Month: March 2020
- News
കൊറ്റൻകുളങ്ങര ക്ഷേത്രത്തിന് ചുറ്റും നിരോധനാജ്ഞ;ചമയവിളക്ക് ചടങ്ങിന് മാത്രം
കൊല്ലം: ചവറയിലെ കൊറ്റൻകുളങ്ങര ക്ഷേത്രത്തിന് രണ്ട് കിലോമീറ്റർ ചുറ്റളവിൽ നിരോധനാജ്ഞ പ്രഖ്യാപിച്ചു. ഇന്ന് അർധരാത്രി മുതൽ രണ്ടുദിവസത്തേക്കാണ് കളക്ടർ നിരോധനാജ്ഞ പ്രഖ്യാപിച്ചത്. പ്രശസ്തമായ ചമയവിളക്ക് ഉത്സവത്തിന് ആളുകൾ കൂടാൻ സാധ്യതയുള്ളതിനാലാണ് നിരോധനാജ്ഞയെന്ന് ജില്ലാഭരണകൂടം അറിയിച്ചു. നിരോധനാജ്ഞ പ്രകാരം പ്രദേശത്ത് ആളുകൾ കൂട്ടംകൂടാൻ പാടില്ല.
Read More » - Top Stories
കൊറോണ:കേരളത്തിലെ 7 ജില്ലകൾ അടച്ചിടാൻ നിർദ്ദേശം
ന്യൂഡൽഹി : രാജ്യത്ത് കൊവിഡ് 19 പടർന്നു പിടിയ്ക്കുന്ന സാഹചര്യത്തിൽ രാജ്യത്തെ 75 ജില്ലകളിൽ അവശ്യ സർവീസുകൾ മാത്രം അനുവദിച്ചുകൊണ്ടുള്ള ഉത്തരവ് പുറത്തിറക്കാൻ സംസ്ഥാനസർക്കാരിനോട് ആവശ്യപ്പെട്ട് പ്രധാനമന്ത്രി. ഇത് പ്രകാരം സംസ്ഥാനത്തെ കൊറോണ ബാധിതർ ഉള്ള 7 ജില്ലകൾ അടച്ചിടേണ്ടി വരും. തിരുവനന്തപുരം, എറണാകുളം, പത്തനംതിട്ട, കാസർകോട്, മലപ്പുറം, കണ്ണൂർ, കോട്ടയം ജില്ലകളിലാണ് നിയന്ത്രണം വരുന്നത്. അവശ്യ സേവനങ്ങൾ മാത്രമേ ഈ ജില്ലകളിൽ ലഭ്യമാകൂ. അവശ്യ സാധനങ്ങളുടെ പട്ടിക ഏതൊക്കെയെന്ന് സംസ്ഥാനത്തിന് തീരുമാനിക്കാം. ഏഴ് ജില്ലകൾ സമ്പൂര്‍ണ്ണമായി നിശ്ചലമാകും. ക്യാമ്പിനറ്റ് സെക്രട്ടറിയും പ്രധാനമന്ത്രിയുടെ പ്രിൻസിപ്പൽ സെക്രട്ടറിയും പങ്കെടുത്ത ചീഫ് സെക്രട്ടറിമാരുടെ യോഗത്തിലാണ് ഇത് സംബന്ധിച്ച തീരുമാനമെടുത്തത്. ഇതു സംബന്ധിച്ച് സംസ്ഥാന സർക്കാരിന്റെ ഉത്തരവ് ഇതുവരെ പുറത്തിറങ്ങിയിട്ടില്ല.
Read More » - News
രാജ്യത്തെ എല്ലാ അന്തർ സംസ്ഥാന ബസ് സർവീസുകളും നിർത്തിവെക്കാൻ നിർദേശം
ന്യൂഡൽഹി : കൊറോണ വൈറസ് വ്യാപനത്തിന്റെ പശ്ചാത്തലത്തിൽ രാജ്യത്തെ എല്ലാ അന്തർ സംസ്ഥാന ബസ് സർവീസുകളും നിർത്തിവെക്കാൻ നിർദേശം. കാബിനറ്റ് സെക്രട്ടറി വിളിച്ചുചേർത്ത ചീഫ് സെക്രട്ടറിമാരുടെ യോഗത്തിനു ശേഷമാണ് കേന്ദ്രസർക്കാർ ഉത്തരവ് പുറപ്പെടുവിച്ചത്. മാർച്ച് 31 വരെ എല്ലാ അന്തർ സംസ്ഥാന പൊതുഗതാഗതങ്ങളും നിർത്തിവെക്കാനാണ് നിർദേശിച്ചിരിക്കുന്നത്. ഇതു സംബന്ധിച്ച് സംസ്ഥാന ചീഫ് സെക്രട്ടറിമാർക്ക് നിർദേശം നൽകി. മാർച്ച് 31 വരെ എല്ലാ ട്രെയിൻ സർവീസുകളും നിർത്തിവയ്ക്കാനും ഉത്തരവിട്ടിരുന്നു.
