കോറോണയെ പ്രതിരോധിയ്ക്കാൻ സർക്കാരിന്റെ ഹാന്റ് സാനിറ്റൈസർ;അര ലിറ്ററിന് 125 രൂപ മാത്രം

കൊറോണ പടരുന്ന സാഹചര്യത്തിൽ വിപണിയിൽ സാനിറ്റൈസർ ക്ഷാമവും അമിത വിലയും പരിഹരിക്കുന്നതിനാണ് കെ.എസ്.ഡി.പിയിൽ നിർമ്മാണം തുടങ്ങിയത്. പത്ത് ദിവസത്തിനകം ഒരു ലക്ഷം ബോട്ടിൽ ഹാന്റ് സാനിറ്റൈസർ നിർമ്മിക്കും. ഹാന്റ് സാനിറ്റൈസറിന്റെ ആദ്യ ലോഡ് കൊല്ലം, തിരുവനന്തപുരം ജില്ലകളിലേക്ക് വെള്ളിയാഴ്ച അയച്ചു. 500 മില്ലി വരുന്ന 500 ബോട്ടിലുകളാണ് കെ.എം.എസ് സി.എൽ വെയർഹൗസുകളിൽ എത്തിച്ചത്.

പൊതുവിപണിയിൽ 100 മില്ലി സാനിറ്റൈസറിന് 150 മുതൽ 200 രൂപ വരെയാണ് വില. എന്നാൽ കെഎസ്ഡിപി ഉൽപാദിപ്പിക്കുന്ന അര ലിറ്റർ സാനിറ്റൈസറിന് 125 രൂപമാത്രമാണ് വില.