Month: March 2020
- Top Stories
കൊറോണ:ഇറ്റലിയില്‍ 24 മണിക്കൂറിനിടെ 602 മരണം
കോവിഡ് 19 വൈറസ് വ്യാപനത്തെ തുടര്‍ന്ന് ഇറ്റലിയില്‍ മരിച്ചവരുടെ എണ്ണം 6077 ആയി.കഴിഞ്ഞ 24 മണിക്കൂറിനിടെ 602 മരണങ്ങളാണ് ഇറ്റലിയിൽ റിപ്പോർട്ട് ചെയ്യ്തത്. ഇറ്റലിയില്‍ മരണസംഖ്യയില്‍ 13.5 ശതമാനത്തിന്‍റെ വര്‍ധനവാണ് രേഖപ്പെടുത്തിയത്. 63,927 പേർക്കാണ് ഇതുവരെ ഇറ്റലിയിൽ കൊറോണ വൈറസ് ബാധ സ്ഥിതീകരിച്ചിട്ടുള്ളത്. 7,432 പേർക്ക് ഇതുവരെ രോഗ മുക്തി നേടിയിട്ടുണ്ട്. കർശന നടപടികളാണ് കോറോണയെ നേരിടാൻ സർക്കാർ നടപ്പാക്കുന്നത്. വീടുകളിൽ നിന്ന് പുറത്തിറങ്ങുന്നവരെ അറസ്റ്റ് ചെയ്യുമെന്നാണ് മുന്നറിയിപ്പ്. ലോകത്താകമാനം കൊറോണ ബാധിതരുടെ എണ്ണം 380,249 ആയി.16,509 പേർ കൊറോണ ബാധയാൽ മരണപ്പെട്ടു. അമേരിക്കയിലും, ഇറാനിലും, സ്പെയിനിലും, ഫ്രാൻസിലും, യു കെ യിലും, ജർമനിയിലും കൊറോണ ബാധിതരുടെ എണ്ണം നാൾക്കുനാൾ വർദ്ദിച്ചുകൊണ്ടിരിക്കയാണ്. ഇറാനിൽ മരണം 1,812 ആയി, ഫ്രാൻസിൽ 860 പേരും, അമേരിക്കയിൽ 582 പേരും, യു കെ യിൽ 335 പേരും, ജർമനിയിൽ 119 പേരും ഇതുവരെ മരണപ്പെട്ടു.
Read More » ഷഹീൻബാഗ് പ്രക്ഷോഭം അവസാനിപ്പിച്ച്‌ പൊലീസ്
ഡൽഹി : പൗരത്വ ഭേദഗതി നിയമത്തിനെതിരെ ദില്ലിയിലെ ഷഹീൻ ബാഗിൽ ആരംഭിച്ച സമരം അവസാനിപ്പിച്ച്‌ പൊലീസ്.ദില്ലിയിൽ കർഫ്യു നിലനിൽക്കുന്നതിനാൽ സമരം ചെയ്യാൻ അനുവദിക്കില്ലെന്ന് ഡൽഹി പൊലീസ് സമരക്കാരെ അറിയിച്ചു. സമരപ്പന്തലിലെ കസേരകൾ എടുത്തുമാറ്റി. സ്ഥലത്ത് പൊലീസ് വിന്യാസം കൂട്ടി. ജഫ്രബാദ് ഉൾപ്പെടെയുള്ള കലാപബാധിത പ്രദേശങ്ങളിൾ പൊലീസിന്റെ കനത്ത സുരക്ഷ സന്നാഹം ഏർപ്പെടുത്തി. കൊവിഡ് രോഗബാധ പടരുന്ന പശ്ചാത്തലത്തിൽ സമരം തുടരുന്ന കാര്യം പുനഃപരിശോധിക്കണമെന്ന് ദില്ലി മുഖ്യമന്ത്രി അരവിന്ദ് കേജരിവാൾ സമരക്കാരോട് അഭ്യർത്ഥിച്ചിരുന്നു. എന്നാൽ കേജരിവാളിന്റെ അഭ്യർത്ഥന സമരക്കാർ തള്ളിക്കളഞ്ഞു. സമരത്തിൽ നിന്ന് ഒരടി പോലും പിന്നോട്ടില്ലെന്നാണ് സമരസമിതി അംഗങ്ങൾ പറഞ്ഞിരുന്നത്.
