Month: March 2020
- Top Stories
സംസ്ഥാനത്ത് 14 പേര്‍ക്കു കൂടി കൊറോണ;മൊത്തം 105 ആയി
തിരുവനന്തപുരം : സംസ്ഥാനത്ത് 14 പേര്‍ക്കു കൂടി കൊറോണ സ്ഥിരീകരിച്ചതായി മുഖ്യമന്ത്രി പിണറായി വിജയന്‍. ഒരു ആരോഗ്യ പ്രവര്‍ത്തക അടക്കമുള്ളവര്‍ക്കാണ് വൈറസ്ബാധ സ്ഥിരീകരിച്ചത് . ഇതോടെ സംസ്ഥാനത്തെ വൈറസ് ബാധിതരുടെ എണ്ണം 105 ആയി. സംസ്ഥാനത്ത് ആകെ നിരീക്ഷണത്തിലുള്ളത് 72460 പേരാണ്‌. 71994 പേര്‍ വീടുകളിലും 466 പേര്‍ ആശുപത്രിയില്‍ലും നിരീക്ഷണത്തിലുണ്ട്‌. ഇന്നു മാത്രം 164 പേരെ ആശുപത്രിയില്‍ പ്രവേശിപ്പിച്ചിട്ടുണ്ട്. 4516 സാമ്പിളുകളാണ് പരിശോധനയ്ക്ക് അയച്ചിട്ടുള്ളത്. 3331 പേർക്ക് രോഗബാധയില്ലെന്ന് ഉറപ്പാക്കിയിട്ടുണ്ട്. ഇന്ന് കൊറോണ സ്ഥിരീകരിച്ചവരില്‍ ആറുപേര്‍ കാസര്‍കോട് ജില്ലക്കാരും രണ്ടുപേര്‍ കോഴിക്കോടുകാരുമാണ്. രോഗം സ്ഥിരീകരിച്ചവരില്‍ എട്ടുപേര്‍ ദുബായില്‍നിന്നും ഒരാള്‍ ഖത്തറില്‍നിന്നുമാണ് വന്നത്. യു.കെയില്‍നിന്ന് വന്ന ഒരാള്‍ക്കും രോഗം സ്ഥിരീകരിച്ചിട്ടുണ്ട്. രോഗികളുമായുള്ള സമ്പര്‍ക്കം മൂലമാണ് മൂന്നുപേര്‍ക്ക് രോഗം വന്നത്. സംസ്ഥാനത്ത് ലോക്ക് ഡൗൺ പ്രഖ്യാപിച്ച ആദ്യദിവസമാണ്. ഇങ്ങനെയൊരു അവസ്ഥ നമ്മുടെ നാട്ടിൽ ഇതാദ്യമായാണെന്നിരിക്കെ അതിന്‍റെ ഗൗരവം ഉൾക്കൊണ്ട് പെരുമാറാൻ എല്ലാവരും തയ്യാറാകണെമന്ന് മുഖ്യമന്ത്രി അഭ്യർത്ഥിച്ചു. പുറത്തിറങ്ങുന്ന എല്ലാവരിൽ നിന്നും വിശദമായ സത്യവാങ്മൂലം പൊലീസിന് നൽകണമെന്നും, സത്യവാങ്മൂലത്തിൽ പറയുന്നതല്ല പുറത്തിറങ്ങാനുള്ള കാരണമെന്ന് പൊലീസിന് ബോധ്യപ്പെട്ടാൽ കര്‍ശന നടപടിയാണ് കാത്തിരിക്കുന്നതെന്നും മുഖ്യമന്ത്രി പറഞ്ഞു. ഓട്ടോ, ടാക്സി എന്നിവ അ‌ടിയന്തരസാഹചര്യത്തിൽ മാത്രമേ പോകാവൂ. സ്വകാര്യ വാഹനങ്ങളിൽ ഡ്രൈവറെ കൂടാതെ മുതിർന്ന ഒരാൾ മാത്രമേ വരാൻ പാടുള്ളു. എന്തു തരം ഒത്തുചേരലായാലും അഞ്ചിലധികം പേർ പൊതുസ്ഥലത്ത് ഒന്നിച്ചു കൂടാൻ പാടില്ല. സ്വകാര്യ വാഹനങ്ങളിൽ പോകുന്നവർ എന്തിനാണ് യാത്ര എപ്പോൾ തിരിച്ചെത്തും ഏതു വാഹനം എന്നെല്ലാം വ്യക്തമാക്കുന്ന സത്യവാങ്മൂലം തയ്യാറാക്കണം. യാത്ര പോകുന്നവർ വീട്ടിൽ നിന്നും ഇറങ്ങുമ്പോൾ തന്നെ അതു പൂരിപ്പിക്കണം. വ്യാപാരികൾ സാധനങ്ങളു‍ടെ വില കൂട്ടുകയോ സാധനങ്ങൾ പൂഴ്ത്തി വയ്ക്കുകയോ ചെയ്താൽ കർശന നടപടിയുണ്ടാവും. ഈ ഒരു പ്രവണത ചില കോണുകളില്ലെങ്കിലും ആരംഭിച്ചതായി ശ്രദ്ധയിൽപ്പെട്ടിട്ടുണ്ട്. ഇത്തരം ആളുകൾക്കെതിരെ കർശന നടപടിയുണ്ടാവും. സാധനങ്ങൾ വാങ്ങാൻ കടയിൽ വരുന്നവർ എത്രയും പെട്ടെന്ന് സാധനം വാങ്ങി മടങ്ങിപ്പോകണം. കടയിൽ ആളുകളുമായി നിശ്ചിത അകലം പാലിക്കണം. അവശ്യസ‍ർവ്വീസുകൾക്കായി പുറത്തിറങ്ങുന്നവർക്ക് പ്രത്യേക പാസ് നൽകും. മാധ്യമപ്രവർത്തകരും സർക്കാർ ഉദ്യോഗസ്ഥരും അവരവരുടെ കാർഡുകൾ തന്നെ ഉപയോഗിച്ചാൽ മതി. കടകളിലും മറ്റു ജോലി ചെയ്യുന്നവർ…
Read More » കൊറോണ:കച്ചവട സ്ഥാപനങ്ങള്‍ക്കും ഷോപ്പിംഗ് മാളുകള്‍ക്കുമുള്ള മാര്‍ഗനിര്‍ദേശങ്ങൾ ആരോഗ്യ വകുപ്പ് പുറത്തിറക്കി
തിരുവനന്തപുരം : കോവിഡ് 19 നെ പ്രതിരോധിക്കുന്നതിന്റെ ഭാഗമായി എല്ലാ കടകള്‍ക്കും കച്ചവട സ്ഥാപനങ്ങള്‍ക്കും ഷോപ്പിംഗ് മാളുകള്‍ക്കുമുള്ള മാര്‍ഗനിര്‍ദേശങ്ങൾ ആരോഗ്യ വകുപ്പ് പുറത്തിറക്കി.
Read More »- Top Stories
രാജ്യത്ത് കോവിഡ് ബാധിതരുടെ എണ്ണം 511;കേരളത്തിൽ 95
