Month: December 2019
- Top Stories
സംസ്ഥാനത്ത് അടിയന്തിര നിയമസഭാ സമ്മേളനം
തിരുവനന്തപുരം: പുതുവർഷത്തിന് മുമ്പ് അടിയന്തരമായി നിയമസഭ സമ്മേളനം വിളിച്ചുചേർക്കും.പട്ടിക വിഭാഗങ്ങളുടെ സംവരണവുമായി ബന്ധപ്പെട്ട നിയമ നിർമാണമാണ് അടിയന്തര സഭാസമ്മേളനത്തിന്റെ ലക്ഷ്യം. ഇക്കാര്യത്തിൽ തീരുമാനമെടുക്കാൻ ഇന്ന് മൂന്ന് മണിക്ക് മന്ത്രിസഭാ യോഗം ചേരും. പട്ടികജാതി-പട്ടികവർഗ സംവരണം പത്തുവർഷത്തേക്ക് കൂടി ദീർഘിപ്പിക്കാൻ കേന്ദ്രസർക്കാർ തീരുമാനമെടുത്തിരുന്നു. എന്നാൽ ഇതിന് സംസ്ഥാനങ്ങളുടെ അംഗീകാരം കൂടി ആവശ്യമാണ്. ഇക്കാര്യത്തിൽ ജനുവരി പത്തിന് മുമ്പ്തീ രുമാനമെടുക്കണമെന്നാണ് കേന്ദ്രത്തിന്റെ നിർദേശം.ഇതുപ്രകാരം പട്ടിക വിഭാഗങ്ങളുടെ സംവരണവുമായി ബന്ധപ്പെട്ട നിയമ നിർമാണം നടത്താനാണ് അടിയന്തര സഭാസമ്മേളനം വിളിച്ചുചേർക്കുന്നത്.
Read More » - Top Stories
ഝാര്‍ഖണ്ഡില്‍ ഇന്ന് സത്യപ്രതിജ്ഞ
ഝാര്‍ഖണ്ഡില്‍ ഹേമന്ത് സോറന്‍റെ നേതൃത്വത്തിലുള്ള മന്ത്രിസഭ ഇന്ന് അധികാരമേൽക്കും.മുഖ്യമന്ത്രി ഹേമന്ത് സോറനടക്കം 12 മന്ത്രിമാരാണ് ഇന്ന് സത്യപ്രതിജ്ഞ ചെയ്ത് അധികാരമേൽക്കുന്നത്. രാഹുൽഗാന്ധി,ബംഗാള്‍ മുഖ്യമന്ത്രി മമതാ ബാനര്‍ജി, ശരത്പവാര്‍ തുടങ്ങിയ പ്രധാനപ്പെട്ട നേതാക്കളെല്ലാവരും റാഞ്ചി മൊറാബാദ് മൈതാനിയില്‍ നടക്കുന്ന സത്യപ്രതിജ്ഞാ ചടങ്ങിൽ പങ്കെടുക്കുമെന്നാണ് പ്രതീക്ഷ.ആരൊക്കെ എത്തിച്ചേരും എന്ന കാര്യത്തില്‍ അന്തിമ വിവരം ജെഎംഎം പുറത്തുവിട്ടിട്ടില്ല.സോണിയാ ഗാന്ധിയടക്കമുള്ള രാജ്യത്തെ പ്രമുഖരായ കോണ്‍ഗ്രസ്സ് നേതാക്കളെ സത്യപ്രതിജ്ഞാ ചടങ്ങിലേക്ക് ഹേമന്ത് സോറന്‍ ക്ഷണിച്ചിട്ടുണ്ട്.