Read More »- News
കൊറോണ:എറണാകുളം ജില്ലയിലും നിരോധനാജ്ഞ പ്രഖ്യാപിച്ചു
കൊച്ചി : കൊറോണ വ്യാപനത്തിന്റെ പശ്ചാത്തലത്തിൽ എറണാകുളം ജില്ലയിലും നിരോധനാജ്ഞ പ്രഖ്യാപിച്ചു. ഈ 31 വരെയാണ് നിരോധനാജ്ഞ. ജില്ലയിൽ ആളുകൾ കൂട്ടം കൂടുന്നത് ഒഴിവാക്കണം. അത്യാവശ്യ ആവശ്യങ്ങൾക്ക് മാത്രമേ ആളുകൾ പുറത്തിറങ്ങാവൂ.അവശ്യ സാധനങ്ങൾ വിൽക്കുന്ന കടകളിൽ എയർ കണ്ടീഷൻ പ്രവർത്തിപ്പിക്കരുത് എന്നും ജില്ലാ കളക്ടറുടെ ഉത്തരവിൽ പറയുന്നു. നിർദേശങ്ങൾ ലംഘിക്കുന്നവർക്കെതിരെ കർശന നടപടി സ്വീകരിക്കുമെന്നും ജില്ലാ കളക്ടർ എസ് സുഹാസ് വ്യക്തമാക്കി.
Read More » - Top Stories
കേരളത്തിൽ ഇന്ന് മുതൽ ലോക്ക്ഡൌൺ
തിരുവനന്തപുരം : കോവിഡ് 19 പടര്‍ന്നു പിടിക്കുന്ന പശ്ചാത്തലത്തില്‍ കേരളത്തില്‍ ഇന്നു മുതല്‍ സമ്പൂര്‍ണ്ണ അടച്ചിടല്‍. മാര്‍ച്ച്‌ 31 വരെയാണ് ലോക്ക്ഡൗണ്‍. അവശ്യസാധനങ്ങള്‍ വില്‍ക്കുന്ന കടകള്‍ മാത്രമാകും പ്രവര്‍ത്തിക്കുക. ലോക്‌ഡൌൺ നിർദ്ദേശങ്ങൾ പാലിക്കാത്തവർക്കെതിരെ കർശന നടപടികൾ എടുക്കുമെന്ന് സർക്കാർ വ്യക്തമാക്കിയിട്ടുണ്ട്. ബാറുകൾ പ്രവർത്തിക്കില്ല. ബിവറേജ് ഷോപ്പുകൾ പ്രവർത്തിക്കുമെങ്കിലും സമയം ക്രമീകരിക്കും. റെസ്റ്റോറന്റുകളിലും ഹോട്ടലുകളിലുമിരുന്ന് ഭക്ഷണംകഴിക്കുന്നത് തടയും. എന്നാൽ, ഹോം ഡെലിവറി നടത്താം. ആശുപത്രികൾ സാധാരണപോലെ പ്രവർത്തിക്കും. സർക്കാർ ഓഫീസുകൾ ആവശ്യമായ സുരക്ഷാക്രമീകരണങ്ങൾ ഉറപ്പാക്കി നടത്തും. ജലം, വൈദ്യുതി, ടെലികോം, അവശ്യ ഭക്ഷ്യ, ഔഷധവസ്തുക്കളുടെ വിൽപ്പന എന്നിങ്ങനെയുള്ള അവശ്യസേവനങ്ങൾ തടസ്സമില്ലാതെ ജനങ്ങൾക്ക് ലഭ്യമാക്കുന്നതിന് കളക്ടർമാർ നടപടികൾ സ്വീകരിക്കും. മൈക്രോഫിനാൻസ്, പ്രൈവറ്റ് കമ്പനികൾ പൊതുജനങ്ങളിൽനിന്ന് പണം പിരിക്കുന്നത് രണ്ടുമാസത്തേക്ക് നിർത്തണം. ബാങ്കുകൾ രണ്ടുമണിവരെ പ്രവർത്തിക്കും. സഹകരണസംഘങ്ങളുടെ പ്രവർത്തനത്തിൽ സമയനിയന്ത്രണം. പൊതുഗതാഗതം ഉണ്ടാകില്ല. മതിയായ കാരണമില്ലാതെ പുറത്തിറങ്ങുന്നവര്‍ക്കെതിരെ നടപടിയുണ്ടാകും. അവശ്യസാധനങ്ങൾ വാങ്ങുന്നതിന് ജനങ്ങൾക്ക് പുറത്തിറങ്ങാം. ഒന്നിച്ചിറങ്ങാനാവില്ല. ഇറങ്ങുന്നവർ ശാരീരിക അകലം നിർബന്ധമായും പാലിക്കണം. സ്ഥിതിഗതികള്‍ ഗുരുതരമായ കാസര്കോട് കടുത്ത നിയന്ത്രണങ്ങളാണ് ഏര്‍പ്പെടുത്തിയിരിക്കുന്നത്. അവിടെ ജനങ്ങള്‍ പുറത്തിറങ്ങുന്നതിന് വിലക്കുണ്ട്. കാസര്കോട് അവശ്യസാധനങ്ങളുടെ കടകള്‍ 11 മണി മുതല്‍ അഞ്ച് മണിവരെയാവും പ്രവര്‍ത്തിക്കുക. നിര്‍ദേശം ലംഘിക്കുന്നവരെ പൊലീസ് അറസ്റ്റ് ചെയ്യും.
