Month: March 2020
ഗുരുദ്വാരയില്‍ നടന്ന ഭീകരാക്രമണത്തില്‍ മലയാളി തീവ്രവാദിയും
ഡൽഹി : അഫ്ഗാനിസ്ഥാനിലെ സിഖ് ഗുരുദ്വാരയില്‍ കഴിഞ്ഞ ദിവസം നടന്ന ഭീകരാക്രമണത്തില്‍ തീവ്രവാദികളുടെ കൂട്ടത്തിൽ മലയാളിയും ഉള്‍പ്പെട്ടുവെന്ന് ദേശീയമാധ്യമങ്ങള്‍ റിപ്പോര്‍ട്ട് ചെയ്തു. കാസര്‍കോട് സ്വദേശി അബുഖാലിദ് എന്ന മുഹമ്മദ് സാജിദ് ആണ് ഭീകരാക്രമണത്തില്‍ പങ്കെടുത്തത്. ആക്രമണത്തെ തുടര്‍ന്ന് സുരക്ഷാ സേന നടത്തിയ പ്രത്യാക്രമണത്തില്‍ അബുഖാലിദ് അടക്കം നാല് ഭീകരരും കൊല്ലപ്പെട്ടിരുന്നു. ഗുരുദ്വാര ഭീകരാക്രമണത്തില്‍ പങ്കെടുത്ത അബു ഖാലിദിന്റെ ഫോട്ടോ കഴിഞ്ഞ ദിവസം ഐഎസ് പുറത്തുവിട്ടു. കാസര്‍കോട് നിന്ന് ഐഎസില്‍ ചേര്‍ന്ന് 14 മലയാളികളിൽ ഒരാളാണ് അബുഖാലിദ്.
Read More »- Top Stories
കൊല്ലത്ത് കൊറോണ സ്ഥിരീകരിച്ചത് പ്രാക്കുളം സ്വദേശിക്ക്
കൊല്ലം : കൊല്ലത്ത് രോഗം സ്ഥിരീകരിച്ചത് പ്രാക്കുളം സ്വദേശിക്ക്.ഇദ്ദേഹം എട്ട് ദിവസം മുമ്പ് ഗൾഫിൽ നിന്ന് വന്നതാണ്. രണ്ട് ദിവസം മുമ്പാണ് ഇദ്ദേഹത്തിന് രോഗലക്ഷണം ഉണ്ടായത്. ഇദ്ദേഹം വീട്ടിൽ തന്നെ നിരീക്ഷണത്തിലായിരുന്നു. രോഗിയെ പാരിപ്പള്ളി മെഡിക്കൽ കോളജിലേക്ക് മാറ്റും. ഇദ്ദേഹത്തിന്റെ കുടുംബാംഗങ്ങളെ വീട്ടിൽ നിരീക്ഷണത്തിലാക്കും.
Read More » - News
ഇടുക്കിയിലെ പൊതുപ്രവർത്തകൻ തീരെ നിരുത്തവാദപരമായാണ് പെരുമാറിയത്: മുഖ്യമന്ത്രി
തിരുവനന്തപുരം : കൊവിഡ് സ്ഥിരീകരിച്ച ഇടുക്കിയിലെ പൊതു പ്രവര്‍ത്തകനെ വിമർശിച്ച് മുഖ്യമന്ത്രി. ഇയാൾ തീരെ നിരുത്തവാദപരമായാണ് പെരുമാറിയത് വിപുലമായ സമ്പര്‍ക്കപ്പട്ടികയാണ് ഇയാൾ ഉണ്ടാക്കിയിട്ടുള്ളത് ഒരു പൊതുപ്രവർത്തകൻ ഇങ്ങനെയാണോ പെരുമാറേണ്ടതെന്നും പിണറായി വിജയൻ ചോദിച്ചു. കഴിഞ്ഞ ദിവസം തൊടുപുഴയിൽ രോഗം സ്ഥിരീകരിച്ച പൊതുപ്രവർത്തകൻ കാസറഗോഡ് മുതൽ തിരുവനന്തപുരം വരേയും മൂന്നാർ മുതൽ ഷൊളായാർ വരേയും സ‍ഞ്ചരിച്ചിട്ടുണ്ട്.സ്കൂളുകൾ, പൊതുസ്ഥാപനങ്ങൾ നിയമസഭാ മന്ദിരം തുടങ്ങി നിരവധി സ്ഥാപനങ്ങൾ അദ്ദേഹം സന്ദർശിച്ചിട്ടുണ്ട്. അടുത്ത് ഇടപഴകിയവരിൽ ജനപ്രതിനിധികളും ഉന്നത ഉദ്യോഗസ്ഥരും ഉണ്ട്. എല്ലാവരും വളരെ ജാഗ്രത പാലിക്കേണ്ട സന്ദർഭത്തിൽ ഇയാൾ ഇയാൾ തീരെ നിരുത്തവാദപരമായാണ് പെരുമാറിയത്, മുഖ്യമന്ത്രി പറഞ്ഞു.
