Month: March 2020
- News
കൊറോണ:വിലക്ക് ലംഘിച്ച് കുർബാന നടത്തിയ വൈദികൻ അറസ്റ്റിൽ
തൃശ്ശൂർ : കൊറോണ ജാഗ്രതാ നിർദേശം മറികടന്നു നൂറോളം വിശ്വാസികളെ അണിനിരത്തി കുർബാന നടത്തിയ പുരോഹിതൻ അറസ്റ്റിൽ. ഫാദർ പോളി പടയാട്ടിയാണ് അറസ്റ്റിലായത്. ചാലക്കുടി കൂടപ്പുഴ നിത്യസഹായമാത പള്ളിയിലെ വികാരിയാണ് ഫാ. പോളി പടയാട്ടി. വിലക്ക് ലംഘിച്ച് കുർബാനയിൽ പങ്കെടുത്ത വിശ്വാസികൾക്കെതിരെയും കേസെടുത്തിട്ടുണ്ട്. രാജ്യമാകെ കൊറോണ ജാഗ്രതാ നിർദേശം പ്രഖ്യാപിച്ചിരിക്കുന്ന സാഹചര്യത്തിൽ അധികൃതരുടെ നിർദേശങ്ങൾ അവഗണിച്ച് കൂട്ടം കൂടുന്നവരെയും പൊതുചടങ്ങുകളിൽ പങ്കെടുക്കുന്നവരെയും, കല്യാണം, ഉത്സവങ്ങൾ തുടങ്ങിയ ചടങ്ങുകൾ സംഘടിപ്പിക്കുന്നവർക്കും അതിൽ പങ്കെടുക്കുന്നവർക്കും എതിരെ കർശന നിയമനടപടികൾ സ്വീകരിക്കുമെന്ന് അധികൃതർ അറിയിച്ചു.
Read More » - News
ഒമാനില്‍ കനത്ത മഴ;2 മലയാളികളെ കാണാതായി
മസ്കറ്റ് : ഒമാനില്‍ കനത്ത മഴയിലും മലവെള്ളപ്പാച്ചിലിലും പെട്ട് രണ്ടുമലയാളികളെ കാണാതായി. കൊല്ലം സ്വദേശിയായ സുജിത്തും കണ്ണൂർ സ്വദേശിയായ വിജിഷിനെയുമാണ് മലവെള്ളപ്പാച്ചിലിലെ ഒഴുക്കിൽപ്പെട്ട് കാണാതായത്.ഇന്നലെ രാത്രിയോടെയാണ് സംഭവം. മസ്കറ്റിൽ നിന്നും 275 കിലോമീറ്റർ അകലെ ഇബ്രി പ്രവിശ്യയിലെ ഖുബാറിൽ വെച്ച് ഇവർ സഞ്ചരിച്ചിരുന്ന വാഹനം ഒഴുക്കിൽപ്പെടുകയായിരുന്നു. പൊലീസിന്റെ തെരച്ചിലിൽ ഇവർ സഞ്ചരിച്ചിരുന്ന വാഹനം കണ്ടുകിട്ടിയിട്ടുണ്ട്. അൽ റഹ്‍മ ന്യൂന മർദ്ദത്തിന്റെ ഫലമായി ഇന്നലെ മുതൽ രാജ്യത്തിന്റെ വിവിധ ഭാഗങ്ങളിൽ കനത്ത മഴ തുടരുകയാണ്. ജനങ്ങൾ ജാഗ്രത പാലിക്കണമെന്നും അധികൃതർ അറിയിച്ചു.
