Month: April 2020
- Top Stories
സംസ്ഥാനത്ത് ഇന്ന് മൂന്നുപേർക്ക്‌ കോവിഡ്;15 പേർക്ക്‌ രോഗമുക്തി
തിരുവനന്തപുരം : സംസ്ഥാനത്ത് ഇന്ന് മൂന്നുപേർക്കു കൂടി കോവിഡ്-19 സ്ഥിരീകരിച്ചു. ഇന്ന് രോഗം സ്ഥിരീകരിച്ച മൂന്നുപേരും കാസർകോട് ജില്ലക്കാരാണ്. സമ്പർക്കം മൂലമാണ് ഇവർക്ക് രോഗം ബാധിച്ചത്. മുഖ്യമന്ത്രി പിണറായി വിജയനാണ് വാർത്താസമ്മേളനത്തിൽ ഇക്കാര്യം അറിയിച്ചത്. കോവിഡ് 19 മൂലം കോഴിക്കോട് ജില്ലയിൽ ചികിത്സയിലായിരുന്ന മലപ്പുറം സ്വദേശിയായ നാലുമാസം പ്രായമുള്ള കുഞ്ഞിന്റെ മരണം വേദനാജനകമാണെന്ന് മുഖ്യമന്ത്രി കൂട്ടിച്ചേർത്തു. ഇന്ന് 15 പേർ രോഗമുക്തി നേടി. കാസർകോട് അഞ്ചുപേർക്കും പത്തനംതിട്ട, മലപ്പുറം, കണ്ണൂർ എന്നിവിടങ്ങളിൽ മൂന്നുപേർക്കു വീതവും കൊല്ലത്ത് ഒരാൾക്കുമാണ് ഇന്ന് പരിശോധനാഫലം നെഗറ്റീവായതെന്ന് മുഖ്യമന്ത്രി പറഞ്ഞു.
Read More » - Top Stories
സ്വയംപര്യാപ്തമാകുന്നതിന്റെ പ്രാധാന്യമാണ് കോവിഡ് നമ്മെ പഠിപ്പിക്കുന്നത്: പ്രധാനമന്ത്രി
ന്യൂഡൽഹി : ദേശീയ പഞ്ചായത്തീ രാജ് ദിനത്തോടനുബന്ധിച്ച് രാജ്യത്തെ ഗ്രാമപഞ്ചായത്ത് തലവൻമാരുമായി ഓൺലൈനിലൂടെ കൂടിക്കാഴ്ച്ച നടത്തി പ്രധാനമന്ത്രി നരേന്ദ്ര മോദി.സ്വയംപര്യാപ്തമാകുന്നതിന്റെ പ്രാധാന്യമാണ് കോവിഡ് പ്രതിസന്ധി നമ്മെ പഠിപ്പിക്കുന്നതെന്ന് മോദി പറഞ്ഞു. ‘എല്ലാ പഞ്ചായത്തുകളും ജില്ലകളും സ്വയം പര്യാപ്തമാകണം. പഞ്ചായത്തുകളും ജില്ലകളും സ്വയംപര്യാപ്തമായാൽ ജനാധിപത്യം സുശക്തമാകും. പ്രശ്നങ്ങളുണ്ടാകുമ്പോഴേ, അതിനെ മറികടക്കാനുള്ള ആത്മവിശ്വാസം നമുക്കുണ്ടാകൂ. പുതിയ പ്രശ്നങ്ങളാണ് കോവിഡ് മൂലം ഉണ്ടായിരിക്കുന്നത്. നാം മുൻപൊരിക്കലും ഇങ്ങനെയൊരു സാഹചര്യത്തെക്കുറിച്ച് ചിന്തിച്ചിട്ടുപോലുമില്ല. എന്നാൽ ഈ പ്രതിസന്ധി നമുക്ക് പുതിയ പാഠങ്ങളും പകർന്നുതന്നിട്ടുണ്ട്. അതിൽ ഏറ്റവും പ്രധാനപ്പെട്ടത് നാം സ്വയം പര്യാപ്തരാകേണ്ടതിന്റെ ആവശ്യകതയാണ്’. പ്രധാനമന്ത്രി പറഞ്ഞു.
