Month: January 2020
- News
ജാമിയ മിലിയ സര്‍വകലാശാലയില്‍ പൗരത്വ നിയമ ഭേദഗതിക്കെതിരെ നടന്ന പ്രക്ഷോഭത്തില്‍ പങ്കുണ്ടെന്ന് ആരോപിക്കുന്ന 70 പേരുടെ ചിത്രങ്ങള്‍ ഡൽഹി പൊലീസ് പുറത്തുവിട്ടു;വിവരം നൽകുന്നവർക്ക് പാരിതോഷികം
ഡൽഹി : ജാമിയ മിലിയ ഇസ്ലാമിയ സര്‍വകലാശാലയില്‍ പൗരത്വ നിയമ ഭേദഗതി ക്കെതിരെ നടന്ന പ്രക്ഷോഭത്തില്‍ പങ്കുണ്ടെന്ന് ആരോപിക്കുന്ന 70 പേരുടെ ചിത്രങ്ങള്‍ ഡൽഹി പൊലീസ് പുറത്തുവിട്ടു. ഡിസംബര്‍ 15നാണ് ജാമിയ മിലിയയിലെ സമരത്തിനിടെ സംഘര്‍ഷമുണ്ടായത്. സംഭവത്തെ തുടര്‍ന്ന് പൊലീസ് സര്‍വകലാശാലയില്‍ പ്രവേശിച്ച് വിദ്യാര്‍ത്ഥികള്‍ക്കെതിരെ ലാത്തിചാര്‍ജ്ജ് നടത്തിയിരുന്നു. ചിത്രങ്ങളിലുള്ളവരെക്കുറിച്ച് എന്തെങ്കിലും വിവരം ലഭിക്കുന്നവര്‍ 011-23013918, 9750871252 എന്ന നമ്പറില്‍ അറിയിക്കണമെന്നും പൊലീസ് അറിയിച്ചു. ക്യാമ്പസിനുള്ളിൽ നടന്ന സംഘര്‍ഷത്തില്‍ രണ്ട് കേസുകളാണ് പൊലീസ് രജിസ്റ്റര്‍ ചെയ്തിരുക്കുന്നത്. ഉദ്യോഗസ്ഥരുടെ കൃത്യനിര്‍വഹണം തടസ്സപ്പെടുത്തല്‍, പൊതുമുതല്‍ നശിപ്പിക്കല്‍, കലാപത്തിന് ശ്രമിക്കല്‍, നിരോധനാജ്ഞ ലംഘിക്കല്‍ തുടങ്ങിയ വകുപ്പുകളാണ് ചുമത്തിയിരിക്കുന്നത്. സംഘര്‍ഷം ഉണ്ടാക്കാൻ ശ്രമിച്ചവരുടെ ചിത്രമാണ് പുറത്തുവിട്ടതെന്നും ഇവരെക്കുറിച്ചുള്ള വിവരം നല്‍കുന്നവര്‍ക്ക് പാരിതോഷികം നല്‍കുമെന്നും പൊലീസ് അറിയിച്ചു.
Read More » - Top Stories
തൂക്കിലേറ്റാൻ ഒരു ദിവസം മാത്രം ശേഷിക്കെ നിർഭയ കേസിൽ വീണ്ടും ദയാഹർജി
ന്യൂഡൽഹി: വധശിക്ഷ നടപ്പാക്കാൻ ഒരു ദിവസം മാത്രം ബാക്കിനിൽക്കെ നിർഭയ കേസിൽ വീണ്ടും ദയാഹർജി. കേസിലെ പ്രതിയായ വിനയ് ശർമയാണ് ബുധനാഴ്ച വൈകീട്ടോടെ രാഷ്ട്രപതിക്ക് ദയാഹർജി നൽകിയത്. മുൻപ് പ്രതികളിലൊരാളായ മുകേഷ് സിങ്ങിന്റെ ദയാഹർജി രാഷ്ട്രപതി തള്ളിയിരുന്നു. ഇതിനെതിരെ പ്രതി സുപ്രീംകോടതിയെ സമീപിച്ചെങ്കിലും, രാഷ്ട്രപതിയുടെ തീരുമാനത്തിൽ ഇടപെടാനാകില്ലെന്ന് വ്യക്തമാക്കി സുപ്രീംകോടതി ഹർജി ബുധനാഴ്ച തള്ളിയിരുന്നു. നിർഭയ കേസിലെ മറ്റൊരു പ്രതിയായ അക്ഷയ് താക്കൂറിന്റെ തിരുത്തൽ ഹർജി സുപ്രീംകോടതി വ്യാഴാഴ്ച പരിഗണിക്കാനിരിക്കെയാണ് പുതിയ നീക്കം. ഇത് വധശിക്ഷ പരമാവധി നീട്ടിവയ്ക്കാനുള്ള പ്രതികളുടെ അടവായിട്ടാണ് വിലയിരുത്തുന്നത്. ഫെബ്രുവരി ഒന്നിനാണ് നിർഭയ കേസ് പ്രതികളെ തൂക്കിലേറ്റാൻ നിശ്ചയിച്ചിരിക്കുന്നത്.
