യുഎഇയിൽ കനത്ത മഴ; റോഡുകളിലും റൺവേകളിലും വെള്ളക്കെട്ട്

എല്ലാ എമിറേറ്റുകളിലും ഇടിയോടുകൂടിയ ശക്തമായ മഴ പെയ്യ്തു. റോഡുകളിലെ  വെള്ളക്കെട്ട്  ഗതാഗതം താറുമാറാക്കി. പലയിടങ്ങളിലും പാര്‍ക്ക് ചെയ്ത വാഹനങ്ങള്‍ വെള്ളത്തില്‍ മുങ്ങി. മഴയെതുടര്‍ന്ന് രാജ്യത്ത് താപനില 14 ഡിഗ്രി സെൽഷ്യസ് വരെ താഴ്‍ന്നു.വ്യോമ ഗതാഗതത്തെ മഴ കാര്യമായി ബാധിച്ചു. റൺവേയിലെ വെള്ളക്കെട്ട് കാരണം ദുബായിലേക്കുള്ള നാല് എയർ ഇന്ത്യ വിമാനങ്ങൾ ഇന്ന് സർവീസ് ക്യാൻസൽ ചെയ്തു. കാലിക്കറ്റ് ദുബായ് എയർ ഇന്ത്യ ഫ്ലൈറ്റ് ദുബായിൽ ലാൻഡ് ചെയ്യാൻ സാധിക്കാത്തത് കാരണം അൽ മഖ്ദൂം എയർപോർട്ടിലാണ് ഇറക്കിയത്. ചെന്നൈ ദുബായ് എയർ ഇന്ത്യ ഫ്ലൈറ്റ് ദുബായ് എയർപോർട്ടിലെ റൺവേയിൽ നിന്നും പാർക്കിംഗ് ബേയിൽ എത്താൻ അഞ്ചു മണിക്കൂർ സമയം എടുത്തു.