ഡൽഹിയിൽ വനിത പൊലീസ് സബ്ഇൻസ്പെക്ടറെ വെടിവച്ചു കൊന്നു

ഡൽഹി : ഡൽഹിയിൽ വനിത പൊലീസ് ഉദ്യോഗസ്ഥയെ വെടിവച്ചു കൊന്നു. പട്പട്ഗഞ്ച് ഇന്റസ്ട്രിയൽ മേഖല സബ് ഇൻസ്പെക്ടർ പ്രീതി അഹ്ലാവത്താണ് കൊല്ലപ്പെട്ടത്. ഇന്നലെ രാത്രി ഒമ്പതരയോടെയായിരുന്നു സംഭവം. ജോലി കഴിഞ്ഞ് രോഹിണി മെട്രോ സ്റ്റേഷനിൽ ഇറങ്ങി വീട്ടിലേക്ക് നടക്കുന്ന വഴി അക്രമി പൊടുന്നനെ പ്രീതിയുടെ നേർക്ക്  വെടിയുതിർക്കുകയായിരുന്നു. തലയിൽ മൂന്നു തവണ വെടിയേറ്റ പ്രീതി തൽക്ഷണം മരിച്ചു.