Month: January 2020
- Top Stories
മലയാളി നഴ്സിന് ബാധിച്ചത് ചൈനയിൽ പടർന്നു പിടിക്കുന്ന മാരകമായ കൊറോണ വൈറസല്ല
റിയാദ്:സൗദി അറേബ്യയിലെ മലയാളി നഴ്സിന് ബാധിച്ചിരിക്കുന്നത് ചൈനയിൽ പടർന്നു പിടിക്കുന്ന മാരകമായ കൊറോണ വൈറസല്ലെന്ന് ഇന്ത്യൻ എംബസി. 2012-ൽ കണ്ടെത്തിയ മെഴ്സിന് കാരണമായ കൊറോണ വൈറസാണ് മലയാളി നഴ്‌സിൽ കണ്ടെത്തിയതെന്ന് ജിദ്ദയിലെ ഇന്ത്യൻ എംബസി. ഈ വൈറസ് ചികിത്സാവിധേയമാണെന്നും ഇന്ത്യൻ എംബസി അറിയിച്ചു. കൊറോണ വൈറസ് സ്ഥിതീകരിച്ച കോട്ടയം ഏറ്റുമാനൂർ സ്വദേശിനിയായ നഴ്സിനെ സൗദി ആരോഗ്യമന്ത്രാലയത്തിന്റെ ആശുപത്രിയിലേക്ക് മാറ്റിയിട്ടുണ്ട്. നഴ്സുമായി അടുത്തിടപഴകിയ മുപ്പത് മലയാളി നഴ്‌സുമാരെ സൗദി അറേബ്യയിലെ അസീർ അബഹ അൽ ഹയാത് ആശുപത്രിയിൽ പ്രവേശിപ്പിച്ചിട്ടുണ്ട്. ഇവരെ പ്രത്യേകം മുറിയിൽ പാർപ്പിച്ചിരിക്കുകയാണ്.
Read More » - News
വേമ്പനാട്ടു കായലിൽ ഹൗസ് ബോട്ട് കത്തിനശിച്ചു;യാത്രക്കാർ കായലിൽ ചാടി രക്ഷപ്പെട്ടു
ആലപ്പുഴ: വേമ്പനാട് കായലില്‍ പാതിരാമണല്‍ ദ്വീപിന് സമീപം സവാരി സഞ്ചാരികളുമായി യാത്ര ചെയ്തുകൊണ്ടിരുന്ന ഹൗസ് ബോട്ടിന് തീപ്പിടിച്ചു. ഹൗസ് ബോട്ടിലുണ്ടായിരുന്ന വിനോദസഞ്ചാരികൾ കായലില്‍ ചാടി രക്ഷപെട്ടു. കുട്ടികളുള്‍പ്പടെയുള്ള 16 യാത്രക്കാരെ മറ്റു ബോട്ടുകളിലെത്തിയ ജീവനക്കാര്‍ എത്തി രക്ഷപ്പെടുത്തുകയായിരുന്നു. ഇന്ന് ഉച്ചക്ക് 1.15ഓടെയായിരുന്നു അപകടം. വേമ്പനാട്ടു കായലിലേക്ക് കുമരകത്തു നിന്നും പോയ ഓഷ്യാനസ് എന്ന ഹൗസ് ബോട്ടാണ് ഉച്ചയോടെ കായലിൽ കത്തിയത്. കണ്ണൂരില്‍ നിന്നും വിനോദസഞ്ചാകളായെത്തിയ മൂന്ന് കുട്ടികളും 10 മുതിര്‍ന്നവരും ഹൗസ്‌ബോട്ട് ജീവനക്കാരും ഉള്‍പ്പെടെ 16 പേരാണ് ബോട്ടിലുണ്ടായിരുന്നത്.