Read More » ചവറയിൽ ബൈക്കും ടെമ്പോ ട്രാവലറും കൂട്ടിയിടിച്ച്‌ 2 പേർ മരിച്ചു
കൊല്ലം : ചവറ നല്ലെഴുത്ത് മുക്കിൽ ബൈക്കും ടെമ്പോ ട്രാവലറും കൂട്ടിയിടിച്ച്‌ 2പേർ മരിച്ചു. ചിക്കു എന്ന് വിളിക്കുന്ന ജയപ്രകാശ്, കൊച്ചുമോൻ എന്ന് വിളിക്കുന്ന രാഗേഷ് എന്നിവരാണ് മരിച്ചത്. തിങ്കളാഴ്ച രാത്രി ചവറ നല്ലെഴുത്ത്മുക്കിൽ വച്ചായിരുന്നു അപകടം.
Read More »- Top Stories
സംസ്ഥാനത്ത് ലോക്ക് ഡൗൺ ഇന്ന് അർധരാത്രി മുതൽ;അവശ്യ സർവീസുകൾ ഒഴികെ സംസ്ഥാനത്ത് മറ്റൊന്നും പ്രവർത്തിക്കില്ല
തിരുവനന്തപുരം : സംസ്ഥാനത്ത് ലോക്ക് ഡൗണിന്റെ ഭാഗമായുള്ള നിയന്ത്രണങ്ങൾ തിങ്കളാഴ്ച അർധരാത്രി മുതൽ നിലവിൽവരും.അവശ്യസാധനങ്ങൾ വിൽക്കുന്ന കടകൾ രാവിലെ ഏഴ് മുതൽ വൈകിട്ട് അഞ്ച് വരെ മാത്രമേ തുറക്കാവൂ. മരുന്നുകടകൾ അടക്കമുള്ള അവശ്യസർവീസ് ഒഴികെ സംസ്ഥാനത്തെ മറ്റെല്ലാ കടകളും അടച്ചിടണം. മാർച്ച് 31 വരെ പൊതുഗതാഗതം നിർത്തി. പെട്രോൾ പമ്പുകളെല്ലാം തുറന്നു പ്രവർത്തിക്കും. സ്വകാര്യ വാഹനങ്ങൾ അത്യാവശ്യത്തിന് അനുവദിക്കും. അതേസമയം അത്യാവശ്യ കാര്യങ്ങൾക്ക് പുറത്തിറങ്ങുന്നവർ കൃത്യമായ സാമൂഹിക അകലം പാലിക്കണമെന്നും മുഖ്യമന്ത്രി നിർദേശിച്ചു. സംസ്ഥാനത്തെ എല്ലാ ബാങ്കുകളും രാവിലെ 11 മുതൽ ഉച്ചയ്ക്ക് രണ്ട് വരെ മാത്രമേ പ്രവർത്തിക്കുകയുള്ളു. ഹോട്ടലുകൾ തുറക്കും, എന്നാൽ ഹോട്ടലുകളിൽ ഇരുന്ന് ഭക്ഷണം കഴിക്കാൻ അനുവദിക്കില്ല, ഹോം ഡെലിവറി അനുവദിക്കും. കാസർകോട് ജില്ലയിൽ നീരീക്ഷണം കർശനമാക്കും. സംസ്ഥാനത്താകെ നിരീക്ഷണത്തിലുള്ളവർ യാത്ര ചെയ്യുന്നത് കർക്കശമായി തടയും. കാസറഗോഡ് ജില്ലയിൽ അനാവശ്യമായി പുറത്തിറങ്ങുന്നവരെ അറസ്റ്റ് ചെയ്യുമെന്നും മുഖ്യമന്ത്രി മുന്നറിയിപ്പ് നൽകി.
