Month: January 2020
- Top Stories
അതിവേഗം പടരുന്ന കൊറോണ;ചൈനയിൽ നടത്താനിരുന്ന ഏഷ്യൻ ഇൻഡോർ അത്‌ലറ്റിക്‌സ് ചാംപ്യൻഷിപ് റദ്ദാക്കി
ബെയ്ജിങ്: അതിവേഗം പടരുന്ന കൊറോണ വൈറസ് ബാധയെ തുടർന്ന് ചൈനയിൽ മരണസംഖ്യ 80 ആയി ഉയർന്നു. 2700 ആളുകൾ രോഗബാധിതരായി ചികിത്സയിലാണ്. ലക്ഷണങ്ങൾ കാണുന്നതിന് മുമ്പേ തന്നെ കൊറോണവൈറസ് പടർന്ന് പിടിക്കുന്നത് ചൈനീസ് ആരോഗ്യ മേഖലയിലെ ആശങ്ക ഇരട്ടിയാക്കി.കൊറോണ വൈറസ് ശക്തിപ്പെടുന്നതിന്റെ സാധ്യതകൾ കണ്ടുവരുന്നതായി ചൈനീസ് ആരോഗ്യ മന്ത്രി മാ ഷിയോവി പറഞ്ഞു.
Read More » - Top Stories
ബാഗ്ദാദ് അമേരിക്കൻ എംബസിക്കു സമീപം വീണ്ടും റോക്കറ്റാക്രമണം
ബാഗ്ദാദ്: ബഗ്ദാദിലെ ഗ്രീൻ സോണിൽ അമേരിക്കൻ എംബസിക്കു സമീപം വീണ്ടും റോക്കറ്റാക്രമണം. എംബസിക്കു സമീപം അഞ്ച് റോക്കറ്റുകൾ പതിച്ചതായി വാർത്താ ഏജൻസികൾ റിപ്പോർട്ട് ചെയ്തു. ഇറാനി സൈനിക ജനറർ കാസിം സൊലേമാനിയെ അമേരിക്ക വധിച്ച ശേഷം ഇത് മൂന്നാം തവണയാണ് റോക്കറ്റാക്രമണം ഈ മേഖലയിൽ നടക്കുന്നത്. റോക്കറ്റാക്രമണത്തിൽ ആർക്കും പരുക്കേറ്റതായി റിപ്പോർട്ടുകളില്ല.
Read More » - News
വ്യാജ നമ്പർ പ്ലേറ്റ് വച്ച് മണ്ണ് കടത്തി:ടിപ്പർ ഉടമയായ സിപിഎം ബ്രാഞ്ച് സെക്രട്ടറിക്കെതിരെ ജാമ്യമില്ല വകുപ്പ് ചുമത്തി കേസെടുത്തു
തിരുവനന്തപുരം : വ്യാജ നമ്പർ പ്ലേറ്റ് വച്ച് മണ്ണ് കടത്തിയതിന് സിപിഎം ബ്രാഞ്ച് സെക്രട്ടറിയുടെ ടിപ്പർ പിടികൂടി. കുളത്തൂർ കോലത്തുകര ബ്രാഞ്ച് സെക്രട്ടറി അനിൽ കുമാറിന്റെ ടിപ്പറാണ് തുമ്പ പൊലീസ് പിടികൂടിയത്. വാഹനത്തിന്റെ രേഖകളുമായി അനിൽകുമാർ സ്റ്റേഷനിൽ ഹാജരാകാത്തതിനെ തുടർന്ന് പൊലീസ് നടത്തിയ അന്വേഷണത്തിലാണ് വ്യാജ നമ്പർ ഉപയോഗിച്ച് നടത്തിയ തട്ടിപ്പ് പുറത്തായത്. KL 22 N 5791 എന്ന നമ്പർ ഉപയോഗിച്ചാണ് ടിപ്പർ ഓടിയിരുന്നത്. എന്നാൽ പ്രശാന്ത് നഗർ സ്വദേശി ഹരിശങ്കറിന്റെ ബൈക്കിന്റേതാണ് ഈ നമ്പർ.ടിപ്പറിന്റെ യഥാർഥ നമ്പർ KL 22 N 5602. വ്യാജ നമ്പർ പ്ലേറ്റ് ഉപയോഗിച്ച് തട്ടിപ്പു നടത്തിയതായി ബോധ്യപ്പെട്ട പോലീസ് ടിപ്പർ ഉടമയായ സി പി എം ബ്രാഞ്ച് സെക്രട്ടറിക്കെതിരെ ജാമ്യമില്ല വകുപ്പ് ചുമത്തി കേസെടുക്കുകയും ചെയ്തു.
