Month: January 2020
- News
അസമിൽ രണ്ടിടങ്ങളിൽ സ്ഫോടനം
ഗുവാഹത്തി: അസമിലെ ദിബ്രുഗഢിൽ രണ്ടിടങ്ങളിൽ സ്ഫോടനം. എൻ.എച്ച്. 37നു സമീപം ഗ്രഹാം ബസാറിലെ ഒരു കടയ്ക്ക് അരികിലായാണ് ഇന്നുരാവിലെ ആദ്യ സ്ഫോടനം നടന്നത്. ദിബ്രുഗഢിലെ ഒരു ഗുരുദ്വാരയ്ക്കു സമീപമാണ് രണ്ടാമത്തെ സ്ഫോടനം നടന്നത്. പോലീസ് സ്ഥലത്തെത്തി. സ്ഫോടനത്തെ കുറിച്ചുള്ള അന്വേഷണം ആരംഭിച്ചതായി അസം പോലീസ് അറിയിച്ചു.
Read More » - News
ഇന്ന് എൽഡിഎഫിന്റെ മനുഷ്യ മഹാ ശൃംഖല: 70 ലക്ഷം ആളുകൾ പങ്കെടുക്കുമെന്ന് സിപിഎം
തിരുവനന്തപുരം: പൗരത്വ നിയമ ഭേദഗതി ക്കെതിരെ എൽഡിഎഫ് ഇന്ന് കാസർകോട് മുതൽ കളിയിക്കാവിള വരെ മനുഷ്യ മഹാ ശൃംഘല തീർത്ത് പ്രതിഷേധിക്കും. എഴുപത് ലക്ഷം പേർ മനുഷ്യ ശൃംഖലയിൽ പങ്കെടുക്കുമെന്നാണ് സിപിഎം അവകാശവാദം. ബിജെപി വിരുദ്ധരായ എല്ലാവരെയും മനുഷ്യ ശൃംഖലയിൽ ഒന്നിപ്പിക്കാൻ ആണ് സിപിഎം ശ്രമം. ന്യൂനപക്ഷങ്ങളുടെ വലിയ പങ്കാളിത്തം സിപിഎം പ്രതീക്ഷിക്കുന്നു. ഒപ്പം ഭൂരിപക്ഷ സമുദായങ്ങളുടെ പങ്കാളിത്തം ഉറപ്പാക്കാനും സിപിഎം ശ്രമിക്കുന്നുണ്ട്. ജാതി മത സംഘടനകൾക്കും മനുഷ്യ ശൃംഖലയിൽ പങ്കെടുക്കാൻ സിപിഎം ക്ഷണമുണ്ട്. പൗരത്വബില്ലിനെതിരായ സമരങ്ങളിൽ ആദ്യം സിപിഎമ്മുമായി കൈകോർത്ത യുഡിഎഫ് പക്ഷേ മനുഷ്യ ശൃംഘയെ എതിർക്കുന്നു. സർക്കാർ സംവിധാനം ദുരുപയോഗം ചെയ്യുന്നു എന്നാണ് കോൺഗ്രസ് വിമർശനം. ലീഗും മനുഷ്യ ശൃംഖലയോട് പരസ്യമായ നിസഹകരണം പ്രഖ്യാപിച്ചിട്ടുണ്ട്.
Read More » - News
കാര്‍ബണ്‍ മോണോക്സൈഡ് ശ്വസിച്ചു:മലയാളി ഉള്‍പ്പെടെ രണ്ടുപേർ താമസ സ്ഥലത്ത് മരിച്ച നിലയില്‍
മനാമ: ഒരു മലയാളി ഉള്‍പ്പെടെ രണ്ടുപേരെ ബഹ്റൈനിലെ താമസ സ്ഥലത്ത് മരിച്ച നിലയില്‍ കണ്ടെത്തി. റിഫയില്‍ ജോലി ചെയ്യുന്ന കാസര്‍കോട് സ്വദേശി മഹ്‍മൂദ് യൂസുഫാണ് മരണപ്പെട്ട മലയാളി. ഹൗസ് ഡ്രൈവറായി ജോലി ചെയ്യുന്ന മഹ്‍മൂദ് രാവിലെ എഴുന്നേല്‍ക്കാത്തതിനെ തുടര്‍ന്ന് ഫയര്‍ഫോഴ്‍സിനെ വിവരമറിയിക്കുകയും തുടര്‍ന്ന് ഫയര്‍ഫോഴ്സ് എത്തി വീട് തുറന്നപ്പോള്‍ ഇരുവരെയും മരിച്ച നിലയില്‍ കണ്ടെത്തുകയുമായിരുന്നു. തണുപ്പ് അകറ്റാന്‍ ഇവര്‍ മുറിയില്‍ തീ കത്തിച്ചിരുന്നുവെന്നും അതില്‍ നിന്നുണ്ടായ കാര്‍ബണ്‍ മോണോക്സൈഡ് പുറത്തുപോകാതെ മുറിയ്ക്കുള്ളില്‍ തങ്ങിനിന്നത് ശ്വസിച്ചാണ് മരണകാരണമായതെന്നും പൊലീസ് അറിയിച്ചിട്ടുണ്ട്.
