Month: December 2019
- News
വികലാംഗയെ പീഢിപ്പിച്ച പ്രതി അറസ്റ്റിൽ
കൊല്ലം :കൊല്ലം പരവൂരിൽ വികലാംഗയായ വീട്ടമ്മയെ പീഡിപ്പിച്ചയാൾ അറസ്റ്റിൽ. പൂതക്കുളം മാവിളയിൽ പരട്ടവിള വീട്ടിൽ സുകുമാരന്റെ മകൻ സുധീഷ് (32) ആണ് പിടിയിലായത്.
Read More » - Cinema
ഷെയ്ൻ നിഗം പ്രൊഫഷണൽ മര്യാദകൾ ലംഘിച്ചു പ്രശ്നത്തിൽ ഫെഫ്ക ഇടപെടില്ല:ബി. ഉണ്ണികൃഷ്ണൻ
കൊച്ചി : നടൻ ഷെയ്ൻ നിഗത്തിന്റെ വിലക്കുമായി ബന്ധപ്പെട്ട് ചർച്ചകളിൽ ഫെഫ്ക ഇടപെടില്ലെന്ന് ജനറൽ സെക്രട്ടറി ബി ഉണ്ണികൃഷ്ണൻ. ഷെയ്ൻ പ്രൊഫഷണൽ മര്യാദകൾ ലംഘിച്ചുവെന്ന് ബോധ്യപ്പെട്ടു. ചിത്രീകരണ സമയവുമായി ബന്ധപ്പെട്ട് നടൻ പറഞ്ഞതെല്ലാം നുണയാണെന്നും ബി. ഉണ്ണികൃഷ്ണൻ വ്യക്തമാക്കി. 24 ന്യൂസ്‌ ചാനലിന്റെ 360 എന്ന പ്രോഗ്രാമിലാണ് ബി. ഉണ്ണികൃഷ്ണൻ ഫെഫ്കയുടെ നിലപാട് വ്യക്തമാക്കിയത്. ആരെയും അറിയിക്കാതെ സെറ്റിൽ നിന്ന് ഇറങ്ങിപ്പോകുക എന്നതൊക്കെ കേട്ടറിവില്ലാത്ത കാര്യമാണ്. പാക്കപ്പ് പറഞ്ഞു എന്ന് ഷെയ്ൻ പറഞ്ഞത് ശുദ്ധ അസംബന്ധമാണ്. ഷൂട്ടിംഗ് നടക്കുമ്പോഴാണ് ഷെയ്‌നെ കാണാതാകുന്നതെന്നും ഉണ്ണികൃഷ്ണൻ പറഞ്ഞു.
Read More » - News
സംസ്ഥാനത്ത് ഉള്ളിവില കുറയുന്നു
കൊച്ചി:സംസ്ഥാനത്ത് ഉള്ളിവില കുറയുന്നു.മൊത്തവ്യാപാരത്തില്‍ കിലോയ്ക്ക് 40 രൂപ കുറഞ്ഞ് വില നൂറു രൂപയിലെത്തി. വരും ദിവസങ്ങളിലും വിലക്കുറവ് ഉണ്ടാകുന്നതോടെ വിപണി ഉഷാറാകുമെന്ന കണക്കുകൂട്ടലിലാണ് വ്യാപാരികള്‍. പുണെയില്‍ നിന്നുള്ള കൂടുതല്‍ ലോറികള്‍ എത്തിയതോടെയാണ് വിലയില്‍ കുറവുണ്ടായത്.ഉള്ളിവില ഇനിയും കുറയും.രണ്ടു ദിവസത്തിനകം കിലോയ്ക്ക് 60 രൂപയിലെത്തുമെന്നാണ് കച്ചവടക്കാരുടെ പ്രതീക്ഷ.