Read More » - News
കൊറോണ: സൗദിയിൽ ഇന്ന് മുതൽ കർഫ്യൂ
റിയാദ് : സൗദിയിൽ ഇന്ന് മുതൽ കർഫ്യൂ ഏർപ്പെടുത്തി. ഇന്ന് വൈകിട്ട് മുതൽ 21 ദിവസത്തേക്കാണ് കർഫ്യൂ ഏർപ്പെടുത്തിയത്. വൈകിട്ട് ഏഴ് മുതൽ പുലർച്ച ആറു വരെയാണ് കർഫ്യൂ. കൊറോണ വൈറസ് വ്യാപകമാകുന്ന പശ്ചാത്തലത്തിൽ നിയന്ത്രണ നടപടികളുടെ ഭാഗമായിട്ടാണ് കർഫ്യൂ പ്രഖ്യാപിച്ചത്. സൽമാൻ രാജാവാണ് ഇതുസംബന്ധിച്ച് ഉത്തരവിറക്കിയത്. കർഫ്യൂ സമയങ്ങളിൽ പൗരന്മാരും താമസക്കാരും ഒരുപോലെ അവരുടെ വീടുകളിൽ തന്നെ തങ്ങണമെന്ന് ആരോഗ്യ മന്ത്രാലയം നിർദേശിച്ചു. പൊതു-സ്വകാര്യ രംഗത്തെ സുപ്രധാന മേഖലകളിൽ പ്രവർത്തിക്കുന്നവരെ കർഫ്യൂവിൽ നിന്ന് ഒഴിവാക്കിയിട്ടുണ്ട്. സൗദിയിൽ ഞായറാഴ്ച മാത്രം 119 പേർക്ക് രോഗം സ്ഥിരീകരിച്ചു. ഇതോടെ രാജ്യത്ത് ആകെ രോഗബാധിതരുടെ എണ്ണം 511 ആയതായി ആരോഗ്യ മന്ത്രാലയം അറിയിച്ചു.
Read More » - News
പത്തനംതിട്ടയിൽ നിരീക്ഷണത്തിലായിരുന്ന രണ്ട് പേർ അമേരിക്കയിലേക്ക് കടന്നു
പത്തനംതിട്ട : പത്തനംതിട്ടയിൽ അമേരിക്കയിൽ നിന്നെത്തി വീട്ടിൽ നിരീക്ഷണത്തിലായിരുന്ന രണ്ട് പേർ തിരികെ അമേരിക്കയിലേക്ക് കടന്നു. അമേരിക്കൻ പൗരത്വമുള്ള രണ്ട് സ്ത്രീകളാണ് അധികൃതർ അറിയാതെ അമേരിക്കയിലേക്ക് കടന്നത്. സുരക്ഷാ മുൻകരുതലുകൾ മറികടന്ന് ഇവർ വിമാനത്താവളം വഴി അമേരിക്കയിലേക്ക് കടന്നത് വൻ സുരക്ഷാവീഴ്ചയാണ്. വീടുകളിൽ നിരീക്ഷണത്തിൽ കഴിയുന്നവരിൽ ഐസൊലേഷൻ വ്യവസ്ഥ ലംഘിച്ച 13 പേർക്കെതിരെ കേസെടുക്കാൻ ജില്ലാ കളക്ടർ പി ബി നൂഹ് ജില്ലാ പൊലീസ് മേധാവിക്ക് നിർദ്ദേശം നൽകി. റാന്നിയിലെ ഇറ്റലിയിൽ നിന്നെത്തിയ കുടുംബവുമായി ബന്ധമുള്ള 366 പേർ ഉൾപ്പെടെ 4387 പേർ ജില്ലയിൽ നിരീക്ഷണത്തിലാണ്. ജില്ലയിലെ ബാങ്കുകളിൽ ഒരു സമയം അഞ്ച് പേരിൽ കൂടുതൽ ആളുകളെ അനുവദിക്കില്ല. അവശ്യ സേവനങ്ങൾക്കല്ലാതെ ആരും ബാങ്കുകളിലേക്ക് എത്താൻ പാടില്ല. നിർദ്ദേശങ്ങൾ ലംഘിക്കുന്നവർക്കെതിരെ കർശന നിയമ നടപടി സ്വീകരിയ്ക്കുമെന്ന് കളക്ടർ വ്യക്തമാക്കി.
Read More » - Top Stories
കോവിഡ് 19 മരണം 14,730 ആയി; ഇന്ത്യയിൽ 396 കോവിഡ് ബാധിതർ
കോവിഡ് 19 രോഗ ബാധിതർ ആഗോളതലത്തിൽ 343,209 ആയി. മരണസംഖ്യ 14730 ആയി. ഇറ്റലിയിൽ കഴിഞ്ഞ 24 മണിക്കൂറിൽ റിപ്പോർട്ട് ചെയ്യപ്പെട്ടത് 651 മരണങ്ങളാണ്. സ്പെയിനിൽ 1772 മരണവും, ഇറാനിൽ 1685 മരണവും, അമേരിക്കയിൽ 460 മരണവും റിപ്പോർട്ട് ചെയ്യ്തു. അമേരിക്കയിൽ 35,352 പേരിലാണ് ഇതുവരെ വൈറസ് സ്ഥിരീകരിച്ചിരിക്കുന്നത്.