Read More » - Top Stories
കേരളത്തിൽ 28 പേർക്കുകൂടി കൊറോണ സ്ഥിരീകരിച്ചു;സംസ്ഥാനത്ത് അടച്ചിടൽ പ്രഖ്യാപിച്ചു
തിരുവനന്തപുരം : സംസ്ഥാനത്ത് ഇന്ന് 28 പേർക്കുകൂടി കൊറോണ വൈറസ് ബാധ സ്ഥിരീകരിച്ചു. ഇതോടെ കേരളത്തിലെ വൈറസ് ബാധിതരുടെ എണ്ണം 91 ആയി. അപകടകരമായ രീതിയിൽ വൈറസ് വ്യാപനം തുടരുന്ന സാഹചര്യത്തിലേക്ക് നീങ്ങുന്നതിനാൽ കേരളത്തിലാകെ അടച്ചുപൂട്ടൽ ഏർപ്പെടുത്തുന്നുവെന്ന് മുഖ്യമന്ത്രി പിണറായി വിജയൻ വാർത്താ സമ്മേളനത്തിൽ അറിയിച്ചു. മാർച്ച് 31 വരെയാണ് ലോക്ക് ഡൗൺ. അടച്ചു പൂട്ടലിന്റെ ഭാഗമായി സംസ്ഥാന അതിർത്തികൾ അടയ്ക്കുമെന്നും പൊതു ഗതാഗതം ഉണ്ടാകില്ലെന്നും മുഖ്യമന്ത്രി പറഞ്ഞു. അവശ്യ സാധനങ്ങളുടെയും മരുന്നിന്റെയും ലഭ്യത ഉറപ്പാക്കും. ഇന്ന് കൊറോണ സ്ഥിരീകരിച്ചവരിൽ 25 പേർ ദുബായിൽനിന്ന് എത്തിയവരാണ്. കാസർകോട് ജില്ലയിൽ 19 പേർക്കും കണ്ണൂർ ജില്ലയിൽ അഞ്ചുപേർക്കും പത്തനംതിട്ട ജില്ലയിൽ ഒരാൾക്കും എറണാകുളം ജില്ലയിൽ രണ്ടുപേർക്കും തൃശ്ശൂർ ജില്ലയിൽ ഒരാൾക്കുമാണ് തിങ്കളാഴ്ച പുതുതായി കോവിഡ് -19 സ്ഥിരീകരിച്ചിട്ടുള്ളത്. ഇതോടെ 95 പേർക്കാണ് ഇതുവരെ കേരളത്തിൽ കൊറോണ വൈറസ് ബാധ സ്ഥിരീകരിച്ചിട്ടുള്ളത്. ഇതിൽ 3 പേർ നേരത്തെ രോഗമുക്തി നേടിയവരാണ്.
Read More » - News
ഒമാനിൽ മലവെള്ളപ്പാച്ചിലിൽ ഒലിച്ചുപോയ മലയാളികളുടെ മൃതദേഹങ്ങൾ കണ്ടെത്തി
മസ്കറ്റ് : ഒമാനിൽ മലവെള്ളപ്പാച്ചിലിൽ ഒലിച്ചുപോയ മലയാളികളുടെ മൃതദേഹങ്ങൾ കണ്ടെത്തി. കണ്ണൂർ സ്വദേശി വിജീഷ്, കൊല്ലം സ്വദേശി സുജിത് എന്നിവരുടെ മൃതദേഹമാണ് കണ്ടെത്തിയത്. ഇന്നലെ വൈകീട്ട് ഏഴു മണിയോടെയാണ് ഇവർ അപകടത്തിൽപ്പെട്ടത്. ഇവർ മറ്റൊരു കടയിലേക്ക് പോകവേ ആയിരുന്നു അപകടം. വാഹനത്തിൽ മലവെള്ളപ്പാച്ചിൽ മുറിച്ചു കടക്കാൻ ശ്രമിക്കവേ ഇവരുടെ വാഹനം ഒഴുക്കിൽ പെടുകയായിരുന്നു. തുടർന്നു നടത്തിയ പരിശോധനയിൽ ഉച്ചയോടെയാണ് മൃതദേഹങ്ങൾ കണ്ടെത്തിയത്.
