Month: February 2020
വ്യാജമദ്യ വില്പന എതിർത്തതിന്റെ പേരിൽ കുത്തേറ്റ് ചികിത്സയിലായിരുന്ന യുവാവ് മരണപ്പെട്ടു
കൊല്ലം : കുന്നിക്കോട് ചക്കുവരയ്ക്കലിൽ വ്യാജമദ്യ വില്പന എതിർത്തതിന്റെ പേരിൽ കുത്തേറ്റ് ചികിത്സയിലായിരുന്ന യുവാവ് മരണപ്പെട്ടു. കുന്നിക്കോട് സ്വദേശി ഡാനിഷ് ബാബു (30) ആണ് മരിച്ചത്. സംഭവത്തിൽ മൂന്ന് പ്രതികളെ പൊലീസ് പിടികൂടി.
Read More »- News
സ്കൂൾ കുട്ടികളുമായി പോയ ഓട്ടോ മറിഞ്ഞ് എട്ട് പേർക്ക് പരിക്കേറ്റു
കണ്ണൂർ : പാനൂരിൽ സ്കൂൾ കുട്ടികളുമായി പോയ ഓട്ടോ മറിഞ്ഞ് കുട്ടികളടക്കം എട്ട് പേർക്ക് പരിക്കേറ്റു. ഗുരുതര പരിക്കേറ്റ രണ്ട് വിദ്യാര്‍ഥികളെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ചൊക്ലി നെടുമ്പ്രം രാമകൃഷ്ണ എൽപി സ്കൂളിലെ വിദ്യാർഥികളുമായി സഞ്ചരിച്ച ഓട്ടോ ആണ് മറിഞ്ഞത്. രാവിലെഒമ്പതരയേടെയായിരുന്നു സംഭവം. ഓട്ടോ ഡ്രൈവറും അധ്യാപികയുമടക്കം എട്ട് പേരാണ് വണ്ടിയിലുണ്ടായിരുന്നത്. നിയന്ത്രണം വിട്ട ഓട്ടോ മതിലിലിടിച്ച് മറിയുകയിരുന്നു. പരിക്കേറ്റവരെ തലശ്ശേരിയിലെ സഹകരണ ആശുപത്രിയിൽ പ്രവേശിപ്പിച്ചു.
Read More » - Top Stories
മോദി-ട്രംപ് നിർണായക ചർച്ച തുടങ്ങി
ന്യൂഡൽഹി : ഡൊണാൾഡ് ട്രംപും നരേന്ദ്ര മോദിയുമായുള്ള നിർണായക ചർച്ച ഹൈദരാബാദ് ഹൗസിൽ ആരംഭിച്ചു. രാജ്ഘട്ടിൽ പുഷ്പചക്രം അർപ്പിച്ച ശേഷമാണ് ഡൊണാൾഡ് ട്രംപും മെലാനിയ ട്രംപും ഹൈദരാബാദ് ഹൗസിൽ എത്തിയത്. ഹൈദരാബാദ് ഹൗസിലെത്തിയ ട്രംപിനെയും ഭാര്യ മെലാനിയെയും പ്രധാനമന്ത്രി നരേന്ദ്രമോദി സ്വീകരിച്ചു. തുടർന്ന് ഇരുവരും തമ്മിലുള്ള നിർണായക ചർച്ച തുടങ്ങി.
