നാളെ മുതൽ സ്വകാര്യ ബസ് ഉടമകൾ നടത്താനിരുന്ന സമരം മാറ്റിവെച്ചു

സ്വകാര്യ ബസ്സുകളുടെ അനിശ്ചിതകാല സമരത്തിൽ നിന്നും ബസ്സുടമാ സംയുക്ത സമര സമിതി പിൻമാറണമെന്ന് ഗതാഗതമന്ത്രി എ.കെ. ശശീന്ദ്രൻ നേരത്തെ ബസുടമകളോട് അഭ്യർഥിച്ചിരുന്നു. സമര സമതി ഉന്നയിച്ച പ്രശ്നങ്ങളിൽ സർക്കാർ അനുഭാവപൂർവ്വമായ നടപടികൾ സ്വീകരിച്ചുവരികയാണെന്നും കൊറോണ രോഗത്തിന്റെ ഭീഷണി നേരിട്ടുവരുന്ന ഈ സമയത്ത് സർക്കാരിന്റെ നടപടികളുമായി ഇപ്പോൾ ബസ്സുടമകൾ സഹകരിക്കണമെന്നും മന്ത്രി അഭ്യർഥിച്ചിരുന്നു. ഇതിനെ തുടർന്നാണ് സമരം പിൻവലിച്ചത്.