Read More » - Top Stories
ഗവർണറുടെ സുരക്ഷ വർധിപ്പിച്ചു;ഇനിമുതൽ ഇസഡ് പ്ലസ് കാറ്റഗറി
തിരുവനന്തപുരം: ഗവർണർ ആരിഫ് മുഹമ്മദ് ഖാന്റെ സുരക്ഷ വർധിപ്പിച്ചു. ഇസഡ് പ്ലസ് കാറ്റഗറി സുരക്ഷയാണ് ഗവർണർ ആരിഫ് മുഹമ്മദ് ഖാന് വേണ്ടി ബുധനാഴ്ച മുതൽ ഏർപ്പെടുത്തിയത്. മുൻപ് ഇസഡ് കാറ്റഗറി സുരക്ഷയാണ് ഗവർണർക്ക് നൽകിയിരുന്നത്. പൗരത്വ നിയമ ഭേദഗതി അടക്കമുള്ള വിഷയങ്ങളിൽ പ്രതിഷേധം തുടരുന്ന സാഹചര്യത്തിലാണ് ഗവർണറുടെ സുരക്ഷ വർധിപ്പിച്ചത്. സുരക്ഷ വർധിപ്പിച്ചതിന്റെ ഭാഗമായി രാജ്ഭവനും പരിസരവും പ്രത്യേക സുരക്ഷാ മേഖലയാക്കി മാറ്റി. ഇത് വ്യക്തമാക്കുന്ന ബോർഡും രാജ്ഭവന് മുന്നിൽ സ്ഥാപിച്ചു. സുരക്ഷയ്ക്ക് മാത്രം അമ്പതോളം ഉദ്യോഗസ്ഥരാണ് ഇനിമുതൽ ഗവർണർക്കൊപ്പം ഉണ്ടാവുക.
Read More » - News
തീവണ്ടിയിൽനിന്ന് ചാടി രക്ഷപ്പെട്ട കവർച്ചാക്കേസ് പ്രതി പോലീസ് പിടിയിലായി
ഷൊർണൂർ : ജയിലിലേക്ക് കൊണ്ടുപോകുന്നതിനിടെ തീവണ്ടിയിൽനിന്ന് ചാടി രക്ഷപ്പെട്ട കവർച്ചാക്കേസ് പ്രതി പോലീസിന്റെ പിടിയിലായി. ബംഗ്ലാദേശ് സ്വദേശി മണിക് സർദാറിനെയാണ് ഷൊർണ്ണൂരിലെ നമ്പ്രത്ത് നിന്ന് പോലീസ് പിടികൂടിയത്. ചൊവ്വാഴ്ച ഉച്ചക്ക് കണ്ണൂരിൽനിന്ന് കാക്കനാട് ജില്ലാ ജയിലിലേക്ക് കൊണ്ടുപോവുന്നതിനിടെയാണ് മണിക് സർദർ തീവണ്ടിയിൽനിന്ന് ചാടി രക്ഷപ്പെട്ടത്. രണ്ട് കൈയിലും ഉണ്ടായിരുന്ന വിലങ്ങ് ഊണ് കഴിക്കുന്നതിനുവേണ്ടി ഒരു കൈയിലാക്കിയപ്പോഴായിരുന്നു രക്ഷപ്പെടൽ.പൈങ്കുളം റെയിൽവേ ഗേറ്റിനും കലാമണ്ഡലം റെയിൽവേ മേൽപ്പാലത്തിനും ഇടയിലുള്ള ഭാഗത്ത് തീവണ്ടി വേഗം കുറച്ചപ്പോഴായിരുന്നു ഇയാൾ ചാടി രക്ഷപെട്ടത്.
