Month: January 2020
- Top Stories
ശ്രീറാം വെങ്കട്ടരാമൻ പുറത്തുതന്നെ:സസ്പെൻഷൻ കാലാവധി നീട്ടി മുഖ്യമന്ത്രി ഉത്തരവിട്ടു
തിരുവനന്തപുരം: മാധ്യമപ്രവര്‍ത്തകന്‍ കെഎം ബഷീറിനെ വാഹനമിടിച്ച് കൊലപ്പെടുത്തിയ കേസിൽ ഐഎഎസ് ഉദ്യോഗസ്ഥൻ ശ്രീറാം വെങ്കിട്ടരാമന്റെ സസ്പെൻഷൻ കാലാവധി നീട്ടി. 90 ദിവസത്തേക്കാണ് സസ്പെൻഷൻ നീട്ടിയത്. ശ്രീറാമിനെ സർവീസിൽ തിരിച്ചെടുക്കാനുള്ള ചീഫ് സെക്രട്ടറിയുടെ ശുപാർശ തള്ളിക്കൊണ്ടാണ് സസ്പെൻഷൻ കാലാവധി നീട്ടിയത്. നാളെ ഇദ്ദേഹത്തിന്റെ സസ്പെൻഷൻ കാലാവധി അവസാനിക്കാനിരിക്കെയാണ് നടപടി. മുഖ്യമന്ത്രിയാണ് ചീഫ് സെക്രട്ടറിയുടെ ശുപാർശ തള്ളി ശ്രീറാം വെങ്കട്ടരാമന്റെ സസ്പെൻഷൻ കാലാവധി നീട്ടാൻ ഉത്തരവിട്ടത്. സസ്പെന്‍ഷന്‍ കാലാവധി ആറ് മാസം പിന്നിട്ട സാഹചര്യത്തിൽ ഇന്നലെ ശ്രീറാമിനെ സര്‍വ്വീസില്‍ തിരിച്ചെടുക്കാന്‍ ശുപാര്‍ശ ചെയ്തുകൊണ്ടുള്ള റിപ്പോ‍ര്‍ട്ട് സര്‍ക്കാരിന്റെ മുന്നിൽ ചീഫ് സെക്രട്ടറി ടോം ജോസ് നൽകിയിരുന്നു.എന്നാൽ ഈ ശുപാര്‍ശ മുഖ്യമന്ത്രി അംഗീകരിച്ചില്ല.
Read More » - News
കപ്പിത്താൻസ് ഗ്രൂപ്പ് സ്ഥാപനങ്ങളുടെ ഉടമ അൽഫോൺസ് ജോസഫ് നിര്യാതനായി
കൊല്ലം : ശക്തികുളങ്ങര കപ്പിത്താൻസ് ഗ്രൂപ്പ് സ്ഥാപനങ്ങളുടെ ഉടമയും വ്യവസായിയുമായ അൽഫോൺസ് ജോസഫ്(67) നിര്യാതനായി. ജെനിഫർ അൽഫോൺസാണ് ഭാര്യ.മക്കൾ അനുജ അബ്രഹാം ,അനിറ്റ അനൂപ് , അരുൺ അൽഫോൺസ് ,അമിതാ പീറ്റർ ഓസ്റ്റിൻ. മരുമക്കൾ അബ്രഹാം ജോസഫ് ,അനൂപ് ശ്രീകുമാർ, ബെൻസി അരുൺ,പീറ്റർ ഓസ്റ്റിൻ. സംസ്ക്കാര ശുശ്രൂകൾ നാളെ (വെള്ളിയാഴ്ച) 3 മണിക്ക് ശക്തികുളങ്ങര സെന്റ് ജോൺ ഡി ബ്രിട്ടോ ദേവാലയത്തിൽ നടക്കും.
