Top Stories
മംഗളൂരു വിമാനത്താവളത്തിൽ അത്യുഗ്ര സ്ഫോടന ശേഷിയുള്ള ബോംബ് കണ്ടെത്തി
മംഗളൂരു : മംഗളൂരു അന്താരാഷ്ട്ര വിമാനത്താവളത്തിൽനിന്ന് അത്യുഗ്ര സ്ഫോടന ശേഷിയുള്ള ബോംബ് കണ്ടെത്തി. ഇന്ന് രാവിലെയാണ് സംഭവം. എയർ ട്രാഫിക് മാനേജരുടെ കൗണ്ടറിന്റെ സമീപത്ത് ഉപേക്ഷിക്കപ്പെട്ട നിലയിൽ കണ്ടെത്തിയ ബാഗിനുള്ളിലാണ് ബോംബ് കണ്ടെത്തിയത്.
ഉപേക്ഷിക്കപ്പെട്ട നിലയിൽ കണ്ട ബാഗ് സി.ഐ.എസ്.എഫ്. ഉദ്യോഗസ്ഥർ പരിശോധിച്ചപ്പോഴാണ് ബോംബ് കണ്ടെത്തിയത്. തുടർന്ന് ബോംബ് നിർവീര്യമാക്കുന്നതിന്റെ ഭാഗമായി വിമാനത്താവളത്തിനു പുറത്തേക്ക് മാറ്റി.
വിമാനത്താവളത്തിൽ അതീവജാഗ്രതാ നിർദേശം നൽകി. അഞ്ഞൂറ് മീറ്ററിനുള്ളിൽ ആഘാതം ഏൽപ്പിക്കാൻ സാധിക്കുന്ന അത്യുഗ്രശേഷിയുള്ള ബോംബാണ് കണ്ടെത്തിയത്. ഓട്ടോറിക്ഷയിൽ വിമാനത്താവളത്തിലേക്ക് എത്തിയ ഒരാളാണ് ബോബ് കണ്ടെത്തിയ ബാഗ് വിമാനത്താവളത്തിൽ വെച്ചതെന്നാണ് വിവരം. വിമാനത്താവളത്തിലെ സർവീസുകളെ ബാധിച്ചിട്ടില്ല.