Read More » - News
സ്വന്തം പുരയിടത്തിലെ മണ്ണെടുപ്പ് തടഞ്ഞതിന് വീട്ടുടമയെ കൊലപ്പെടുത്തിയ സംഭവം:മണ്ണുമാന്തിയന്ത്രത്തിന്റെ ഉടമ പിടിയിൽ
തിരുവനന്തപുരം : കാട്ടാക്കടയില്‍ സ്വന്തം പുരയിടത്തിലെ മണ്ണെടുപ്പ് തടഞ്ഞതിന് വീട്ടുടമയെ കൊലപ്പെടുത്തിയ മണ്ണുമാഫിയ സംഘത്തിലെ കൂടുതല്‍ പേര്‍ കസ്റ്റഡിയില്‍.മണ്ണുമാന്തിയന്ത്രത്തിന്റെ ഉടമ ഉള്‍പ്പെടെയുള്ള മുഖ്യപ്രതികളാണ് പിടിയിലായത്. കൂടാതെ സംഗീതിനെ കൊലപ്പെടുത്തിയ ശേഷം പ്രതികള്‍ക്ക് രക്ഷപെടാന്‍ സഹായിച്ച രണ്ടു പേരും കൂടി പിടിയിലായിട്ടുണ്ട്. ഇതോടെ പിടിയിലായവരുടെയെണ്ണം ആറായി. മുഖ്യപ്രതികളില്‍ ചിലര്‍ തമിഴ്നാട്ടിലേക്ക് കടന്നതായി പൊലീസിന് സൂചനയുണ്ട്. ജെ.സി.ബിയുടെ കൈ കൊണ്ട് അടിച്ചാണോ അതോ ടിപ്പറിടിച്ചാണോ സംഗിതിനെ കൊലപ്പെടുത്തിയത് എന്ന് തീർച്ചപ്പെടുത്താനായി വാഹനങ്ങളുടെ ഫൊറന്‍സിക് പരിശോധന നടത്താനും പൊലീസ് തീരുമാനിച്ചു.
Read More » - Top Stories
പൗരത്വനിയമഭേദഗതിക്കെതിരേ കാസർകോട് മുതൽ കളിയിക്കാവിള വരെ മനുഷ്യമഹാശൃംഖല തീർത്ത് ഇടതുമുന്നണി;കൈ ഞരമ്പ് മുറിച്ച് ആത്മഹത്യ പ്രതിഷേധവുമായി യുവാവ്
തിരുവനന്തപുരം: പൗരത്വനിയമഭേദഗതിക്കെതിരേ ലക്ഷങ്ങളെ അണിനിരത്തി കാസർകോട് മുതൽ കന്യാകുമാരിയിലെ കളിയിക്കാവിള വരെ മനുഷ്യമഹാശൃംഖല തീർത്ത് ഇടതുമുന്നണി. കാസർകോട്ട് എസ്. രാമചന്ദ്രൻ പിള്ള ആദ്യ കണ്ണിയും തെക്കേയറ്റത്ത് എം.എ. ബേബി അവസാന കണ്ണിയുമായി. മുഖ്യമന്ത്രി പിണറായി വിജയനും സി.പി.ഐ.