Read More » - Top Stories
വുഹാൻ നഗരത്തിൽ കുടുങ്ങിക്കിടക്കുന്ന ഇന്ത്യക്കാരെ നാളെ ഒഴിപ്പിച്ചേക്കും
ബെയ്ജിങ്: ചൈനയിലെ വുഹാൻ നഗരത്തിൽനിന്ന് ഇന്ത്യക്കാരെ നാട്ടിലെത്തിക്കാനൊരുങ്ങി ഇന്ത്യ. വെള്ളിയാഴ്ച രണ്ട് വിമാനങ്ങൾ ഉപയോഗിച്ച് ഇന്ത്യക്കാരെ നാട്ടിലെത്തിക്കുന്നതിനുള്ള തയ്യാറെടുപ്പുകളാണ് ബെയ്ജിങ്ങിലെ ഇന്ത്യൻ എംബസി നടത്തിക്കൊണ്ടിരിക്കുന്നത്. കൊറോണ വൈറസിന്റെ പ്രഭവ കേന്ദ്രമായ വുഹാൻ നഗരത്തിലും സമീപ പ്രദേശത്തുമുള്ള ഇന്ത്യക്കാരെയാവും ആദ്യ വിമാനത്തിൽ ഒഴിപ്പിക്കുക. ഹുബൈ പ്രവിശ്യയുടെ മറ്റുഭാഗങ്ങളിൽ ഉള്ളവരെയാവും രണ്ടാമത്തെ വിമാനത്തിൽ ഒഴിപ്പിക്കുക.വെള്ളിയാഴ്ച വൈകീട്ടോടെ വിമാനമാർഗം ഇന്ത്യക്കാരെ ഒഴിപ്പിക്കുന്നതിനുള്ള തയ്യാറെടുപ്പുകളാണ് നടത്തുന്നതെന്ന് ബെയ്ജിങ്ങിലെ ഇന്ത്യൻ എംബസി വൃത്തങ്ങൾ വാർത്താ ഏജൻസിയോട് പറഞ്ഞു.
Read More » - Top Stories
തൃശ്ശൂര് വിദ്യാർത്ഥിനിക്ക് കൊറോണ വൈറസ് ബാധ സ്ഥിതീകരിച്ച് ആരോഗ്യ മന്ത്രി
തിരുവനന്തപുരം : കേരളത്തിൽ തൃശ്ശൂര് കൊറോണവൈറസ് ബാധ സ്ഥിരീകരിച്ച് ആരോഗ്യ മന്ത്രി കെ കെ ശൈലജ . ചൈനയിലെ വുഹാനിൽ നിന്നെത്തിയ മലയാളി വിദ്യാർഥിനിക്കാണ് പ്രാഥമിക പരിശോധനയിൽ കൊറോണ വൈറസ് ബാധിച്ചതായി സ്ഥിരീകരിച്ചത്. വിദ്യാർത്ഥിനിയെ തൃശ്ശൂർ ജനറൽ ആശുപത്രിയിൽ ഐസൊലേഷൻ വാർഡിൽ നിരീക്ഷണത്തിലാണ്. നേരത്തെ തന്നെ നിരീക്ഷണത്തിൽ കഴിഞ്ഞിരുന്ന കുട്ടിക്കാണ് വൈറസ് ബാധ സ്ഥിതീകരിച്ചിരിക്കുന്നതെന്ന് ആരോഗ്യ മന്ത്രി വ്യക്തമാക്കി. കേരളത്തിൽ നിന്ന് പരിശോധനക്കയച്ച 20 സാമ്പിളുകളിൽ 10 എണ്ണം നെഗറ്റീവാണ്. ബാക്കി പരിശോധിച്ച സാമ്പിളുകളിൽ 1 എണ്ണം മാത്രമാണ് പോസിറ്റീവ് ആയത്. ഒരു കേസ് പോലും റിപ്പോർട്ട് ചെയ്യപ്പെടാതെ പോകാൻ അനുവദിക്കില്ലെന്ന് ആരോഗ്യമന്ത്രി പറഞ്ഞു. തൃശ്ശൂർ മെഡിക്കൽ കോളേജിൽ ഐസൊലേഷൻ വാർഡ് തുടങ്ങും.
Read More » - Top Stories
കേരളത്തിൽ കൊറോണ വൈറസ് ബാധ സ്ഥിരീകരിച്ചതായി റിപ്പോർട്ട്
ന്യൂഡൽഹി: കേരളത്തിൽ കൊറോണവൈറസ് ബാധ സ്ഥിരീകരിച്ച് കേന്ദ്ര ആരോഗ്യ മന്ത്രാലയം. ചൈനയിലെ വുഹാനിൽ നിന്നെത്തിയ മലയാളി വിദ്യാർഥിനി ക്കാണ് കൊറോണ വൈറസ് ബാധിച്ചതായി സ്ഥിരീകരിച്ചത്. കേന്ദ്ര ആരോഗ്യ മന്ത്രാലയമാണ് ഇക്കാര്യം സ്ഥിരീകരിച്ചത്. വിദ്യാർഥിനി നിരീക്ഷണത്തിൽ കഴിയുകയാണ്. ആശങ്കപ്പെടേണ്ടതില്ല. ഇന്ത്യയിൽ ആദ്യമായിട്ടാണ് കൊറോണവൈറസ് സ്ഥിരീകരിക്കുന്നത്. ലോകാരോഗ്യ സംഘടനയുടെ മാനദണ്ഡം അനുസരിച്ച് രോഗ ബാധിതന്റെ പോരോ മറ്റു വിവരങ്ങളോ പുറത്തുവിട്ടിട്ടില്ല. തൽക്കാലം ആശങ്കപ്പെടേണ്ട സാഹചര്യമില്ലെന്നും എന്നാൽ എല്ലാവരും ജാഗ്രത പാലിക്കണമെന്നും ആരോഗ്യ മന്ത്രാലയം അറിയിച്ചു.