Read More » - Top Stories
ഒരു ലക്ഷ്യത്തിനായി പോരാടുമ്പോൾ രാഷ്ട്രപിതാവ് നൽകിയ അഹിംസയുടെ സന്ദേശം മറക്കരുത്:രാഷ്ട്രപതി
ന്യൂഡൽഹി : ഭരണഘടനാ പരിധിക്കുള്ളിൽ നിന്നുകൊണ്ട് ജനാധിപത്യത്തിന്റെ അടിസ്ഥാന സിദ്ധാന്തങ്ങളായ നീതി, സ്വാതന്ത്ര്യം, സമത്വം, സാഹോദര്യം എന്നിവ കാത്തുസൂക്ഷിക്കാൻ എല്ലാ ഇന്ത്യൻ പൗരന്മാരും ബാധ്യസ്ഥരാണ്. റിപ്പബ്ലിക് ദിനത്തോടനുബന്ധിച്ച് രാജ്യത്തെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. ഒരു ലക്ഷ്യത്തിനായി പോരാടുമ്പോൾ എല്ലാവരും, പ്രത്യേകിച്ച് യുവാക്കൾ മനുഷ്യരാശിക്ക് നമ്മുടെ രാഷ്ട്രപിതാവ് നൽകിയ അഹിംസയുടെ സന്ദേശം മറക്കരുത്. അദ്ദേഹത്തിന്റെ ജീവിത മൂല്യങ്ങൾ ഓർത്താൽ ഭരണഘടനാ ആശയങ്ങൾ പിന്തുടരാൻ എളുപ്പം സാധിക്കുന്നതാണ്.ഒരു സ്വതന്ത്ര ജനാധിപത്യ രാജ്യമെന്ന നിലയിൽ രാജ്യത്തെ എല്ലാ പൗരന്മാർക്കും ഭരണഘടന അവകാശങ്ങൾ നൽകുന്നുണ്ട്. നിയമനിർമാണം, ഭരണനിർവഹണം, നീതിന്യായം എന്നീ മൂന്ന് ഭാഗങ്ങളാണ് രാജ്യത്തിന്റെ അടിസ്ഥാന ഘടകങ്ങളെങ്കിലും ഓരോ പൗരന്മാരുമാണ് രാജ്യത്തിന്റെ യഥാർഥ ശക്തിയെന്നും രാഷ്ട്രപതി കൂട്ടിച്ചേർത്തു.
