Month: February 2020
- Top Stories
കൊല്ലത്ത് വെടിയുണ്ട ഉപേക്ഷിക്കപ്പെട്ട സംഭവം:മിലിറ്ററി ഇന്റലിജന്റ്‌സ് അന്വേഷണം ആരംഭിച്ചു
കൊല്ലം: കുളത്തൂപ്പുഴയില്‍ പാക്കിസ്ഥാൻ ഓർഡ്നൻസ് ഫാക്ടറിയുടെ മുദ്രയുള്ള വെടിയുണ്ട ഉപേക്ഷിക്കപ്പെട്ട നിലയില്‍ കണ്ടെത്തിയ സംഭവത്തില്‍ മിലിറ്ററി ഇന്റലിജന്റ്‌സ് അന്വേഷണം ആരംഭിച്ചു. സംഭവവുമായി ബന്ധപ്പെട്ട് കുളത്തൂപ്പുഴയിലെയും പരിസര പ്രദേശങ്ങളിലെയും വനമേഖലയിൽ ഇന്നും പരിശോധന തുടരുകയാണ്. ബോംബ് സ്ക്വാഡിന്റെ നേതൃത്വത്തിലാണ് പരിശോധന. പാക് സാന്നിധ്യം സംശയിക്കുന്ന സാഹചര്യത്തിൽ എൻഐഎ സംഘവും അന്വേഷണത്തിന് എത്തിയേക്കുമെന്നാണ് വിവരം. പ്രാഥമിക അന്വേഷണത്തില്‍ ചില സൂചന ലഭിച്ചതായി ഡിജിപി ലോക്നാഥ് ബെഹ്റ അറിയിച്ചു . വിവരങ്ങള്‍ കേന്ദ്രസേനകള്‍ക്ക് കൈമാറിയിട്ടുണ്ട്. മറ്റ് സംസ്ഥാനങ്ങളിലെ ഡിജിപിമാരുമായും ബന്ധപ്പെടുന്നുണ്ട് എന്ന് ഡി ജി പി അറിയിച്ചു .
Read More » - News
സെക്രട്ടറിയേറ്റ് ഉദ്യോഗസ്ഥരുടെ പി എസ് സി കോച്ചിംഗ്;വിജിലൻസ് അന്വേഷണം തുടങ്ങി
തിരുവനന്തപുരം: സെക്രട്ടറിയേറ്റിലെ പൊതുഭരണ വകുപ്പിലെ ഉദ്യോഗസ്ഥർ നടത്തുന്ന പി.എസ്.സി പരിശീലന കേന്ദ്രങ്ങളെ കുറിച്ച് വിജിലൻസ് അന്വേഷണം തുടങ്ങി. തിരുവനന്തപുരത്തെ മൂന്ന് സ്ഥാപനങ്ങളെ കുറിച്ചാണ് അന്വേഷണം നടത്തുന്നത്. പൊതുഭരണ വകുപ്പിലെ മൂന്ന് ഉദ്യോഗസർക്കെതിരെയാണ് ആരോപണമുള്ളത്. പി.എസ്.സി. ചോദ്യക്കടലാസ് സെക്ഷനുകളിൽ സെക്രട്ടറിയേറ്റ് ഉദ്യോഗസ്ഥർക്ക് സ്വാധീനമുണ്ടെന്ന ആക്ഷപമുയർന്നിരുന്നു. തുടർന്ന് ഇവർക്കെതിരെ പൊതുഭരണ വകുപ്പും പി.എസ്.സിയും അന്വേഷണം ആവശ്യപ്പെടുകയും ചെയ്തിരുന്നു. ഇതിന്റെ അടിസ്ഥാനത്തിലാണ് വിജലൻസ് അന്വേഷണം ആരംഭിച്ചത്.
