രാജ്യത്തെ വിദ്യാഭ്യാസ സ്ഥാപനങ്ങളും മാളുകളും അടച്ചിടാൻ കേന്ദ്ര ആരോഗ്യ മന്ത്രാലയം നിർദ്ദേശിച്ചു

March 16, 2020

0 161 Less than a minute

ന്യൂഡൽഹി : കൊറോണ വൈറസ് പടർന്നു പിടിയ്ക്കുന്ന പശ്ചാത്തലത്തിൽ രാജ്യത്തെ മുഴുവൻ വിദ്യാഭ്യാസ സ്ഥാപനങ്ങളും അടച്ചിടാൻ കേന്ദ്ര ആരോഗ്യ മന്ത്രാലയം നിർദ്ദേശിച്ചു. സ്വിമ്മിങ് പൂളുകൾ, മാളുകൾ, എന്നിവയും അടച്ചിടാൻ നിർദേശിച്ചിട്ടുണ്ട്.പൊതുഗതാഗത സംവിധാനം ഉപയോഗിക്കുന്നത് കുറക്കണമെന്നും ജീവനക്കാർക്ക് വീട്ടിലിരുന്ന് ജോലി ചെയ്യാനുള്ള സാഹചര്യം കമ്പനികൾ ഒരുക്കണമെന്നും ആരോഗ്യവകുപ്പ് ജോയിന്റ് സെക്രട്ടറി ലാവ് അഗർവാൾ നിർദേശിച്ചു. മാർച്ച് 31 വരെ ഒരു മീറ്റർ അകലത്തിൽ നിന്നുവേണം ആളുകൾ തമ്മിൽ ഇടപഴകാനെന്നും നിർദേശമുണ്ട്.

കൊറോണ പടർന്നു പിടിയ്ക്കുന്ന പശ്ചാത്തലത്തിൽ ഇനി വരുന്ന ഒരാഴ്ച നിർണായകമാണെന്ന് വിലയിരുത്തിക്കൊണ്ടാണ് മാർച്ച് 31 വരെ രാജ്യത്തെ വിദ്യാഭ്യാസ സ്ഥാപനങ്ങളും മാളുകളും ഉൾപ്പടെ അടച്ചിടാൻ കേന്ദ്ര ആരോഗ്യ മന്ത്രാലയം നിർദേശിച്ചിരിക്കുന്നത്.

യൂറോപ്പിലേക്ക് യാത്രാ നിരോധനവും ഏർപ്പെടുത്തിയിട്ടുണ്ട്. യൂറോപ്പിൽ നിന്ന് വരുന്ന യാത്രക്കാരെ കൊണ്ടുവരരുതെന്ന് വിമാനകമ്പനികൾക്ക് നിർദേശം നൽകി. ബുധനാഴ്ച മുതൽ നിരോധനം നിലവിൽ വരും. ഗൾഫിൽ നിന്ന് വരുന്നവരെ മാറ്റിപ്പാർപ്പിക്കണം.

117 കൊറോണ കേസുകൾ ആണ് രാജ്യത്ത് ഇതുവരെ റിപ്പോർട്ട് ചെയ്തിരിക്കുന്നത്.

ഒഡിഷ, ജമ്മു കശ്മീർ, ലഡാക്ക്, കേരളം എന്നിവിടങ്ങളിലായി ആറ് പുതിയ കേസുകൾ കൂടി ഇന്ന് രാജ്യത്ത് റിപ്പോർട്ട് ചെയ്തിട്ടുണ്ട്. ഇതിൽ 13 പേർക്ക് അസുഖം ഭേദമാകുകയും 2 പേർ മരണപ്പെടുകയും ചെയ്യ്തു.

Lav Aggarwal, Joint Secretary, Union Health Ministry on #Coronavirus: Important measures including closing of schools, swimming pools, malls, allow employees to work from home,less use of public transport, 1 meter distance between people should be maintained till 31st March. pic.twitter.com/Bk08PfhvHZ
— ANI (@ANI) March 16, 2020