Read More » - Top Stories
രാജ്യം പത്മ പുരസ്കാരങ്ങൾ പ്രഖ്യാപിച്ചു:അരുൺ ജയ്റ്റ്ലിക്കും സുഷമ സ്വരാജിനും ജോർജ് ഫെർണാണ്ടസിനും പദ്മവിഭൂഷൺ
ന്യൂഡൽഹി : അന്തരിച്ച ബി.ജെ.പി നേതാക്കളും മുൻ കേന്ദ്രമന്ത്രിമാരുമായ അരുൺ ജയ്റ്റ്ലിക്കും സുഷമ സ്വരാജിനും പദ്മവിഭൂഷൺ നൽകും. മരണാനന്തര ബഹുമതിയായാണ് ഇവർക്ക് പദ്മവിഭൂഷൺ നൽകുന്നത്. അന്തരിച്ച മുൻ കേന്ദ്രമന്ത്രി ജോർജ് ഫെർണാണ്ടസും പദ്മവിഭൂഷൺ ബഹുമതിക്ക് അർഹനായി. ഗുസ്തി താരം എം.സി മേരികോം, ഹിന്ദുസ്ഥാനി സംഗീതജ്ഞൻ ഛന്നുലാൽ മിശ്ര, പേജാവർ മുൻ മഠാധിപതി വിശ്വേശതീർത്ഥ സ്വാമി എന്നിവർക്കും പദ്മ വിഭൂഷൺ നൽകും.മലയാളികളായ ശ്രീ എമ്മിനും എൻ.ആർ.മാധവ മേനോനും ഗോവ മുൻ മുഖ്യമന്ത്രിയും കേന്ദ്രമന്ത്രിയുമായിരുന്നു മനോഹർ പരീക്കറും ഉൾപ്പെടെ 16 പേർ പദ്മ ഭൂഷണ് അർഹരായി. എൻ.ആർ.മാധവമേനോനും മനോഹർ പരീഖറിനും മരണാനന്തര ബഹുമതിയായാണ് പുരസ്കാരം. ബാഡ്മിന്റൺ താരം പി.വി.സിന്ധും പദ്മ ഭൂഷൺ നേടിയവരിൽ പെടുന്നു.കേരളത്തിൽനിന്നുള്ള നോക്കുവിദ്യ പാവകളി കലാകാരി മൂഴിക്കൽ പങ്കജാക്ഷി, സാമൂഹികപ്രവർത്തക എം.കെ. കുഞ്ഞോൾ, സസ്യവർഗീകരണ ശാസ്ത്രജ്ഞൻ കെ.എസ്.മണിലാൽ, സാഹിത്യകാരൻ എൻ. ചന്ദ്രശേഖരൻ നായർ, സാമൂഹികപ്രവർത്തകൻ സത്യനാരായണൻ മുണ്ടയൂർ എന്നിവർ ഉൾപ്പെടെ 116പേർ പത്മശ്രീ പുരസ്കാരത്തിന് അർഹരായി.
Read More » - Top Stories
10 പോലീസുകാർക്ക് രാഷ്ട്രപതിയുടെ സ്തുത്യർഹ സേവന പുരസ്കാരം,അഗ്നിരക്ഷാ സേനയിൽ മൂന്നു പേർക്ക് വിശിഷ്ട സേവന പുരസ്കാരം രണ്ടുപേർക്ക് സ്തുത്യർഹ സേവന പുരസ്കാരം
ന്യൂഡൽഹി: രാഷ്ട്രപതിയുടെ സ്തുത്യർഹ സേവന പുരസ്കാരത്തിന് കേരളത്തിൽ നിന്ന് 10 പോലീസുകാർ അർഹരായി. അപകടത്തിൽപ്പെട്ടവരെ രക്ഷിച്ചതിനുള്ള ജീവൻ രക്ഷാപുരസ്കാരം ഏഴുപേർക്കും ലഭിക്കും. അഗ്നിരക്ഷാ സേനയിൽ മൂന്നു പേർ വിശിഷ്ട സേവന പുരസ്കാരത്തിനും രണ്ടുപേർ സ്തുത്യർഹ സേവന പുരസ്കാരത്തിനും അർഹരായി. സ്തുത്യർഹ സേവനത്തിന് അർഹരായവർ: 1. കെ. മനോജ് കുമാർ (എസ്.പി. ആൻഡ് അസിസ്റ്റന്റ് ഡയറക്ടർ, തൃശ്ശൂർ കെ.ഇ.പി.എ.), 2. സി.വി. പാപ്പച്ചൻ (ഡെപ്യൂട്ടി കമാൻഡന്റ്, തൃശ്ശൂർ റിസർവ് ബറ്റാലിയൻ), 3. എസ്. മധുസൂദനൻ ( ഡെപ്യൂട്ടി സൂപ്രണ്ട്, പത്തനം തിട്ട എസ്.ബി.സി.ഐ.ഡി.),4. എസ്. സുരേഷ് കുമാർ, (ഡെപ്യൂട്ടി സൂപ്രണ്ട്, ചങ്ങനാശ്ശേരി ), 5. എൻ.രാജൻ (ഡി.വൈ.എസ്.പി., കോട്ടയം വി.എ.സി.ബി.), 6. കെ.സി. ഭുവനേന്ദ്ര (ഡി.എ.എസ്., ആലപ്പുഴ വി.എ.സി.ബി.), 7. കെ. മനോജ് കുമാർ (എ.എസ്.ഐ., കണ്ണൂർ ട്രാഫിക്), 8. എൽ. സലോമോൻ (അസിസ്റ്റന്റ് കമാൻഡന്റ്, തൃശ്ശൂർ ഐ.ആർ. ബറ്റാലിയൻ), 9. പി. രാഗേഷ് (എ.എസ്.ഐ., ക്രൈംബ്രാഞ്ച് ), 10. കെ. സന്തോഷ് കുമാർ (എ.എസ്.ഐ., തൃശ്ശൂർ സ്പെഷ്യൽ ബ്രാഞ്ച്).
