വർഗീയതയേയും വിഭാഗീയതയേയും തെരഞ്ഞെടുപ്പ് രാഷ്ട്രീയത്തിൽ നിന്ന് അകറ്റി നിർത്തണമെന്ന വലിയ പാഠമാണ് ഡൽഹി

ന്യൂഡൽഹി: ഇന്ദ്രപ്രസ്ഥത്തിൽ മൂന്നാം തവണയും ആം ആദ്മിയുടെ വ്യക്തവും ശക്തവും ആയ മുന്നേറ്റം. അരവിന്ദ് കേജരിവാൾ എന്ന ഒറ്റയാൻ ചുക്കാൻ പിടിച്ച നയപരമായ തീരുമാനങ്ങളിൽ ഊന്നിയുള്ള പ്രചാരണ തന്ത്രങ്ങളുടെ വിജയത്തിനാണ് ഡൽഹി ഇന്ന് സാക്ഷ്യംവഹിച്ചത്. തീവ്ര ഹിന്ദുത്വം ഉയർത്തിപ്പിടിച്ച് പ്രചാരണത്തിന് ഇറങ്ങിയ ബിജെപിയെ മൃദുഹിന്ദുത്വത്തിന്റെ സൗമ്യ മുഖത്തോടെ നിസ്സാരമായി നേരിട്ട് മുട്ട് കുത്തിച്ചു കളഞ്ഞു കെജ്‌രിവാൾ. ഇന്ദ്രപ്രസ്ഥത്തിലെ എല്ലാ വിഭാഗത്തിലുള്ള ജനങ്ങളുടെയും ആത്മാവ് തൊട്ടറിയാൻ ശ്രമിച്ചതാണ് കെജ്രിവാളിന്റെ വിജയത്തിന് കാരണം. വർഗീയതയേയും വിഭാഗീയതയേയും തെരഞ്ഞെടുപ്പ് രാഷ്ട്രീയത്തിൽ നിന്ന് അകറ്റി നിർത്തണമെന്ന വലിയ പാഠമാണ് ഡൽഹിയിലെ ആം ആദ്മിയുടെ വിജയം രാജ്യത്തെ എല്ലാ രാഷ്ട്രീയ പാർട്ടികൾക്കും കാട്ടി കൊടുക്കുന്നത്. വികസനത്തിനൊപ്പം തന്നെയാണ് ജനം എന്ന് ഒരിക്കൽ കൂടി തെളിഞ്ഞു.