Read More » - News
ശ്രീറാം വെങ്കിട്ടരാമനെ ഇപ്പോൾ തിരിച്ചെടുക്കുന്നത് പുര കത്തുമ്പോൾ വാഴ വെട്ടുന്നതിന് തുല്യം:ചെന്നിത്തല
തിരുവനന്തപുരം : മാധ്യമ പ്രവർത്തകനായ കെ എം ബഷീറിനെ കാറിടിച്ചു കൊന്ന കേസിലെ പ്രതിയായ ഐ.എ.എസ് ഉദ്യോഗസ്ഥൻ ശ്രീറാം വെങ്കിട്ടരാമനെ കോവിഡിന്റെ മറവിൽ തിരിച്ചെടുക്കുന്നത് പുര കത്തുമ്പോൾ വാഴ വെട്ടുന്നതിന് തുല്യമാണെന്ന് പ്രതിപക്ഷ നേതാവ് രമേശ് ചെന്നിത്തല ആരോപിച്ചു. യുവപത്രപ്രവർത്തകനെ കാറിടിച്ച് കൊന്ന കേസിലെ പ്രതിയെ സർവ്വീസിൽ തിരിച്ചെടുക്കുന്നത് ശരിയായ കാര്യമല്ല. കോവിഡ് ഒരു സൗകര്യമായെടുത്ത് പല നടപടികളും സർക്കാർ സ്വീകരിക്കുന്നുണ്ട്. ടി.പി കേസിലെ പ്രതി കുഞ്ഞനന്തന് ജാമ്യം കൊടുത്തതാണ് മറ്റൊന്ന്. അകത്ത് കിടക്കേണ്ട കുഞ്ഞനന്തൻ പുറത്തും പുറത്ത് നിൽക്കേണ്ട ശ്രീറാം വെങ്കിട്ട രാമൻ അകത്തും ആയ അവസ്ഥയാണിപ്പോൾ ഉണ്ടായിരിക്കുന്നതെന്നും രമേശ് ചെന്നിത്തല പ്രസ്താവനയിൽ ആരോപിച്ചു.
Read More » - News
പത്തനംതിട്ടയില്‍ കോവിഡ് നിരീക്ഷണത്തിലായിരുന്ന കുടുംബം വീടുപൂട്ടി സ്ഥലം വിട്ടു
പത്തനംതിട്ട : പത്തനംതിട്ടയില്‍ കോവിഡ് നിരീക്ഷണത്തിലായിരുന്ന കുടുംബം വീടുപൂട്ടി സ്ഥലം വിട്ടു. അമേരിക്കയില്‍ നിന്നെത്തിയ കുടുംബമാണ് അധികൃതരെ അറിയിക്കാതെ സ്ഥലംവിട്ടത്. മെഴുവേലിയില്‍ നിന്നുള്ള രണ്ടുപേരെയും കണ്ടെത്താന്‍ തീവ്രശ്രമം തുടരുകയാണ്.