സംസ്ഥാന സെക്രട്ടറി കാനം രാജേന്ദ്രനും തിരുവനന്തപുരം പാളയത്ത് പങ്കെടുത്തു. സിനിമാ സംസ്കാരിക പ്രവർത്തകരടക്കം നിരവധി പേർ വിവിധ കേന്ദ്രങ്ങളിൽ കണ്ണികളായി. വൈകീട്ട് നാല് മണിക്ക് കാസർകോട്ടുനിന്ന് പാതയുടെ വലതുവശത്ത് തീർത്ത മനുഷ്യമഹാശൃംഖലയിൽ 60 മുതൽ 70 ലക്ഷംവരെ ആളുകളെ പങ്കെടുപ്പിച്ചതായാണ് എൽഡിഎഫിന്റെ അവകാശവാദം. ഇടതുമുന്നണിക്ക് പുറത്തുള്ള രാഷ്ട്രീയകക്ഷികളിലെ ജനങ്ങളുടെയും സാമുദായിക നേതാക്കളുടെയും പിന്തുണ പരിപാടിക്ക് ലഭിച്ചു. മനുഷ്യ മഹാശൃംഖലയിൽ ഭരണഘടനയുടെ ആമുഖംവായിക്കുകയും ഭരണഘടനാ സംരക്ഷണപ്രതിജ്ഞയെടുക്കുകയും ചെയ്തു. അതേസമയം മനുഷ്യ ശൃംഖലയ്ക്ക് നേരെ ആത്മഹത്യാ ശ്രമം നടത്തിയുള്ള പ്രതിഷേധവും നടന്നു. കൊല്ലം ചിന്നക്കടയിൽ ആയിരുന്നു സംഭവം മേഴ്സിക്കുട്ടിയമ്മ മുകേഷ് ഗണേഷ് കുമാർ എംഎൽഎ കടയ്ക്കൽ അബ്ദുൾ മൗലവി മുല്ലക്കര രത്നാകരൻ തുടങ്ങിയവർ പങ്കെടുത്ത ചടങ്ങിന് എതിരെ ആണ് പ്രതിഷേധം വന്ദേമാതരം എന്ന് ഉച്ചത്തിൽ വിളിച്ചുകൊണ്ട് കയ്യിലെ ഞരമ്പ് മുറിച്ചാണ് പ്രതിഷേധിച്ചത്. രണ്ടാംകുറ്റി സ്വദേശി അജോയിയുടെ കയ്യിലെ ഞരമ്പുകൾ പൂർണ്ണമായും മുറിഞ്ഞു.
Read More » - News
പിണറായി സർക്കാരിനെ കുടുക്കാനാണ് പ്രതിപക്ഷത്തിന്റെ ശ്രമം;ചെന്നിത്തലക്കെതിരെ എ വിജയരാഘവൻ
തിരുവനന്തപുരം : പ്രതിപക്ഷ നേതാവ് രമേശ് ചെന്നിത്തലയ്‌ക്കെതിരെ എൽഡിഎഫ് കൺവീനർ എ വിജയരാഘവൻ. പിണറായി സർക്കാരിനെ കുടുക്കാനാണ് പ്രതിപക്ഷത്തിന്റെ ശ്രമമെന്ന് വിജയരാഘവൻ പറഞ്ഞു. ഇത് അംഗീകരിക്കാൻ കഴിയില്ലെന്നും അദ്ദേഹം പറഞ്ഞു. ഗവർണർ ആരിഫ് മുഹമ്മദ് ഖാനെ തിരിച്ച് വിളിക്കണമെന്നാവശ്യപ്പെട്ട് പ്രമേയം പാസാക്കണമെന്ന് ചെന്നിത്തല സ്പീക്കർക്ക് കത്ത് നൽകിയിരുന്നു. ഇതിനെതിരെയാണ് എൽഡിഎഫ് കൺവീനറിന്റെ പ്രതികരണം.കേരളത്തിൽ നിലവിൽ ഭരണഘടനാ പ്രതിസന്ധിയില്ലെന്നും, വിസിലടിക്കുന്നതിന് മുൻപേ ഗോളടിക്കാൻ ചെന്നിത്തല ശ്രമിക്കുകയാണെന്നും ഇത് പ്രോത്സാഹിപ്പിക്കാനാകില്ലെന്നും എ വിജയരാഘവൻ പറഞ്ഞു.