Read More » - News
എട്ടാംക്ലാസ് വിദ്യാർഥിനിയെ തൂങ്ങിമരിച്ചനിലയിൽ കണ്ടെത്തി
തിരുവനന്തപുരം: ഏട്ടാം ക്ലാസ്സ് വിദ്യാർത്ഥിനിയെ തൂങ്ങി മരിച്ച നിലയിൽ കണ്ടെത്തി. ചിങ്ങേലി ഗവൺമെന്റ് ഹയർ സെക്കന്ററി സ്കൂളിലെ വിദ്യാർത്ഥിനിയാണ് വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്. മൃതദേഹം കടക്കൽ താലൂക്ക് ആശുപത്രിയിലേക്ക് മാറ്റി. പൊലീസ് നടപടികൾ പൂർത്തിയാക്കിയ ശേഷം മൃതദേഹം പോസ്റ്റ്മോർട്ടത്തിനായി തിരുവനന്തപുരം മെഡിക്കൽ കോളജ് ആശുപത്രിയിലേക്ക് അയക്കും.
Read More » - News
പാലക്കാട് 15 കിലോ കഞ്ചാവുമായി യുവാക്കൾ പിടിയിൽ
പാലക്കാട് : ഒലവക്കോട് റെയിൽവേ സ്റ്റേഷനിൽ ട്രെയിനിൽ കടത്താൻ ശ്രമിച്ച പതിനഞ്ച് കിലോ കഞ്ചാവുമായി യുവാക്കൾ പിടിയിൽ. തൃശൂർ കരിക്കാട് സ്വദേശിയായ എ.എം.ഷമീൽ (25), കുന്നംകുളം പെരുമ്പിലാവ് സ്വദേശി ടി.കെ.രാഗേഷ് (31) എന്നിവരാണ് അറസ്റ്റിലായത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
Read More » - News
ആലപ്പുഴയിൽ വാഹനാപകടത്തിൽ പ്ലസ്ടു വിദ്യാർഥി മരിച്ചു
ആലപ്പുഴ : ആലപ്പുഴയിൽ വാഹനാപകടത്തിൽ പ്ലസ്ടു വിദ്യാർഥി മരിച്ചു. അവലൂക്കുന്ന് തെക്കേതയ്യിൽ കനകദാസിന്റെ മകൻ കിരൺദാസ് (17) ആണ് മരിച്ചത്. ബൈക്കിന് പിന്നിലിരുന്ന് യാത്ര ചെയ്ത പ്ലസ്ടു വിദ്യാർത്ഥിയാണ് മരിച്ചത്. ബൈക്ക് ഓടിച്ച പറവൂർ കണ്ടംപറമ്പിൽ വിനോദിന്റെ മകൻ കിരണി(20)നെ ഗുരുതര പരിക്കോടെ ആലപ്പുഴ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഗവൺമെന്റ് ഗേൾസ് ഹൈസ്കൂളിന് സമീപത്താണ് അപകടമുണ്ടായത്. വിദ്യാർഥികൾ സഞ്ചരിച്ചിരുന്ന ബൈക്കിൽ, അതേ ദിശയിൽ പൊയ്ക്കൊണ്ടിരുന്ന ഓട്ടോറിക്ഷ തട്ടി ഇരുവരും എതിരെ വന്ന ലോറിക്കടിയിലേക്ക് തെറിച്ചു വീഴുകയായിരുന്നു.
Read More » - News
അക്ഷരം തെറ്റിച്ചതിന് രണ്ടാം ക്ലാസ് വിദ്യാർത്ഥിയെ തല്ലിച്ചതച്ച അധ്യാപികയെ സസ്പെൻഡ് ചെയ്തു
കോട്ടയം: രണ്ടാം ക്ലാസ് വിദ്യാര്‍ത്ഥിയെ ക്രൂരമായി തല്ലി ചതച്ച് അദ്ധ്യാപിക. മലയാളം അക്ഷരം തെറ്റിച്ചതിനാണ് കുട്ടിയെ അദ്ധ്യാപിക തല്ലി ചതച്ചത്. കോട്ടയം കുറുപ്പന്തറ മണ്ണാറപ്പാറ സെന്റ് സേവ്യേഴ്‌സ് എല്‍പി സ്‌കൂളിലാണ് സംഭവം. അദ്ധ്യാപികയായ മിനിമോള്‍ ജോസാണ് രണ്ടാം ക്ലാസിലെ വിദ്യാര്‍ത്ഥി പ്രണവ് രാജിനെ തല്ലി ചതച്ചത്. കുട്ടിയുടെ ശരീരത്തില്‍ അടി കൊണ്ട് നിരവധി പാടുകള്‍ ഉണ്ടായിട്ടുണ്ട്. രക്ഷകർത്താക്കളുടെ പരാതിയെ തുടര്‍ന്ന് അദ്ധ്യാപിക മിനിമോള്‍ ജോസിനെ സസ്‌പെന്‍ഡ് ചെയ്തു. കുട്ടിയെ മര്‍ദ്ദിച്ച സംഭവത്തില്‍ പോലീസും കേസെടുത്തിട്ടുണ്ട്.