Read More » - Top Stories
കണ്ണൂരിൽ ഗവർണ്ണർക്കെതിരെ കടുത്ത പ്രതിഷേധം;അപായപ്പെടുത്താനുള്ള ശ്രമമെന്ന് ഗവര്‍ണര്‍
കണ്ണൂര്‍: ദേശീയ ചരിത്ര കോൺഗ്രസിൽ പങ്കെടുക്കാൻ കണ്ണൂരിലെത്തിയ കേരളാ ഗവർണര്‍ ആരിഫ് മുഹമ്മദ് ഖാനെതിരെ വന്‍ പ്രതിഷേധം. ജനപ്രതിനിധികളും ചരിത്രകോൺഗ്രസിന്റെ പ്രതിനിധികളും വിദ്യാര്‍ഥികളും ഉൾപ്പെട്ട സംഘമാണ് ഗവർണർക്കെതിരെ പ്രതിഷേധിച്ചത്. പ്രതിഷേധക്കാരെ അറസ്റ്റ് ചെയ്ത് നീക്കാൻ പൊലീസ് ശ്രമിച്ചെങ്കിലും സിപിഎം നേതാക്കൾ ഉൾപ്പടെയുള്ളവരും സംഘാടകരും ഇടപെട്ട് ആദ്യം ഇത് തടഞ്ഞെങ്കിലും പിന്നീട് പൊലീസ് നാല് വിദ്യാര്‍ത്ഥികളെ കസ്റ്റഡിഡിയിലെടുത്തു. ജെഎന്‍യു, അലിഗഡ്,ജാമിയ എന്നീ സർവകലാശാലകളിലെ വിദ്യാർത്ഥികളെയാണ് കസ്റ്റഡിയിലെടുത്തത്.
Read More » - Politics
കോൺഗ്രസ് സിപിഎം സംയുക്ത പ്രക്ഷോഭം;കെ പി സി സി യിൽ ഭിന്നത
തിരുവനന്തപുരം: സി പി എമ്മുമായുള്ള സംയുക്ത പ്രക്ഷോഭത്തെച്ചൊല്ലി കെ പി സി സി യിൽ ഭിന്നത. പൗരത്വഭേദഗതി നിയമത്തിനെതിരായ സംയുക്ത പ്രതിഷേധത്തില്‍ സിപിഎമ്മുമായി സഹകരിക്കാനില്ലെന്ന നിലപാട് ആവര്‍ത്തിച്ച് കെപിസിസി പ്രസിഡന്‍റ് മുല്ലപ്പള്ളി രാമചന്ദ്രന്‍.പൗരത്വഭേദഗതിക്കെതിരായ പ്രതിഷേധങ്ങള്‍ സംബന്ധിച്ച തുടര്‍നടപടികള്‍ ചര്‍ച്ച ചെയ്യാൻ നാളെ സർക്കാർ വിളിച്ച സര്‍വ്വകക്ഷി യോഗത്തില്‍ പങ്കെടുക്കില്ലെന്ന് മുല്ലപ്പള്ളി അറിയിച്ചു. മുഖ്യമന്ത്രിയുമായുള്ള വിയോജിപ്പിനെ തുടര്‍ന്നാണ് മുല്ലപ്പള്ളിയുടെ തീരുമാനമെന്നാണ് സൂചന.
Read More » - Top Stories
ജന്മദിനത്തിൽ പ്രതിപക്ഷ ഐക്യത്തോടെ മോദിയെ നേരിടാൻ തീരുമാനിച്ച്‌ കോൺഗ്രസ്
ഡൽഹി: കോൺഗ്രസിന്‍റെ 135-ാമത് സ്ഥാപകദിനത്തിൽ കേന്ദ്രസർക്കാരിനെതിരെ ആഞ്ഞടിക്കാനൊരുങ്ങി കോൺഗ്രസ്.പൗരത്വ നിയമഭേദഗതിക്കെതിരെ രാജ്യവ്യാപകമായി പ്രക്ഷോഭം നയിക്കാൻ പ്രതിപക്ഷത്തെ എല്ലാ കക്ഷികളെയും ഒപ്പം നിർത്തണമെന്ന നിലപാടിലാണ് ഹൈക്കമാന്റ്. മോദി ആവർത്തിച്ചാവർത്തിച്ച് കള്ളം പറയുകയാണെന്ന് രാഹുൽഗാന്ധി. ഈ രാജ്യത്ത് തടങ്കൽപ്പാളയങ്ങളില്ലെന്ന് ആവർത്തിച്ചാവർത്തിച്ച് പറയുകയാണ് മോദി.അത് സത്യമാണോ? രാജ്യത്ത് തടങ്കൽപ്പാളയങ്ങൾ നിർമിക്കാൻ ലക്ഷ്യമിട്ടിട്ടില്ലെന്ന് പ്രധാനമന്ത്രി നരേന്ദ്രമോദി വീണ്ടും വീണ്ടും പച്ചക്കള്ളം പറയുന്നതെന്തിനെണെന്ന് മുൻ കോൺഗ്രസ് അധ്യക്ഷൻ രാഹുൽ ഗാന്ധി ചോദിച്ചു.
