പിണറായി സർക്കാരിനെ കുടുക്കാനാണ് പ്രതിപക്ഷത്തിന്റെ ശ്രമം;ചെന്നിത്തലക്കെതിരെ എ വിജയരാഘവൻ

ഗവർണർ ആരിഫ് മുഹമ്മദ് ഖാനെ തിരിച്ച് വിളിക്കണമെന്നാവശ്യപ്പെട്ട് പ്രമേയം പാസാക്കണമെന്ന് ചെന്നിത്തല സ്പീക്കർക്ക് കത്ത് നൽകിയിരുന്നു. ഇതിനെതിരെയാണ് എൽഡിഎഫ് കൺവീനറിന്റെ പ്രതികരണം.കേരളത്തിൽ നിലവിൽ ഭരണഘടനാ പ്രതിസന്ധിയില്ലെന്നും,  വിസിലടിക്കുന്നതിന് മുൻപേ ഗോളടിക്കാൻ ചെന്നിത്തല ശ്രമിക്കുകയാണെന്നും ഇത് പ്രോത്സാഹിപ്പിക്കാനാകില്ലെന്നും എ വിജയരാഘവൻ പറഞ്ഞു.

ഗവർണറും സർക്കാരും തമ്മിലുള്ള ബന്ധം വഷളാക്കാൻ ആരെയും അനുവദിക്കില്ലെന്ന് എ കെ ബാലൻ മുൻപ് പറഞ്ഞിരുന്നു. ഗവർണറും സർക്കാരും വ്യക്തിപരമായ പ്രശ്‌നങ്ങളില്ലെന്നും പ്രതിപക്ഷത്തിന്റേത് കലക്കവെള്ളത്തിൽ മീൻ പിടിക്കലെന്നും എ കെ ബാലൻ കുറ്റപ്പെടുത്തിയിരുന്നു. സർക്കാറിനെയും ഗവർണറേയും  തമ്മിൽ നിരന്തര ശത്രുക്കളാക്കി നിർത്തുകയാണ് ചെന്നിത്തലയുടെ ഉദ്ദേശം എന്നാണ് ഭരണപക്ഷത്തുള്ള പല നേതാക്കന്മാരുടെയും അഭിപ്രായം.