Read More » - Top Stories
ആശങ്കപ്പെടേണ്ട മാറ്റം ആലോചിക്കാം :അമിത് ഷാ
ന്യൂഡൽഹി: പൗരത്വ ഭേദഗതി നിയമത്തിൽ മാറ്റംവരുത്തിയേക്കുമെന്ന് കേന്ദ്ര ആഭ്യന്തര മന്ത്രി അമിത്ഷാ. ജാർഖണ്ഡിലെ പൊതുപരിപാടിയിൽ സംസാരിക്കുന്നതിനിടെയാണ് അമിത് ഷാ മാറ്റം ആലോചിക്കാമെന്ന് സൂചന നൽകിയത്.ജനങ്ങള്‍ക്ക് പലതരത്തിലുമുള്ള ആശങ്കകളുണ്ടെന്ന് മനസ്സിലാക്കുന്നു. പൗരത്വഭേദഗതിയില്‍ മാറ്റം വരുത്തണോയെന്ന് ആലോചിക്കാം. ഈ വിഷയത്തില്‍ സര്‍ക്കാര്‍ തുടര്‍ചര്‍ച്ചകള്‍ നടത്താമെന്നും അമിത് ഷാ പറഞ്ഞു. മേഘാലയ മുഖ്യമന്ത്രിയുമായി നടത്തിയ ചർച്ചയിലെ വിശദാംശങ്ങൾ ജാർഖണ്ഡിലെ തിരഞ്ഞെടുപ്പ് റാലിയിൽ പറഞ്ഞുകൊണ്ടായിരുന്നു.പൗരത്വ നിയമ ഭേദഗതി ബില്ലിൽ മാറ്റം വരുത്തിയേക്കുമെന്ന് അമിത്ഷാ സൂചന നൽകിയത്. പൗരത്വ ഭേദഗതി ബില്ലിന് ശേഷം മേഘാലയയിലെ പ്രശ്നങ്ങൾ രൂക്ഷമാണെന്നും, നിയമത്തിൽ മാറ്റംവരുത്തണമെന്നും മേഘാലയ മുഖ്യമന്ത്രി തന്നോട് അഭ്യർഥിച്ചിരുന്നതായും, ക്രിസ്മസിന് ശേഷം ഇക്കാര്യത്തിൽ ചർച്ച നടത്താമെന്നും ആരും ആശങ്കപ്പെടേണ്ടെന്നും ഞാൻ അവരോട് പറഞ്ഞു എന്നും അമിത് ഷാ പ്രസംഗത്തിൽ വ്യക്തമാക്കി.
Read More » - News
കൊല്ലത്ത് ഹൗസ് ബോട്ടുകൾ കേന്ദ്രീകരിച്ച് പെൺവാണിഭം
കൊല്ലം : കൊല്ലത്ത് ഹൗസ് ബോട്ടുകൾ കേന്ദ്രീകരിച്ച് പെൺവാണിഭ സംഘങ്ങൾ പ്രവര്‍ത്തിക്കുന്നതായി വിവരം. കൊല്ലം ജില്ലയ്ക്ക് പുറത്തു നിന്ന് ജില്ലയില്‍ താമസമാക്കിയിട്ടുള്ള ചില വിദ്യാർത്ഥിനികൾ ഹൗസ് ബോട്ട് പെൺവാണിഭ ഏജന്റുമാരുടെ ഇരകളാണെന്നാണ് അറിയാൻ കഴിയുന്നത്.വിദേശികളെയും അന്യസംസ്ഥാന ടുറിസ്റ്റുകളെയും ലക്ഷ്യമിട്ടാണ് സംഘത്തിന്റെ പ്രവർത്തനം നടക്കുന്നത്. മണിക്കൂറിന് 1000 മുതല്‍ 5000 രൂപ വരെ വാടകയ്ക്ക് ഹൌസ് ബോട്ട് ലഭ്യമാണ്. എന്നാല്‍ അല്‍പം കൂടി പണം നല്‍കിയാല്‍ പെണ്‍കുട്ടികളെ അവര്‍ തന്നെ എത്തിച്ചുതരും. മാത്രമല്ല കമിതാക്കള്‍ക്ക് വേണ്ട എല്ലാ സൗകര്യങ്ങളും ഇവര്‍ ചെയ്തു കൊടുക്കുകയും ചെയ്യുന്നുണ്ടെന്നാണ് വിവരം.
Read More » - Politics
കണ്ണൂരിൽ സിപിഎം കോൺഗ്രസ് സംഘർഷം