Read More » - Top Stories
സംസ്ഥാനത്ത് ഇന്ന് 39 പേർക്ക് കൊറോണ സ്ഥിരീകരിച്ചു
തിരുവനന്തപുരം : സംസ്ഥാനത്ത് 39 പേർക്ക് കൊറോണ സ്ഥിരീകരിച്ചു. ഇതിൽ 34 പേർ കാസർകോട് ജില്ലക്കാരാണ്. കണ്ണൂരിൽ രണ്ടുപേർക്കും തൃശ്ശൂർ,കോഴിക്കോട്, കൊല്ലം എന്നിവിടങ്ങളിൽ ഓരോരുത്തർക്കുമാണ് ഇന്ന് കൊറോണ സ്ഥിരീകരിച്ചത്. ഇതോടെ സംസ്ഥാനത്ത് എല്ലാ ജില്ലകളിലും കൊറോണ സ്ഥിതീകരിച്ചു. തിരുവനന്തപുരത്ത് വാർത്താസമ്മേളനത്തിൽ മുഖ്യമന്ത്രി പിണറായി വിജയനാണ് ഇക്കാര്യം വ്യക്തമാക്കിയത്. സംസ്ഥാനത്തിന്റെ സാഹചര്യം കൂടുതൽ ഗുരുതരമാണെന്ന് മുഖ്യമന്ത്രി പറഞ്ഞു. കൊല്ലത്ത് ഇതാദ്യമായാണ് കൊറോണ സ്ഥിരീകരിക്കുന്നത്. ഇതോടെ സംസ്ഥാനത്ത് ആകെ ചികിത്സയിലുള്ളവരുടെ എണ്ണം 164 ആയി. കാസറഗോഡ് മാത്രം ആകെ 80 പേർക്ക് കൊറോണ സ്ഥിതീകരിച്ചിട്ടുണ്ട്. സംസ്ഥാനത്ത് 112 പേരെ ഇന്ന് ആശുപത്രിയിൽ പ്രവേശിപ്പിച്ചിട്ടുണ്ട്.
Read More » - Top Stories
തിരുവനന്തപുരത്ത് ഒരാൾക്ക് കൂടി കൊറോണ സ്ഥിരീകരിച്ചു
തിരുവനന്തപുരം : തിരുവനന്തപുരത്ത് ഒരാൾക്ക് കൂടി കൊറോണ വൈറസ് ബാധ സ്ഥിരീകരിച്ചു. വിദേശത്ത് നിന്ന് എത്തിയ മലപ്പുറം സ്വദേശിക്കാണ് കൊറോണ സ്ഥിരീകരിച്ചത്. ഇയാൾ തിരുവനന്തപുരം മെഡിക്കൽ കോളേജിൽ ചികിത്സയിലാണ്. ഇതോടെ സംസ്ഥാനത്ത് ഇതുവരെ കൊറോണ ബാധിതച്ചവരുടെ എണ്ണം 139 ആയി. 127 പേരാണ് ഇപ്പോൾ ആശുപത്രികളിൽ ചികിത്സയിലുള്ളത്.
Read More » - News
മദ്യം ലഭിക്കാത്തതിനെ തുടർന്ന് യുവാവ് ആത്മഹത്യ ചെയ്തു
തൃശ്ശൂർ : മദ്യം ലഭിക്കാത്തതിനെ തുടർന്ന് യുവാവ് ആത്മഹത്യ ചെയ്തു. കുന്നംകുളം തൂവാനൂർ സ്വദേശി സനോജ് (35) ആണ് ആത്മഹത്യ ചെയ്തത്. ഇന്ന് പുലർച്ചെ അഞ്ച് മണിക്കാണ് സനോജിനെ വീട്ടിൽ തൂങ്ങിമരിച്ച നിലയിൽ കണ്ടെത്തിയത്. മദ്യം ലഭിക്കാത്തതിനെ തുടർന്ന് രണ്ട് ദിവസമായി സനോജ് അസ്വസ്ഥത പ്രകടിപ്പിച്ചിരുന്നുവെന്ന് ബന്ധുക്കൾ പോലീസിനോട് പറഞ്ഞു. മദ്യം ലഭിക്കാത്തതിനെ തുടർന്നാണ് സനോജിന്റെ ആത്മഹത്യ എന്നാണ് ബന്ധുക്കളും മൊഴി നൽകിയിരിക്കുന്നത്. സനോജ് അവിവാഹിതനാണ്.
