വീട്ടുമുറ്റത്ത് പൊങ്കാല ഇട്ടാലും ആറ്റുകാലമ്മ സ്വീകരിക്കും

ആറ്റുകാൽ പൊങ്കാലയുമായി ബന്ധപ്പെട്ട്  രോഗപ്രതിരോധത്തിന്റെ ഭാഗമായി നിരവധി നടപടികൾ സ്വീകരിച്ചിട്ടുണ്ടെന്ന് ജില്ലാകളക്ടർ അറിയിച്ചു. ഡോക്ടർമാരും പാരാമെഡിക്കൽ ജീവനക്കാരുമുൾപ്പെടുന്ന 23 സംഘങ്ങളെ നിരീക്ഷണത്തിനായി നിയോഗിച്ചിട്ടുണ്ട്. ഇവരെ നേരത്തെ തന്നെ നിശ്ചയിച്ചിട്ടുള്ള സ്ഥലങ്ങളിൽ വിന്യസിക്കും. 12 ആംബുലൻസ്, അഞ്ച് ബൈക്ക് ആംബുലൻസ് എന്നിവ സജ്ജമാണ്. പൊങ്കാല നടക്കുന്ന ഒരോ വാർഡിലും പ്രദേശവാസികളെ ഉൾപ്പെടുത്തി ഒരു പ്രത്യേക സംഘങ്ങളെ തയ്യാറാക്കിയിട്ടുണ്ട്. ഇവർ തങ്ങൾക്ക് നിർദ്ദേശിച്ചിട്ടുള്ള സ്ഥലങ്ങളിൽ ചെന്ന് ആർക്കെങ്കിലും പനി, ജലദോഷം, ചുമ, ശ്വാസതടസ്സം, വിദേശത്തുനിന്ന് വന്നവർ എന്നിങ്ങനെയുള്ളവരെ കണ്ടെത്താനുള്ള ശ്രമം നടത്തുമെന്നും കളക്ടർ പറഞ്ഞു.