Read More » - Top Stories
വടക്കു കിഴക്കൻ ഡൽഹിയിൽ നടക്കുന്ന അക്രമങ്ങളിൽ മരണം 7 ആയി
ഡൽഹി : വടക്കു കിഴക്കൻ ഡൽഹിയിൽ പൗരത്വ നിയമ ഭേദഗതിയുമായി ബന്ധപ്പെട്ട അക്രമങ്ങളിൽ മരണം 7 ആയി. 160 പേർക്ക് പരിക്കേറ്റു. എട്ടു പേരുടെ നില അതീവ ഗുരുതരം. വടക്കുകിഴക്കൻ ഡൽഹിയിലെ ഗോകുൽപുരി എ.സി.പി. ഓഫീസിലെ ഹെഡ് കോൺസ്റ്റബിൾ രത്തൻ ലാൽ (42) ഉൾപ്പെടെ 7 പേരാണ് കൊല്ലപ്പെട്ടത്. സംഘർഷത്തെത്തുടർന്ന് വടക്കുകിഴക്കൻ ഡൽഹിയിൽ പത്തിടങ്ങളിൽ നിരോധനാജ്ഞ പ്രഖ്യാപിച്ചു. വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചിട്ടുണ്ട്. അമിത് ഷായുടെ നേതൃത്വത്തിൽ ദില്ലിയിലെ കലാപസമാനമായ അന്തരീക്ഷം വിലയിരുത്താൻ ഉച്ചക്ക് 12 മണിക്ക് ഉന്നതതലയോഗം വിളിച്ചു. കേന്ദ്ര ആഭ്യന്തരസെക്രട്ടറിയടക്കമുള്ളവർ യോഗത്തിൽ പങ്കെടുക്കും. ദില്ലിയിൽ ആം ആദ്മി പാർട്ടി എംഎൽഎമാരുടെ യോഗം വിളിച്ച് അരവിന്ദ് കെജ്‍രിവാൾ. അതിന് ശേഷം കേന്ദ്ര ആഭ്യന്തരമന്ത്രി അമിത് ഷായെ കാണും. സ്ഥിതിഗതികൾ ചർച്ച ചെയ്യും. സ്ഥിതി നിയന്ത്രണ വിധേയമാക്കാൻ പോലീസ് കഠിന ശ്രമം നടത്തുന്നുണ്ട്.
Read More » - Top Stories
ഡൊണാൾഡ് ട്രംപും ഭാര്യ മെലാനിയ ട്രംപും രാഷ്ട്രപിതാവിന്റെ സമാധി മണ്ഡപത്തിൽ പുഷ്പചക്രം അർപ്പിച്ചു
ന്യൂഡൽഹി : ഡൊണാൾഡ് ട്രംപും ഭാര്യ മെലാനിയ ട്രംപും രാഷ്ട്രപിതാവിന്റെ സമാധി മണ്ഡപത്തിൽ പുഷ്പചക്രം അർപ്പിച്ചു. 10.40 നാണ് ഗാന്ധി സമാധിയിൽ ട്രംപും മെലാനിയാ ട്രംപും പുഷ്പചക്രം സമർപ്പിച്ചത്. ശേഷം രാജ്‌ഘട്ട് അങ്കണത്തിൽ ഡൊണാൾഡ് ട്രംപും ഭാര്യ മെലാനിയ ട്രംപ് ചേർന്ന് മരം നട്ടുപിടിപ്പിച്ചു. ഇനി 11 മണിക്ക് ഡല്‍ഹിയിലെ ഹൈദരാബാദ് ഹൗസില്‍ ട്രംപ്–മോദി കൂടിക്കാഴ്ച. പ്രധാനമന്ത്രി നരേന്ദ്ര മോദിയുമായി നടക്കുന്ന ഉഭയകക്ഷി ചര്‍ച്ചയില്‍ ഇരുരാജ്യങ്ങളും തമ്മിലുള്ള നിർണായക ഉടമ്പടികളിൽ ഒപ്പ് വയ്ക്കും. ഇന്ത്യയുമായി 21,629 കോടി രൂപയുടെ ഹെലികോപ്റ്റർ കരാർ താനും പ്രധാനമന്ത്രി മോദിയും തമ്മിൽ നടത്തുന്ന കൂടിക്കാഴ്ചയിൽ ഒപ്പിടുമെന്ന് ‘നമസ്തേ ട്രംപ്’ അദ്ദേഹം വേദിയിൽ പ്രഖ്യാപിച്ചിരുന്നു. #WATCH Delhi: US President Donald Trump & First Lady Melania Trump pay tribute to Mahatma Gandhi at Raj Ghat. pic.twitter.com/BGrJL4DHLq — ANI (@ANI) February 25, 2020