ന്യൂഡൽഹി : രാജ്യത്ത് കോവിഡ് ബാധിതരുടെ എണ്ണം 511 ആയി. ഗുജറാത്തിലും മണിപ്പുരിലും മഹാരാഷ്ട്രയിലും കർണാടകയിലും പുതിയ കേസുകൾ റിപ്പോർട്ട് ചെയ്യ്തു. ഇന്ന് 10 പുതിയ കേസുകളാണ് റിപ്പോർട്ട് ചെയ്യപ്പെട്ടത്. ഇന്നലെ 99 പുതിയ കേസുകളാണ് റിപ്പോർട്ട് ചെയ്യ്തത്. ആശങ്കാ വഹമായ വർദ്ധനവാണ് ഇന്ത്യയിലെ കൊറോണ ബാധിതരിൽ ഉണ്ടാകുന്നത്. മഹാരാഷ്ട്രയിലാണ് ഏറ്റവും കൂടുതൽ കോവിഡ് ബാധിതരുള്ളത്. 97 കോവിഡ് ബാധിതരെയാണ് മഹാരാഷ്ട്രയിൽ ഇതുവരെ സ്ഥിരീകരിച്ചത്. തിങ്കളാഴ്ച മാത്രം 23 കേസുകളാണ് മഹാരാഷ്ട്രയിൽ റിപ്പോർട്ട് ചെയ്യ്തത്.മഹാരാഷ്ട്രയ്ക്ക് തൊട്ടു പിന്നിൽ കേരളമാണ്. 95 കേസുകളാണ് കേരളത്തിൽ റിപ്പോർട്ട് ചെയ്യ്തത്. ഓരോ സംസ്ഥാനത്തെയും കൊറോണ ബാധിതരുടെ എണ്ണം 24.03.20 വരെ. മഹാരാഷ്ട്ര — 97 കേരളം — 95 കർണാടക — 37 തെലങ്കാനയിൽ — 33 ഉത്തർ പ്രദേശ് — 33 ഗുജറാത്ത് — 30 ഡൽഹി — 29 രാജസ്ഥാൻ — 32 ഹരിയാന — 26 പഞ്ചാബ് — 23 ലഡാക്ക് — 13 തമിഴ്നാട് –12 പശ്ചിമബംഗാൽ — 7 മധ്യപ്രദേശ് — 6 ചണ്ഡീഗഡ് — 6 ആന്ധ്രപ്രദേശ് — 7 ജമ്മുകശ്മീർ — 4 ഉത്തരാഖണ്ഡ് — 5 ഹിമാചൽ പ്രദേശ് — 3 ബീഹാർ — 2 ഒറീസ്സ — 2 പുതുച്ചേരി — 1 ചത്തീസ്ഗഡ് –1 രാജ്യത്തെ കോവിഡ് ബാധിതരായ 511 പേരിൽ 36 പേർ രോഗമുക്തി നേടി.
Read More » - News
സംസ്ഥാനത്ത് ഇന്ന് മുതല്‍ 26 വരെ ഇടി മിന്നലോട് കൂടിയ മഴയ്ക്ക് സാധ്യത
തിരുവനന്തപുരം : സംസ്ഥാനത്ത് ഇന്ന് മുതല്‍ മാര്‍ച്ച് 26 വരെ ഇടി മിന്നലോട് കൂടിയ കനത്ത മഴ പെയ്യുമെന്ന് കാലാവസ്ഥ നിരീക്ഷണ കേന്ദ്രം. ഇന്ന് ഇടിമിന്നലിനും ശക്തമായ കാറ്റിനും സാധ്യതയുണ്ടെന്നും കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്‍കി. നാളെ കേരളത്തിന് പുറമേ മാഹിയിലും ഇടിമിന്നല്‍ മുന്നറിയിപ്പുണ്ട്. അതേസമയം സംസ്ഥാനത്ത് ഉയര്‍ന്ന താപനിലയാണ് രേഖപ്പെടുത്തുന്നത്. സൂര്യാഘാതം ഉണ്ടാകാനുളള സാധ്യത കണക്കിലെടുത്ത് വെയിലത്ത് പുറത്തിറങ്ങുന്നവര്‍ ജാഗ്രത പാലിക്കണമെന്നും മുന്നറിയിപ്പില്‍ പറയുന്നു.