Read More » - Top Stories
മോദിയും ഗോഡ്സേയും ഒരേ ആശയത്തിന്റെ വാക്താക്കളാണ്;വെറുപ്പിന്റെ രാഷ്ട്രീയമാണ് നരേന്ദ്ര മോദിയുടേത്:രാഹുൽ ഗാന്ധി
കൽപറ്റ: ഇന്ത്യക്കാർക്ക് തങ്ങൾ ഇന്ത്യക്കാരാണെന്ന് തെളിയിക്കേണ്ട ഏറ്റവും ദുഃഖകരമായ സാഹചര്യമാണ് വന്ന് ചേർന്നിരിക്കുന്നതെന്ന് കോൺഗ്രസ് നേതാവ് രാഹുൽ ഗാന്ധി. ഇന്ത്യക്കാരായി ഈ മണ്ണിൽ ജനിച്ചുവീണ ഓരോരുത്തരോടും ഇന്ത്യക്കാരനാണെന്ന് തെളിയിക്കാൻ പറയാൻ നരേന്ദ്ര മോദി ആരാണെന്നും രാഹുൽ ഗാന്ധി. ഇന്ത്യക്കാരായി ഈ മണ്ണിൽ ജനിച്ച് വീണ 130 കോടി ജനങ്ങൾക്കും ആരുടേയും സർട്ടിഫിക്കറ്റിന്റെ ആവശ്യമില്ലന്ന് രാഹുൽ ഗാന്ധി പറഞ്ഞു. പൗരത്വ നിയമ ഭേദഗതിക്കെതിരായി വയനാട്ടിൽ നടന്ന റാലിക്ക് ശേഷം പൊതുസമ്മേളനത്തെ അഭിസംബോധന ചെയ്ത് സംസാരിക്കുകയായിരുന്നു രാഹുൽ. ‘പ്രധാനാമന്ത്രി മോദി സംരക്ഷിക്കുന്നത് അദ്ദേഹത്തിന്റെ സുഹൃത്തുക്കളേ മാത്രമാണ്. എല്ലാ തുറമുഖങ്ങളും ഇതിനോടകം അദാനിക്ക് വിറ്റ് കഴിഞ്ഞു. ബിഎസ്എൻഎൽ അടച്ച് പൂട്ടാൻ പോകുന്നു. ഭാരത് പെട്രോളിയവും എയർഇന്ത്യയും വിൽപനക്ക് വെച്ചിരിക്കുന്നു. റെയിൽവേ സ്വകാര്യ വത്കരണ പാതയിലാണെന്നും രാഹുൽ പറഞ്ഞു. അഭിപ്രായം പറയുന്നവരേയും വിശ്വാസം തുറന്ന് പറയുന്നവരേയും വെടിവെച്ച് കൊല്ലുകയും അക്രമിക്കുകയും ചെയ്യുന്നുവെന്നും’ രാഹുൽ ആരോപിച്ചു. ‘വെറുപ്പിന്റെ രാഷ്ട്രീയമാണ് നരേന്ദ്ര മോദിയുടെയും അമിത് ഷായുടെയും. മോദിയും ഗോഡ്സേയും ഒരേ ആശയത്തിന്റെ വാക്താക്കളാണ്. ഗാന്ധിജിയുടെ കണ്ണിൽ നോക്കാതെയാണ് ഗോഡ്സെ വെടിയുതിർത്തത്. മോദിയും അത് തന്നെ ചെയ്യുന്നു. നരേന്ദ്ര മോദിയുടെ ഇന്ത്യയിൽ നമ്മുടെ യുവാക്കൾക്ക് ഭാവിയില്ല. നിങ്ങൾക്ക് ഇവിടെ എത്ര