Read More » - News
കണ്ണൂരിൽ കാറിൽ കടത്തിയ വെടിയുണ്ടകൾ പിടികൂടി
കണ്ണൂർ : ഇരിട്ടി കിളിയന്തറ ചെക്‌പോസ്റ്റിൽ കേരളത്തിലേക്ക് കടത്തുകയായിരുന്ന 60 വെടിയുണ്ടകൾ പിടികൂടി. നാടൻ തോക്കിൽ ഉപയോഗിക്കുന്ന തിരകളാണ് പിടികൂടിയത്. തില്ലങ്കേരി മച്ചൂർ മലയിലെ കെ.പ്രമോദിനെ എക്‌സൈസ് സംഘം അറസ്റ്റ് ചെയ്തു. കൂടുതൽ അന്വേഷണത്തിനായി തിരകളും കാറും പ്രതിയേയും ഇരിട്ടി പൊലീസിന് കൈമാറി. എക്‌സൈസ് സംഘം നടത്തിയ വാഹന പരിശോധനയ്ക്കിടെയാണ് ഓൾട്ടോ കാറിൽ കടത്തുകയായിരുന്ന തിരകൾകണ്ടെത്തുന്നത്. കാറിന്റെ ഡിക്കിക്കടിയിൽ ഒളിപ്പിച്ചുവച്ചനിലയിലായിരുന്നു തിരകൾ. 60 തിരകളാണ് ഉണ്ടായിരുന്നത്. എക്‌സൈസ് സംഘത്തിന്റെ പ്രാഥമികാന്വേഷണത്തിൽ കൃഷി നശിപ്പിക്കുന്ന പന്നികളെയും , കുരങ്ങന്മാരെയും തുരത്തുന്നതിന് വേണ്ടിയാണ് ഇവ കൊണ്ടുവന്നതെന്ന് പ്രതി പറഞ്ഞതായി എക്‌സൈസ് ഇൻസ്‌പെക്ടർ അറിയിച്ചു.
Read More » - Top Stories
കുളത്തൂപ്പുഴയിൽ കണ്ടെത്തിയ വെടിയുണ്ടകള്‍ പാകിസ്ഥാന്‍ നിര്‍മ്മിതം എന്ന് സംശയം
കൊല്ലം : കുളത്തൂപ്പുഴയിൽ ഉപേക്ഷിച്ച നിലയില്‍ കണ്ടെത്തിയ വെടിയുണ്ടകള്‍ പാകിസ്ഥാന്‍ നിര്‍മ്മിതം എന്ന് സംശയം. വെടിയുണ്ടകളില്‍ 72 പി.ഒ.എഫ് എന്നാണ് രേഖപ്പെടുത്തിയിട്ടുള്ളത്. പാകിസ്ഥാന്‍ ഓര്‍ഡിനന്‍സ് ഫാക്ടറി എന്നാകാം ഇവയുടെ പൂർണ്ണ രൂപം എന്നാണ് നിഗമനം. ബാലസ്റ്റിക്ക് വിഭാഗത്തിന്റേതാണ് കണ്ടെത്തല്‍. സ്ഥലത്ത് വീണ്ടും ബോംബ് സ്‌ക്വാഡ് പരിശോധന നടത്തുന്നു. സംഭവത്തിന്റെ ഗൗരവം കണക്കിലെടുത്ത് അന്വേഷണം തീവ്രവാദ വിരുദ്ധ സ്‌ക്വാഡിന് കൈമാറി. ഡിഐജി അനൂപ് കുരുവിള ജോണിനാണ് അന്വേഷണച്ചുമതല. 14 വെടിയുണ്ടകളാണ് കുളത്തൂപ്പുഴയിൽ നിന്നും കണ്ടെത്തിയത്. 7.62 എം എം വെടിയുണ്ടകളാണ് കണ്ടെത്തിയിരിക്കുന്നത്. ഈ ചുരുക്കെഴുത്തിൽ എഴുതിയിരിക്കുന്ന വെടിയുണ്ടകൾ 1980 കാലഘട്ടത്തിൽ പാകിസ്ഥാനിൽ നിർമിച്ചിരുന്നതിന് സമാനമാണെന്നാണ് സംശയം ഉയർന്നിരിക്കുന്നത്.ഇന്ത്യയിലെ ഒരു സേനകളും ഈ വെടിയുണ്ടകള്‍ ഉപയോഗിക്കുന്നില്ല. വെടിയുണ്ടകളിൽ 12 എണ്ണം എ കെ 47ൽ ഉപയോഗിക്കുന്നതാണ്.