Read More » - Top Stories
കോഴിക്കോട്,കാസർകോട് ജില്ലകളിൽ നിരോധനാജ്ഞ; അഞ്ചിൽ കൂടുതൽ ആളുകൾ കൂട്ടം കൂടരുത്
കോഴിക്കോട് : കൊറോണ വൈറസ് പടർന്നു പിടിയ്ക്കുന്ന പശ്ചാത്തലത്തിൽ കോഴിക്കോട്, കാസർകോട് ജില്ലകളിൽ നിരോധനാജ്ഞ പ്രഖ്യാപിച്ചു. ഭക്ഷ്യവസ്തുക്കളും മരുന്നുകളും ഉൾപ്പെടെയുള്ളവയുടെ വിൽപനകേന്ദ്രങ്ങൾ രാവിലെ 10 മണിമുതൽ വൈകിട്ട് ഏഴ് മണിവരെ തുറന്ന് പ്രവർത്തിക്കണമെന്നും ഉത്തരവിൽ പറയുന്നുണ്ട്. ജില്ലയിൽ ഒരിടത്തും അഞ്ചിൽ കൂടുതൽ ആളുകൾ കൂടിച്ചേരരുത്. വിവാഹ ചടങ്ങുകളിൽ പങ്കെടുക്കുന്നതവർ 50ൽ അധികമാകരുത്. ഒരേസമയം 10 പേർ വിവാഹ ചടങ്ങുകളിൽ കൂടിനിൽക്കാൻ പാടില്ല. വിവാഹ തീയതിയും ക്ഷണിക്കുന്നവരുടെ ലിസ്റ്റും അതാതു പോലീസ് സ്റ്റേഷനുകളിലും വില്ലേജ് ഓഫീസുകളിലും അറിയിക്കേണ്ടതാണെന്നും ഉത്തരവിലുണ്ട്. ജനങ്ങൾ തിങ്ങിക്കൂടുന്ന പൊതു പരിപടികൾ, ഉത്സവങ്ങൾ, ആഘോഷപരിപാടികൾ, പരീക്ഷകൾ, മതപരിപാടികൾ തുടങ്ങി ആളുകൂടുന്ന എല്ലാ പരിപാടികളും വിലക്കിയിട്ടുണ്ട്.
Read More » - Top Stories
കൊറോണ:ഡൽഹി പൂർണമായും അടച്ചിടുന്നു
ന്യൂഡൽഹി : ഡൽഹി പൂർണമായും അടച്ചിടുന്നു. മാർച്ച് 23 ന് രാവിലെ ആറുമുതൽ മാർച്ച് 31 അർധരാത്രി വരെ ഡൽഹി അടച്ചിടാൻ തീരുമാനിച്ചുവെന്ന് മുഖ്യമന്ത്രി അരവിന്ദ് കെജ്രിവാൾ അറിയിച്ചു. അവശ്യ സേവനങ്ങൾ ഒഴിച്ച് മറ്റൊന്നും 31 വരെ പ്രവർത്തിയ്ക്കില്ലന്ന് മുഖ്യമന്ത്രി വ്യക്തമാക്കി. ഡൽഹിയിലേക്കുള്ള ആഭ്യന്തര വിമാന സർവീസുകൾ സ്വകാര്യ ബസുകൾ, ഓട്ടോ, ഇ-റിക്ഷ തുടങ്ങിയ പൊതുഗാതാഗത സംവിധാനങ്ങളൊന്നും ഈ കാലയളവിൽ അനുവദിക്കില്ലെന്നും ഡൽഹി മുഖ്യമന്ത്രി പറഞ്ഞു. ഡൽഹി ട്രാൻസ്പോർട്ട് കമ്മിഷനിലെ 25 ശതമാനം ബസുകൾ മാത്രം അവശ്യ സേവനങ്ങളെ ഉദ്ദേശിച്ച്‌ സർവീസ് നടത്തും.