Read More » - Top Stories
കളിയിക്കവിള എഎസ്ഐ യുടെ കൊലപാതകം:കൊല്ലാൻ ഉപയോഗിച്ച തോക്ക് കണ്ടെടുത്തു
കൊച്ചി: എ എസ് ഐയെ കൊലപ്പെടുത്താൻ ഉപയോഗിച്ച തോക്ക് കണ്ടെത്തി. എറണാകുളം കെ.എസ്.ആർ.ടിസി. ബസ് സ്റ്റാൻഡിന് സമീപത്തെ ഓടിയിൽ നിന്നാണ് തെളിവെടുപ്പിനിടെ തോക്ക് കണ്ടെടുത്തത്. ഒരു പിസ്റ്റളാണ് കണ്ടെത്തിയിട്ടുള്ളത്. ഇത് കൃത്യത്തിന് ഉപയോഗിച്ച പിസ്റ്റൾ തന്നെയാണോ എന്ന് അന്വേഷണ ഉദ്യോഗസ്ഥർ പരിശോധിച്ച് വരികയാണ്. പ്രതികളിൽ നിന്ന് ലഭിച്ച മൊഴിയനുസരിച്ചാണ് തമിഴ്നാട് ക്യൂ ബ്രാഞ്ച് സംഘം എറണാകുളത്ത് തെളിവെടുപ്പ് നടത്തിയത്. കേരള പോലീസിന്റെ സഹായത്തോടെയാണ് തമിഴ്നാട് ക്യൂബ്രാഞ്ച് സംഘം തെളിവെടുപ്പ് പൂർത്തിയാക്കിയത്.
Read More » - Top Stories
അന്ത്യാഭിലാഷം ആരാഞ്ഞ് ജയിലധികൃതർ;ഇന്നേക്ക് ഒൻപതാം നാൾ തൂക്കു മരത്തിലേക്ക്
ഡൽഹി : നിർഭയയെ പിച്ചിച്ചീന്തി മരണത്തിലേക്ക് വലിച്ചെറിഞ്ഞവർ ഇന്നേക്ക് ഒൻപതാം നാൾ തൂക്കു മരത്തിലേക്ക്. രാജ്യം കണ്ട ഏറ്റവും നിഷ്ഠൂരമായ ക്രൂരതക്ക് ഫെബ്രുവരി ഒന്നാം തീയതി രാവിലെ ആറുമണിക്ക് മരണശിക്ഷ. നിർഭയ കേസിലെ പ്രതികളുടെ വധശിക്ഷക്കുള്ള ഒരുക്കങ്ങൾ ഒന്നൊന്നായി പൂർത്തിയാക്കി തിഹാർ ജയിൽ അധികൃതർ. ദില്ലി കൂട്ടബലാത്സംഗ കേസിലെ നാല് കുറ്റവാളികൾക്കും അന്ത്യാഭിലാഷങ്ങള്‍ ആരാഞ്ഞുകൊണ്ടുള്ള നോട്ടീസ് നല്‍കി ജയിൽ അധികൃതർ. അവസാന കൂടിക്കാഴ്ചയ്ക്കായി ആരെയാണ് കാണാൻ ആഗ്രഹിക്കുന്നത്? സ്വത്ത് ഉണ്ടെങ്കിൽ, അത് മറ്റൊരാൾക്ക് കൈമാറാൻ അവർ ആഗ്രഹിക്കുന്നുണ്ടോ? മതപുസ്തകം വായിക്കാൻ ആഗ്രഹമുണ്ടോ? എന്നീ ചട്ടപ്രകാരമുള്ള ചോദ്യങ്ങളാണ് നോട്ടീസിലുള്ളത്. ഫെബ്രുവരി ഒന്നിന് രാവിലെ ആറ് മണിക്കാണ് പ്രതികളുടെ വധശിക്ഷ നടപ്പാക്കുന്നത്. നേരത്തെ ജനുവരി 22 ന് വധശിക്ഷ നടത്താനായിരുന്നു ഉദ്ദേശിച്ചത്. എന്നാല്‍, കേസിലെ പ്രതികളിലൊരാളായ മുകേഷ് സിങ് ദയാഹർജി നല്‍കിയതോടെ ശിക്ഷ നടപ്പാക്കുന്നത് നീണ്ടുപോവുകയായിരുന്നു. മുകേഷിന്‍റെ ദയാഹർജി രാഷ്ട്രപതി രാംനാഥ് കോവിന്ദ് തള്ളിയതോടെയാണ് ഫെബ്രുവരി ഒന്നിന് വധശിക്ഷ നടപ്പാക്കാനുള്ള പുതിയ മരണവാറണ്ട് കോടതി പുറപ്പെടുവിച്ചത്.
Read More » 16 കാരിയെ മയക്കുമരുന്ന് നൽകി പീഡിപ്പിക്കാൻ ശ്രമിച്ച19 കാരൻ പിടിയിൽ
താമരശ്ശേരി: പ്രായപൂർത്തിയാകാത്ത പെണ്‍കുട്ടിയെ മയക്കു മരുന്ന നൽകി പീഡിപ്പിച്ച കേസില്‍ 19 കാരൻ അറസ്റ്റിൽ. കൊടിയത്തൂർ സ്വദേശി സിടി അഷ്റഫാണ് പോലീസ് പിടിയിലായത്. ഇയാളെ കോടതിയിൽ ഹാജരാക്കി 14 ദിവസത്തേക്ക് റിമാൻഡ് ചെയ്തു. മുക്കം നഗരസഭാ പരിധിയിലെ സര്‍ക്കാര്‍ സ്കൂളിൽ ശുചിമുറിയില്‍ 16 കാരി സിഗരറ്റ് വലിച്ചു കൊണ്ടിരിക്കെ സഹപാഠികൾ കാണുകയും അധ്യാപകരെ അറിയിക്കുകയും ചെയ്തു. തുടർന്ന് അധ്യാപകർ ചോദ്യം ചെയ്തതോടെ സിഗരറ്റ് നൽകിയത് അഷ്റഫാണെന്ന് പെൺകുട്ടി അറിയിച്ചു. ഇതോടെ, സ്കൂള‍് അധികൃതര്‍ മുക്കം പോലീസില്‍ പരാതി നല്‍കി.
Read More »- News
കണ്ടക്ടറെ പോലീസ് മർദ്ദിച്ചു; ആലപ്പുഴയിൽ സ്വകാര്യബസുകളുടെ മിന്നൽ പണിമുടക്ക്
ആലപ്പുഴ: ആലപ്പുഴ നഗരത്തില്‍ സ്വകാര്യ ബസുകളുടെ മിന്നല്‍ പണിമുടക്ക്. ബസ് കണ്ടക്ടറെ പൊലീസ് മര്‍ദ്ദിച്ചതിൽ പ്രതിഷേധിച്ചാണ് മിന്നൽ പണിമുടക്ക് പണിമുടക്ക്. പുന്നപ്ര പൊലീസ് സ്റ്റേഷനിലെ എഎസ്ഐയുടെ മകള്‍ക്ക് കണ്‍സെഷന്‍ നല്‍കാത്തതിന്‍റെ പേരില്‍ സ്റ്റേഷനില്‍ വിളിച്ചുവരുത്തി മര്‍ദ്ദിച്ചെന്നാണ് കണ്ടക്ടറുടെ ആരോപണം.
Read More »