Read More » - Top Stories
നിയന്ത്രണം കടുപ്പിയ്ക്കും;സംസ്ഥാനത്തെ മുഴുവൻ ബാറുകളും അടച്ചിടും
തിരുവനന്തപുരം : കോവിഡ് 19 വ്യാപനത്തെത്തുടർന്ന് സംസ്ഥാനത്ത് കൂടുതൽ നിയന്ത്രണങ്ങൾ കൊണ്ടുവരുന്നു. മുഖ്യമന്ത്രി വിളിച്ചു ചേർത്ത ഉന്നതതല യോഗത്തിലും അവൈലബിൾ ക്യാബിനറ്റിലുമാണ് തീരുമാനം. സംസ്ഥാനത്തെ മുഴുവൻ ബാറുകളും ബിയർ പാർലറുകളും പൂർണമായും അടച്ചിടും. ബിവറേജസ് ഔട്ട്ലറ്റുകളിൽ കടുത്ത നിയന്ത്രണങ്ങൾ കൊണ്ടുവരും. കടകൾ പൂർണ്ണമായി അടച്ചിടേണ്ടതില്ലെന്ന് തീരുമാനം. കാസർകോട് ജില്ലയിൽ പൂർണ്ണ ലോക് ഡൗണിനാണ് തീരുമാനം. ആരും പുറത്തിറങ്ങരുതെന്നാണ് നിര്‍ദ്ദേശം. അവശ്യ സാധനങ്ങൾ വീടുകളിലെത്തിക്കാൻ നടപടി എടുക്കുന്നതിനെ കുറിച്ചും ആലോചനയുണ്ട്. ഇക്കാര്യം വ്യാപാരി വ്യവസായി പ്രതിനിധികളുമായി മുഖ്യമന്ത്രി തന്നെ സംസാരിക്കും. നിയന്ത്രണങ്ങൾ വൈകീട്ട് സർക്കാർ ഔദ്യോഗികമായി അറിയിക്കും. കൊവിഡ് സ്ഥിരീകരിച്ച മറ്റ് ജില്ലകൾ ഭാഗികമായി അടച്ചിടും. എറണാകുളം കണ്ണൂർ, കോഴിക്കോട് ജില്ലകളിൽ കൂടുതൽ നിയന്ത്രണം ഏർപ്പെടുത്തും. അവശ്യ സർവ്വീസുകൾ മുടക്കില്ല. കടകൾ പൂർണ്ണമായും അടക്കില്ല. കൊവിഡ് ബാധിത ജില്ലകളിൽ പൂർണ്ണ ലോക് ഡൗൺ വേണമെന്നാണ് കേന്ദ്ര സർക്കാര് ആവശ്യപ്പെടുന്നത്. അതേ സമയം ജന ജീവിതം സ്തംഭിപ്പിക്കുന്ന നടപടികളോട് യോജിക്കാനാകില്ലെന്ന നിലപാടാണ് സംസ്ഥാന സർക്കാരിന് ഉള്ളത്.
Read More » - Top Stories
കൊറോണ വൈറസ് ബാധിച്ച്‌ രോഗം ഭേദമായ ആൾ മുംബൈയിൽ മരിച്ചു
ന്യൂഡൽഹി : കൊറോണ വൈറസ് ബാധിച്ച്‌ രോഗം ഭേദമായ ആൾ മുംബൈയിൽ മരിച്ചു. കോവിഡ് 19 പോസിറ്റീവ് ആയിരുന്ന ഫിലീപ്പീൻസ് പൗരനാണ് മരിച്ചത്. ഇന്നലെ മുംബൈയിലാണ് 68 വയസ്സുള്ള ഫിലീപ്പീൻസ് പൗരൻ മരിച്ചത്. ആദ്യം ഇയാളിൽ കൊറോണ വൈറസ് ബാധ സ്ഥിരീകരിച്ചിരുന്നു എങ്കിലും പിന്നീട് നടത്തിയ പരിശോധനയിൽ ഫലം നെഗറ്റീവ് ആയിരുന്നു. ശ്വാസകോശവും വൃക്കയും തകരാറിലായതിനെ തുടർന്നാണ് മരണം സംഭവിച്ചതെന്ന് ആരോഗ്യവകുപ്പ് അറിയിച്ചു. അതിനാൽ കൊറോണ ബാധിച്ചു മരിച്ചതായി ആരോഗ്യവകുപ്പ് സ്ഥിതീകരിച്ചിട്ടില്ല.
Read More »