Read More » - Top Stories
അലനും താഹയും ഉൾപ്പെട്ട യുഎപിഎ കേസ് എൻ.ഐ.എ ഏറ്റെടുത്തത് കേന്ദ്രസർക്കാർ നിർദേശ പ്രകാരം
കൊച്ചി: അലനും താഹയും ഉൾപ്പെട്ട കോഴിക്കോട് പന്തീരങ്കാവ് യു.എ.പി.എ കേസ് എൻ.ഐ.എ ഏറ്റെടുത്തത് കേന്ദ്രസർക്കാരിന്റെ നിർദേശ പ്രകാരം. ഇത് സംബന്ധിച്ച് കേന്ദ്ര ആഭ്യന്തര മന്ത്രാലയം സംസ്ഥാന ഡി.ജി.പിക്കും ചീഫ് സെക്രട്ടറിക്കും കത്തയച്ചിരുന്നു. യു.എ.പി.എ. ചുമത്തിയതിനാൽ കേസ് എൻ.ഐ.എ നിയമത്തിന്റെ പരിധിയിൽ വരുമെന്ന് കേന്ദ്ര ആഭ്യന്തരമന്ത്രാലയം കത്തിൽ വ്യക്തമാക്കുന്നു.ഡിസംബർ 16-ന് ആണ് കേസ് എൻ.ഐ.എ ഏറ്റെടുക്കേണ്ടതാണെന്ന് ചൂണ്ടിക്കാണിച്ച് കേന്ദ്ര ആഭ്യന്തര മന്ത്രാലയം ഡി.ജി.പിക്കും ചീഫ് സെക്രട്ടറിക്കും എൻ.ഐ.എ ഡയറക്ടർ ജനറലിനും കത്തയച്ചത്. കേസ് അന്വേഷണം എൻ.ഐ.എയ്ക്കു വിട്ടത് കേന്ദ്രസർക്കാരിന് നേരിട്ട് ലഭിച്ച വിവരങ്ങളുടെ അടിസ്ഥാനത്തിലാണ്. എൻ.ഐ.എ നിയമപ്രകാരം ഷെഡ്യൂൾഡ് ക്രൈമിൽ ഉൾപ്പെടുന്നതാണ് അലൻ ഷുഹൈബിനും താഹയ്ക്കും എതിരെ ചുമത്തിയിരിക്കുന്ന യു.എ.പി.എ കേസ്. അതിനാൽ 2008ലെ എൻ.ഐ.എ നിയമത്തിലെ വ്യവസ്ഥകൾ ചൂണ്ടിക്കാണിച്ചു കൊണ്ട് കേസ് എൻ.ഐ.എ അന്വേഷിക്കണമെന്ന് കത്തിൽ ചൂണ്ടിക്കാട്ടുന്നു.കേസ് അന്വേഷണം സംബന്ധിച്ച ഫയലുകൾ ലോക്കൽ പോലീസിൽ നിന്നും എൻ ഐ എ ഏറ്റെടുത്തു.