Read More » - News
മോട്ടോർ വാഹന വകുപ്പ് ഉദ്യോഗസ്ഥരുടെ ‘ശുഷ്കാന്തി’;റെനിറ്റിന്റെ മനസ്സമ്മതം 20 മിനിറ്റ് വൈകി
നെടുങ്കണ്ടം : മോട്ടോർ വാഹന എൻഫോഴ്‌സ്‌മെന്റിന്റെ ‘ശുഷ്കാന്തി’ കാരണം എഴുകുംവയൽ കാക്കനാട് സ്വദേശി റെനിറ്റിന്റെ മനസ്സമ്മതം 20 മിനിറ്റ് താമസിച്ചു. വരനും സംഘവും സഞ്ചരിച്ചിരുന്ന വാഹനം മോട്ടർ വാഹന വകുപ്പ് എൻഫോഴ്സ്മെന്റ് സ്ക്വാഡ് വഴിയിൽ പിടികൂടി അര മണിക്കൂർ വഴിയിൽ പിടിച്ചിട്ടതോടെയാണ് നിശ്ചയിച്ചിരുന്ന സമയവും തെറ്റി 20 മിനിറ്റ് താമസിച്ചത്. റെനിറ്റിന്റെ മനസ്സമ്മതം രാജാക്കാട് ക്രിസ്തുരാജ് ദേവാലയത്തിൽ ഇന്നലെ രാവിലെ 11.30നാണു നിശ്ചയിച്ചിരുന്നത്. രാജാക്കാട് സ്വദേശിനിയായ പെൺകുട്ടിയായിരുന്നു വധു. എഴുകുംവയലിൽ നിന്നു യാത്ര ആരംഭിച്ച് കുമളി- മൂന്നാർ സംസ്ഥാന പാതയിലൂടെ സഞ്ചരിക്കുമ്പോഴാണു മൈലാടുംപാറയിൽ മോട്ടർ വാഹന വകുപ്പ് എൻഫോഴ്സ്മെന്റ് സ്ക്വാഡ് വരൻ സഞ്ചരിച്ച വാഹനം കള്ളടാക്സി എന്നാരോപിച്ചു പിടികൂടിയത്.
Read More » - News
പതിമൂന്നുകാരിയെ പീഡിപ്പിച്ച കേസിൽ മദ്രസ അധ്യാപക അറസ്റ്റിൽ
പത്തനംതിട്ട : പതിമൂന്നുകാരിയെ നിരവധി തവണ പീഡിപ്പിച്ച കേസിൽ മദ്രസ അധ്യാപക അറസ്റ്റിൽ. പത്തനംതിട്ട നിരണം വടക്കുംഭാഗം സ്വദേശി അബ്ദുൽ ജലീലാണ് അറസ്റ്റിലായത്. ഇക്കഴിഞ്ഞ ഓഗസ്റ്റ്, സെപ്തംബർ മാസങ്ങളിൽ ഇയാൾ പലതവണയായി തന്നെ പീഡിപ്പിച്ചിട്ടുണ്ടെന്ന് പെൺക്കുട്ടി പൊലീസിന് നൽകിയ മൊഴിയിൽ പറയുന്നു. കൂട്ടുകാരോടാണ് പെൺക്കുട്ടി ആദ്യം പീഢന വിവരങ്ങൾ പറയുന്നത്. തുടർന്ന് കുട്ടികൾ അധ്യാപകരോട് വിവരം പറഞ്ഞു. അധ്യാപകർ ചൈൽഡ് ലൈൻ പ്രവർത്തകരെ വിവരം അറിയിക്കുകയും ചെയ്യ്തു. ചൈൽഡ് ലൈൻ പ്രവർത്തകരാണ് വിവരം പൊലീസിനെ അറിയിച്ചത്. തുടർന്നാണ് ഇയാളെ പിടികൂടുന്നത്. കോടതിയിൽ ഹാജരാക്കിയ അബ്ദുൾ ജലീലിനെ റിമാൻഡ് ചെയ്തു. ഇയാൾക്കെതിരെ പോക്‌സോ ഉൾപ്പെടെയുള്ള വകുപ്പുകൾ ചേർത്തിട്ടുണ്ട്.