Read More » - Top Stories
അഭ്യർത്ഥിച്ച് മുഖ്യമന്ത്രി, പരിഗണിച്ച് ഗവർണർ, പണികിട്ടി പ്രതിപക്ഷം
തിരുവനന്തപുരം: പൗരത്വ നിയമ ഭേദഗതിക്കെതിരായ പരാമർശം അടങ്ങുന്ന നയപ്രഖ്യാപന പ്രസംഗത്തിലെ 18-ാം ഖണ്ഡിക ഗവർണർ ആരിഫ് മുഹമ്മദ് ഖാൻ ഇന്ന് നിയമസഭയിൽ വായിച്ചത് മുഖ്യമന്ത്രി പിണറായി വിജയന്റെ അഭ്യർത്ഥന പ്രകാരം ഉള്ള കത്തിന്റെ അടിസ്ഥാനത്തിൽ. പൗരത്വ നിയമഭേദഗതിക്ക് എതിരായ പരാമർശമടങ്ങുന്ന നയപ്രഖ്യാപന പ്രസംഗം പൂർണമായി വായിക്കണമെന്ന് അഭ്യർത്ഥിച്ച് ഗവർണർ ആരിഫ് മുഹമ്മദ് ഖാന് മുഖ്യമന്ത്രി പിണറായി വിജയൻ ഇന്ന് രാവിലെ കത്ത് നൽകിയിരുന്നു. ഭരണഘടനാപരമായ ബാധ്യത ചൂണ്ടിക്കാട്ടിയാണ് മുഖ്യമന്ത്രി ഗവർണർക്ക് കത്ത് നൽകിയത്.
Read More » - News
പ്രതിപക്ഷത്തിന്റെ ഗൂഢാലോചന പൊളിഞ്ഞതിലുള്ള ജാള്യത മറച്ച് വയ്ക്കാൻ നടത്തിയ പൊറാട്ട് നാടകമാണ് ഇന്ന് സഭയിൽ നടന്നത്:എ കെ ബാലൻ
തിരുവനന്തപുരം: നിയമസഭയിൽ നയപ്രഖ്യാപന പ്രസംഗത്തിനെത്തിയ കേരള ഗവര്‍ണര്‍ ആരിഫ് മുഹമ്മദ് ഖാനെ തടഞ്ഞ പ്രതിപക്ഷത്തിന്റെ നടപടിയെ നിശിതമായി വിമര്‍ശിച്ച് ഭരണപക്ഷം. പ്രതിപക്ഷത്തിന്റെ ഗൂഢാലോചന പൊളിഞ്ഞു എന്ന് എകെ ബാലൻ ആരോപിച്ചു. പ്രതിപക്ഷത്തിന് മാനസിക അസ്വാസ്ഥ്യം ആണെന്ന് ഇ പി ജയരാജനും പ്രതികരിച്ചു. ഭരണഘടനാപരമായ ദൗത്യമാണ് ഗവർണറും സർക്കാരും നിർവഹിച്ചതെന്ന് എകെ ബാലൻ പ്രതികരിച്ചു. നയപ്രഖ്യാപന പ്രസംഗത്തിന്റെ ഒഴിവാക്കാൻ തീരുമാനിച്ച ഭാഗവും ഗവർണർ വായിച്ചത് നല്ല കാര്യമെന്നും, പ്രതിപക്ഷത്തിന്റെ ഗൂഢാലോചന പൊളിഞ്ഞതിലുള്ള ജാള്യത മറച്ച് വയ്ക്കാൻ നടത്തിയ പൊറാട്ട് നാടകമാണ് ഇന്ന് സഭയിൽ നടന്നതെന്നും എ കെ ബാലൻ ആരോപിച്ചു. ഗവര്‍ണറുമായി വ്യക്തിപരമായ പ്രശ്നങ്ങളില്ലന്നും ഗവർണറെ തടഞ്ഞത് പൊതു സമൂഹം അംഗീകരിക്കില്ലന്നും അദ്ദേഹം അഭിപ്രായപ്പെട്ടു.
