കൊല്ലത്ത് വെടിയുണ്ട ഉപേക്ഷിക്കപ്പെട്ട സംഭവം:മിലിറ്ററി ഇന്റലിജന്റ്‌സ് അന്വേഷണം ആരംഭിച്ചു

പതിനാല് വെടിയുണ്ടകളാണ് കഴിഞ്ഞ ദിവസം കണ്ടെത്തിയത്. കൊല്ലം റൂറൽ എസ് പിയുടെ നേതൃത്വത്തിൽ ഇന്നല ഉണ്ടകൾ പരിശോധിച്ചിരുന്നു. കണ്ടെത്തിയത് മെഷിൻ ഗണ്ണിൽ ഉപയോഗിക്കുന്ന വെടിയുണ്ടകളാണെന്നാണ് ബാലിസ്റ്റിക് വിഭാഗം കണ്ടെത്തിയിട്ടുള്ളത്. 7.62 എം എം വെടിയുണ്ടകളാണ് കണ്ടെത്തിയിരിക്കുന്നത്. ഈ ചുരുക്കെഴുത്തിൽ എഴുതിയിരിക്കുന്ന വെടിയുണ്ടകൾ 1980 കാലഘട്ടത്തിൽ പാകിസ്ഥാനിൽ നിർമിച്ചിരുന്നതിന് സമാനമാണെന്നാണ് സംശയം ഉയർന്നിരിക്കുന്നത്.ഇന്ത്യയിലെ ഒരു സേനകളും ഈ വെടിയുണ്ടകള്‍ ഉപയോഗിക്കുന്നില്ല.