ഷ്യം. ഇന്ത്യയുടെ തേർഡ് ജനറേഷൻ ഉപഗ്രഹമായ കാർട്ടോസാറ്റ് -3 ക്ക്‌ പുറമെ 13നാനോ ഉപഗ്രഹങ്ങളും വിക്ഷേപിക്കും. 1625 കിലോഗ്രാം ഭാരമുള്ള ഉയർന്ന റെസൊല്യൂഷൻ ഇമേജിങ് ശേഷിയുള്ള ഉപഗ്രഹമാണ് ഇന്ത്യയുടെ കാർട്ടോസാറ്റ് -3.കാർട്ടോസാറ്റ് – 2വിനെക്കാൾ കൂടുതൽ വ്യക്തമായി സ്ഥലങ്ങളുടെ മാപ്പുകൾ തയ്യാറാക്കാനും ചിത്രങ്ങൾ എടുക്കാനും കാർട്ടോസാറ്റ് -3ക്ക്‌ കഴിയും. ഇസ്രോ യുടെ വാണിജ്യ വിഭാഗമായ ന്യൂ സ്പേസ് ഇന്ത്യ ലിമിറ്റഡ് ആണ് യു എസ് ഉപഗ്രഹങ്ങളുടെ വിക്ഷേപണത്തിന് നേതൃത്വം നൽകുക. യു എസ് നാനോ ഉപഗ്രഹങ്ങളിൽ 12എണ്ണം ഫ്ലോക് 4 പി വിഭാഗത്തിപ്പെട്ട ഭൗമ നിരീക്ഷണ ഉപഗ്രഹങ്ങളാണ്‌. ഒരെണ്ണം കമ്മ്യൂണിക്കേഷൻ ടെസ്റ്റ്‌ ബെഡ് ഉപഗ്രഹമായ മെഷ്ബെഡുമാണ്. ബഹിരാകാശത്ത്‌ 5 വർഷം കാലാവധിയുള്ള കാർട്ടോസാറ്റ് -3 റോക്കറ്റ് പറന്നുയർന്ന് ഏകദേശം 17മിനിറ്റ് കഴിഞ്ഞാൽ ഭ്രമണ പഥത്തിൽ വിന്യസിക്കുമെന്നാണ് റിപ്പോർട്. തൊട്ടുപിന്നാലെ യുഎസ് ന്റെ 13 ഉപഗ്രഹങ്ങളും ഭ്രമണപഥത്തിലെത്തും.
Read More » - News
ശബരിമലയിൽ ലഹരിവേട്ട
ശബരിമല : സന്നിധാനത്ത് എക്‌സൈസ് അധികൃതര്‍ നടത്തിയ റെയ്ഡില്‍ 37 കേസുകളിലായി 25 പായ്ക്കറ്റ് പുകയില ഉല്‍പ്പന്നങ്ങളും ബീഡി. സിഗരറ്റ് എന്നിവയും പിടികൂടി. പുകയില ഉല്‍പ്പന്നങ്ങള്‍ വിപണനം നടത്തുന്നവരില്‍ നിന്നും ഉപയോഗിച്ചവരില്‍ നിന്നുമായി 7400 രൂപ പിഴയീടാക്കി. പാണ്ടിത്താവളം, ഉരല്‍ക്കുഴി, ഭസ്മക്കുളം, നടപ്പന്തല്‍, മരക്കൂട്ടം, ശബരീപീഠം എന്നിവിടങ്ങളിലായിരുന്നു വ്യാപക റെയ്ഡ്. പിടിച്ചെടുത്ത ഉല്‍പ്പന്നങ്ങള്‍ ഡ്യൂട്ടി മജിസ്‌ട്രേറ്റ് മുന്‍പാകെ ഹാജരാക്കി നശിപ്പിച്ചു. മദ്യം-മയക്ക്മരുന്ന്, മറ്റ് ലഹരി പദാര്‍ത്ഥങ്ങള്‍ സംബന്ധിച്ച വിവരങ്ങള്‍ 04735-202203 എന്ന നമ്പറില്‍ അറിയിക്കണമെന്ന് എക്‌സൈസ് റേഞ്ച് സര്‍ക്കിള്‍ ഇന്‍സ്‌പെക്ടര്‍ ആര്‍. മനോജ് അറിയിച്ചു.