Read More » - News
കെഎസ്ആര്‍ടിസി തൊഴിലാളികൾ അനിശ്ചിതകാല പണിമുടക്കിലേക്ക്
തിരുവനന്തപുരം: കെഎസ്ആര്‍ടിസിയിലെ തൊഴിലാളികൾ അനിശ്ചിതകാല പണിമുടക്കിലേക്ക്.കോണ്‍ഗ്രസ് അനുകൂല തൊഴിലാളി സംഘടനയായ ടിഡിഎഫ് ആണ് അടുത്ത മാസം 20 മുതൽ അനിശ്ചിതകാല പണിമുടക്കിലേക്ക് പോകുന്നത്.ശമ്പള പ്രതിസന്ധിയാണ് പണിമുടക്കിന് കാരണം. സമരത്തിന് ടിഡിഎഫ് അടുത്തയാഴ്ച നോട്ടീസ് നല്‍കും.കഴിഞ്ഞ മൂന്ന് മാസമായി കെഎസ്ആര്‍ടിസിയില്‍ രണ്ട് തവണകളായാണ് ശമ്പളം വിതരണം ചെയ്യുന്നത്. പ്രതിസന്ധി പരിഹരിക്കണമെന്നാവശ്യപ്പെട്ട് സിഐടിയു അഭിമുഖ്യത്തിലുള്ള തൊഴിലാളി സംഘടന ഈ മാസം 2 മുതല്‍ സെക്രട്ടേറിയേറ്റിനു മുന്നില്‍ സത്യാഗ്രഹ സമരം നടത്തുകയാണ്. ഇതിനു പിന്നാലയാണ് പ്രതിപക്ഷ ട്രേഡ് യൂണിയനുകളുടെ കൂട്ടായ്മയായ ടിഡിഎഫും സത്യഗ്രഹസമരം തുടങ്ങിയത്.
Read More » - News
ബിന്ദു അമ്മിണിയെ ഡൽഹി പൊലീസ് അറസ്റ്റ് ചെയ്തു
ന്യൂഡൽഹി : പൗരത്വ ഭേദഗതി നിയമത്തിനെതിരെ സമരം നടത്താനെത്തിയ ആക്ടിവിസ്റ്റ് ബിന്ദു അമ്മിണി അടക്കം നൂറോളംപേരെ ഡൽഹി പൊലീസ് അറസ്റ്റ് ചെയ്തു . യു പി ഭവനു മുന്നിൽ പ്രതിഷേധം നടത്താൻ എത്തിയ വിദ്യാർത്ഥികൾക്കും ഭീം ആർമി പ്രവർത്തകർക്കൊപ്പമായിരുന്നു ബിന്ദു അമ്മിണിയും എത്തിയത്. തുടർന്നാണ് ബിന്ദുവിനെ കസ്റ്റഡിയിലെടുത്തത്. പൗരത്വഭേദതി നിയമത്തിനെതിരെ പ്രതിഷേധിച്ചവരെ ഉത്തർപ്രദേശിൽ ക്രൂരമായി പീഡിപ്പിക്കുന്നുവെന്നാരോപിച്ചാണ് യുപി ഭവന് മുന്നിൽ പ്രതിഷേധം നടന്നത്. വിദ്യാർഥികളടക്കമുള്ള നൂറോളം പേരെ പോലീസ് കസ്റ്റഡിയിലെടുത്തു. കനത്ത പ്രതിഷേധമുണ്ടാകുമെന്ന മുന്നറിയിപ്പിനെ തുടർന്ന് ഡൽഹിയിലുടനീളം കനത്ത സുരക്ഷ ഏർപ്പാടുക്കുകയും വിവിധയിടങ്ങളിൽ നിരോധനാജ്ഞ പ്രഖ്യാപിക്കുകയും ചെയ്തിരുന്നു. ജാമിയ സർവകലാശാലയിലെ വിവിധ വിദ്യാർഥി സംഘടനകളുടെ സംയുക്ത കമ്മിറ്റിയുടെ നേതൃത്വത്തിലും ഇന്ന് യുപി ഭവന് മുന്നിൽ പ്രതിഷേധം നടത്തിയിരുന്നു.നിരോധനാജ്ഞ ലംഘിച്ച് ഡൽഹി ജമാ മസ്ജിദിന് പുറത്തും ഇന്ന് പ്രതിഷേധം അരങ്ങേറിയിരുന്നു.
