Month: January 2020
- News
കാട്ടാക്കടയിൽ യുവാവിനെ ജെസിബി കൈകൊണ്ട് അടിച്ചു കൊലപ്പെടുത്തിയ കേസിൽ മൂന്ന് പേർ കൂടി കസ്റ്റഡിയിൽ
തിരുവനന്തപുരം : കാട്ടാക്കടയിൽ സ്വന്തം ഭൂമിയിൽനിന്ന് മണ്ണെടുക്കുന്നത് തടഞ്ഞ യുവാവിനെ ജെസിബി കൈകൊണ്ട് അടിച്ചു കൊലപ്പെടുത്തിയ സംഭവത്തിൽ മൂന്ന് പേരെ കൂടി കസ്റ്റഡിയിലെടുത്തു. പ്രതികളുമായി ബന്ധമുള്ളവരെയാണ് കസ്റ്റഡിയിലെടുത്തത്. കേസിലെ മുഖ്യപ്രതികളായ സജു, ഉത്തമൻ എന്നിവരുമായി മണ്ണ് ഇടപാട് നടത്തിയിരുന്നവരാണ് കസ്റ്റഡിയിലായത്. ഇതിൽ കാട്ടാക്കട സ്വദേശി ഉണ്ണി സംഭവം നടന്ന സമയത്ത് സ്ഥലത്ത് ഉണ്ടായിരുന്നതായി പൊലീസ് കണ്ടെത്തിയിട്ടുണ്ട്. ഇവരെ ചോദ്യം ചെയ്യുന്നത് തുടരുകയാണ്. ഇന്നലെ പിടിയിലായ ജെസിബി ഓപ്പറേറ്റർ വിജിനെ കോടതി 14 ദിവസത്തേക്ക് കസ്റ്റഡിയിൽ വിട്ടു.
Read More » - News
സംസ്ഥാനത്ത് അനിശ്ചിതകാല സ്വകാര്യ ബസ് പണിമുടക്ക്
തിരുവനന്തപുരം : സംസ്ഥാനത്ത് അനിശ്ചിതകാല സ്വകാര്യ ബസ് പണിമുടക്ക്. ഫെബ്രുവരി നാല് മുതലാണ് സ്വകാര്യ ബസുകള്‍ പണിമുടക്കുന്നത്. സംയുക്ത സമരസമിതിയാണ് പണിമുടക്കിന് ആഹ്വാനം ചെയ്തത്. ബസ് ചാര്‍ജ് വര്‍ദ്ധിപ്പിക്കണമെന്നാവശ്യപ്പെട്ടാണ് അനിശ്ചിതകാല സമരം. വിദ്യാർത്ഥികളുടെ യാത്രാ നിരക്ക് വർധിപ്പിക്കുക, മിനിമം ബസ് ചാര്‍ജ് 10 രൂപയാക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരം. വിദ്യാർത്ഥികളുടെ യാത്രാ നിരക്ക് ഒരു രൂപയില്‍ നിന്ന് അഞ്ച് രൂപയാക്കി വര്‍ധിപ്പിക്കണമെന്നാണ് ബസ് ഉടമകളുടെ ആവശ്യം.
Read More » - Top Stories
കൊറോണ വൈറസ്:സംസ്ഥാനത്ത് ഏഴ് പേർ നിരീക്ഷണത്തിൽ;ആശങ്കപ്പെടേണ്ട സാഹചര്യം ഇല്ലെന്ന് ആരോഗ്യ വകുപ്പ്
തിരുവനന്തപുരം: കൊറോണ വൈറസ് ബാധയുടെ പശ്ചത്തലത്തിൽ കേരളത്തിൽ ഏഴ് പേർ നിരീക്ഷണത്തിൽ. ചൈനയിൽ നിന്ന് മടങ്ങിയെത്തിയവരാണ് കൊറോണ വൈറസിന്റെ ചെറിയ ലക്ഷണങ്ങൾ പ്രകടിപ്പിച്ചതിനെ തുടർന്ന് നിരീക്ഷണത്തിലുള്ളത്. തീരെചെറിയ ലക്ഷണങ്ങളുള്ള 73 പേർ വീടുകളിൽ നിരീക്ഷണത്തിലാണ്. സംസ്ഥാനത്ത് ഇതുവരെ ആർക്കും രോഗബാധ സ്ഥിതീകരിച്ചിട്ടില്ല. എല്ലാ ജനറൽ ആശുപത്രികളിലും മെഡിക്കൽ കോളേജുകളിലും ഐസലേഷൻ വാർഡുകൾ ആരംഭിച്ചു. കേരളത്തിലെ ഏഴ് പേരടക്കം 11 പേർ ഇന്ത്യയിൽ നിരീക്ഷണത്തിലാണ്. കേരളത്തിലെ ഏഴ് പേർക്ക് പുറമേ മുംബൈയിൽ നിന്ന് രണ്ടും ബംഗളൂരു, ഹൈദരാബാദ് എന്നിവിടങ്ങളിൽ നിന്നുള്ള ഓരോരുത്തരും നിരീക്ഷണത്തിലുണ്ട്.പനി അടക്കമുള്ള ലക്ഷണങ്ങളുണ്ടെങ്കിൽ ഐസലേഷൻ വാർഡുകളിൽ പ്രവേശിപ്പിക്കും. എന്നാൽ മുൻകരുതലിന്റെ ഭാഗമായാണിതെന്നും ആശങ്കപ്പെടേണ്ട സാഹചര്യം ഇല്ലെന്നും ആരോഗ്യ വകുപ്പ് അറിയിച്ചു.
