ഗവർണറെ തിരിച്ചു വിളിക്കണമെന്ന പ്രമേയം പാസാക്കണമെന്ന് ചെന്നിത്തല; ആവശ്യത്തെ സ്വാഗതം ചെയ്യുന്നു എന്ന് ഗവർണർ

തിരുവനന്തപുരം: ഗവർണറെ തിരിച്ചു വിളിക്കണമെന്ന് പറഞ്ഞ പ്രതിപക്ഷ നേതാവ് രമേശ് ചെന്നിത്തലക്ക് മറുപടിയുമായി കേരള ഗവര്‍ണര്‍ ആരിഫ് മുഹമ്മദ് ഖാൻ. തന്നെ തിരിച്ചുവിളിക്കണമെന്നുള്ള ചെന്നിത്തലയുടെ ആവശ്യത്തെ സ്വാഗതം ചെയ്യുന്നു. ഭരണഘടന പ്രകാരം സര്‍ക്കാരിന്റെ അധിപൻ താനാണ്. തന്നെ നിയമിച്ചത് രാഷ്ട്രപതിയാണ്.തന്നെ പറ്റി പരാതിയുള്ളവർ രാഷ്ട്രപതിയെ സമീപിക്കട്ടെ. കേന്ദ്രസര്‍ക്കാരിനെതിരെ സംസ്ഥാന സര്‍ക്കാര്‍ സുപ്രീംകോടതിയെ സമിപീച്ചത് തെറ്റാണ്. സർക്കാരിനെ ഉപദേശിക്കാനും തിരുത്താനും തനിക്ക് അധികാരമുണ്ട്. ഭരണഘടനാപരമായി അത് തന്റെ കർത്തവ്യമാണെന്നും ഗവര്‍ണര്‍ പ്രതികരിച്ചു.