Read More » - News
സർക്കാർ നിർദ്ദേശങ്ങൾ ലംഘിച്ച പ്രവാസികളുടെ പാസ്പോര്‍ട്ട് കണ്ടുകെട്ടും: കളക്ടർ
കാസര്‍കോട് : സർക്കാർ നിർദ്ദേശങ്ങൾ ലംഘിക്കുന്നവർക്കെതിരെ നടപടികള്‍ കടുപ്പിച്ച് കാസർകോട് ജില്ലാ ഭരണകൂടം. നേരത്തെ നിർദ്ദേശങ്ങൾ ലംഘിച്ച രണ്ടു പ്രവാസികളുടെ പാസ്പോര്‍ട്ട് കണ്ടുകെട്ടുമെന്ന് ജില്ലാ കളക്ടര്‍ ഡോ. സജിത്ത് ബാബു പറഞ്ഞു. രണ്ടു പേരും ഇനി ഗൾഫ് കാണില്ലെന്നും കളക്ടർ പറഞ്ഞു. വിലക്ക് ലംഘിക്കുന്നവരെ കർശനമായി കൈകാര്യം ചെയ്യേണ്ടി വരുമെന്നും ഇനി അഭ്യർഥനകൾ ഉണ്ടാകില്ലെന്നും കലക്ടർ ആവർത്തിച്ചു. അവശ്യസാധനങ്ങൾ ലഭിക്കാൻ മുഴുവൻ കടകളും നിർബന്ധമായി തുറക്കണമെന്ന് അറിയിപ്പ് നൽകിയിട്ടുണ്ട്. ജില്ലയിൽ ഒരു തരത്തിലും ഭക്ഷ്യക്ഷാമം ഉണ്ടാകില്ല. രാവിലെ 11 മുതൽ വൈകിട്ട് 5 വരെ കടകൾ തുറക്കണം. മല്‍സ്യ, മാംസം വില്‍പന അനുവദിക്കുമെന്നും ആളുകൂടിയാല്‍ അടപ്പിക്കുമെന്നും കലക്ടര്‍ പറഞ്ഞു. ബേക്കറികൾ തുറക്കണം. എന്നാൽ ചായ, കാപ്പി, ജ്യൂസ് തുടങ്ങിയ പാനീയങ്ങള്‍ വില്‍ക്കരുത്.
Read More » - Top Stories
പുറത്തിറങ്ങാൻ പോലീസിന്റെ പാസ്സ് എടുക്കണം:ഡി ജി പി
തിരുവനന്തപുരം : കൊറോണ പടർന്നു പിടിയ്ക്കുന്ന പശ്ചാത്തലത്തിൽ സംസ്ഥാനം ലോക്ക് ഡൗണിലേക്ക് നീങ്ങിയ സാഹചര്യത്തിൽ ആവശ്യ കാര്യങ്ങൾക്ക് പുറത്തിറങ്ങുന്നതിന് ജനങ്ങൾക്ക് പാസ്സ് നൽകുമെന്ന് ഡിജിപി ലോക്നാഥ് ബഹ്റ. അവശ്യ സേവനങ്ങള്‍ക്കാണ് പാസ്സ് നല്‍കുക. ജില്ലാ പോലീസ് മേധാവികളുടെ കൈയില്‍ നിന്നാണ് പാസ് ലഭിക്കുക. പച്ചക്കറി, പലചരക്ക് മെഡിക്കല്‍ സ്‌റ്റോര്‍, ടെലികോം ജീവനക്കാര്‍ തുടങ്ങി അത്യാവശ്യം പുറത്തിറങ്ങേണ്ടവർക്ക് കേരളം മുഴുവന്‍ പാസ് നല്‍കുമെന്ന് ഡിജിപി അറിയിച്ചു. മാധ്യമങ്ങൾക്കും സർക്കാർ ഉദ്യോഗസ്ഥർക്കും അവരുടെ ഐഡന്റിറ്റി കാർഡ് ഉപയോഗിച്ച് യാത്ര ചെയ്യാൻ കഴിയുമെന്നും ഡിജിപി പറഞ്ഞു. സ്വകാര്യ വാഹനങ്ങൾ ഉപയോഗിക്കുന്നവർ സത്യവാങ്മൂലം നൽകണം. നിരത്തിലിറങ്ങുന്നവര്‍ നല്‍കുന്ന വിവരങ്ങള്‍ പൊലീസ് പരിശോധിക്കുമെന്നും തെറ്റായ വിവരങ്ങള്‍ നല്‍കിയാല്‍ നിയമനടപടി സ്വീകരിക്കുമെന്നും ഡിജിപി ലോക്നാഥ് ബെഹ്‌റ വ്യക്തമാക്കി
Read More » - Top Stories
പ്രധാനമന്ത്രി ഇന്ന് രാത്രി 8 മണിക്ക് രാജ്യത്തെ അഭിസംബോധന ചെയ്യും