Read More » - Top Stories
ഗവർണറെ തിരിച്ചു വിളിക്കണമെന്ന പ്രമേയം പാസാക്കണമെന്ന് ചെന്നിത്തല; ആവശ്യത്തെ സ്വാഗതം ചെയ്യുന്നു എന്ന് ഗവർണർ
തിരുവനന്തപുരം: ഗവർണറെ തിരിച്ചു വിളിക്കണമെന്ന് പറഞ്ഞ പ്രതിപക്ഷ നേതാവ് രമേശ് ചെന്നിത്തലക്ക് മറുപടിയുമായി കേരള ഗവര്‍ണര്‍ ആരിഫ് മുഹമ്മദ് ഖാൻ. തന്നെ തിരിച്ചുവിളിക്കണമെന്നുള്ള ചെന്നിത്തലയുടെ ആവശ്യത്തെ സ്വാഗതം ചെയ്യുന്നു. ഭരണഘടന പ്രകാരം സര്‍ക്കാരിന്റെ അധിപൻ താനാണ്. തന്നെ നിയമിച്ചത് രാഷ്ട്രപതിയാണ്.തന്നെ പറ്റി പരാതിയുള്ളവർ രാഷ്ട്രപതിയെ സമീപിക്കട്ടെ. കേന്ദ്രസര്‍ക്കാരിനെതിരെ സംസ്ഥാന സര്‍ക്കാര്‍ സുപ്രീംകോടതിയെ സമിപീച്ചത് തെറ്റാണ്. സർക്കാരിനെ ഉപദേശിക്കാനും തിരുത്താനും തനിക്ക് അധികാരമുണ്ട്. ഭരണഘടനാപരമായി അത് തന്റെ കർത്തവ്യമാണെന്നും ഗവര്‍ണര്‍ പ്രതികരിച്ചു. നിയമസഭാ നടപടിയെ വെല്ലുവിളിക്കുകയും നിയമസഭയുടെ അന്തസ് വരെ ചോദ്യം ചെയ്യുന്ന നിലപാട് സ്വീകരിക്കുകയും ചെയ്യുന്ന ഗവര്‍ണറെ തിരിച്ച് വിളിക്കാൻ രാഷ്ട്രപതി തയ്യാറാകണമെന്ന പ്രമേയം നിയസഭയിൽ അവതരിപ്പിച്ച് പാസാക്കണമെന്ന് രമേശ് ചെന്നിത്തല സ്പീക്കര്‍ ശ്രീരാമകൃഷ്ണന് നോട്ടീസ് നൽകിയിരുന്നു. കേരള നിയമസഭയുടെ ഭാഗമായ ഗവര്‍ണര്‍ പ്രമേയത്തെ തള്ളിയും നിയമസഭാ നടപടിയെ അവഹേളിച്ചതും തെറ്റാണ്. അതൃപ്തിയുണ്ടെങ്കിൽ അത് ഗവര്‍ണര്‍ സ്പീക്കറെ രേഖാമൂലം അറിയിക്കണമായിരുന്നു എന്നും പ്രതിപക്ഷ നേതാവ് രമേശ് ചെന്നിത്തല പറഞ്ഞിരുന്നു.