Read More » - News
ആരോഗ്യവകുപ്പിന്റെ നിർദ്ദേശങ്ങൾ അവഗണിച്ച്‌ കറങ്ങിനടന്നു; കൊല്ലത്ത് പ്രവാസികൾക്കെതിരെ പോലീസ് കേസെടുത്തു
കൊല്ലം : ആരോഗ്യവകുപ്പിന്റെ നിർദ്ദേശങ്ങൾ അവഗണിച്ച്‌ നാട്ടിൽ കറങ്ങിനടന്ന പ്രവാസികൾക്കെതിരെ പോലീസ് കേസെടുത്തു. കുണ്ടറയിൽ വിദേശത്തുനിന്ന് നാട്ടിലെത്തിയ രണ്ട് കുടുംബങ്ങളിലെ ഒന്‍പത് അംഗങ്ങള്‍ക്കെതിരെയാണ് ആരോഗ്യവകുപ്പിന്റെ നിർദ്ദേശങ്ങൾ അവഗണിച്ച്‌ നാട്ടില്‍ ചുറ്റിനടന്നതിന് വിവിധ വകുപ്പുകള്‍ചുമത്തി പോലീസ് കേസെടുത്തത്. തുടർന്ന് 9 പേരെയും വീട്ടിൽ നിരീക്ഷണത്തിലാക്കി. ഏതാനും ദിവസങ്ങൾക്കു മുൻപ് ദുബായിൽ നിന്നും എത്തിയതായിരുന്നു 9 പേരും. തുടർന്ന് 14 ദിവസം വീട്ടിൽ നിരീക്ഷണത്തിൽ ഇരിയ്ക്കണമെന്ന് ആരോഗ്യ പ്രവർത്തകർ നിർദ്ദേശം നൽകിയിരുന്നു. തുടർന്നാണ് ഇവർ വീട് വിട്ട് നാട്ടിൽ കറങ്ങിനടന്നത്. അത് അന്വേഷിക്കാൻ ബന്ധപ്പെട്ട ആരോഗ്യവകുപ്പ്, പൊലിസ് ഉദ്യോഗസ്ഥരെ ഇവർ അസഭ്യം പറയുകയും ചെയ്തിരുന്നു.
Read More » - Top Stories
രാജ്യത്തെ എല്ലാ ട്രെയിൻ സർവീസുകളും റദ്ദാക്കി
ന്യൂഡൽഹി : രാജ്യത്തെ എല്ലാ ട്രെയിൻ സർവീസുകളും റദ്ദാക്കി. മാർച്ച് 31 വരെയാണ് രാജ്യത്തെ ട്രെയിൻ സർവീസ് റദ്ദാക്കിയത്. മെട്രോ ട്രെയിൻ, സബർമൻ ട്രെയിൻ, പാസഞ്ചർ അടക്കമുള്ള എല്ലാം ട്രെയിൻ സർവീസുകളുമാണ് റദ്ദാക്കിയത്. കേന്ദ്ര ക്യാബിനറ്റ് സെക്രട്ടറി വിളിച്ചു ചേർത്ത യോഗത്തിലാണ് തീരുമാനം. അതേസമയം, നിലവില്‍ ഓടുന്ന ട്രെയിനുകള്‍ സര്‍വീസ് പൂര്‍ത്തിയാക്കും. ഇന്ന് രാത്രി 12 ന് ശേഷം സര്‍വീസുകളൊന്നും ആരംഭിക്കില്ല. എന്നാല്‍ ചരക്ക് തീവണ്ടികള്‍ മുടക്കമില്ലാതെ ഓടും. മാര്‍ച്ച്‌ 13, 16 തീയതികളില്‍ ട്രെയിനുകളില്‍ യാത്ര ചെയ്ത 12 യാത്രക്കാര്‍ക്ക് പിന്നീട് കൊറോണ വൈറസ് സ്ഥിരീകരിച്ചതിനെ തുടര്‍ന്നാണ് തീരുമാനം. യാത്രക്കാർക്ക് ടിക്കറ്റ് റദ്ദാക്കുമ്പോൾ മുഴുവൻ തുകയും റീഫണ്ടായി ലഭിക്കും.
