അഭയ കേസ് :ഫാദർ ജോസ് പൂതൃക്കയിൽ കുറ്റകാരനല്ല, സുപ്രീം കോടതി

അഭയ കൊല്ലപ്പെട്ട ദിവസം പുലർച്ചെ 4.30ന് രണ്ടാം പ്രതി ഫാ.ജോസ് പൂതൃക്കയിലിനെ കോൺവെന്റിൽ കണ്ടുവെന്ന് ദൃക്സാക്ഷി അടയ്ക്ക രാജു വിചാരണ കോടതിൽ മൊഴി നൽകിയിട്ടുണ്ടെന്ന് ജോമോൻ പുത്തൻപുരയ്ക്കലിന് വേണ്ടി ഹാജരായ അഭിഭാഷകർ കോടതിയിൽ വാദിച്ചു. എന്നാൽ അടയ്ക്ക രാജു മോഷണ കേസിൽ ജയിലിൽ കിടന്നിട്ടുള്ള വ്യക്തിയല്ലേ എന്നും, സാക്ഷി പറയാൻ അടയ്ക്ക രാജു പണം കൈപറ്റിയെന്ന ആരോപണമില്ലേ എന്നും ബെഞ്ചിൽ അംഗമായ ജസ്റ്റിസ് സഞ്ജീവ് ഖന്ന ചോദിച്ചു.

ഫാദർ ജോസ് പുതൃക്കയലിന് എതിരായ ഹർജിയിൽ ഇപ്പോൾ നോട്ടീസ് അയച്ചാൽ കേസിലെ വിചാരണ തടസ്സപ്പെടുമെന്നും കോടതി ചൂണ്ടിക്കാട്ടി. വിചാരണ തടസ്സപെടുന്ന ഒരു നടപടിയും കോടതിയുടെ ഭാഗത്ത് നിന്ന് ഉണ്ടാകില്ലെന്നും സുപ്രീം കോടതി വ്യക്തമാക്കി.

1992 ആണ് സിസ്റ്റർ അഭയ കൊല്ലപ്പെട്ടത്. 2009 ൽ ആണ് കേസിൽ കുറ്റപത്രം സമർപ്പിക്കുന്നത്. എന്നാൽ വിചാരണ ആരംഭിക്കുന്നത് സമീപകാലത്താണ്.