Read More » - News
ബലാത്സംഗ കേസില്‍ പ്രതിപ്പട്ടികയിൽ നിന്ന് ഒഴിവാക്കണമെന്ന ഹര്‍ജിയുമായി ബിഷപ്പ് ഫ്രാങ്കോ മുളക്കല്‍
കോട്ടയം: ബലാത്സംഗ കേസില്‍ പ്രതിപ്പട്ടികയിൽ നിന്ന് ഒഴിവാക്കണമെന്ന ഹര്‍ജിയുമായി ബിഷപ്പ് ഫ്രാങ്കോ മുളക്കല്‍. വിചാരണ കൂടാതെ പ്രതിപ്പട്ടികയില്‍ നിന്ന് ഒഴിവാക്കണമെന്നാണ് ഫ്രാങ്കോയുടെ ആവശ്യം. ഹര്‍ജിയില്‍ ഫെബ്രുവരി നാലിന് കോടതി വാദം കേള്‍ക്കും. 2019 ജൂണ്‍ 27 നാണ് കുറുവിലങ്ങാട് മഠത്തില്‍ വച്ച് 2014-16 കാലയളവില്‍ ബിഷപ്പ് ലൈംഗികമായി പീഡിപ്പിച്ചെന്ന് കന്യാസ്ത്രീ പരാതി നല്‍കിയത്. ബലാത്സംഗം, അന്യായമായി തടവിൽ വയ്ക്കൽ, അധികാരം ഉപയോഗിച്ച് സ്ത്രീയെ ലൈംഗീകമായി പീഡിപ്പിക്കൽ ഉൾപ്പടെ ആറു വകുപ്പുകളാണ് ഫ്രാങ്കോ മുളയ്ക്കലിനെതിരെയുള്ള കുറ്റപത്രത്തിൽ പോലീസ് ചുമത്തിയിരിക്കുന്നത്.
Read More » - News
കിഴക്കന്‍ തുര്‍ക്കിയില്‍ ശക്തമായ ഭൂചലനം18 പേര്‍ കൊല്ലപ്പെട്ടു
ഇസ്താംബുള്‍: കിഴക്കന്‍ തുര്‍ക്കിയില്‍ ശക്തമായ ഭൂചലനം. വെള്ളിയാഴ്ചയുണ്ടായ ഭൂചലനത്തില്‍ 18 പേര്‍ കൊല്ലപ്പെട്ടു. തലസ്ഥാന നഗരമായ അങ്കാരയില്‍നിന്ന് 550 കിലോമീറ്റര്‍ അകലെ എലസിഗ് പ്രവിശ്യയില്‍ റിക്ടര്‍ സ്‌കൈലില്‍ 6.8 രേഖപ്പെടുത്തിയ ഭൂചലനമാണ് അനുഭവപ്പെട്ടത്. കെട്ടിടങ്ങള്‍ തകര്‍ന്ന് വീണുണ്ടായ അപകടത്തില്‍പ്പെട്ടാണ് കൂടുതല്‍ ആൾക്കാർ മരിച്ചത്. കെട്ടിടത്തിനുള്ളില്‍ കുടങ്ങിക്കിടക്കുന്ന 30 പേര്‍ക്കായി തെരച്ചില്‍ ശക്തമാക്കിയിരിക്കുകയാണ്. എലസിഗില്‍ 13 പേരും മലട്യയില്‍ അഞ്ചു പേരുമാണ് കൊല്ലപ്പെട്ടത്.
Read More » - News
കരിപ്പൂർ വിമാനത്താവളത്തിലൂടെ കടത്തിയ 35 ലക്ഷത്തിന്റെ സ്വർണ്ണം തട്ടിയെടുത്ത് മറ്റൊരു കൊള്ളസംഘം
മലപ്പുറം: കരിപ്പൂർ വിമാനത്താവളം വഴി കസ്റ്റംസിനെ വെട്ടിച്ച് കടത്തിയ 35 ലക്ഷത്തിന്റെ സ്വർണം മുഖംമൂടി ധാരികൾ കൊള്ളടയടിച്ചു. കരിപ്പൂർ വിമാനത്താവളം വഴി സ്വർണം കടത്തുന്ന സംഘത്തെയാണ് മറ്റൊരു കൊള്ളസംഘം ആക്രമിച്ച് 900 ഗ്രാം സ്വർണം കവർന്നത്. ഇന്നോവ കാറിലെത്തിയ മുഖംമൂടി ധാരികളായ ആറ് പേരാണ് സ്വർണം തട്ടിയെടുത്ത്. കൊണ്ടോട്ടി മുസല്യാർ അങ്ങാടിയിൽ ഇന്ന് രാവിലെയാണ് സംഭവം. പുലർച്ചെ 3.20നുള്ള വിമാനത്തിൽ സ്വർണവുമായി എത്തിയ കോഴിക്കോട് അത്തോളി സ്വദേശി ഫലസു വിമാനത്താളത്തിന് പുറത്തെത്തിയ ഉടൻ സ്വർണം പെരിന്തൽമണ്ണ സ്വദേശികളായ ഫൈസൽ, മുഹമ്മദ് എന്നിവർക്ക് കൈമാറി. തുടർന്ന് ഇവർ മറ്റൊരു കാറിൽ വിമാനത്താവളത്തിൽ നിന്ന് പുറപ്പെട്ടു.