കണ്ണൂർ :കണ്ണൂർ കടമ്പൂരില്‍ കോണ്‍ഗ്രസ് -സി പി എം സംഘര്‍ഷത്തില്‍ ആറ് പേര്‍ക്ക് പരിക്ക് മൂന്ന് സിപിഎം പ്രവര്‍ത്തകര്‍ക്കും മൂന്ന് കോണ്‍ഗ്ര്‌സസുകാര്‍ക്കുമാണ് പരിക്കേറ്റത്. കടമ്പൂരിലെ രാജീവ് ഭവനിൽ അതിക്രമിച്ച് കയറിയ സി.പി.എം -ഡി.വൈ.എഫ്.ഐ പ്രവർത്തകർ രാജീവ് ഭവന്‍റെ ജനൽ ചില്ലുകൾ അടിച്ചു തകർത്തു. കടമ്പൂരിലെ സമാധാന അന്തരീക്ഷം തകർക്കാനുള്ള ശ്രമമാണ് സി.പി.എം നടത്തുന്നതെന്ന് കോൺഗ്രസ് മണ്ഡലം പ്രസിഡന്‍റ് സി.ഒ രാജേഷ് പറഞ്ഞു കാടാച്ചിറയില്‍ നടന്ന കോണ്‍ഗ്രസ്സ് പ്രകടനത്തിന് ശേഷം വീട്ടിലേക്ക് മടങ്ങുമ്പോഴാണ് ഒരു സംഘം സിപിഎം പ്രവര്‍ത്തകര്‍ ചേര്‍ന്ന് മര്‍ദ്ദിച്ചെന്നാണ് ആരോപണം. കെഎസ്യു കണ്ണൂര്‍ ജില്ലാ കമ്മിറ്റി അംഗം അഭിനവ്, കടമ്പൂര്‍ സര്‍വ്വീസ് സഹകരണ ബാങ്ക് ഡയറക്ടര്‍ അനില്‍ കുമാര്‍, യൂത്ത് കോണ്‍ഗ്രസ്സ് കടമ്പൂര്‍ മണ്ഡലം സെക്രട്ടറി ശ്രീരാഗ് എന്നിവര്‍ക്ക് അക്രമത്തില്‍ പരിക്കേറ്റു. മര്‍ദ്ദനത്തില്‍ തലയ്ക്ക് പരിക്കേറ്റ അഭിനവ് അടിയുടെ ആഘാതത്തില്‍ ബോധരഹിതനായി. ഇതിന് ശേഷമാണ് ശ്രീരാഗിനും, അനില്‍കുമാറിനും നേരെ അക്രമം നടന്നത്. പരിക്കേറ്റ മൂവരും തലശ്ശേരി ഇന്ദിരാഗാന്ധി ആശുപത്രിയില്‍ ചികിത്സയിലാണ്. കടമ്പൂരിലെ സമാധാന അന്തരീക്ഷം തകര്‍ക്കാനുള്ള ശ്രമമാണ് സിപിഎം നടത്തുന്നതെന്ന് കോണ്‍ഗ്രസ്സ് ആരോപിച്ചു. അക്രമത്തില്‍ പങ്കാളികളായവരെ അറസ്റ്റ് ചെയ്യണമെന്ന് ഇരു പാര്‍ട്ടികളും ആവശ്യപ്പെട്ടിട്ടുണ്ട്.
Read More » - Top Stories
കോഴിക്കോട് വീണ്ടും മാവോയിസ്റ്റ് സംഘമെത്തി
കോഴിക്കോട് : കോഴിക്കോട് വീണ്ടും മാവോയിസ്ററ് സംഘമെത്തി.തിരുവമ്പാടി മുത്തപ്പന്‍പുഴയിലെ മുണ്ടയ്ക്കല്‍ ബെന്നിയുടെ വീട്ടിലാണ് ആയുധ ധാരികളായ മൂന്നംഗ സംഘമെത്തി മൂന്നരമണിക്കൂറോളം ചിലവഴിച്ചത്. കഴിഞ്ഞ ഞായറാഴ്ച രാത്രിയും മാവോയിസ്റ്റ് സംഘം ഈ മേഖലയിലെത്തിയിരുന്നു. ഒരു സ്ത്രീയും രണ്ട് പുരുഷന്‍മാരും ഉള്‍പ്പെടുന്ന മാവോയിസ്റ്റ് സംഘം 13 ന് രാത്രി ഏഴുമണിയോടെയാണ് ബെന്നിയുടെ വീട്ടിലെത്തിയത്. ആഹാരം പാചകം ചെയ്ത് കഴിച്ചശേഷം ലഘുലേഖകള്‍ നല്‍കി. അരിയും വാങ്ങി രാത്രി പത്തരയോടെയാണ് സംഘം തിരികെ കാട്ടിലേക്ക് മടങ്ങിയത്.കല്‍പറ്റ സ്വദേശി സോമന്‍ സംഘത്തിലുണ്ടെന്ന് പൊലീസ് സ്ഥരീകരിച്ചു. ഒരാഴ്ചക്കിടയില്‍ രണ്ടാംവട്ടമാണ് മാവോയിസ്റ്റുകള്‍ പരസ്യമായി രംഗത്തുവന്നത്. തുറക്കല്‍ ജോജയുടെ വീട്ടിലാണ് ഇതിന് മുന്‍പ് മൂന്നംഗ സംഘം എത്തിയത്. എട്ടുമണിക്കെത്തിയ സംഘം പത്തരയോടെ മടങ്ങുകയും ചെയ്തു. അതേ സംഘം തന്നെയാണോ ബെന്നിയുടെ വീട്ടലെത്തിയതെന്ന് പൊലീസ് പരിശോധിക്കുന്നുണ്ട്. കഴിഞ്ഞമാസം കൂടരഞ്ഞിയിലും പൊന്നാങ്കയത്തും മാവോയിസ്റ്റുകളെത്തിയിരുന്നു.