Read More » - News
മെഡിസിന് അഡ്മിഷൻ വാങ്ങിക്കൊടുക്കാമെന്ന് പറഞ്ഞ് തട്ടിപ്പ്:ഡോക്ടർ അറസ്റ്റിൽ
ആറ്റിങ്ങൽ : അന്തർ സംസ്ഥാന തട്ടിപ്പ് സംഘം അറസ്റ്റിൽ. മെഡിസിന് അഡ്മിഷൻ വാങ്ങിത്തരാമെന്ന് പറഞ്ഞ് ആളുകളെ വിശ്വസിപ്പിച്ച് ലക്ഷങ്ങൾ തട്ടിച്ച സംഘത്തിലെ പ്രധാന കണ്ണിയായ കടയ്ക്കൽ കണ്ണൽ ദന്തൽ ക്ലിനിക് എന്ന സ്ഥാപന ഉടമയും ചിതറ ഉജ്ജയിനിയിൽ ദേവരാജന്റെ മകനുമായ ഡോ. ആർ ഡി ഹർഷനെ യാണ് ആറ്റിങ്ങൽ പോലീസ് അറസ്റ്റ് ചെയ്തത്.കൂട്ടു പ്രതിയായ സാജുബിൻ സലിം ഒളിവിലാണ്. ഇയാൾക്കായുള്ള തിരച്ചിൽ പോലീസ് ഊർജ്ജിതമാക്കി.
Read More » - Top Stories
ദയാഹർജി തള്ളിയതിനെതിരെ നിർഭയ കേസ് പ്രതി മുകേഷ് കുമാർ സിങ് സമർപ്പിച്ച ഹർജി സുപ്രീം കോടതി തള്ളി
ന്യൂഡൽഹി: രാഷ്ട്രപതി ദയാഹർജി തള്ളിയതിനെതിരേ നിർഭയ കേസ് പ്രതി മുകേഷ് കുമാർ സിങ് (32)സമർപ്പിച്ച ഹർജി സുപ്രീം കോടതി തള്ളി. രാഷ്ട്രപതിയുടെ തീരുമാനത്തിൽ ഇടപെടാനാകില്ലെന്ന് പറഞ്ഞാണ് സുപ്രീംകോടതി ഹർജി തള്ളിയത്. രാഷ്ട്രപതി തിടുക്കത്തിൽ ദയാഹർജി തള്ളുകയായിരുന്നെന്നും എല്ലാ രേഖകളും രാഷ്ട്രപതിക്കു സമർപ്പിക്കപ്പെട്ടില്ലെന്നും ആരോപിച്ചാണ് മുകേഷ് കുമാർ സിങ് സുപ്രീം കോടതിയെ സമീപിച്ചത്. തിഹാർ ജയിലിൽ താൻ ലൈംഗികപീഡനത്തിനിരയായെന്നും ഏകാന്തതടവിലിട്ടെന്നുമെല്ലാം മുകേഷ് വാദിച്ചെങ്കിലും അതൊന്നും ദയാഹർജി അനുവദിക്കാനുള്ള കാരണമല്ലെന്ന് സോളിസിറ്റർ ജനറൽ തുഷാർ മേത്ത പറഞ്ഞു. നിർഭയ കേസ് പ്രതികളുടെ വധശിക്ഷ ഫെബ്രുവരി ഒന്നിന് നടപ്പാക്കും.
Read More » - Top Stories
യുഎഇയിൽ കൊറോണ വൈറസ് സ്ഥിരീകരിച്ചു
അബുദാബി : യുഎഇയിൽ ആദ്യ കൊറോണവൈറസ് രോഗബാധ സ്ഥിരീകരിച്ചു. കൊറോണാ വൈറസ് പടർന്നുപിടിച്ച ചൈനീസ് നഗരമായ വുഹാനിൽ നിന്നെത്തിയ കുടുംബത്തിനാണ് രോഗബാധ സ്ഥിരീകരിച്ചിട്ടുള്ളത്. യുഎഇ ആരോഗ്യ മന്ത്രാലയമാണ് ഇക്കാര്യം സ്ഥിരീകരിച്ചത്. കൊറോണ വൈറസ് ബാധിതർ മെഡിക്കൽ നിരീക്ഷണത്തിലാണെന്ന് യുഎഇ ആരോഗ്യമന്ത്രാലയം അറിയിച്ചു. പരിഭ്രമിക്കേണ്ട ആവശ്യമില്ലെന്നും ജാഗ്രത തുടരുന്നുവെന്നും സ്ഥിതിഗതികൾ സൂക്ഷ്മമായി നിരീക്ഷിച്ചു വരികയാണെന്നും ആരോഗ്യ മന്ത്രാലയം അറിയിച്ചു.
Read More »