Read More » - News
യുഎസിൽ മലയാളി വിദ്യാർത്ഥിനിയെ തടാകത്തിൽ മരിച്ച നിലയിൽ കണ്ടെത്തി
യുഎസി ൽ മലയാളി വിദ്യാർത്ഥിനിയെ തടാകത്തിൽ മരിച്ച നിലയിൽ കണ്ടെത്തി. റോസ് ജെറി എന്ന വിദ്യാര്‍ത്ഥിനിയുടെ മൃതദേഹമാണ് കാമ്പസിന് സമീപമുള്ള സെന്റ് മേരീസ് തടാകത്തില്‍ കണ്ടെത്തിയത്. നോട്രെ ഡാം സര്‍വകലാശാലയിലെ വിദ്യാര്‍ത്ഥിനിയാണ് റോസ്. വെള്ളിയാഴ്ചയാണ് റോസിന്റെ മൃതദേഹം കണ്ടെത്തിയത്. ചൊവ്വാഴ്ച മുതൽ ആനിനെ കാണാതായിരുന്നു. ഹൈസ്കൂൾ ലെവലിൽ നാഷണല്‍ മെറിറ്റ് സ്‌കോളര്‍ഷിപ്പ് നേടിയിട്ടുള്ള റോസ് ഓടക്കുഴല്‍ വിദഗ്ധയാണ്. എറണാകുളം സ്വദേശികളാണ് മാതാപിതാക്കള്‍. അസ്വാഭാവിക മരണവുമായി ബന്ധപ്പെട്ട് പോലീസ് അന്വേഷണം ആരംഭിച്ചു.
Read More » - News
കൂടത്തായി കൊലപാതക പരമ്പര:ആല്ഫൈന് കൊലപാതകത്തിലെ കുറ്റപത്രം ഇന്ന് സമർപ്പിക്കും
കോഴിക്കോട്: കൂടത്തായി കൊലപാതക പരമ്പരയിലെ മൂന്നാമത്തെ കുറ്റപത്രം ഇന്ന് താമരശേരി ഫസ്റ്റ് ക്ലാസ് മജിസ്ട്രേറ്റ് കോടതിയില്‍ സമര്‍പ്പിക്കും. ആല്ഫൈന് കൊലപാതകത്തിലെ കുറ്റപത്രമാണ് ഇന്ന് സമർപ്പിക്കുന്നത്. ഒന്നാം പ്രതി ജോളി, ബ്രെഡില്‍ സയനൈഡ് പുരട്ടി നല്‍കി ആല്‍ഫൈനെ കൊലപ്പെടുത്തിയെന്നാണ് കുറ്റപത്രം. ജോളിയുടെ സുഹൃത്ത് മാത്യു, സയനൈഡ് എത്തിച്ച് നല്‍കിയ സ്വര്‍ണ്ണപ്പണിക്കാരന്‍ പ്രജുകുമാര്‍ എന്നിവരാണ് രണ്ടും മൂന്നും പ്രതികള്‍.സയനൈഡ് ഉള്ളില്‍ ചെന്ന് ആല്ഫൈന് മരിച്ച ദിവസം പുലിക്കയത്തെ വീട്ടിലുണ്ടായിരുന്ന സിലിയുടെ ബന്ധുക്കളും ചികിത്സിച്ച ഡ‍ോക്ടറുമടക്കം 110 ലധികം സാക്ഷികളുണ്ട്. ഇപ്പോഴത്തെ ഭര്‍ത്താവ് ഷാജുവിനെ വിവാഹം കഴിക്കുന്നതിന് വേണ്ടി ആസൂത്രിതമായാണ് ജോളി ആല്‍ഫൈനെ കൊലപ്പെടുത്തിയതെന്നാണ് കുറ്റപത്രത്തില്‍ പറയുന്നത്. ആല്ഫൈന് ജീവിച്ചിരിക്കുകയാണെങ്കില്‍ ബാധ്യതയാകുമെന്ന് കരുതിയാണ് കൊല. ജോളി ചെറിയ ഡപ്പിയിലാക്കി കരുതിയ സയനൈഡ് തക്കം കിട്ടിയപ്പോള്‍ ബ്രഡില്‍ പുരട്ടി ആല്ഫൈന് നല്‍കാനായി എടുത്തുവച്ചു. ഇതൊന്നുമറിയാതെ ഷാജുവിന്‍റെ സഹോദരി ആന്‍സി ബ്രഡ് നല്‍കുകയും ചെയ്തുവെന്നാണ് കുറ്റപത്രത്തില്‍ പറയുന്നത്.