Read More » - Top Stories
സ്വന്തം ജീവൻ കളഞ്ഞ് പുഴയിൽ മുങ്ങിത്താഴ്ന്ന അനുജനെയും കൂട്ടുകാരനെയും രക്ഷിച്ച കുഞ്ഞു ഫിറോസിന് ‘സർവോത്തം ജീവൻ രക്ഷാ പതക്’
കോഴിക്കോട്: സ്വന്തം ജീവൻ കളഞ്ഞ് പുഴയിൽ വീണ് മുങ്ങിത്താഴ്ന്ന അനുജനെയും കൂട്ടുകാരനെയും രക്ഷിച്ച പി കെ ഫിറോസിന് രാജ്യത്തിന്റെ അംഗീകാരം. ഉന്നത ജീവൻരക്ഷാ പുരസ്കാരമായ സർവോത്തം ജീവൻ രക്ഷാ പതക് ആണ് ഫിറോസിന് മരണാനന്തര ബഹുമതിയായി ലഭിച്ചത്. 2018 ജൂലായ് അഞ്ചിനാണ് കണ്ണൂർ ആദികടലായിക്ക് സമീപം കാനാമ്പുഴയിൽ ഫുട്ബോൾ കളിക്കുന്നതിനിടെ ഫിറോസിന്റെ അനുജൻ എട്ടാംക്ലാസുകാരനായ ഫഹദും കൂട്ടുകാരൻ മുഫാസും പുഴയിൽവീണത്. ഇവരെ രക്ഷിക്കാനായി ഫിറോസ് പുഴയിലേക്ക് എടുത്തു ചാടുകയായിരുന്നു. അനുജനെയും കൂട്ടുകാരനെയും രക്ഷിച്ചു കരക്ക് കയറ്റുന്നതിനിടെ ഫിറോസ് ചെളിയിൽ മുങ്ങിത്താഴ്ന്നു.
Read More » - News
നെടുമ്പാശ്ശേരി വിമാനത്താവളത്തിൽ സാറ്റലൈറ്റ് ഫോണുമായി ഇറ്റലി സ്വദേശിനി പിടിയിൽ
കൊച്ചി: നെടുമ്പാശ്ശേരി വിമാനത്താവളത്തിൽ സാറ്റലൈറ്റ് ഫോണുമായി വിദേശ വനിത പിടിയിൽ. ഇറ്റലി സ്വദേശിനി ഗാലോ അനിറ്റാംസ് ആണ് പിടിയിലായത്. ഇവർ ഇത്തിഹാദ് എയർലൈൻസ് വിമാനത്തിൽ അബുദാബി വഴി ഇറ്റലിയിലേയ്ക്ക് പോകാനെത്തിയപ്പോഴാണ് പിടിയിലായത്. സുരക്ഷ പരിശോധനയ്ക്കിടെ സി.ഐ.എസ്.എഫ് ആണ് ഇവരുടെ ബാഗിൽ നിന്ന് ഫോൺ കണ്ടെത്തിയത്. ഇവരെ നെടുമ്പാശേരി പൊലീസിന് കൈമാറി.
