ഇടുക്കിയിൽ കോവിഡ് സ്ഥിരീകരിച്ച കോൺഗ്രസ്‌ നേതാവിന്റെ രണ്ടാമത്തെ പരിശോധനാഫലം നെഗറ്റീവ്

ഇടുക്കി : തൊടുപുഴയിൽ കോവിഡ് 19 സ്ഥിരീകരിച്ച കോൺഗ്രസ്‌ നേതാവിന്റെ രണ്ടാമത്തെ സ്രവപരിശോധനാഫലം നെഗറ്റീവ്. ഇദ്ദേഹത്തെ 26-ന് ആശുപത്രിയിൽ പ്രവേശിപ്പിച്ചതിനുശേഷം ശേഖരിച്ച സ്രവത്തിന്റെ പരിശോധനാഫലമാണ് ഞായറാഴ്ച പുറത്തുവന്നത്. 26-ന് വന്ന പരിശോധനാഫലം പോസിറ്റീവായിരുന്നു. ഇതേത്തുടർന്നാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. തുടർന്ന്  ശേഖരിച്ച സ്രവം പരിശോധനയ്ക്കയച്ചു. ഇതാണ് നെഗറ്റീവായത്.തിങ്കളാഴ്ച ലഭിയ്ക്കുന്ന അടുത്ത ഫലം കൂടി നെഗറ്റീവായാൽ ഇദ്ദേഹത്തിന് വീട്ടിലേക്ക് മടങ്ങാം. തുടർന്ന് അടുത്ത 28 ദിവസം വീട്ടിൽ നിരീക്ഷണത്തിൽ കഴിയണം.