Read More » - Top Stories
കളിയിക്കവിള എഎസ്ഐ വധം:പ്രതികളുടെ തീവ്രവാദ ബന്ധത്തിന് തെളിവ്
തിരുവനന്തപുരം : എ.എസ്.എസ്.ഐ.യെ കൊലപ്പെടുത്തിയ കേസിലെ പ്രതികൾക്ക് തീവ്രവാദബന്ധമുണ്ടെന്നതിനു കൂടുതൽ തെളിവ് ലഭിച്ചു. പ്രതികളായ അബ്ദുൽ ഷമീം, തൗഫീഖ് എന്നിവരുടെ ബാഗിൽനിന്നു കണ്ടെടുത്ത കുറിപ്പിലാണ് തീവ്രവാദബന്ധത്തിന്റെ സൂചനയുള്ളത്. പ്രതികളെ നെയ്യാറ്റിൻകരയിലെത്തിച്ച് തെളിവെടുപ്പ് നടത്തുമ്പോഴാണ്, പ്രതികൾ ജാഫർ എന്ന ആളെ സൂക്ഷിക്കാനേൽപ്പിച്ച ബാഗ് വീണ്ടെടുത്ത് ബാഗിൽനിന്നു തീവ്രവാദബന്ധം സൂചിപ്പിക്കുന്ന കുറിപ്പ് കണ്ടെടുത്തത്. തമിഴിലുള്ള കുറിപ്പിൽ ഇംഗ്ലീഷിൽ ഐ.എസ്.ഐ. എന്നും രേഖപ്പെടുത്തിയിരുന്നു. കൂടല്ലൂർ സ്വദേശിയായ കാജ ഭായ് ആണ് സംഘത്തിന്റെ തലവനെന്ന സൂചനയും തമിഴ്നാട് ക്യു ബ്രാഞ്ചിനു ലഭിച്ചിട്ടുണ്ട്. വിൽസണെ വെടിവയ്ക്കുന്നതിനു മുമ്പ് കുത്തിപ്പരിക്കേൽപ്പിക്കാൻ ഉപയോഗിച്ച കത്തിയും പോലീസ് കണ്ടെടുത്തു. വിൽസണെ വെടിവച്ച തോക്ക് കഴിഞ്ഞ ദിവസം എറണാകുളത്തുനിന്നു കണ്ടെടുത്തിരുന്നു. കത്തി തമ്പാനൂർ ബസ് സ്റ്റാൻഡിനു സമീപത്തുനിന്നാണ് കണ്ടെടുത്തത്. ബസ് സ്റ്റാൻഡിലെ ആളൊഴിഞ്ഞ ഭാഗത്ത് പ്ലാസ്റ്റിക് കവറിൽ പൊതിഞ്ഞ നിലയിലാണ് രക്തംപുരണ്ട കത്തി കണ്ടെടുത്തത്. അബ്ദുൽ ഷമീമാണ് കത്തി ഉപേക്ഷിച്ച സ്ഥലം കാട്ടിക്കൊടുത്തത്. വെടിവയ്പ് നടന്ന ദിവസം വൈകീട്ട് നാലുമണിക്കു ശേഷമാണ് ഇരുവരും ബാലരാമപുരത്തെ സൂപ്പർ മാർക്കറ്റിലെത്തി കത്തി വാങ്ങിയത്. ഒപ്പം ഒരു ചോക്ളേറ്റും വാങ്ങിയിരുന്നു. പ്രതികളെ സൂപ്പർമാർക്കറ്റിലെ ജീവനക്കാർ തിരിച്ചറിഞ്ഞു.
Read More »
