മണ്ണെടുക്കൽ തടഞ്ഞ സ്ഥലം ഉടമയെ ജെസിബി കൊണ്ട് അടിച്ചു കൊന്ന ഡ്രൈവർ കീഴടങ്ങി

നാല് പ്രതികളാണ് സംഘത്തിലുണ്ടായിരുന്നത്. ഇതിൽ ഒളിവിൽ പോയ മറ്റ് പ്രതികൾക്കായി പോലീസ് അന്വേഷണം വ്യാപിപ്പിച്ചിരിക്കുകയാണ്. അക്രമി സംഘത്തെ തിരിച്ചറിയാമെന്നും ഉത്തമൻ, സജു എന്നിവർ ഈ സംഘത്തിലുണ്ടായിരുന്നെന്നും നേരത്തെ സംഗീതിന്റെ ഭാര്യ സംഗീത പോലിസിന് മൊഴി നൽകിയിരുന്നു.

ഇന്ന് പുലർച്ചെയാണ് സംഗീതിന്‍റെ പുരയിടത്തില്‍ നിന്നും ചാരുപാറ സ്വദേശി സജുവിന്‍റെ നേതൃത്വത്തിലുള്ള സംഘം മണ്ണ് കടത്താൻ ശ്രമിച്ചത് തടഞ്ഞ സംഗീതിനെ ജെസിബിയുടെ കൈ കൊണ്ട് അടിച്ചു കൊന്നത്. ജെസിബിയുടെ അടിയേറ്റ് വീണ സംഗീതിനെ നാട്ടുകാര്‍ ചേര്‍ന്ന് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.