Read More » - Top Stories
ആഗോളതലത്തിൽ അംഗീകരിക്കപ്പെട്ട ദീർഘദർശിയായ ബഹുമുഖ പ്രതിഭയാണ് നരേന്ദ്ര മോദി:ജസ്റ്റിസ് അരുൺ മിശ്ര
ന്യൂഡൽഹി: പ്രധാനമന്ത്രി നരേന്ദ്ര മോദിയെ പ്രശംസിച്ച് സുപ്രീം കോടതി ജസ്റ്റിസ് അരുൺ മിശ്ര. ആഗോളതലത്തിൽ ചിന്തിക്കുകയും തദ്ദേശീയ തലത്തിൽ പ്രവർത്തിക്കുകയും ചെയ്യുന്ന ബഹുമുഖ പ്രതിഭയാണ് നരേന്ദ്ര മോദിയെന്ന് അദ്ദേഹം പറഞ്ഞു. ആഗോളതലത്തിൽ അംഗീകരിക്കപ്പെട്ട ദീർഘദർശിയാണ് മോദിയെന്നും ജസ്റ്റിസ് അരുൺ മിശ്ര പറഞ്ഞു. സുപ്രീം കോടതി ഓഡിറ്റോറിയത്തിൽ സംഘടിപ്പിക്കപ്പെട്ട ദ്വിദിന അന്താരാഷ്ട്ര ജുഡീഷ്യൽ കോൺഫറൻസ് 2020ന്റെ ഉദ്ഘാടനച്ചടങ്ങിൽ കൃതജ്ഞതാ പ്രസംഗം നടത്തുകയായിരുന്നു ജസ്റ്റിസ് മിശ്ര. പ്രധാനമന്ത്രിയാണ് അന്താരാഷ്ട്ര ജുഡീഷ്യൽ കോൺഫറൻസ് 2020 ഉദ്ഘാടനം ചെയ്തത്. മോദിയുടെ നേതൃത്വത്തിൽ, ലോകസമൂഹത്തിലെ ഏറ്റവും ഉത്തരവാദിത്തമുള്ളതും സൗഹൃദപൂർണമായ രാജ്യവുമായി ഇന്ത്യ മാറിയെന്നും അദ്ദേഹം പറഞ്ഞു. കാലഹരണപ്പെട്ട 1500 ഓളം നിയമങ്ങൾ ഒഴിവാക്കിയതിന് പ്രധാനമന്ത്രിയെയും കേന്ദ്ര നിയമമന്ത്രി രവിശങ്കർ പ്രസാദിനെയും ജസ്റ്റിസ് മിശ്ര അഭിനന്ദിക്കുകയും ചെയ്തു.
Read More » - News
കുളത്തൂപ്പുഴയിൽ വെടിയുണ്ടകൾ ഉപേക്ഷിച്ചനിലയിൽ കണ്ടെത്തി
കൊല്ലം: കുളത്തൂപ്പുഴയിൽ വെടിയുണ്ടകൾ ഉപേക്ഷിച്ചനിലയിൽ കണ്ടെത്തി. കുളത്തുപ്പുഴ മുപ്പതടി പാലത്തിന് സമീപം കവറിൽ ഉപേക്ഷിച്ച നിലയിലാണ് 14 വെടിയുണ്ടകൾ കണ്ടെത്തിയത്.വെടിയുണ്ടകൾ പോലീസ് കസ്റ്റഡിയിലെടുത്തു. മലയോര മേഖലയിലായതിനാൽ കാട്ടിൽ വേട്ടയ്ക്ക് പോകുന്നവർ ഉപയോഗിക്കുന്ന വെടിയുണ്ടകളാകാമെന്നാണ് പ്രാഥമിക നിഗമനം. എന്നാൽ വിശദമായ പരിശോധനയ്ക്ക് ശേഷം മാത്രമേ ഏതുതരം തോക്കുകളിൽ ഉപയോഗിക്കുന്ന വെടിയുണ്ടകളാണിതെന്ന് വ്യക്തമാകൂ എന്നും പോലീസ് അറിയിച്ചു.