Read More » - Top Stories
കൊറോണ:രാജ്യത്ത് ഒരാൾ കൂടി മരിച്ചു;ഇതോടെ മരണം 6 ആയി
പട്‌ന : കൊറോണ വൈറസ് ബാധയെ തുടര്‍ന്ന് ബിഹാറില്‍ ഒരാള്‍ മരിച്ചു. 38 വയസുള്ള യുവാവാണ് മരിച്ചത്. ഇതോടെ കൊറോണയെ തുടര്‍ന്ന് ഇന്ത്യയില്‍ മരിച്ചവരുടെ എണ്ണം 6 ആയി. ഖത്തറില്‍ നിന്ന് മടങ്ങിയെത്തിയ ഇയാള്‍ പട്‌ന എയിംസില്‍ ചികിത്സയിലായിരുന്നു. ഇന്നലെയാണ് മരണം സംഭവിച്ചതെങ്കിലും പോസിറ്റീവാണെന്ന പരിശോധനാ ഫലം ലഭിച്ചത് ഇന്നാണ്‌. ഇന്ന് മാത്രം രാജ്യത്ത് രണ്ട് മരണമാണ് റിപ്പോര്‍ട്ട് ചെയ്യപ്പെട്ടത്. രാജ്യത്ത് ഇതുവരെ 341 പേർക്ക് കൊറോണ സ്ഥിതീകരിച്ചു.
Read More » - News
ശ്രീറാം വെങ്കിട്ടരാമനെ തിരിച്ചെടുത്തു;സസ്‌പെൻഷൻ നീട്ടാൻ തെളിവുകളില്ല
തിരുവനന്തപുരം: മാധ്യമപ്രവർത്തകൻ കെഎം ബഷീർ കാറിടിച്ച് കൊല്ലപ്പെട്ട കേസിലെ പ്രതി ശ്രീറാം വെങ്കിട്ടരാമനെ സർക്കാർ സർവീസിൽ തിരിച്ചെടുത്തു. ആരോഗ്യവകുപ്പിലാണ് നിയമനം. ഡോക്ടർ കൂടിയാണെന്നതു പരിഗണിച്ചാണ് ആരോഗ്യ വകുപ്പിലേക്കു നിയമിക്കാൻ ഒരുങ്ങുന്നത്. കൊറോണ പ്രതിരോധ പ്രവർത്തനങ്ങളുടെ ചുമതല നൽകാനാണ് സർക്കാർ തീരുമാനമെന്ന് റിപ്പോർട്ടുണ്ട്. ഇനിയും സസ്‌പെൻഷനിൽ നിർത്താൻ ആവശ്യമായ തെളിവുകൾ ശ്രീറാം വെങ്കിട്ടരാമനെതിരെ സർക്കാരിന്റെ കയ്യിലില്ല. മദ്യപിച്ചിരുന്നു എന്ന് തെളിയിക്കാനായി സമയത്ത് രക്തപരിശോധന നടത്താത്തതും ശ്രീറാമിന്റെ ഇഷ്ടം പോലെ കാര്യങ്ങൾ ചെയ്യാൻ പോലീസ് അവസരം നൽകിയതും ശ്രീറാമിനെതിരെയുള്ള തെളിവുകൾ നഷ്ടപ്പെടാൻ കാരണമായി. തെളിവുകൾ ഇല്ലാതെ സസ്‌പെൻഷൻ നീട്ടിയാൽ ബാധ്യതയാകുമെന്നും കോടതിയിൽനിന്ന് അടക്കം തിരിച്ചടി നേരിടേണ്ടി വരുമെന്നുമുള്ള സർക്കാരിന്റെ വിലയിരുത്തലിന് പിന്നാലെയാണ് തിരിച്ചെടുക്കാനുള്ള തീരുമാനം.
Read More » - Top Stories
13,185 പേരെ കൊന്നൊടുക്കി കൊറോണ;വിറങ്ങലിച്ച്‌ ലോകം
കോവിഡ് 19 ലോകമാകെ ഇതുവരെ 13,185 പേരെ കൊന്നൊടുക്കി. 310,784 പേരെയാണ് ഇതുവരെ രോഗം ബാധിച്ചത്. 95, 145 പേർ കോറോണയിൽ നിന്നും മുക്തരായി. രോഗബാധ നിരക്കും മരണനിരക്കും ദിനംപ്രതി വർദ്ധിച്ചുകൊണ്ടിരിക്കുകയാണ്. ഫലപ്രദമായ മരുന്നില്ലാത്ത രോഗത്തിന് ജാഗ്രത മാത്രമാണ് പ്രതിവിധി. രോഗവ്യാപനത്തിന്റെ വേഗതയിലും മരണനിരക്കിലും വിറങ്ങലിച്ചു നിൽക്കുകയാണ് ഇറ്റലി. കഴിഞ്ഞ 24 മണിക്കൂറിനിടെ രാജ്യത്ത് മരിച്ചത് 793 പേരാണ്. ഇറ്റലിയുടെ വടക്കന്‍ മേഖലയായ ലൊമ്ബാര്‍ഡിയില്‍ മാത്രം മരിച്ചത് 546 പേരാണ്. ഇതേ തുടര്‍ന്ന് മേഖലയില്‍ കൂടുതല്‍ കടുത്ത നിയന്ത്രണങ്ങള്‍ പ്രഖ്യാപിച്ചു. 