ഡൽഹി : കോവിഡ് 19 പ്രതിരോധത്തിന്റെ ഭാഗമായി രാജ്യത്തെ 33 സംസ്ഥാനങ്ങളും കേന്ദ്രഭരണ പ്രദേശങ്ങളും ലോക്കൗട്ട് പ്രഖ്യാപിച്ചിരിക്കെ പ്രധാനമന്ത്രി നരേന്ദ്രമോദി ഇന്ന് രാത്രി 8 മണിക്ക് രാജ്യത്തെ അഭിസംബോധന ചെയ്യും. ഇതു രണ്ടാം തവണയാണ് കോവിഡുമായി ബന്ധപ്പെട്ട് അടുത്തടുത്ത ദിവസങ്ങളിൽ പ്രധാനമന്ത്രി ജനങ്ങളോട് സംസാരിക്കുന്നത്. കഴിഞ്ഞ വ്യാഴാഴ്ചയായിരുന്നു ഞായറാഴ്ച ജനത കർഫ്യൂവിന് പ്രധാനമന്ത്രി ആഹ്വാനം ചെയ്തത്. പലരും അടച്ചുപൂട്ടലുകളെയും നിയന്ത്രണങ്ങളെയും ഇപ്പോഴും ഗൗരവമായി എടുക്കുന്നില്ലെന്നത് ദുഃഖകരമാണെന്ന് കഴിഞ്ഞ ദിവസം പ്രധാനമന്ത്രി ട്വീറ്റ് ചെയ്തിരുന്നു. സ്വയം സുരക്ഷിതത്വം, ഉറപ്പാക്കാന്‍ നിര്‍ദേശങ്ങള്‍ കര്‍ശനമായി പാലിക്കണമെന്നും അദ്ദേഹം ട്വീറ്റില്‍ പറഞ്ഞിരുന്നു. ഇന്ത്യയില്‍ കൊറോണ ബാധിതരുടെ എണ്ണം 500 ആയ സാഹചര്യത്തില്‍ പ്രധാനമന്ത്രി കടുത്ത നിയന്ത്രണങ്ങള്‍ പ്രഖ്യാപിച്ചേക്കും എന്നാണ് വിവരം. പ്രധാനമന്ത്രി ആദ്യം രാജ്യത്തെ അഭിസംബോധന ചെയ്ത ശേഷം പല സംസ്ഥാനങ്ങളും കേന്ദ്രഭരണ പ്രദേശങ്ങളും പൂര്‍ണ്ണമായും ലോക്കൗട്ടിലേക്ക് പോയിരുന്നു. ട്രെയിനുകളും മെട്രോകളും അന്തര്‍ സംസ്ഥാന ബസ് സര്‍വീസുകളുമെല്ലാം നിര്‍ത്തി വെച്ചിരിക്കുകയാണ്. ഇന്ന് രാത്രി മുതല്‍ വ്യോമഗതാഗതവും നിര്‍ത്തി വെയ്ക്കും.
Read More » - News
സർക്കാർ വിലയിൽ ബാറുകളിൽ മദ്യം നൽകാൻ നീക്കം
തിരുവനന്തപുരം : ബിവറേജ് ഔട്ട്ലെറ്റിലെ വിലയിൽ ബാർ കൗണ്ടറുകളിലൂടെ മദ്യം പാഴ്സലായി നൽകാൻ നീക്കം. ഇത് നടപ്പാക്കാൻ അബ്‌കാരി ചട്ടത്തിൽ ഭേദഗതി ആവശ്യപ്പെട്ട് ബാർ ഉടമകളുടെ സംഘടന സർക്കാരിന് കത്ത് നൽകി. നിലവിലുള്ള നിയമപ്രകാരം ബാറിൽ നിന്നും മദ്യം പാഴ്സലായി നൽകാൻ കഴിയില്ല. ബിവറേജിൽ നിന്നും കിട്ടുന്നതിന്റെ ഇരട്ട വിലയ്ക്കാണ് ബാറുകളിൽ മദ്യം വിൽക്കുന്നതും. ബാർ കൗണ്ടറുകളിലൂടെ ഉള്ള മദ്യവിൽപ്പനയിൽ നിയമപരമായ സാധ്യതകൾ നോക്കിയിട്ട് തീരുമാനമെടുക്കുമെന്ന് എക്സൈസ് മന്ത്രി ടി പി രാമകൃഷ്ണൻ അറിയിച്ചു. ബാർ അടച്ചിടുമ്പോൾ തൊഴിലാളികൾക്ക് ഉണ്ടാകുന്ന തൊഴിൽ നഷ്ടവും, ബിവറേജസ് ഔട്ട്‌ലെറ്റുകളിൽ ഉണ്ടാകുന്ന തിരക്കും കുറയ്ക്കാൻ വേണ്ടിയാണ് ഇങ്ങനെ ഒരു നടപടി ആവശ്യപ്പെടുന്നതെന്നാണ് ബാർ ഉടമകൾ പറയുന്നത്. അതേസമയം, ഇപ്പോൾ ബാർ കൗണ്ടറുകളിലൂടെ മദ്യവില്പന അനുവദിക്കില്ലെന്ന് എക്സൈസ് കമ്മീഷണർ വ്യക്തമാക്കി.