Read More » - News
പ്രധാനമന്ത്രി പടികൾ കയറുന്നതിനിടെ അടിതെറ്റി വീണു
പ്രധാനമന്ത്രി നരേന്ദ്ര മോദി പടികൾ കയറുന്നതിനിടെ അടിതെറ്റി വീണു.ഗംഗാ അടൽ ഘട്ടിന്‍റെ പടികള്‍ കയറുന്നതിനിടെയായിരുന്നു നരേന്ദ്ര മോദി അടിതെറ്റി വീണത്. സുരക്ഷാ ഉദ്യോഗസ്ഥര്‍ താങ്ങാന്‍ ശ്രമിച്ചെങ്കിലും അദ്ദേഹം താഴെ വീഴുകയായിരുന്നു. പരിക്കുകളില്ലെന്നാണ് റിപ്പോര്‍ട്ട്. ഗംഗാ പുനരുദ്ധാരണ കൗണ്‍സിലിന്‍റെ പ്രഥമ യോഗത്തിന് കാണ്‍പൂരില്‍ എത്തിയതായിരുന്നു മോദി. രാവിലെ വിമാനത്താവളത്തിലെത്തിയ മോദിയെ മുഖ്യമന്ത്രി യോഗി ആദിത്യനാഥ് ഉള്‍പ്പെടെയുള്ളവർ ചേർന്ന് സ്വീകരിച്ചു.
Read More » - Top Stories
അലനും താഹയും മാവോയിസ്റ്റുകൾ തന്നെ: സി പി എം
കോഴിക്കോട് : അലന്‍ ഷുഹൈബ്, താഹാ ഫസല്‍ എന്നിവര്‍ക്ക് മാവോയിസ്റ്റ് ബന്ധമുണ്ടെന്ന് സ്ഥിരീകരിച്ച്‌ സിപിഎം.കോഴിക്കോട് പന്നിയങ്കരയിൽ നടത്തിയ വിശദീകരണ യോഗത്തിലാണ് സിപിഎം നിലപാട് വ്യക്തമാക്കിയത്.സര്‍ക്കാരിനെ വിമര്‍ശിച്ച കാനത്തിനെതിരെ കടുത്ത വിമര്‍ശനവും യോഗത്തിൽ ഉന്നയിച്ചു.സിപിഎം കോഴിക്കോട് ജില്ലാ കമ്മിറ്റിയംഗം പികെ പ്രേംനാഥായിരുന്നു കാനത്തിനെതിരെ വിമർശനം അഴിച്ചുവിട്ടത്. അലനും താഹയും മാവോയിസ്റ്റ് ബന്ധമുണ്ടെന്ന സ്ഥിരീകരണമാണ് സി.പി.എം നടത്തിയിരിക്കുന്നത്. താഹയുടെയും അലന്‍റെയും അറസ്റ്റിനു ശേഷം ഇത് ആദ്യമായാണ് പ്രതികൾക്ക് സിപിഎം ബന്ധമുണ്ടെന്ന് പൊതുയോഗത്തിൽ സിപിഎം വിശദീകരിക്കുന്നത്. പോലീസ് പിടിച്ചെടുത്ത രേഖകള്‍ ഇരുവരുടെയും മാവോയിസ്റ്റ് ബന്ധത്തിന് തെളിവാണെന്നും തെളിവുകൾ പൊലീസ് സൃഷ്ടിച്ചതല്ല, സ്ത്രീകളടക്കമുള്ള 15 ഓളം പാർട്ടി പ്രവർത്തകരുടെ സാന്നിധ്യത്തിൽ ആ രണ്ട് ചെറുപ്പക്കാരുടെ വീട്ടിൽനിന്ന് കണ്ടെത്തിയതാണ് സി.പി.എം പറയുന്നു.
Read More » - Top Stories
താമരശ്ശേരി ബിഷപ് പീഡനക്കേസ് ഒതുക്കാൻ ശ്രമിച്ചു: വീട്ടമ്മയുടെ മൊഴി
കോഴിക്കോട് : വീട്ടമ്മയെ വീട്ടിൽക്കയറി ബലാത്സംഗം ചെയ്ത വൈദികൻ മനോജ്‌ പ്ലാക്കൂട്ടത്തിനെതിരെ കേസ് കൊടുക്കാതിരിക്കാൻ താമരശ്ശേരി ബിഷപ്പ് റെമിജിയോസ് ഇഞ്ചനാനായൽ സമ്മർദ്ധം ചെലുത്തിയെന്ന് പീഡനത്തിനിരയായ വീട്ടമ്മയുടെ മൊഴി. ബിഷപ്പ് രണ്ട് വൈദികരെ തന്റെ വീട്ടിലേക്കയച്ചുവെന്നും അവർ കേസിനു പോകാതിരിക്കാൻ സമ്മർദ്ദം ചെലുത്തിയെന്നും വീട്ടമ്മ മൊഴിനൽകി.
Read More »
