വാഹനം ഓടിച്ചു കൊണ്ടിരിക്കുകയാണ് നെഞ്ചുവേദന; ദമാമിൽ മലയാളി യുവാവ് മരിച്ചു

വാഹനം ഓടിച്ചു കൊണ്ടിരിക്കെ നെഞ്ചുവേദന അനുഭവപ്പെട്ടതിനെ തുടർന്ന് ദമ്മാമിലെ ക്ലിനിക്കിലെത്തുകയും അവിടെ നിന്ന് ഡോക്​ടറുടെ നിർദ്ദേശപ്രകാരം ആംബുലൻസിൽ  ഗവൺമെൻറ്​ ആശുപത്രിയിലേക്ക് കൊണ്ട് പോകും വഴിയാണ് മരണം സംഭവിച്ചത്. മൃതദേഹം മോർച്ചറിയിൽ സൂക്ഷിച്ചിരിക്കുകയാണ്​. നാട്ടിൽ കൊണ്ടുപോകാനുള്ള നടപടിക്രമങ്ങൾ പുരോഗമിക്കുന്നു.

ദമ്മാദിലെ ഗ്ലോബൽ ലോജിസ്​റ്റിക് കമ്പനിയിലായിരുന്നു സഞ്ജയ് മേനോന് ജോലി. ഒബറോൺ ബാഡ്മിൻറൺ ക്ലബ്ബ് അംഗമാണ്. ദമ്മാമിലും റിയാദിലുമായി നിരവധി പേർക്ക് വയലിൻ പരിശീലനം നൽകിയിരുന്നു. സുജലയാണ് ഭാര്യ. സേതുലക്ഷ്മി, മാധവൻ എന്നിവർ മക്കളാണ്.