Month: February 2020
- Top Stories
കൊച്ചിയിൽ കൊറോണ ബാധ സംശയിച്ച കണ്ണൂർ സ്വദേശി മരിച്ചു
കൊച്ചി: കൊച്ചിയിൽ പനി ബാധിച്ച് ചികിത്സയിലായിരുന്ന കണ്ണൂർ സ്വദേശി മരിച്ചു. കൊറോണ ബാധ സംശയിച്ചതിനെ തുടർന്ന് കളമശ്ശേരി മെഡിക്കൽ കോളേജിലെ ഐസോലേഷൻ വാർഡിൽ ചികിത്സയിലായിരുന്നു ഇയാള്‍. മരണകാരണം വൈറൽ ന്യുമോണിയയെന്ന് ഡോക്ടർമാർ അറിയിച്ചു.
Read More » - News
തൃശ്ശൂരിൽ ചരക്ക് ലോറി ബൈക്കിലിടിച്ച് ദമ്പതികൾ മരിച്ചു
തൃശൂര്‍: തൃശൂർ വലപ്പാട് ചരക്ക് ലോറി ബൈക്കിലിടിച്ച് തമിഴ്നാട് സ്വദേശികളായ ദമ്പതികൾ മരിച്ചു. ഒരാൾക്ക് പരിക്കേറ്റു. തമിഴ്നാട് സേലം സ്വദേശികളായ ഇളങ്കോവൻ (40) രമ്യ (35) എന്നിവരാണ് മരിച്ചത്. പരിക്കേറ്റ അന്യസംസ്ഥാന തൊഴിലാളിയെ ആശുപത്രിയിൽ പ്രവേശിപ്പിച്ചു. ഇന്ന് പുലർച്ചെ ആറ് മണിയോടെയായിരുന്നു അപകടം. കർണാടകയിൽ നിന്ന് കൊച്ചിയിലേക്ക് സവാള കയറ്റി വരികയായിരുന്ന ലോറി നിയന്ത്രണം വിട്ട് ആദ്യം എതിരെ വന്ന സൈക്കിളിലും തുടർന്ന് ബൈക്കിലും ഇടിക്കുകയായിരുന്നു. സൈക്കിൾ യാത്രികനായ ബംഗാൾ സ്വദേശിയെ പരിക്കുകളോടെ സ്വകാര്യ ആശുപത്രിയിൽ പ്രവേശിപ്പിച്ചു. വലപ്പാട് പെലീസ് ലോറി കസ്റ്റഡിയിൽ എടുത്തു..
Read More » - Top Stories
കൊറോണയിൽ താളംതെറ്റി ലോകം;സുരക്ഷ മുൻനിർത്തി കർശന നടപടികളുമായി ലോക രാജ്യങ്ങൾ
കുവൈറ്റ് : കൊറോണ വൈറസ് ബാധ ലോകമെങ്ങും പടർന്നു പിടിക്കുന്ന സാഹചര്യത്തിൽ തങ്ങളുടെ സുരക്ഷ മുൻനിർത്തി കർശന നടപടികളുമായി രാജ്യങ്ങൾ. ആഭ്യന്തര സാമ്പത്തിക മേഖലയെയും വിനോദസഞ്ചാരമേഖലയെയും പ്രവാസികൾ ജോലി ചെയ്യുന്ന മേഖലയെയും ഒക്കെ പ്രതികൂലമായി ബാധിക്കുന്ന തീരുമാനങ്ങളാണ് കൊറോണ ബാധയുടെ പശ്ചാത്തലത്തിൽ സുരക്ഷ മുൻനിർത്തി പല രാജ്യങ്ങളും കൈക്കൊള്ളുന്നത്. ഗൾഫ് മേഖലകളിൽ ഏറ്റവും കൂടുതൽ പ്രവാസികളായി ജോലിചെയ്യുന്ന ഇന്ത്യക്കാരെയുൾപ്പെടെ നിയന്ത്രണങ്ങൾ പ്രതികൂലമായി ബാധിച്ചു. വൈറസിനെതിരായ പ്രതിരോധപ്രവർത്തനം സൗദി അറേബ്യ കർശനമാക്കിയതോടെ നിരവധി മലയാളികൾ മണിക്കൂറുകളോളം വിമാനത്താവളങ്ങളിൽ കുടുങ്ങി. താമസവിസയിലുള്ളവർ അവധികഴിഞ്ഞ് മടങ്ങിയെത്തിയപ്പോഴാണ് വിമാനത്താവളത്തിൽ കുടുങ്ങിക്കിടക്കേണ്ട അവസ്ഥ. സന്ദർശക വിസയിലെത്തിയ മലയാളികൾ ഉൾപ്പെടെയുള്ള കുടുംബങ്ങൾക്ക് പുറത്തിറങ്ങാനായില്ല. നിരവധി മലയാളികളെ നാട്ടിലേക്ക് മടക്കിയയച്ചു. ഗള്‍ഫ് രാജ്യങ്ങളില്‍ കൊറോണ വൈറസ് വ്യാപിക്കുന്ന സാഹചര്യത്തില്‍ ഏഴ് രാജ്യങ്ങളിലെ പൗരന്മാര്‍ക്ക് സന്ദര്‍ശക വിസ നല്‍കുന്ന നടപടികള്‍ സൗദി അറേബ്യ നിര്‍ത്തിവെച്ചു. മറ്റു ഗൾഫ് നാടുകളും കൊറോണ പ്രതിരോധപ്രവർത്തനങ്ങൾ ഊർജിതമാക്കി. വിസ നല്‍കുന്നത് നിര്‍ത്തിവെച്ച ഏഴ് രാജ്യങ്ങളിലെ പൗരന്മാര്‍ ഇതിനോടകം നേടിയ ടൂറിസ്റ്റം വിസകള്‍ താത്കാലികമായി മരവിപ്പിക്കുകയും ചെയ്തു. ടൂറിസം വിസയില്‍ സൗദി അറേബ്യയില്‍ പ്രവേശിക്കുന്നവര്‍ക്ക് മക്കയും മദീനയും സന്ദര്‍ശിക്കാന്‍ അനുമതിയുണ്ടാകില്ല. ഉംറ വിസകള്‍ അനുവദിക്കുന്നതിന് സൗദി അറേബ്യ നേരത്തെ തന്നെ നിയന്ത്രണം കൊണ്ടുവന്നിരുന്നു.