Read More » - News
ശുഹൈബ് വധക്കേസിലെ പ്രതിയുടെ സഹോദരിക്ക് കോൺഗ്രസ് ഭരിക്കുന്ന ആശുപത്രിയിൽ ജോലി നൽകി;സംഭവം വിവാദമായപ്പോൾ പ്രതിയുടെ സഹോദരിയെ ജോലിയിൽ നിന്ന് പുറത്താക്കുകയും ജോലിക്കായി ശുപാർശ ചെയ്ത കോൺഗ്രസ് നേതാവിനെ പാർട്ടിയിൽ നിന്ന് പുറത്താക്കുകയും ചെയ്തു
കണ്ണൂർ: ശുഹൈബ് വധക്കേസിലെ പ്രതിയുടെ സഹോദരിക്ക് കോൺഗ്രസ് ഭരിക്കുന്ന ആശുപത്രിയിൽ ജോലി നൽകി. സംഭവം വിവാദമായപ്പോൾ പ്രതിയുടെ സഹോദരിയെ ജോലിയിൽ നിന്ന് പുറത്താക്കുകയും ജോലിക്കായി ശുപാർശ ചെയ്ത കോൺഗ്രസ് കണിച്ചാർ മണ്ഡലം മുൻ പ്രസിഡന്റ് ചാക്കോ തൈക്കുന്നേലിനെ പാർട്ടിയുടെ പ്രാഥമിക അംഗത്വത്തിൽ നിന്ന് പുറത്താക്കുകയും ചെയ്ത് കോൺഗ്രസ് നേതൃത്വം. ഡിസിസി പ്രസിഡന്റ് സതീശൻ പാച്ചേനിയാണ് മണ്ഡലം പ്രസിഡന്റിനെതിരെ നടപടിയെടുത്തത്. വാർത്ത പുറത്ത് വന്നതോടെ ജില്ലാ കോൺഗ്രസ് നേതൃത്വം ശുഹൈബിന്റെ പിതാവ് മുഹമ്മദിനോട് മാപ്പ് പറഞ്ഞു. ഒപ്പം ആശുപത്രിയിൽ നിന്ന് അവരെ പുറത്താക്കിക്കൊണ്ടുള്ള പത്രക്കുറിപ്പും പുറത്തിറക്കി. ശുഹൈബ് വധക്കേസിലെ പ്രതിയുടെ കുടുംബത്തെ സഹായിക്കേണ്ട ബാധ്യത കോൺഗ്രസിനില്ലെന്നും ഇത് തെറ്റാണെന്നും ഡി.സി.സി പ്രതികരിച്ചു.
Read More » - Top Stories
പൊതു സ്ഥങ്ങളിൽ ബുർഖ ധരിക്കുന്നതും മതത്തിന്റെ പേരിലുള്ള രാഷ്ട്രീയപാർട്ടികളും നിരോധിക്കാൻ ഒരുങ്ങി ശ്രീലങ്ക
കൊളംബോ: ശ്രീലങ്കയിൽ മതത്തിന്‍റെയോ ഒരു പ്രത്യേക വിശ്വാസത്തിന്‍റെയോ ജനസമൂഹത്തിന്‍റെയോ അടിസ്ഥാനത്തിലുള്ള രാഷ്ട്രീയപാർട്ടികളെയെല്ലാം രജിസ്ട്രേഷൻ റദ്ദാക്കാനും, പൊതുവിടങ്ങളിൽ ബുർഖ ഉപയോഗിക്കുന്നത് നിരോധിക്കാനും ശുപാർശ. രാജ്യസുരക്ഷ കൈകാര്യം ചെയ്യുന്ന പാർലമെന്‍ററി കാര്യസമിതിയാണ് പാർലമെന്‍റിൽ ഈ ശുപാർശ സമർപ്പിച്ചത്. എംപി മലിത് ജയതിലകയുടെ നേതൃത്വത്തിലുള്ള സമിതി വ്യാഴാഴ്ചയാണ് ഈ റിപ്പോർട്ട് പാർലമെന്‍റിന്‍റെ പരിഗണനയ്ക്ക് വച്ചത്. കഴിഞ്ഞ ഈസ്റ്റർ ദിനത്തിൽ ശ്രീലങ്കയെ നടുക്കിയ, 250 പേരുടെ മരണത്തിന് കാരണമായ ഭീകരാക്രമണത്തിന്‍റെ പശ്ചാത്തലത്തിലാണ് ബുർഖ നിരോധിക്കാനും മതാടിസ്ഥാനത്തിലുള്ള പാർട്ടികളുടെ രജിസ്ട്രേഷൻ റദ്ദാക്കാനും ശുപാർശ ചെയ്തിട്ടുള്ളത്. ബുർഖ നിരോധിച്ച നിരവധി രാജ്യങ്ങളുണ്ടെന്ന് റിപ്പോർട്ട് ചൂണ്ടിക്കാണിക്കുന്നു. പൊതുസ്ഥലത്ത് മുഖം മറച്ച് ആരെങ്കിലും പ്രത്യക്ഷപ്പെട്ടാൽ ആളെ തിരിച്ചറിയാനാകുന്ന തരത്തിൽ മുഖാവരണം മാറ്റാൻ പൊലീസിന് അധികാരം നൽകണമെന്ന് ശുപാർശയിലുണ്ട്. അത് അനുസരിച്ചില്ലെങ്കിൽ ഉടനടി പൊലീസിന് ഇയാളെ വാറണ്ടില്ലാതെ അറസ്റ്റ് ചെയ്യാൻ അധികാരം നൽകണം എന്നും റിപ്പോർട്ടിൽ ശുപാർശ ചെയ്യുന്നു.