Read More » - Top Stories
കനത്ത സുരക്ഷാ വലയത്തിൽ ദില്ലിയിൽ പ്രൗഢഗംഭീരമായ റിപ്പബ്ലിക് ദിനാഘോഷങ്ങൾക്ക് തുടക്കമായി
ന്യൂഡൽഹി : വീരയോദ്ധാക്കളുടെ ഓർമ്മകൾ നിറഞ്ഞ യുദ്ധസ്മാരകത്തിൽ പ്രധാനമന്ത്രി നരേന്ദ്രമോദി പുഷ്പചക്രം അർപ്പിച്ചതോടെ ദില്ലിയിൽ റിപ്പബ്ലിക് ദിനാഘോഷ പരിപാടികൾക്ക് തുടക്കമായി. പരേഡ് കമ്മാന്റർ ലെഫ് ജനറൽ അസിത് മിസ്ത്രിയിൽ നിന്ന് രാഷ്ട്രപതി രാംനാഥ് കോവിന്ദ് സല്യൂട്ട് സ്വീകരിച്ചു. പ്രൗഢ ഗംഭീരമായ ചടങ്ങുകൾ രാജ്‌പഥിൽ ആരംഭിച്ചു.ഇത്തവണ റിപ്പബ്ലിക് ദിന പരേഡിലെ വിശിഷ്ടാതിഥി ബ്രസീൽ പ്രസിഡന്റ് ജൈർ ബോൾസൊനാരോ ആണ്. 90 മിനിറ്റ് നീണ്ടുനിൽക്കുന്ന പരേഡ് ഇത്തവണ ലെഫ്. ജനറൽ അസിത് മിസ്ത്രി നയിക്കും. വായുസേനയുടെ പുതിയ ചിന്നുക്ക് , അപ്പാച്ചെ ഹെലികോപ്റ്ററുകൾ ഒരുക്കുന്ന ആകാശ കാഴ്ചകളും മുഖ്യ ആകർഷണമാണ്. സാംസ്കാരിക വൈവിധ്യങ്ങളുമായി വിവിധ സംസ്ഥാനങ്ങളുടെ ഫ്ളോട്ടുകളും രാജ്പഥിലൂടെ കടന്നുപോകും.മൻകി ബാത്തിലൂടെ പ്രധാനന്ത്രി ഇന്ന് രാജ്യത്തെ അഭിസംബോധന ചെയ്യും. പൗരത്വ നിയമഭേദഗതിക്കെതിരെയുള്ള പ്രതിഷേധങ്ങൾ തുടരുന്നതിനാൽ കനത്ത സുരക്ഷാവലയത്തിലാകും ചടങ്ങുകൾ.
Read More » - Top Stories
ജാതിയുടെയോ മതത്തിന്റെയോ പേരിൽ ആരെയും മാറ്റിനിർത്തുന്നതല്ല നമ്മുടെ പാരമ്പര്യം:ഗവർണർ
തിരുവനന്തപുരം: ഗവർണർ ആരിഫ് മുഹമ്മദ് ഖാൻ ദേശീയ പതാക ഉയർത്തിയതോടുകൂടി കേരളത്തിലെ റിപ്പബ്ലിക് ദിനാഘോഷങ്ങൾക്ക് തുടക്കമായി. മുഖ്യമന്ത്രി പിണറായി വിജയൻ, ജനപ്രതിനിധികൾ, വിവിധ രാഷ്ട്രീയ കക്ഷി നേതാക്കൾ തുടങ്ങിയവർ ചടങ്ങിൽ സന്നിഹിതരായി. പീഡനം അനുഭവിക്കുന്നവരുടെയും അഭയാർഥികളുടെയും അഭയകേന്ദ്രമാണ് ഇന്ത്യയെന്നും, ജാതിയുടെയോ മതത്തിന്റെയോ പേരിൽ ആരെയും മാറ്റിനിർത്തുന്നതല്ല നമ്മുടെ പാരമ്പര്യമെന്നും ഗവർണർ അഭിസംബോധന പ്രസംഗത്തിൽ പറഞ്ഞു.
Read More »