Read More » - News
തൃശ്ശൂരിൽ പിതാവിനേയും മാതൃസഹോദരിയേയും യുവാവ് തലക്കടിച്ച് കൊലപ്പെടുത്തി
തൃശ്ശൂർ : തൃശൂർ തളിക്കുളം എടശ്ശേരിയില്‍ പിതാവിനേയും മാതൃസഹോദരിയേയും യുവാവ് തലക്കടിച്ച് കൊലപ്പെടുത്തി.തളിക്കുളം സ്വദേശി ജമാല്‍(60), ഭാര്യ സഹോദരി ഖദീജ (45) എന്നിവരാണ് കൊല്ലപ്പെട്ടത്.ജമാലിന്റെ മകന്‍ ഷെഫീഖാണ് ഇരുവരെയും കൊലപ്പെടുത്തിയത്. ഷെഫീഖ് രണ്ടുപേരെയും കല്ല് കൊണ്ട് തലക്കടിച്ചു കൊലപ്പെടുത്തുകയായിരുന്നു. മാനസിക രോഗത്തിന് ചികിത്സയിലായിരുന്നു ഷെഫീഖ്. സംഭവത്തിൽ ഷെഫീഖിനെ പോലീസ് കസ്റ്റഡിയിൽ എടുത്തു. ഉച്ചക്ക് ഒന്നരയോടെ ആയിരുന്നു സംഭവം. വീട്ടിലെത്തിയ ഷെഫീഖ് പിതാവിനെ പുറത്തേക്ക് വലിച്ചിഴച്ച് കൊണ്ട് വന്ന് മർദ്ദിക്കുകയും കരിങ്കല്ല് കൊണ്ട് തലക്കടിക്കുകയും ചെയ്തു. പിന്നീട് മുറ്റത്ത് പാഴ് വസ്തുക്കൾക്ക് തീയിട്ട ശേഷം അതിലേക്ക് പിതാവിനെ തള്ളിയിടുകയായിരുന്നു. സംഭവം കണ്ട മാതാവ് കുഞ്ഞി പാത്തു ഷെഫീഖിനെ പിടിച്ചു മാറ്റാൻ ശ്രമിച്ചെങ്കിലും മാതാവിനെയും മർദ്ദിച്ചു. പിന്നീട് കുഞ്ഞി പാത്തു തൊട്ടടുത്ത് താമസിക്കുന്ന അനിയത്തി ഖദീജയെ വിളിച്ചു കൊണ്ട് വന്ന് പിടിച്ചു മാറ്റാൻ ശ്രമിച്ചു. ഇതിനിടെയാണ് ഖദീജയ്ക്ക് തലക്കടിയേറ്റത്.
Read More » - Top Stories
100 യാത്രികരുമായി പറന്ന വിമാനം തകർന്നുവീണു
100 യാത്രികരുമായി പറന്ന വിമാനം തകർന്നുവീണു.വെള്ളിയാഴ്ച രാവിലെ പ്രാദേശികസമയം 7.22ഓടെയായിരുന്നു സംഭവം.കസാഖിസ്താനിലാണ് വിമാനം തകര്‍ന്നു വീണത്. ബെക് എയറിന്റെ വിമാനമാണ് അല്‍മാട്ടി വിമാനത്താവളത്തില്‍ നിന്ന് പറന്നുയര്‍ന്ന ഉടന്‍ തകര്‍ന്ന് വീണത്. അപകടത്തില്‍ ഒൻപതു പേര്‍ മരിച്ചതായി സ്ഥിരീകരിച്ചിട്ടുണ്ട്.രക്ഷാപ്രവര്‍ത്തനങ്ങള്‍ പുരോഗമിക്കുകയാണ്.ഏതാനും പേരെ രക്ഷാപ്രവർത്തകർ രക്ഷപ്പെടുത്തി ആശുപത്രിയിലേയ്ക്ക് നീക്കിയതായി വാർത്താ ഏജൻസി റിപ്പോർട്ട് ചെയ്തു. കസാഖിസ്താനിലെ വലിയ നഗരമായ അല്‍മാറ്റിയില്‍ നിന്ന് തലസ്ഥാനമായ നുര്‍-സുല്‍ത്താനിലേക്ക് യാത്ര തിരിച്ച വിമാനമാണ് തകര്‍ന്ന് വീണത്. 95 യാത്രികരും അഞ്ച് ജീവനക്കാരുമാണ് വിമാനത്തിലുണ്ടായിരുന്നത്.
Read More »