Read More » - Top Stories
യുഎസ് പ്രസിഡന്റ് ഡോണൾഡ് ട്രംപിന് ഔദ്യോഗിക സ്വീകരണം നൽകി രാജ്യം
ന്യൂഡൽഹി : യുഎസ് പ്രസിഡന്റ് ഡോണൾഡ് ട്രംപിന് ഔദ്യോഗിക സ്വീകരണം നൽകി രാജ്യം. ഭാര്യയോടൊപ്പം രാഷ്ട്രപതി ഭവനിലെത്തിയ ട്രംപിനെ രാഷ്ട്രപതി റാം നാഥ് കോവിന്ദും പ്രധാനമന്ത്രി നരേന്ദ്ര മോദിയും ചേർന്ന് സ്വീകരിച്ചു. അശ്വാരൂഢ സേനയുടെ അകമ്പടിയോടെയാണ് അദ്ദേഹം രാഷ്ട്രപതി ഭവനിലെത്തിയത്. തുടർന്ന് ഗാർഡ് ഓഫ് ഓണർ സ്വീകരിച്ച ട്രംപ് ഗാന്ധി സമാധിയിലെത്തി പുഷ്പ ചക്രം അർപ്പിക്കാൻ രാജ്‌ഘട്ടിലേക്ക് തിരിച്ചു. 10.40ന് ഗാന്ധി സമാധിയിലെത്തി ട്രംപും മെലാനിയാ ട്രംപും പുഷ്പചക്രം സമർപ്പിക്കും. തുടർന്ന് 11 മണിക്ക് ഡല്‍ഹിയിലെ ഹൈദരാബാദ് ഹൗസില്‍ ട്രംപ്–മോദി കൂടിക്കാഴ്ച. പ്രധാനമന്ത്രി നരേന്ദ്ര മോദിയുമായി നടക്കുന്ന ഉഭയകക്ഷി ചര്‍ച്ചയില്‍ ഇരുരാജ്യങ്ങളും തമ്മിലുള്ള പ്രതിരോധ ഇടപാടിൽ തീരുമാനമായേക്കും. ഇന്ത്യയുമായി 21,629 കോടി രൂപയുടെ ഹെലികോപ്റ്റർ കരാർ താനും പ്രധാനമന്ത്രി മോദിയും തമ്മിൽ നടത്തുന്ന കൂടിക്കാഴ്ചയിൽ ഒപ്പിടുമെന്നാണു ‘നമസ്തേ ട്രംപ്’ അദ്ദേഹം വേദിയിൽ പ്രഖ്യാപിച്ചത്. #WATCH LIVE from Delhi: US President Donald Trump receives ceremonial reception at Rashtrapati Bhawan. https://t.co/BhP31tFNU7 — ANI (@ANI) February 25, 2020
Read More » - News
പ്രളയ ദുരിതാശ്വാസ തുക സി.പി.എം. നേതാവിന്റെ അക്കൗണ്ടിലേക്ക്;കളക്ടറേറ്റ് ജീവനക്കാരനെ സസ്പെൻഡ് ചെയ്തു
കൊച്ചി : പ്രളയ ദുരിതാശ്വാസ തുകയായ 10.54 ലക്ഷം രൂപ സി.പി.എം. പ്രാദേശിക നേതാവിന്റെ അക്കൗണ്ടിലേക്ക് അനധികൃതമായി ഇട്ട കളക്ടറേറ്റ് ജീവനക്കാരനെ സസ്പെൻഡ് ചെയ്തു. എറണാകുളം കളക്ടറേറ്റിലെ പ്രളയ ദുരിതാശ്വാസ സെക്ഷൻ ക്ലർക്ക് വിഷ്ണുപ്രസാദിനെയാണ് ജില്ലാ കളക്ടർ എസ്. സുഹാസ് സസ്പെൻഡ് ചെയ്തത്. 