മലയാളി ദമ്പതികളെ പൊള്ളലേറ്റ് ദുബായിൽ ആശുപത്രിയിൽ പ്രവേശിപ്പിച്ചു

ദുബായ്: മലയാളി യുവാവിനെയും ഭാര്യയെയും ഗുരുതരമായി പൊള്ളലേറ്റ് ദുബായിൽ ആശുപത്രിയിൽ പ്രവേശിപ്പിച്ചു. അനിൽ നൈനാൻ, ഭാര്യ നീനു എന്നിവരെയാണ് അബുദാബിയിലെ മഫ്റാഖ് ആശുപത്രിയിൽ പ്രവേശിപ്പിചിരിക്കുന്നത്. ദുബായിലെ ഉമൽ ഖ്വയിനിലെ അപ്പാർട്ടമെന്റിലുണ്ടായ തീപിടിത്തത്തിൽ നിന്ന് ഭാര്യയെ രക്ഷിക്കുന്നതിനിടെയാണ് അനിലിന് ഗുരുതരമായി പൊള്ളലേറ്റത്. അനിലിന്റെ ഭാര്യ നീനുവിന് പൊള്ളലേറ്റിട്ടുണ്ടെങ്കിലും പരിക്ക് ഗുരുതരമല്ല.

തിങ്കളാഴ്ച രാത്രിയാണ് ഫ്ലാറ്റിൽ തീപിടിത്തം ഉണ്ടായത്. 90 ശതമാനം പൊള്ളലേറ്റിട്ടുള്ള അനിലിന്റെ നില ഗുരുതരമായി തുടരുകയാണെന്ന് ഡോക്ടർമാർ അറിയിച്ചെന്ന് ആശുപത്രിയിലെ ബന്ധുക്കൾ പറഞ്ഞു. ദുബായിൽ ജോലി ചെയ്യുന്ന ഇവർക്ക് നാല് വയസുള്ള മകനുണ്ട്.