ഇന്ന് സംസ്ഥാന ബജറ്റ്

ചെലവു ചുരുക്കുന്നതിന്റെ ഭാഗമായി വാഹന ഉപയോഗ നയം, തസ്തിക പുനർവിന്യാസം, അനാവശ്യ അധ്യാപക തസ്തിക സൃഷ്ടിക്കൽ ഒഴിവാക്കുന്നതിന് സ്പെഷൽ റൂൾസ് ഭേദഗതി എന്നിവ പ്രഖ്യാപിച്ചേക്കും.  ജി.എസ്.ടി. ഒഴികെയുള്ള മറ്റു നികുതികളുടെ പരിഷ്കരണത്തിലൂടെ സർക്കാരിന്റെ വരുമാനം വർദ്ധിപ്പിക്കാനുള്ള നടപടിയുണ്ടാകും. അതോടൊപ്പം തന്നെ സർക്കാരിന്റെ ചിലവ് ചുരുക്കൽ നടപടികളും ഉണ്ടാകും. പുതുസംരംഭങ്ങളെ പ്രോത്സാഹിപ്പിക്കാനുള്ള പ്രഖ്യാപനങ്ങൾ ഉണ്ടായേക്കും. 5 ലക്ഷത്തോളം അനർഹരെ ഒഴിവാക്കിയതു വഴി ലാഭിക്കുന്ന പണം കൊണ്ട് ക്ഷേമ പെൻഷൻ തുക 100 രൂപ വർധിപ്പിക്കും. 20,000 കോടി രൂപയുടെ പദ്ധതികൾ കിഫ്ബിക്കു കീഴിൽ അടുത്ത സാമ്പത്തിക വർഷം പൂർത്തിയാക്കും.