Month: December 2019

പൗരത്വ ഭേദഗതി ബില്ലിനെ എതിർക്കുന്നതെന്തിന് ?

പൗരത്വ ഭേദഗതി ബിൽ ലോക് സഭയിൽ 80 നെതിരെ 311 വോട്ടിനും രാജ്യസഭയിൽ 99 നെതിരെ 125 വോട്ടിനും പാസായി. നമ്മുടെ അയൽ രാജ്യങ്ങളായ പാക്കിസ്ഥാൻ, അഫ്ഗനിസ്ഥാൻ, ബംഗ്ലദേശ് എന്നിവിടങ്ങളിൽ നിന്ന് ജാതി വിവേചനത്തിന്റെയും പീഢനങ്ങളുടെയും നിർബ്ബന്ധിത മതപരിവർത്തനങ്ങളുടെയും ഫലമായി  ഇന്ത്യയിൽ അഭയം തേടിയ ഹിന്ദു ജൈന പാഴ്സി ക്രിസ്ത്യൻ മതവിശ്വാസികൾക്ക് പൗരത്വം നല്കാൻ ഉദ്ദേശിച്ചുകൊണ്ട് അവതരിപ്പിച്ച ഈ ബില്ലിനെ കോൺഗ്രസ് എതിർക്കുന്നതെന്തിന് എന്ന ചോദ്യത്തിന് ഒരുപാട് അർത്ഥ തലങ്ങളുണ്ട്. ലോക്സഭയിൽ NDA ക്ക് ഭൂരി പക്ഷമുണ്ടെങ്കിലും രാജ്യസഭയിൽ ഭൂരിപക്ഷമില്ല. രാജ്യസഭയിൽ ബില്ല് പാസായത് 99 ന് എതിരെ 125 വോട്ടുകൾക്കാണ്. എൻഡിഎ  ഘടകകക്ഷികളല്ലാത്തവരും ബില്ലിനനുകൂലമായി വോട്ട് ചെയ്തു എന്ന് വ്യക്തമാണ്.നിയമ നിർമ്മാണ സഭ പാസാക്കിയ ഒരു നിയമത്തിരെ കോൺഗ്രസ് ഉയർത്തുന്ന പ്രധാന വിമർശനം ബിജെപിയുടെ വർഗീയതയാണ്. എന്നാൽ ഈ വിമർശനം ബൂമറാങ്ങ് പോലെ തിരികെ കോൺഗ്രസിനു വന്നു കൊള്ളുന്നതായിട്ടാണ് കാണുന്നത്.