Read More » - Top Stories
24 മണിക്കൂറിനുള്ളിൽ 60,099 രോഗികൾ; അതിവേഗം പടർന്നുപിടിച്ച് കോവിഡ്
കോവിഡ് 19 ലോകത്തെ ഭീതിയിലാഴ്ത്തി അതിവേഗം വ്യാപിക്കുകയാണ്. ലോകത്ത് 24 മണിക്കൂറിനുള്ളിൽ 60,099 പേരിലേക്കാണ് കോവിഡ് ബാധിച്ചത്. ഇതോടെ ലോകത്തെ കൊറോണബാധിതരുടെ എണ്ണം 534,386 ആയി. 2,764 പേരാണ് 24 മണിക്കൂറിനുള്ളിൽ കൊറോണ ബാധയാൽ മരിച്ചത്. ഇതോടെ ആകെ മരണം 24,182 ആയി. ഇന്ത്യയിൽ 24 മണിക്കൂറിനുള്ളിൽ 88 പുതിയ കേസുകളാണ് റിപ്പോർട്ട് ചെയ്തിട്ടുള്ളത്. രാജ്യത്തെ ആകെ കൊറോണ ബാധിതരുടെ എണ്ണം 694 ആയി. 16 മരണങ്ങളാണ് ഇതുവരെ രാജ്യത്ത് റിപ്പോർട്ട് ചെയ്തിട്ടുള്ളത്. 45 പേർക്കാണ് രാജ്യത്ത് രോഗം മാറിയിട്ടുള്ളത്. ഇറ്റലിയില്‍ 24 മണിക്കൂറിനിടെ 6,153 പേർക്കാണ് കൊറോണ സ്ഥിരീകരിച്ചത്. ഇതോടെ ഇറ്റലിയിലെ കൊറോണ ബാധിതരുടെ എണ്ണം 80,539 ആയി. 24 മണിക്കൂറിനുള്ളിൽ 712 മരണങ്ങളാണ് ഇറ്റലിയിൽ റിപ്പോർട്ട് ചെയ്യ്തത്. ഇതോടെ ആകെ മരണം 8215 ആയി. 10,361പേർ ഇറ്റലിയിൽ കൊറോണ രോഗത്തിൽ നിന്നും മുക്തരായി. അമേരിക്കയിൽ വൻ വർദ്ധനവാണ് കൊറോണ രോഗികളിൽ ഉണ്ടായിക്കൊണ്ടിരിയ്ക്കുന്നത്. ഏറ്റവും കൂടൂതൽ രോഗം റിപ്പോർട്ട് ചെയ്ത രാജ്യങ്ങളിൽ അമേരിക്ക മുന്നിലെത്തി. 24 മണിക്കൂറിനുള്ളിൽ 16,980 പുതിയ കേസുകളാണ് അമേരിക്കയിൽ റിപ്പോർട്ട് ചെയ്തത്. ഇതോടെ അമേരിക്കയിലെ ആകെ കൊറോണ ബാധിതരുടെ എണ്ണം 85,327 ആയി. 24 മണിക്കൂറിനുള്ളിൽ 256 മരണങ്ങളാണ് അമേരിക്കയിൽ റിപ്പോർട്ട് ചെയ്തത്. ഇതോടെ ആകെ മരണം 1,294 ആയി. 202 പേർക്ക് മാത്രമേ അമേരിക്കയിൽ കൊറോണ വൈറസ് ബാധയിൽനിന്നും മുക്തരാകാൻ കഴിഞ്ഞുള്ളൂ. കൊറോണവൈറസിന്റെ അടുത്ത ആഘാത കേന്ദ്രം യുഎസായിരിക്കുമെന്ന് ലോകാരോഗ്യ സംഘടന നേരത്തെ മുന്നറിയിപ്പ് നൽകിയിരുന്നു. സ്പെയിനിൽ 24 മണിക്കൂറിനുള്ളിൽ 8,271 പേരിലാണ് കൊറോണ സ്ഥിരീകരിച്ചത്. ഇതോടെ ആകെ രോഗികളുടെ എണ്ണം 57786 ആയി. 718 മരണങ്ങളാണ് 24 മണിക്കൂറിനുള്ളിൽ സ്പെയിനിൽ ഉണ്ടായത്. ഇതോടെ ആകെ മരണം 4365 ആയി. 7,015 പേരാണ് കൊറോണയിൽ നിന്നും മുക്തി നേടിയത്. ജർമ്മനിയിൽ 6,615 പുതിയ കേസുകളാണ് 24 മണിക്കൂറിനുള്ളിൽ റിപ്പോർട്ട് ചെയ്യപ്പെട്ടിട്ടുള്ളത്. ഇതോടെ ആകെ കൊറോണ ബാധിതർ 43,938 ആയി. 61 പേർ 24 മണിക്കൂറിനുള്ളിൽ മരണപ്പെട്ടു. ആകെ മരണം…