Read More » - Top Stories
പദ്മ പുരസ്കാരങ്ങൾ പ്രഖ്യാപിച്ചു: മൂഴിക്കൽ പങ്കജാക്ഷി,സത്യനാരായണൻ മുണ്ടയൂർ എന്നിവർക്ക് പത്മശ്രീ
ന്യൂഡൽഹി: 71ന്നാമത് റിപ്പബ്ലിക് ദിനത്തിന് മുന്നോടിയായി പദ്മ പുരസ്കാരങ്ങൾ പ്രഖ്യാപിച്ചു. രണ്ടുമലയാളികൾ പത്മശ്രീ പുരസ്കാരത്തിന് അർഹരായി. നോക്കുവിദ്യാ പാവകളി കലാകാരി മൂഴിക്കൽ പങ്കജാക്ഷി, സാമൂഹിക വിദ്യാഭ്യാസ പ്രവർത്തകൻ സത്യനാരായണൻ മുണ്ടയൂർ എന്നിവരാണ് പുരസ്കാരത്തിന് അർഹരായത്. നൂറ്റാണ്ടുകൾ പഴക്കമുള്ള കലാരൂപമായ നോക്കുവിദ്യാ പാവകളിയുടെ പ്രചാരണത്തിന് നൽകിയ സംഭാവനകൾ കണക്കിലെടുത്താണ് മൂഴിക്കൽ പങ്കജാക്ഷി അമ്മക്ക് പത്മശ്രീ പുരസ്കാരം നൽകി രാജ്യം ആദരിക്കുന്നത്. അന്യംനിന്നു പോയി കൊണ്ടിരിക്കുന്ന ഈ തനത് പാരമ്പര്യകലാരൂപത്തില്‍ വൈദഗ്ദ്ധ്യമുള്ള അപൂര്‍വ്വ വ്യക്തികളില്‍ ഒരാളാണ് പങ്കജാക്ഷിയമ്മ. മൂക്കിനും മേല്‍ച്ചുണ്ടിനും ഇടയിലുള്ള ഇത്തിരി സ്ഥലത്ത് കുത്തി നിര്‍ത്തിയ ഒരു വടിയിലാണ് നോക്കുവിദ്യ പാവകളിയില്‍ പാവകളെ നിയന്ത്രിക്കുന്നത്. മഹാഭാരതവും രാമായണവും സാമൂഹ്യജീവിതത്തില്‍ നിന്നും എടുത്ത കഥകളുമെല്ലാമാണ് നോക്കുവിദ്യ പാവകളിയില്‍ അരങ്ങേറുന്നത്. എട്ടാം വയസുമുതൽ നോക്കുവിദ്യാ പാവകളിരംഗത്ത് പ്രവർത്തിക്കുന്ന പങ്കജാക്ഷി അമ്മ കോട്ടയം മോനിപ്പള്ളി സ്വദേശിനിയാണ്.
Read More » - News
വസ്തു പോക്കുവരവ് ചെയ്ത് കിട്ടാൻ കൈക്കൂലി;സ്പെഷ്യൽ വില്ലേജ് ഓഫീസർ അറസ്റ്റിൽ
കോട്ടയം: കൈക്കൂലി വാങ്ങുന്നതിനിടെ വില്ലേജ് ഓഫീസർ വിജിലൻസ് പിടിയിൽ. കുറിച്ചി സ്പെഷ്യൽ വില്ലേജ് ഓഫീസർ ആലപ്പുഴ ആറാട്ടുപുഴ സ്വദേശി പി.രാജനെയാണ് വിജിലൻസ് കിഴക്കൻ മേഖലാ ഡിവൈ.എസ്.പി. എം.കെ.മനോജിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. വസ്തു പോക്കുവരവ് ചെയ്ത് കിട്ടാൻ കൈക്കൂലി വാങ്ങുന്നതിനിടെ ആയിരുന്നു പിടിയിലായത്. കോട്ടയം പുതുപ്പള്ളി സ്വദേശികളായ സഹോദരങ്ങൾക്ക് വിൽപ്പത്രപ്രകാരം ലഭിച്ച, 12 സെന്റ് വസ്തു ഇരുവരുടെയും പേരിൽകൂട്ടി ലഭിക്കുന്നതിന് സ്പെഷ്യൽ വില്ലേജ് ഓഫീസറായ പി. രാജനെ സമീപിച്ചു. അപേക്ഷ ശരിയാക്കാനെന്നും പറഞ്ഞ് മുൻകൂറായി 500 രൂപ രാജൻ കൈക്കൂലി വാങ്ങി. തുടർന്ന് രണ്ടായിരം രൂപ കൂടി ആവശ്യപ്പെട്ടതോടെ പരാതിക്കാർ വിജിലൻസ് കിഴക്കൻ മേഖലാ സൂപ്രണ്ട് വി.ജി.വിനോദ്കുമാറിന് പരാതി നൽകുകയായിരുന്നു.
Read More »
