കണ്ണൂര്‍ യശ്വന്ത്പൂര്‍ എക്സ്പ്രസ് പാളം തെറ്റി

ഇന്ന് പുലര്‍ച്ചെ 3.30ഓടെയായിരുന്നു സംഭവം. ട്രാക്കിലേക്ക് ഇടിഞ്ഞ് വീണ പാറകളില്‍ തട്ടി ആണ് അപകടം ഉണ്ടായത്. എസി കോച്ചുകളും സ്ലീപ്പര്‍ കോച്ചുകളും ആണ് പാളം തെറ്റിയത്. വേഗത കുറവ് ആയിരുന്നതിനാല്‍ വലിയ അപകടം ഒഴിവായി. വ്യാഴാഴ്ച വൈകിട്ട് കണ്ണൂരില്‍ നിന്ന് പുറപ്പെട്ട് ഇന്ന് രാവിലെ 7.30ഓടെ ബെംഗളൂരുവില്‍ എത്തേണ്ടതായിരുന്നു.

ട്രയിന്‍ യാത്രക്കാര്‍ക്ക് ബം​ഗളൂരുവിലേക്ക് മടങ്ങാന്‍ പ്രത്യേക യാത്രാ സൗകര്യം ഏര്‍പ്പെടുത്തിയിട്ടുണ്ട്. 15ലേറെ ബസുകളാണ് യാത്രക്കായി റയിഷവേ ഏര്‍പ്പാടാക്കിയത്. വിവരങ്ങള്‍ നല്‍കാനായി ഹൊസൂറിലും ബം​ഗളൂരുവിലും ധര്‍മപുരിയിലുമായി ഹെല്‍പ് ഡെസ്കുകളും പ്രവര്‍ത്തനം തുടങ്ങി. 04344-222603 (ഹൊസൂര്‍), 080-22156554(ബം​ഗളൂരു) 04342-232111 (ധര്‍മപുരി) എന്നിങ്ങനെയാണ് ഹെല്‍പ് ലൈന്‍ നമ്പറുകള്‍.