Read More » - Top Stories
കൊറോണ:നിരീക്ഷണത്തിൽ കഴിഞ്ഞിരുന്ന സബ് കളക്ടർ മുങ്ങി
കൊല്ലം : കൊറോണ സംശയിച്ചു നിരീക്ഷണത്തിൽ ആയിരുന്ന സബ് കളക്ടർ മുങ്ങി. കൊല്ലം സബ് കളക്ടർ അനുപം മിശ്രയാണ് ആരോഗ്യ വകുപ്പിന്റെയും മറ്റ് അധികൃതരുടെയും അനുമതിയില്ലാതെ കാൺപൂരിലേക്ക് കടന്നത്. വിദേശത്തു നിന്നും മടങ്ങിയെത്തിയ അനുപം മിശ്ര19 ആം തിയതി മുതൽ വീട്ടിൽ നിരീക്ഷണത്തിലായിരുന്നു. ഇന്ന് രാവിലെ ആരോഗ്യ നില പരിശോധിക്കാൻ ആരോഗ്യ വകുപ്പ് ഉദ്യോഗസ്ഥർ എത്തിയപ്പോൾ അദ്ദേഹം ഔദ്യോഗിക വസതിയിലുണ്ടായിരുന്നില്ല. തുടർന്ന് സബ് കളക്ടറുമായി ഫോണിൽ ബന്ധപ്പെട്ടപ്പോഴാണ് അദ്ദേഹം കാൺപൂരിൽ ആണെന്ന് മറുപടി പറഞ്ഞത്. ജില്ലാ കളക്ടറേയോ ചീഫ് സെക്രട്ടറിയേയോ അറിയിക്കാതെയാണ് സബ് കളക്ടർ സ്ഥലം വിട്ടത്. 2016 ബാച്ചിലെ ഐ.എ.എസ് ഇദ്യോഗസ്ഥനാണ് അനുപം മിശ്ര.
Read More » - News
അമൃതാനന്ദമയി മഠത്തില്‍ സർക്കാർ നിർദ്ദേശങ്ങൾ ലംഘിച്ച്‌ വിദേശികളെ താമസിപ്പിച്ചിരിക്കുന്നുവെന്ന് ആരോപണം
കൊല്ലം : കൊറോണ നിർദ്ദേശങ്ങൾ ലംഘിച്ചുകൊണ്ട് അനധികൃതമായി അമൃതാനന്ദമയി മഠത്തില്‍ വിദേശികളെ താമസിപ്പിച്ചിരിക്കുന്നുവെന്നും മഠത്തിലുള്ള അന്തേവാസികളുടെ വിവരം മഠം അധികൃതർ നൽകുന്നില്ലെന്നും ആരോപണം. ആലപ്പാട് പഞ്ചായത്ത് പ്രതിനിധികളാണ് ഇത് സംബന്ധിച്ച് ആരോപണമുന്നയിക്കുന്നത്. നിലവില്‍ കൊവിഡ് സംശയത്തെത്തുടര്‍ന്ന് അന്തേവാസികളെ അമൃതാനന്ദമയി എഞ്ചിനീയറിങ് കോളേജിന്റെ ഹോസ്റ്റലിലേക്ക് മാറ്റിയിരിക്കുകയാണ്. ഇതുമായി ബന്ധപ്പെട്ട വിവരങ്ങള്‍ അമതാനന്ദമയി മഠം അധികൃതര്‍ ആരോഗ്യ വകുപ്പില്‍നിന്നും മറച്ചുവെക്കുകയാണെന്നും ആരോപണമുയരുന്നുണ്ട്. അതേസമയം ആരോപണങ്ങളെ മഠം തള്ളിക്കളഞ്ഞു. സർക്കാർ നിർദ്ദേശങ്ങൾ അനുസരിച്ചു കൊണ്ടാണ് മഠത്തിലെ പ്രവർത്തനങ്ങൾ മുന്നോട്ടു പോകുന്നതെന്നും കോറോണയുടെ പശ്ചാത്തലത്തിൽ സർക്കാർ നിർദ്ദേശം അനുസരിച്ച് മഠത്തിലെ സന്ദർശനം ഉൾപ്പെടെയുള്ള എല്ലാ പരിപാടികളും നിർത്തിവെച്ചിരിക്കുകയാണെന്നും മഠം പ്രതികരിച്ചു. വിദേശികളെയും സ്വദേശികളെയും ഉൾപ്പെടെയുള്ളവരെ ഇനി ഒരറിയിപ്പ് ഉണ്ടാകുന്നതുവരെ മഠത്തിലേക്ക് പ്രവേശിപ്പിക്കുന്നില്ലന്നും മഠം അറിയിച്ചു.
Read More »