Read More » - News
കന്യാസ്ത്രീ ബലാത്സംഗ കേസ്:ബിഷപ്പ് ഫ്രാങ്കോ മുളയ്ക്കല്‍ നല്കിയ വിടുതല്‍ ഹർജിയില്‍ ഇന്ന് കോടതി വാദം കേള്‍ക്കും
കോട്ടയം: കന്യാസ്ത്രീയെ ബലാത്സംഗം ചെയ്ത കേസില്‍ ബിഷപ്പ് ഫ്രാങ്കോ മുളയ്ക്കല്‍ നല്കിയ വിടുതല്‍ ഹർജിയില്‍ ഇന്ന് കോടതി വാദം കേള്‍ക്കും. വിചാരണ തുടങ്ങുന്നതിന് മുന്‍പ് കുറ്റവിമുക്തനാക്കണമെന്ന് ആവശ്യപ്പെട്ടാണ് ഫ്രാങ്കോ മുളയ്ക്കൽ ഹർജി നല്കിയത്. ഫ്രാങ്കോ മുളയ്ക്കൽ ഇന്ന് കോടതിയിൽ ഹാജരാകില്ല. കോട്ടയം ജില്ലാ അഡീഷണൽ സെഷൻസ് കോടതിയാണ് ഫ്രാങ്കോയുടെ വിടുതൽ ഹർജി പരിഗണിക്കുന്നത്. വിടുതൽ ഹർജി തള്ളിയാൽ മേൽക്കോടതിയെ സമീപിക്കാനാണ് ഫ്രാങ്കോയുടെ തീരുമാനം.
Read More » - Top Stories
അയോധ്യ:പള്ളി പണിയാനായി സർക്കാർ നൽകിയ ഭൂമി ഏറ്റെടുക്കുന്നതായി പ്രഖ്യാപിച്ച സുന്നി വഖഫ് ബോർഡിനെതിരെ മുസ്ലിം വ്യക്തി നിയമബോർഡ്
ഡൽഹി : അയോധ്യയിൽ പള്ളി പണിയാനായി ഉത്തർപ്രദേശ് സർക്കാർ നൽകിയ ഭൂമി ഏറ്റെടുക്കുന്നതായി പ്രഖ്യാപിച്ച സുന്നി വഖഫ് ബോർഡിനെതിരെ മുസ്ലിം വ്യക്തി നിയമബോർഡ്. തീരുമാനം മുസ്ലിം വിഭാഗത്തിന്‍റെ താല്‍പര്യത്തിന് എതിരാണെന്ന് വ്യക്തിനിയമ ബോർഡ് കുറ്റപ്പെടുത്തുന്നു. സുപ്രീംകോടതി വിധിപ്രകാരം പള്ളിക്കായി യുപി സർക്കാർ കണ്ടെത്തിയ അഞ്ചേക്കർ ഭൂമി ഏറ്റെടുക്കുന്നുവെന്ന് പ്രഖ്യാപിച്ചത് യുപി സെൻട്രൽ സുന്നി വഖഫ് ബോർഡ് ചെയർപേഴ്‍സൺ സുഫർ ഫാറൂഖിയാണ്. സുപ്രീം കോടതിയുടെ തീരുമാനം നിരസിക്കാനുള്ള സ്വാതന്ത്ര്യം ബോർഡിനില്ലെന്ന് ചൂണ്ടിക്കാട്ടിയാണ് ഭൂമി സ്വീകരിക്കാൻ തീരുമാനിച്ചതെന്നും ഫറൂഖി വ്യക്തമാക്കിയിരുന്നു. അയോധ്യ ജില്ലയിലെ റൗനാഹി പൊലീസ് സ്റ്റേഷന് തൊട്ടടുത്ത്, സോഹാവൽ എന്നയിടത്താണ് പള്ളി പണിയാനായി സർക്കാർ ഭൂമി കണ്ടെത്തി നൽകിയിരിക്കുന്നത്.
Read More »
