ആരോഗ്യ പ്രവർത്തകർ നൽകിയ മാസ്ക് വലിച്ചെറിഞ്ഞു; എറണാകുളം സ്വദേശി അറസ്റ്റിൽ

വിദേശത്ത് നിന്നും എത്തിയ ഇയാൾ വിമാനത്താവളത്തിൽ ആരോഗ്യ പ്രവർത്തകരുടെ പരിശോധനയുമായി സഹകരിച്ചില്ല.  മാസ്ക് നൽകിയപ്പോൾ ഇയാൾ അത് വലിച്ചെറിയുകയും മോശമായി പെരുമാറുകയുമായിരുന്നു. ഉദ്യോഗസ്ഥരുടെ പരാതിയിൽ നെടുമ്പാശേരി പൊലീസ് സ്ഥലത്ത് എത്തി ഇയാളെ അറസ്റ്റ് ചെയ്തു. തുടർന്ന് ജാമ്യത്തിൽ വിട്ടു. കുടുംബത്തോടൊപ്പമാണ് ലാമി കൊച്ചിയിൽ എത്തിയത്. ഇവർ നിർബന്ധമായും വീട്ടിൽ നിരീക്ഷണത്തിൽ കഴിയണമെന്ന നിർദ്ദേശം ആരോഗ്യവകുപ്പ് നൽകിയിട്ടുണ്ട്.