4825 പേരാണ് ഇറ്റലിയിൽ ഇതുവരെ മരണപ്പെട്ടത്. 53,578 പേർക്കാണ് ഇതുവരെ ഇറ്റലിയിൽ കൊറോണ ബാധിച്ചത്. മൂന്ന് ദിവസത്തെ ഇടവേളക്ക് ശേഷം ചൈനയിൽ വീണ്ടും പ്രാദേശിക തലത്തിൽ കോവിഡ് 19 വൈറസ് ബാധ റിപ്പോർട്ട് ചെയ്തു. ശനിയാഴ്ച 45 പേർക്കാണ് ചൈനയിൽ കോവിഡ് ബാധിച്ചതെന്ന് ആരോഗ്യപ്രവർത്തകർ അറിയിച്ചു. ഇതിൽ ഗ്വാൻഷുവിൽ പ്രാദേശിക വ്യാപനം ഉണ്ടായിട്ടുണ്ടെന്നും റിപ്പോർട്ടുണ്ട്.ആറ് പേരാണ് കഴിഞ്ഞ ദിവസങ്ങളിൽ ചൈനയിൽ കോവിഡ് 19 ബാധിച്ച് മരിച്ചത്. ഇതിൽ അഞ്ച് പേർ ഹൂബെ പ്രവിശ്യയിലാണ് മരിച്ചത്. ചൈനയിൽ ആകെ 81,054 പേർക്കാണ് കോവിഡ് 19 വൈറസ് ബാധയേറ്റത്. ഇതിൽ 3,261 പേർ വൈറസ് ബാധ മൂലം മരിച്ചു. 5,549 പേരാണ് ചികിൽസയിലുള്ളത്. 72,244 പേർ രോഗത്തിൽ നിന്ന് മോചിതരായി ആശുപത്രി വിട്ടു. സ്‌പെയിനിലും രോഗബാധിതരുടെ എണ്ണം വര്‍ധിക്കുകയാണ്. സ്പെയിനില്‍ മരണം 1381ആയി. 285 പേരാണ് 24 മണിക്കൂറിനിടെ സ്പെയിനിൽ മരിച്ചത്. 25,496 പേർക്കാണ് കൊറോണ സ്ഥിതീകരിച്ചിട്ടുള്ളത്. 2125 പേർ രോഗമുക്തി നേടിയിട്ടുണ്ട്. കടുത്ത നിയന്ത്രണങ്ങളാണ് സ്പെയിനിൽ തുടരുന്നത്. കൊറോണ മരണ നിരക്ക് ആയിരത്തിന് മേലെ കടന്ന മറ്റൊരു രാജ്യം ഇറാൻ ആണ്. 1556 പേരാണ് ഇറാനിൽ മരിച്ചത്. 20,610 പേർക്കാണ് കൊറോണ സ്ഥിതീകരിച്ചിട്ടുള്ളത്. 7,365 പേർ രോഗ മുക്തി നേടിയിട്ടുണ്ട്. അമേരിക്കയിൽ മരണം 344 ആയി. കഴിഞ്ഞ ഒരു ദിവസം കൊണ്ട് 26 പേരാണ് മരിച്ചത്. ഒറ്റ ദിവസം കൊണ്ട് 6500 ലേറെ പേര്‍ക്കാണ് രോഗം സ്ഥിരീകരിച്ചത്.…
Read More » - Top Stories
ഇന്ത്യയിൽ കോവിഡ് ബാധിച്ച് ഒരാള്‍ കൂടി മരിച്ചു;ആകെ മരണം 5 ആയി
മുംബൈ : രാജ്യത്ത് കോവിഡ് ബാധിച്ച് ഒരാള്‍ കൂടി മരിച്ചു. മഹാരാഷ്ട്രയില്‍ ചികിത്സയിലായിരുന്ന 56കാരനാണ് മരിച്ചത്. ഇതോടെ ഇന്ത്യയില്‍ കോവിഡ് ബാധിച്ച് മരിച്ചവരുടെ എണ്ണം 5 ആയി. മുംബൈയിലെ എച്ച് എൻ റിലയൻസ് ആശുപത്രിയിൽ മാർച്ച് 21നാണ് ഇയാളെ പ്രവേശിപ്പിച്ചത്. ചികിത്സയിലിരിക്കെ മരണമടയുകയായിരുന്നു. നിലവിൽ മഹാരാഷ്ട്രയിൽ 84 പേരിൽ കൊറോണ വൈറസ് സ്ഥിരീകരിച്ചിട്ടുണ്ട്. ഇന്ത്യയിൽ ഇതുവരെ 324 പേരിൽ കൊറോണ സ്ഥിരീകരിച്ചിട്ടുണ്ട്.
Read More »