Read More » - Top Stories
ഇന്ത്യയിലെ ജനങ്ങൾക്ക് രാജ്യതാത്പര്യമാണ് മറ്റെല്ലാത്തിനേക്കാളും വലുതെന്ന് പ്രധാനമന്ത്രി
ന്യൂഡൽഹി: അയോധ്യ കേസിൽ സുപ്രീം കോടതി വിധി വന്നശേഷം രാജ്യത്തെ ജനങ്ങൾ പ്രകടിപ്പിച്ച സംയമനത്തെയും പക്വതയേയും പ്രശംസിച്ച് പ്രധാനമന്ത്രി നരേന്ദ്രമോദി. ഇന്ത്യയിലെ ജനങ്ങൾക്ക് രാജ്യതാത്പര്യമാണ് മറ്റെല്ലാത്തിനേക്കാളും വലുതെന്ന് വ്യക്തമാക്കുന്നതായിരുന്നു ജനങ്ങളുടെ പ്രതികരണമെന്ന് ‘മൻ കി ബാത്ത്’ റേഡിയോ പരിപാടിയുടെ 59-ാം പതിപ്പിൽ നരേന്ദ്ര മോദി പറഞ്ഞു. ചരിത്ര വിധിയാണ് സുപ്രീം കോടതി പുറപ്പെടുവിച്ചത്. ഇതോടെ പുതിയ പാതയിലൂടെ മുന്നേറാൻ രാജ്യത്തിന് കഴിയുമെന്ന് അദ്ദേഹം പറഞ്ഞു. സമാധാനത്തിന്റെയും ഐക്യത്തിന്റെയും പാതയിൽ രാജ്യത്തിന് മുന്നേറാൻ കഴിയുമെന്നാണ് കരുതുന്നത്.സമാധാനവും ഐക്യവും സൗമനസ്യവുമാണ് രാജ്യത്തിന് വലുതെന്ന് തെളിയിക്കപ്പെട്ടു. വിശാല മനസോടെയാണ് സുപ്രീം കോടതി വിധിയെ ജനങ്ങൾ സ്വാഗതം ചെയ്തത്. വർഷങ്ങൾ നീണ്ട നിയമയുദ്ധം അവസാനിച്ചതിനൊപ്പം തന്നെ രാജ്യത്തെ നീതിന്യായ വ്യവസ്ഥയോടുള്ള ബഹുമാനം രാജ്യത്ത് വർധിക്കുകയും ചെയ്തു. ഇന്ത്യയുടെ നീതിന്യായ വ്യവസ്ഥയിലെ സുപ്രധാന നാഴികക്കല്ലായിരുന്നു സുപ്രീം കോടതി വിധിയെന്നും അദ്ദേഹം പറഞ്ഞു.
Read More » - News
ഫ്‌ളൈഓവറിൽനിന്നും കാർ താഴേക്കു വീണു
ഹൈദരബാദ്: അമിതവേഗതയിൽ എത്തിയ കാർ താഴേക്ക് പതിച്ചു. ഹൈദരബാദില റായ് ദുർഗം ഫ്ലൈ ഓവറിൽ നിന്ന് നിയന്ത്രണം നഷ്ടപ്പെട്ട കാർ താഴേക്ക് പതിക്കുകയായിരുന്നു. ബയോഡൈവേഴ്സിറ്റി ജങ്ഷന് സമീപം ശനിയാഴ്ച ഉച്ചയോടെയായിരുന്നു സംഭവം.അപകടത്തില്‍ കാര്‍ ശരീരത്തിലേക്ക് വീണ് താഴെക്കൂടി നടന്നുപോവുകയായിരുന്ന യുവതി മരിക്കുകയും ആറ് പേര്‍ക്ക് പരിക്കേല്‍ക്കുകയും ചെയ്തു. ചുവന്ന കാര്‍ അമിതവേഗതയില്‍ ഫ്ലൈഓവറിലേക്ക് എത്തുകയും പിന്നീട് ചെറിയ വളവ് തിരിക്കാന്‍ ശ്രമിക്കുന്നതിനിടെ നിയന്ത്രണം തെറ്റി, കൈവരികള്‍ തകര്‍ത്ത് താഴേക്ക് പതിക്കുകയായിരുന്നു. ഏറ്റവും തിരക്കേറിയ ഭാഗത്താണ് അപകടമുണ്ടായത്. എയര്‍ബാഗ് പ്രവർത്തിച്ചതിനാല്‍ ഡ്രൈവര്‍ രക്ഷപ്പെട്ടു. സംഭവത്തിൽ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
Read More »