Read More » - Top Stories
കേരളത്തിൽ 15 പേര്‍ക്ക് കൂടി കോവിഡ് 19 സ്ഥിരീകരിച്ചു
തിരുവനന്തപുരം : സംസ്ഥാനത്ത് ഇന്ന് 15 പേര്‍ക്ക് കൂടി കോവിഡ് 19 രോഗം സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍. ഇവരില്‍ രണ്ട് പേര്‍ എറണകുളം ജില്ലക്കാരും രണ്ട് പേര്‍ മലപ്പുറം ജില്ലക്കാരും രണ്ട് പേര്‍ കോഴിക്കോട് ജില്ലക്കാരും നാല് പേര്‍ കണ്ണൂര്‍ ജില്ലക്കാരും അഞ്ച് പേര്‍ കാസറഗോഡ് ജില്ലക്കാരുമാണ്. ഇതോടെ കേരളത്തില്‍ കൊറോണ ബാധിച്ച്‌ ആശുപത്രിയിൽ കഴിയുന്നവരുടെ എണ്ണം 64 ആയി. കാസര്‍കോട് ജില്ലയിൽ നെല്ലിക്കുന്ന്, വിദ്യാനഗര്‍, ചന്ദ്രഗിരി, മരക്കാപ്പ് കടപ്പുറം, ചെങ്കള സ്വദേശികൾക്കാണ് കോവിഡ് ബാധിച്ചിട്ടുള്ളത്. ഇവര്‍ അഞ്ചുപേരും ദുബായില്‍ നിന്ന് വന്നവരാണ്. എല്ലാവരും പുരുഷന്‍മാരാണ്. കണ്ണൂരില്‍ ചെറുവാഞ്ചേരി, കുഞ്ഞിമംഗലം, നാറാത്ത്, ചപ്പാരപ്പടവ് സ്വദേശികള്‍ക്കാണ് കൊവിഡ് സ്ഥിരീകരിച്ചത്. നാറാത്ത് സ്വദേശി ജില്ലാ ആശുപത്രിയിലും ചെറുവാഞ്ചേരി സ്വദേശി തലശ്ശേരി ജനറല്‍ ആശുപത്രിയിലും കുഞ്ഞിമംഗലം, ചപ്പാരപ്പടവ് സ്വദേശികള്‍ പരിയാരത്തും ചികിത്സയില്‍ കഴിയുകയാണ്. എല്ലാവരും ഗള്‍ഫില്‍ നിന്ന് എത്തിയവരാണ്. കോഴിക്കോട് രോഗം സ്ഥിരീകരിച്ചത് വിദേശത്തുനിന്ന് എത്തിയ പുരുഷനും സ്ത്രീയ്ക്കുമാണ്. ഒരാള്‍ ബീച്ച്‌ ആശുപത്രിയിലും മറ്റൊരാള്‍ മെഡിക്കല്‍ കോളേജ് ആശുപത്രിയിലും നിരീക്ഷണത്തിലായിരുന്നു. ഇരുവരെയും വിമാനത്താവളത്തില്‍ നിന്ന് നേരെ ആശുപത്രിയിലേക്ക് മാറ്റുകയായിരുന്നു. ഇവരുടെ ആരോഗ്യനില തൃപ്തികരമാണ്. മലപ്പുറത്ത് രോഗം സ്ഥിരീകരിച്ച രണ്ട് പേരും വിദേശത്ത് നിന്ന് വന്നവരാണ്. ഒരാള്‍ കരിപ്പൂര്‍ വിമാനത്താവളം വഴിയും മറ്റേയാള്‍ നെടുമ്പാശേരി വിമാനത്താവളം വഴിയും വന്നതാണെന്ന് സ്ഥിരീകരിച്ചു. രണ്ട് പേരും ഇപ്പോള്‍ മഞ്ചേരി മെഡിക്കല്‍ കോളജ് ആശുപത്രിയില്‍ ചികിത്സയിലാണ്. എറണാകുളത്ത് കൊവിഡ് സ്ഥിരീകരിച്ചവർ കഴിഞ്ഞ ദിവസം ദുബൈയില്‍ നിന്ന് എത്തിയതാണ്. പനി ലക്ഷണങ്ങള്‍ കണ്ടതോടെ വിമാനത്താവളത്തില്‍ നിന്ന് കളമശേരിയിലെ ഐസൊലേഷനിലേക്ക് മാറ്റുകയായിരുന്നു. ആദ്യമായാണ് എറണാകുളം ജില്ലക്കാർക്ക് കൊറോണ സ്ഥിതീകരിയ്ക്കുന്നത്. വിവിധ ജില്ലകളിലായി 59,295 പേര്‍ സംസ്ഥാനത്ത് നിരീക്ഷണത്തിലാണ്. ഇവരില്‍ 58,981 പേര്‍ വീടുകളിലും 314 പേര്‍ ആശുപത്രികളിലും നിരീക്ഷണത്തിലാണ്. 9776 പേരെ ഇന്ന് നിരീക്ഷണത്തില്‍ നിന്നും ഒഴിവാക്കി. രോഗലക്ഷണങ്ങൾ ഉള്ള 4035 വ്യക്തികളുടെ സാമ്പിൾ പരിശോധനയ്ക്ക് അയച്ചിട്ടുണ്ട്. ഇതിൽ 2744 സാമ്പിളുകളുടെ പരിശോധനാ ഫലം നെഗറ്റീവ് ആണ്.
Read More »