2018-ൽ കേരളത്തെ ബാധിച്ച പ്രളയവുമായി ബന്ധപ്പെട്ടുള്ള ദുരിതാശ്വാസ ഫണ്ട് സി.പി.എം. തൃക്കാക്കര ഈസ്റ്റ് ലോക്കൽ കമ്മിറ്റിയംഗം എം.എം. അൻവറിന്റെ അക്കൗണ്ടിലേക്ക് നിക്ഷേപിച്ചു. സി.പി.എം. നിയന്ത്രണത്തിലുള്ള കാക്കനാട് അയ്യനാട് സർവീസ് സഹകരണ ബാങ്കിന്റെ ഫെഡറൽ ബാങ്കിലെ അക്കൗണ്ടിലേക്കായിരുന്നു പണമെത്തിയത്. പിന്നീട് അയ്യനാട് ബാങ്കിലേക്ക് മാറ്റിയാണ് അൻവറിന് പണം നൽകിയത്. അഞ്ച് ഗഡുക്കളായി എത്തിയ തുകയിൽനിന്ന് അഞ്ച് ലക്ഷം രൂപ അൻവർ പിൻവലിച്ചിരുന്നു. സംഭവം ശ്രദ്ധയിൽപ്പെട്ട ബാങ്ക് ജീവനക്കാർ കളക്ടറേറ്റിൽ അറിയിച്ചു. തുടർന്ന് കളക്ടറുടെ ഉത്തരവു പ്രകാരം നടത്തിയ പ്രാഥമിക അന്വേഷണത്തിൽ ക്ലർക്ക് വിഷ്ണുപ്രസാദ് വീഴ്ച വരുത്തിയെന്ന് കണ്ടെത്തിയതിനെ തുടർന്ന് ഇയാളെ സസ്പെൻഡ് ചെയ്യുകയായിരുന്നു. ക്രമക്കേടിൽ പോലീസ് അന്വേഷണത്തിനും കളക്ടർ ഉത്തരവിട്ടിട്ടുണ്ട്. ക്രമക്കേട് കണ്ടുപിടിച്ചതോടെ പണം തിരികെ നൽകി അൻവർ തടിയൂരി. 2018 ഓഗസ്റ്റിൽ നാടിനെയൊന്നാകെ തകർത്തെറിഞ്ഞ മഹാ പ്രളയത്തിൽ എല്ലാം നഷ്ടപ്പെട്ടവർ സഹായത്തിനായി സർക്കാർ ഓഫീസുകൾ കയറിയിറങ്ങുമ്പോഴാണ് അപേക്ഷ പോലും നൽകാത്ത സി.പി.എം. നേതാവിന്റെ അക്കൗണ്ടിലേക്ക് ഇത്രയും വലിയ തുക എത്തിയത്. എന്നാൽ പണം ദുരിതാശ്വാസ നിധിയിൽനിന്ന് ലഭിച്ചതാണെന്ന വസ്തുത അറിഞ്ഞിരുന്നില്ലെന്നാണ് അൻവറിന്റെ വിശദീകരണം.
Read More » - Top Stories
ഡോണൾഡ് ട്രംപിന് ഇന്ന് ഔദ്യോഗിക വരവേൽപ്പ്
ഡൽഹി : അമേരിക്കന്‍ പ്രസിഡന്റ് ഡോണൾഡ് ട്രംപിന് ഇന്ന് ഡൽഹിയിൽ ഔദ്യോഗിക വരവേൽപ് നൽകും. രാവിലെ 10 മണിക്ക് രാഷ്ട്രപതി ഭവനിലാണ് രാജ്യം ട്രംപിന് ഔദ്യോഗിക വരവേല്പ് നൽകുന്നത്. രാവിലെ 9.45ന് മൗര്യ ഷെറാട്ടണ ഹോട്ടലിൽ നിന്ന് പ്രസിഡന്റ് ട്രംപും പ്രഥമ വനിത മെലാനിയ ട്രംപും രാഷ്ട്രപതി ഭവനിലേക്ക് പുറപ്പെടും. രാഷ്ട്രപതി ഭവനിൽ ഔദ്യോഗിക സ്വീകരണത്തിന് ശേഷം പത്തര മണിക്ക് ഇരുവരും രാജ്ഘട്ടിലെ ഗാന്ധി സ്മൃതിയിൽ എത്തും. രാജ്ഘട്ടിലെ പുഷ്പാര്‍ച്ചനയ്ക്ക് ശേഷം ട്രംപ് മോദിയുമായുള്ള ചര്‍ച്ചക്കായി ഹൈദരാബാദ് ഹൗസിലേക്ക് എത്തും.
