News
കോവിഡ് നിരീക്ഷണത്തിൽ കഴിയുന്നവർ കേരളത്തിലേക്ക് ഒളിച്ചു കടക്കാൻ ശ്രമിക്കെ പിടിയിലായി
വയനാട് : കോവിഡ് നിരീക്ഷണത്തിൽ കഴിയുന്നവർ ഒളിച്ചു കടക്കാൻ ശ്രമിക്കെ പിടിയിലായി. കർണാടകയിൽ കൊവിഡ് നിരീക്ഷണത്തിൽ കഴിയുന്നവർ കേരളത്തിലേക്ക് ഒളിച്ചുകടക്കാൻ ശ്രമിക്കുന്നതിനിടെയാണ് പിടിയിലായത്. വയനാട് കൽപ്പറ്റയിൽ നിന്നാണ് മൂന്ന് പേർ പൊലീസിന്റെ പിടിയിലായത്.
മലപ്പുറം സ്വദേശികളായ കുഞ്ഞിമുഹമ്മദ്, മൻസൂർ അലി, വയനാട് സ്വദേശി മുഹമ്മദ് അജിനാസ് എന്നിവരാണ് പിടിയിലായത്. ഇവരുടെ അറസ്റ്റ് പൊലീസ് രേഖപ്പെടുത്തി. മലപ്പുറം സ്വദേശികളെ കൊയിലാണ്ടി കൊവിഡ് ജയിലിലേക്കും വയനാട് സ്വദേശിയെ വയനാട് ക്വാറന്റൈൻ സെന്ററിലേക്കും റിമാന്റ് ചെയ്തു.