Read More » - News
പാലാരിവട്ടം പാലം അഴിമതി:ഇബ്രാഹിംകുഞ്ഞിനെ വിജിലൻസ് ഇന്ന് വീണ്ടും ചോദ്യം ചെയ്യും
തിരുവനന്തപുരം: പാലാരിവട്ടം പാലം അഴിമതിക്കേസിൽ മുൻ മന്ത്രി വികെ ഇബ്രാഹിംകുഞ്ഞിനെ വിജിലൻസ് ഇന്ന് വീണ്ടും ചോദ്യം ചെയ്യും. കഴിഞ്ഞ ആഴ്ച വിജിലൻസ് സംഘം മൂന്ന് മണിക്കൂർ ഇബ്രാഹിംകുഞ്ഞിനെ ചോദ്യം ചെയ്തിരുന്നു. അന്ന് എഴുതി തയ്യാറാക്കിയ ചോദ്യങ്ങൾക്ക് ഇബ്രാഹിം കുഞ്ഞ് നൽകിയ പല വിശദീകരണങ്ങളും തൃപ്തികരമാകാത്ത സാഹചര്യത്തിലാണ് വീണ്ടും ചോദ്യം ചെയ്യാൻ വിജിലൻസ് വിളിപ്പിച്ചിരിക്കുന്നത്.
Read More » കഞ്ചാവ് വിതരണ സംഘത്തിലെ പ്രധാന കണ്ണി എക്സൈസ് പിടിയിൽ
കണ്ണൂർ : കഞ്ചാവ് മൊത്തമായി വിലക്കെടുത്ത് യുവാക്കൾക്കിടയിൽ വിതരണം ചെയ്യുന്ന സംഘത്തിലെ പ്രധാന കണ്ണിയെ എക്സൈസ് സംഘം അറസ്റ്റ് ചെയ്തു. തൂത്തുക്കുടി ഇന്ദിരാനഗറിൽ രാമരാജ് മകൻ മുത്തുകുമാറിനെയാണ് എക്സൈസ് സംഘം പിടികൂടിയത്. ഇയാൾ കഴിഞ്ഞ കുറെ നാളുകളായി പാപ്പിനിശ്ശേരി എക്സൈസ് സംഘത്തിന്റെ നിരീക്ഷണത്തിലായിരുന്നു. പാപ്പിനിശ്ശേരി റെയിൽവെ ഓവർ ബ്രിഡ്ജിന് സമീപമുള്ള എം.എം ഹോസ്പിറ്റലിന് സമീപം വെച്ച് വില്പനയ്ക്കായി കടത്തിക്കൊണ്ട് വന്ന രണ്ടര കിലോ കഞ്ചാവുമായാണ് മുത്തുകുമാറിനെ എക്സൈസ് സംഘം പിടികൂടിയത്. എക്സൈസ് സംഘത്തെ കണ്ട് ഓടി രക്ഷപ്പെടാൻ ശ്രമിച്ച ഇയാളെ സാഹസികമായി പിടികൂടുകയുമായിരുന്നു.
Read More »- Top Stories
കൊറോണ എന്ന് സംശയം;പയ്യന്നൂർ സ്വദേശിയായ യുവാവ് ആശുപത്രിയിൽ
എറണാകുളം : കൊറോണ ബാധയെന്ന സംശയത്തിൽ കണ്ണൂർ പയ്യന്നൂർ സ്വദേശിയായ യുവാവ് ആശുപത്രിയിൽ ചികിത്സയിൽ. ഇന്നലെ വിദേശത്ത് നിന്നും എത്തിയ യുവാവിനെയാണ് ആശുപത്രിയിൽ പ്രവേശിപ്പിച്ചത്. അഞ്ചു ദിവസമായി കടുത്ത പനിയും ശ്വാസ തടസവും തുടരുന്ന യുവാവിന് കടുത്ത ന്യൂമോണിയ ബാധിച്ചിട്ടുണ്ട്. ഗുരുതരാവസ്ഥയിലുള്ള യുവാവിനെ എറണാകുളം ഗവ. മെഡിക്കൽ കോളജ് ആശുപത്രിയിൽ വെന്റിലേറ്ററിൽ പ്രവേശിപ്പിച്ചിരിക്കുകയാണ്. മലേഷ്യയിൽ നിന്ന് ഇന്നലെ രാത്രി ഒരു മണിക്ക് വിമാനമിറങ്ങിയ യുവാവിനെ പരിശോധനയ്ക്കു വിധേയനാകുകയായിരുന്നു. തുടർന്നാണ് അവിടെ നിന്നു മെഡിക്കൽ കോളജിലേക്ക് എത്തിച്ചത്. കൊറോണ ബാധയുണ്ടോന്ന് സ്ഥിതീകരിക്കാൻ യുവാവിന്റെ സ്രവങ്ങൾ പരിശോധനയ്ക്ക് അയച്ചിരിക്കുകയാണ്.
Read More »