Read More » - Top Stories
ഡൽഹിയിൽ തുടരുന്ന സംഘർഷത്തിൽ 5 പേർ കൊല്ലപ്പെട്ടു;പത്തിടങ്ങളിൽ നിരോധനാജ്ഞ
ന്യൂഡൽഹി: പൗരത്വനിയമഭേദഗതിയെ എതിർക്കുന്നവരും അനുകൂലിക്കുന്നവരും തമ്മിൽ ഡൽഹിയിൽ തുടരുന്ന സംഘർഷത്തിൽ 5 പേർ കൊല്ലപ്പെട്ടു. വടക്കുകിഴക്കൻ ഡൽഹിയിലെ ഗോകുൽപുരി എ.സി.പി. ഓഫീസിലെ ഹെഡ് കോൺസ്റ്റബിൾ രത്തൻ ലാലും (42) നാട്ടുകാരനായ ഫർഖൻ അൻസാരിയും (32) ഉൾപ്പെടെയുള്ള അഞ്ചു പേരാണ് കൊല്ലപ്പെട്ടത്. അൻപതോളം പേർക്കു പരിക്കേറ്റു. പരിക്കേറ്റവരിൽ ചിലരുടെ നില ഗുരുതരമാണ്. സംഘർഷത്തെത്തുടർന്ന് വടക്കുകിഴക്കൻ ഡൽഹിയിൽ പത്തിടങ്ങളിൽ നിരോധനാജ്ഞ പ്രഖ്യാപിച്ചു. വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചിട്ടുണ്ട്. വടക്കുകിഴക്കൻ ഡൽഹിയിലെ ജാഫ്രാബാദ്, മോജ്പുർ, ഭജൻപുര, ചാന്ദ്ബാഗ്, ശാഹ്ദ്ര, കരാവൽ നഗർ, കബീർ നഗർ, ദയാൽപുർ, ഖജൂരി ഖാസ് എന്നിവിടങ്ങളിലാണ് ഏറ്റുമുട്ടൽ ഉണ്ടായത്. പൗരത്വ ഭേദഗതിയെ അനുകൂലിക്കുന്നവരും എതിർക്കുന്നവരും പരസ്പരം കല്ലെറിഞ്ഞതോടെ പോലീസ് കണ്ണീർവാതകം പ്രയോഗിച്ചു. ലാത്തിച്ചാർജും നടത്തി. പ്രതിഷേധക്കാർ വാഹനങ്ങൾക്കും കടകൾക്കും വീടുകൾക്കും തീവെച്ചു. വീടുകളും കടകളും കൊള്ളയടിച്ചു. ഡി.സി.പി.യുടെ കാർ കത്തിച്ചു. സംഘർഷം ശക്തമായതോടെ അർധസൈനിക വിഭാഗം രംഗത്തിറങ്ങി. ജാഫ്രാബാദ്, മോജ്പുർ-ബാബർപുർ, ഗോകുൽപുരി, ജോഹ്രി എൻക്ലേവ്, ശിവ വിഹാർ മെട്രോസ്റ്റേഷനുകൾ അടച്ചു. ഡൽഹിയിലെ സംഭവങ്ങളിൽ പ്രതിഷേധിച്ച് മുംബൈയിലെ മറൈൻ ഡ്രൈവിലും തിങ്കളാഴ്ച രാത്രി വൈകി പ്രക്ഷോഭം നടന്നു. സമരക്കാരെ പോലീസ് അറസ്റ്റുചെയ്തുനീക്കി.
Read More » - Top Stories
പൗരത്വ നിയമ ഭേദഗതിയ്ക്കെതിരായുള്ള സമരത്തിൽ ഡല്‍ഹിയില്‍ നടക്കുന്ന അക്രമത്തില്‍ മരണം നാലായി;ചുവപ്പ് വസ്ത്രം ധരിച്ചയാളാണ് പോലീസിന് നേരെ വെടിയുതിർത്തത്
ന്യൂഡല്‍ഹി: പൗരത്വ നിയമ ഭേദഗതിയ്ക്കെതിരായുള്ള പ്രതിഷേധവുമായി ബന്ധപ്പെട്ട് ഡല്‍ഹിയില്‍ നടക്കുന്ന അക്രമത്തില്‍ മരണം നാലായി. ഡൽഹി പൊലീസിലെ ഹെഡ് കോണ്‍സ്റ്റബിള്‍ രത്തന്‍ ലാല്‍ വെടിവെപ്പില്‍ കൊല്ലപ്പെട്ടിരുന്നു. ഇതിനു പിന്നാലെ അക്രമത്തില്‍ പരിക്കേറ്റ മൂന്ന് പേർ കൂടി മരിച്ചു. ഇതുവരെ പത്ത് പോലീസുകാര്‍ക്ക് പരിക്കേറ്റതായാണ് വിവരം. പരിക്കേറ്റവരെ ഗുരു തെഗ് ബഹദൂര്‍ ആശുപത്രിയില്‍ പ്രവേശിപ്പിച്ചു. ചുവപ്പ് വസ്ത്രം ധരിച്ച് പോലീസിനു നേരെ വെടിയുതിര്‍ത്തയാളുടെ ചിത്രങ്ങള്‍ പോലീസ് പുറത്തുവിട്ടിരുന്നു. ഷാരൂഖ് എന്നയാളാണ് വെടിവെപ്പ് നടത്തിയതെന്ന് അന്വേഷണത്തില്‍ കണ്ടെത്തിയിട്ടുണ്ട്.
Read More »
