കേന്ദ്രസർക്കാരിന്റെ സാമ്പത്തിക പാക്കേജിനെ അഭിനന്ദിച്ച്‌ രാഹുൽഗാന്ധി

കേന്ദ്രസർക്കാരിന്റെ സാമ്പത്തിക സഹായ പാക്കേജ് പ്രഖ്യാപനം ശരിയായ ദിശയിലേക്കുള്ള ആദ്യ ചുവടുവെപ്പാണെന്നും, ലോക്ക്ഡൗണിന്റെ ആഘാതം നേരിടേണ്ടി വരുന്ന കർഷകരോടും ദിവസക്കൂലിക്കാരോടും തൊഴിലാളികളോടും സ്ത്രീകളോടും പ്രായമായവരോടും ഇന്ത്യക്ക് കടപ്പാടുണ്ടെന്നും അദ്ദേഹം ട്വിറ്ററിൽ കുറിച്ചു.

1.70 കോടിയുടെ സാമ്പത്തിക സഹായ പാക്കേജാണ് ധനമന്ത്രി നിർമലാ സീതാരാമൻ ഇന്ന് പ്രഖ്യാപിച്ചത്. രാജ്യത്തെ എല്ലാ തട്ടിലുമുള്ള ജനങ്ങൾക്ക് ആശ്വാസമാകുന്ന തരത്തിലാണ് പാക്കേജ്. മുതിർന്ന പൗരന്മാർക്കും, വനിതകൾക്കും, കർഷകർക്കും, വികലാംഗർക്കും, വിധവകൾക്കും നേരിട്ട് അക്കൗണ്ടുകളിലേക്ക് മൂന്നു മാസം അധിക സാമ്പത്തിക സഹായം നൽകുമെന്നും പ്രഖ്യാപനമുണ്ട്. ആശാവർക്കറൻമാരും ശുചീകരണ തൊഴിലാളികളും മുതൽ ഡോക്ടർമാരും നഴ്സുമാരും വരെയുള്ള കൊറോണ പ്രതിരോധ പ്രവർത്തനങ്ങളുമായി ബന്ധപ്പെട്ട് ആരോഗ്യ മേഖലയിൽ പ്രവർത്തിക്കുന്ന എല്ലാവർക്കും 50 ലക്ഷം രൂപയുടെ ഇൻഷുറൻസ് പാക്കേജും ധന മന്ത്രി പ്രഖ്യാപിച്ചിട്ടുണ്ട്.