ലോക്ക്ഡൌൺ ഇളവുകൾ പ്രഖ്യാപിച്ച്‌ കേന്ദ്രം

പതിനാല് പേജുള്ള മാർ​ഗനിർദേശങ്ങളാണ് കേന്ദ്രം പുറത്തിറക്കിയിരിക്കുന്നത്. അവശ്യ സർവീസുകൾ തുടരുമെന്നല്ലാതെ പുതിയ ഇളവുകളൊന്നും പുതിയ മാർ​ഗരേഖയിലില്ല. പൊതു​ഗതാ​ഗതം നിലവിൽ പുനഃരാരംഭിക്കില്ല. ട്രെയിൻ, വ്യോമ​ഗതാ​ഗതം നിർത്തിവയ്ക്കുന്നത് തുടരും. ലോക്ക് ഡൗൺ കാലത്ത് സ്പെഷ്യൽ ട്രെയിനുകൾ ഉണ്ടായിരിക്കില്ല. പുതിയ മാർ​ഗനിർദേശത്തിൽ വ്യവസായ മേഖലയ്ക്കും ഇളവില്ല. പൊ​തു​ഗ​താ​ഗ​ത​ത്തി​ന് ഇ​ള​വു​ക​ള്‍ ഇ​ല്ല. ബാറുകൾ തുറക്കാൻ പാടില്ല, മറ്റ് രീതിയിലുള്ള മദ്യവില്പനകളും പാടില്ല.

വിദ്യാഭ്യാസസ്ഥാപനങ്ങളോ കോച്ചിംഗ് കേന്ദ്രങ്ങളോ ഒരു കാരണവശാലും തുറക്കരുത്. ആരാധനാലയങ്ങളും തുറക്കാൻ പാടില്ല. മത, രാഷ്ട്രീയ, സാമൂഹ്യ, കായിക, വിനോദ, വിജ്ഞാന, സാംസ്കാരിക, മത പരിപാടികൾ ഒന്നും പാടില്ല. മതപരമായ ചടങ്ങുകളടക്കം ഒരു പൊതുപരിപാടികളും അനുവദിക്കില്ല. സംസ്കാരച്ചടങ്ങുകളിൽ ഇരുപത് പേരിൽ കൂടുതൽ അനുവദിയ്ക്കില്ല. അത്യാവശ്യ കാര്യങ്ങൾക്ക് മാത്രം സ്വകാര്യ വാഹനങ്ങൾ ഉപയോഗിയ്ക്കാം.

കേന്ദ്ര നിർദ്ദേശം മറികടന്ന് സം​സ്ഥാ​ന സ​ര്‍​ക്കാ​രു​ക​ള്‍ പ്ര​ത്യേ​ക ഇ​ള​വു​ക​ള്‍ ന​ല്‍​ക​രു​തെ​ന്നും കേ​ന്ദ്രം ക​ര്‍​ശ​ന​മാ​യി നി​ര്‍​ദേ​ശി​ച്ചി​ട്ടു​ണ്ട്.