പഠിച്ചാലും ഒരു ജോലിയും ലഭിക്കാൻ പോകുന്നില്ല. ദിനംപ്രതി ഒരോ തൊഴിലും നഷ്ടപ്പെട്ട് വരികയാണ്. ഓരോ മേഖലയിലും പ്രതിസന്ധിയാണ്. എന്താണ് ചെയ്യേണ്ടതെന്ന് പോലും പ്രധാനമന്ത്രിക്കും ധനകാര്യമന്ത്രിക്കും ഒരു ധാരണയുമില്ല. എല്ലാ പ്രതിസന്ധികൾക്കും കാരണം നരേന്ദ്ര മോദിയും അമിത് ഷായും ചേർന്ന് രാജ്യത്ത് പടർത്തുന്ന വെറുപ്പും വിദ്വേഷവുമാണ്. ‘ഇന്ത്യൻ സാമ്പത്തിക മേഖലക്ക് വേണ്ടി മോദി സർക്കാർ ചെയ്ത ഒരു നല്ല കാര്യംപോലും ചൂണ്ടിക്കാണിക്കാൻ സാധിക്കില്ല. തൊഴിലില്ലായ്മാ നിരക്ക് റെക്കോർഡിലെത്തി നിൽക്കുന്നു. എന്ത് പറഞ്ഞാലും ചോദിച്ചാലും പാകിസ്താൻ, പാകിസ്താൻ എന്ന് പറഞ്ഞ്ക്കൊണ്ടിരിക്കും. പാകിസ്താൻ വന്ന് ഇവിടെ ജോലി തരില്ല. എൻആർസിയും സി.എ.എയും നിങ്ങൾക്ക് ജോലി നൽകാൻ പോകുന്നില്ല. കശ്മീരും ജോലി നൽകാൻ പോകുന്നില്ല. ലോകം മുഴുവൻ ഇപ്പോൾ ചോദിക്കുന്നത് ഇന്ത്യക്ക് എന്തുപറ്റിയെന്നാണ്. എത്ര സ്നേഹ സമ്പന്നമായിരുന്നു ഇന്ത്യയെന്നാണ് അവർ…
Read More » - News
ചലച്ചിത്രനടി ഭാമ വിവാഹിതയായി
കോട്ടയം : നടി ഭാമ വിവാഹിതയായി. എറണാകുളം സ്വദേശി അരുണ്‍ ആണ് വരന്‍. കോട്ടയത്തെ സ്വകാര്യ ഹോട്ടലില്‍ വച്ചായിരുന്നു വിവാഹം . സുരേഷ് ഗോപി, മിയ, വിനു മോഹന്‍ തുടങ്ങിയ നിരവധി താരങ്ങൾ വിവാഹത്തിന് പങ്കെടുക്കാന്‍ എത്തിയിരുന്നു. ചെന്നിത്തല സ്വദേശികളായ ജഗദീശന്റെയും ജയശ്രീയുടെയും മകനാണ് അരുൺ . കൊച്ചിയില്‍ സ്ഥിരതാമസമായ ഇവര്‍ ദുബായിയില്‍ ബിസിനസ് ചെയ്യുകയാണ്. ലോഹിതദാസ് സംവിധാനം ചെയ്ത നിവേദ്യത്തിലൂടെയാണ് ഭാമ സിനിമയില്‍ അരങ്ങേറ്റം കുറിച്ചത്. കന്നഡ, തമിഴ്, തെലുങ്ക് തുടങ്ങിയ ഭാഷകളിലായി അൻപതോളം സിനിമകളിൽ ഭാമ അഭിനയിച്ചിട്ടുണ്ട്.
Read More » - News
നടി ആക്രമിക്കപ്പെട്ട കേസിൽ വിചാരണ നടപടികൾ ആരംഭിച്ചു;വിചാരണ അടച്ചിട്ട കോടതി മുറിയിൽ
കൊച്ചി: നടി ആക്രമിക്കപ്പെട്ട കേസിൽ വിചാരണ നടപടികൾ ആരംഭിച്ചു. നടിയും ദിലീപടക്കമുള്ള എല്ലാ പ്രതികളും കോടതിയിലെത്തിയിട്ടുണ്ട്. വിചാരണയുടെ ആദ്യ ദിവസമായ ഇന്ന് ആക്രമിക്കപ്പെട്ട നടിയുടെ വിസ്താരമായിരിക്കും നടക്കുക. രഹസ്യ വിചാരണയായതിനാൽ വിചാരണ നടപടികൾ റിപ്പോർട്ട് ചെയ്യുന്നതിന് മാധ്യമങ്ങൾക്ക് വിലക്കുണ്ട്. സംഭവം നടന്ന് 2 വർഷത്തിനും 11 മാസത്തിനും ശേഷമാണ് കേസിന്റെ വിചാരണ നടപടികൾ തുടങ്ങുന്നത്. ഇരയുടെ സ്വകാര്യത സംരക്ഷിക്കേണ്ടതുകൊണ്ട് തന്നെ അടച്ചിട്ട കോടതി മുറിയിലായിരിക്കും വിചാരണ നടക്കുക. വിചാരണയുമായി ബന്ധപ്പെട്ട അഭിഭാഷകർക്ക് മാത്രമെ കൊച്ചിയിലെ വിചാരണ കോടതിയിലേക്ക് പ്രവേശനമുള്ളു.
Read More » - Top Stories
ഗവർണറെ സഭയിൽ പ്രതിപക്ഷം തടഞ്ഞത് ഒരിക്കലും സംഭവിക്കാൻ പാടില്ലാത്തത്:സ്പീക്കർ
തിരുവനന്തപുരം: നയപ്രഖ്യാപന പ്രസംഗത്തിന് നിയമസഭയിലെത്തിയ ഗവർണറെ പ്രതിപക്ഷം തടഞ്ഞത് ഒരിക്കലും സംഭവിക്കാൻ പാടില്ലാത്ത നടപടിയെന്ന് സ്പീക്കർ പി.ശ്രീരാമകൃഷ്ണൻ. പ്രതിപക്ഷാംഗങ്ങളെ വാച്ച് ആൻഡ് വാർഡ് കൈയേറ്റം ചെയ്തതായി പരാതി ലഭിച്ചിട്ടുണ്ടെന്നും പ്രതിപക്ഷത്തിന്റെ പരാതി പരിശോധിക്കുമെന്നും സ്പീക്കർ പറഞ്ഞു. മന്ത്രിസഭ അംഗീകരിച്ച പോളിസിയാണ് ഗവർണർ സഭയെ അറിയിക്കുന്നത്. അതിന് മാറ്റം വരുത്താൻ മുൻകാലങ്ങളിലെ ഗവർണർമാരും തയ്യാറായിട്ടില്ല. ഇപ്പോഴത്തെ ഗവർണറും തയ്യാറായില്ല. ബലംപ്രയോഗം കൂടാതെ ഗവർണർ ഉൾപ്പടെയുളളവർക്ക് വഴിയൊരുക്കാനുള്ള നിർദേശമാണ് വാച്ച് ആൻഡ് വാർഡിന് നൽകിയിരുന്നത്.
Read More » - News
മുതിർന്ന കോൺഗ്രസ് നേതാവും മുൻമന്ത്രിയുമായ എം.കമലം അന്തരിച്ചു
കോഴിക്കോട്: മുതിർന്ന കോൺഗ്രസ് നേതാവും മുൻമന്ത്രിയുമായ എം.കമലം (95) അന്തരിച്ചു. രാവിലെ ആറുമണിയോടെ കോഴിക്കോട്ടെ വസതിയിൽ വെച്ചായിരുന്നു അന്ത്യം. സംസ്കാരം വൈകീട്ട് അഞ്ചുമണിക്ക് കോഴിക്കോട് മാവൂർ റോഡ് ശ്മശാനത്തിൽ നടക്കും. ഇന്ദിരാഗാന്ധിയുമായി അടുത്ത ബന്ധമുണ്ടായിരുന്ന നേതാവായിരുന്നു എം കമലം. കരുണാകരൻ മന്ത്രിസഭയിൽ 82 മുതൽ 87 വരെ സഹകരണമന്ത്രിയയിരുന്നു വനിതാ കമ്മിഷൻ ചെയർപേഴ്സൺ, കെ.പി.സി.സി. വൈസ് പ്രസിഡന്റ്, ജനറൽസെക്രട്ടറി, എ.ഐ.സി.സി. അംഗം തുടങ്ങിയ നിലകളിൽ ഏഴുപതിറ്റാണ്ടുകാലം ജനങ്ങളുടെ ഇടയിൽ പ്രവർത്തിച്ചിരുന്ന നേതാവായിരുന്നു എം.കമലം.
Read More »
