ഡൽഹി കലാപം:മരണം 34,അക്രമത്തിനിടെ സ്കൂളിൽ പോയ 13 കാരിയെ കാണാനില്ലെന്ന് പരാതി

ന്യൂഡൽഹി: ഡൽഹി കലാപത്തിൽ കൊല്ലപ്പെട്ടവരുടെ എണ്ണം 34 ആയി. കഴിഞ്ഞ ദിവസങ്ങളിലെ അക്രമങ്ങളിൽ പരിക്കേറ്റ് ആശുപത്രികളിൽ കഴിഞ്ഞിരുന്ന  ഏഴ് പേർ കൂടി ഇന്ന് മരിച്ചു. ഗുരു തേജ് ബഹാദൂർ ആശുപത്രിയിലാണ് 30 മരണങ്ങൾ റിപ്പോർട്ട് ചെയ്തിരിക്കുന്നത്. എൽ.എൻ.ജെ.പി. ആശുപത്രിയിൽ രണ്ടും ജഗ്പർവേശ് ചന്ദ്ര ആശുപത്രിയിൽ ഒരു മരണവും റിപ്പോർട്ട് ചെയ്തിട്ടുണ്ട്.

അതേസമയം വടക്ക് കിഴക്കൻ ഡൽഹി പൊതുവെ ശാന്തമായി വരികയാണ്. പുതിയ അക്രമ സംഭവങ്ങളൊന്നും തന്നെ റിപ്പോർട്ട് ചെയ്തിട്ടില്ല. മെട്രോ സ്റ്റേഷനുകളെല്ലാം തുറന്നു പ്രവർത്തിക്കുന്നുണ്ട്. റോഡുകളിലൂടെ വാഹനങ്ങൾ ഓടുന്നുണ്ട്. സുരക്ഷാ സേനയുടെ നിയന്ത്രണത്തിലാണ് ഇപ്പോൾ തെരുവുകളെല്ലാം.