കൊറോണ:ഡയമണ്ട് പ്രിൻസസ് കപ്പലിലെ രണ്ട് ഇന്ത്യക്കാർക്കുകൂടി വൈറസ് ബാധ

3711 പേരുള്ള കപ്പലിൽ 138 പേർ ഇന്ത്യക്കാരാണ്. പരിശോധനയിൽ വൈറസ് ബാധിച്ചിട്ടില്ലെന്ന് കണ്ടവരെ എത്രയും വേഗം നാട്ടിലെത്തിക്കാൻ വേണ്ടതെല്ലാം ചെയ്യുമെന്ന് ടോക്യാവിലെ ഇന്ത്യൻ സ്ഥാനപതി കാര്യാലയം അറിയിച്ചു. ഇന്ത്യക്കാരുടെ ആരുടെയും നില ഗുരുതരമല്ലെന്ന് എംബസി ഉദ്യോഗസ്ഥർ പറഞ്ഞു. ഇന്ത്യക്കാരുടെ വിവരങ്ങൾ ആരാഞ്ഞ് എംബസി ഉദ്യോഗസ്ഥർ കപ്പൽ മാനേജ്മെന്റ്, ജപ്പാൻ സർക്കാർ എന്നിവരുമായി നിരന്തരം ബന്ധപ്പെടുന്നുണ്ട്. ഫെബ്രുവരി രണ്ടിനാണ് കൊറോണ വൈറസ് ബാധയെ തുടർന്ന്  ജപ്പാൻ ബ്രിട്ടീഷ് കപ്പൽ പിടിച്ചിട്ടത്.