Read More » ഒമർ അബ്ദുള്ളയ്ക്ക് മോചനം
ശ്രീനഗർ : എട്ടു മാസത്തെ വീട്ട് തടങ്കലിന് ശേഷം ജമ്മുകശ്മീർ മുൻ മുഖ്യമന്ത്രിയും നാഷണൽ കോൺഫറൻസ് നേതാവുമായ ഒമർ അബ്ദുള്ളയ്ക്ക് മോചനം. പൊതുസുരക്ഷാ നിയമ പ്രകാരം ഒമർ അബ്ദുള്ളയെ തടഞ്ഞുവെച്ച ഉത്തരവ് കശ്മീർ ഭരണകൂടം ഇന്ന് എടുത്തുകളഞ്ഞു. ജമ്മു കശ്മീരിന്റെ പ്രത്യേക പദവി എടുത്തു കളഞ്ഞതിന് പിന്നാലെയാണ് ഒമർ അബ്ദുള്ളയടക്കമുള്ള കശ്മീർ മുൻ മുഖ്യമന്ത്രിമാരേയും രാഷ്ട്രീയ പാർട്ടി നേതാക്കളേയും തടങ്കലിലാക്കിയത്. ഒമർ അബ്ദുള്ളയുടെ പിതാവും കശ്മീർ മുൻ മുഖ്യന്ത്രിയുമായ ഫാറൂഖ് അബ്ദുള്ളയെ ഈ മാസം 13-ന് മോചിപ്പിച്ചിരുന്നു. മറ്റൊരു മുൻ മുഖ്യന്ത്രിയും പിഡിപി നേതാവുമായ മെഹബൂബ മുഫ്തി ഇപ്പോഴും തടങ്കലിലാണ്.
Read More »- News
ആരോഗ്യ പ്രവർത്തകർ നൽകിയ മാസ്ക് വലിച്ചെറിഞ്ഞു; എറണാകുളം സ്വദേശി അറസ്റ്റിൽ
കൊച്ചി : കൊറോണ വെെറസ് പരിശോധനയുമായി സഹകരിക്കാത്തതിനെ തുടർന്ന് കൊച്ചി അന്താരാഷ്ട്ര വിമാനത്താവളത്തിൽ എറണാകുളം സ്വദേശി ലാമി അറയ്ക്കലാണ് (54) അറസ്റ്റിലായത്. ചെന്നെയിൽ നിന്നും എത്തിയതായിരുന്നു ഇയാൾ. വിദേശത്ത് നിന്നും എത്തിയ ഇയാൾ വിമാനത്താവളത്തിൽ ആരോഗ്യ പ്രവർത്തകരുടെ പരിശോധനയുമായി സഹകരിച്ചില്ല. മാസ്ക് നൽകിയപ്പോൾ ഇയാൾ അത് വലിച്ചെറിയുകയും മോശമായി പെരുമാറുകയുമായിരുന്നു. ഉദ്യോഗസ്ഥരുടെ പരാതിയിൽ നെടുമ്പാശേരി പൊലീസ് സ്ഥലത്ത് എത്തി ഇയാളെ അറസ്റ്റ് ചെയ്തു. തുടർന്ന് ജാമ്യത്തിൽ വിട്ടു. കുടുംബത്തോടൊപ്പമാണ് ലാമി കൊച്ചിയിൽ എത്തിയത്. ഇവർ നിർബന്ധമായും വീട്ടിൽ നിരീക്ഷണത്തിൽ കഴിയണമെന്ന നിർദ്ദേശം ആരോഗ്യവകുപ്പ് നൽകിയിട്ടുണ്ട്.
Read More »