Read More » - News
ഒരു വർഷത്തേക്ക് സ്വകാര്യ ബസ് സർവീസ് നിർത്തിവയ്ക്കാൻ അപേക്ഷ നൽകി ബസുടമകൾ
തിരുവനന്തപുരം : ഒരു വർഷത്തേക്ക് സ്വകാര്യ ബസ് സർവീസ് നിർത്തിവയ്ക്കാൻ അപേക്ഷ നൽകി ബസുടമകൾ. കോവിഡ് നിയന്ത്രണങ്ങളുടെ ഭാഗമായി ഒരു സീറ്റിൽ ഒരു യാത്രക്കാരനെന്ന നിലിയിൽ സർവീസ് നടത്താൻ സാധിക്കില്ലെന്ന് വ്യക്തമാക്കി പതിനായിരത്തിലധികം ബസ്സുകളുടെ ഉടമകളാണ് സ്റ്റോപ്പേജിന് അപേക്ഷ നൽകിയത്. കൂടാതെ ഒരു വിഭാഗം ബസുകൾ ഗ്യാരേജിൽ തന്നെ തുടർന്നും സൂക്ഷിക്കുന്നതിനുള്ള ജി ഫോം അപേക്ഷയും ഉടമകൾ നൽകിയിട്ടുണ്ട്. നികുതി അടക്കമുള്ള കാര്യങ്ങളിൽ ഇളവ് ലഭിക്കുന്നതിനായാണിത്. ഒരു മാസമായി ഓടാതെ കിടന്ന ബസുകൾ പ്രവർത്തന ക്ഷമമാക്കി എടുക്കാൻ ഒരു ബസിന് ഏകദേശം 20000 രൂപയെങ്കിലും വേണ്ടി വരും. അതിന് പുറമേയാണ് സർക്കാരിന്റെ പുതിയ നിർദ്ദേശം. ഈ സാഹചര്യത്തിൽ ബസ് ഓടിക്കാൻ കഴിയില്ലെന്നാണ് ഉടമകൾ വ്യക്തമാക്കുന്നത്. നഷ്ടം നികത്താൻ അധിക ചാർജ് ഈടാക്കുകയോ മറ്റെന്തെങ്കിലും ആനുകൂല്യങ്ങൾ നൽകുകയോ വേണമെന്നാണ് സ്വകാര്യ ബസ് ഉടമകളുടെ ആവശ്യം. ബസ് ഉടമകളുടെ പേരിലുള്ള വായ്പകൾക്ക് മൊറോട്ടോറിയം, ഡീസലിന് സബ്സിഡി, നികുതി അടക്കാൻ സാവകാശം എന്നിങ്ങനെയുള്ള നിർദ്ദേശങ്ങളും ഉടമകൾ സർക്കാരിന് മുന്നിൽ വെച്ചിട്ടുണ്ട്.
Read More » - News
പ്രവാസികളെ തിരികെ എത്തിക്കണമെന്ന ഹർജി ലോക്ക്ഡൗണിന് ശേഷം പരിഗണിയ്ക്കും
കൊച്ചി : പ്രവാസികളെ തിരികെ എത്തിക്കണമെന്ന ഹർജി ലോക്ക്ഡൗണിന് ശേഷം പരിഗണിയ്ക്കാമെന്ന് ഹൈക്കോടതി. ഹർജി മെയ്‌ 5 ന് വീണ്ടും പരിഗണിയ്ക്കും. ഈ അവസരത്തിൽ പ്രവാസികളെ മടക്കിക്കൊണ്ടുവരണമെന്ന് കേന്ദ്ര സർക്കാരിനോട് നിർദ്ദേശിയ്ക്കാനാകില്ലന്ന് കോടതി പറഞ്ഞു. വിദേശത്തുള്ള ഗർഭിണികളുടെയും, പ്രായമായവരുടെയും കാര്യം കേന്ദ്രം ഗൗരവമായി പരിഗണിയ്ക്കണമെന്ന് കോടതി പരാമർശിച്ചു. കേരളത്തിൽ മടങ്ങിയെത്തുന്ന പ്രവാസികളെ നിരീക്ഷിയ്ക്കാൻ സംസ്ഥാന സർക്കാർ എന്തൊക്കെ സംവിധാനങ്ങൾ ഒരുക്കിയെന്ന് അറിയിക്കണമെന്നും കോടതി പറഞ്ഞു.
Read More » - News
ദുബായിൽ കൊവിഡ് ബാധിച്ച് ഒരു മലയാളി കൂടി മരിച്ചു
ദുബായ് : കൊവിഡ് ബാധിച്ച് ദുബായിൽ ഒരു മലയാളി കൂടി മരിച്ചു. തൃശൂർ ചേറ്റുവ സ്വദേശി ഷംസുദീനാണ് മരിച്ചത്. 65 വയസായിരുന്നു. ദുബായ് പൊലീസിൽ മെക്കാനിക്കൽ വിഭാഗം ജീവനക്കാരനായിരുന്നു.
Read More » - Top Stories
ഹോട്ട്സ്പോട്ട് മേഖലകളിൽ നിന്നുള്ളവർ ഏത് രോഗത്തിന് ചികിത്സ തേടിയാലും കൊവിഡ് പരിശോധന നടത്താൻ തീരുമാനം
തിരുവനന്തപുരം : സംസ്ഥാനത്ത് ഹോട്ട്സ്പോട്ട് മേഖലകളിൽ നിന്നുള്ളവർ ഏത് രോഗത്തിന് ചികിത്സ തേടിയാലും കൊവിഡ് പരിശോധന നടത്താൻ തീരുമാനം. രോഗലക്ഷണങ്ങൾ പ്രകടിപ്പിക്കാത്തവർക്ക് വൈറസ് ബാധയുണ്ടോ എന്ന് അറിയാനാണ് പരിശോധന. ലക്ഷണങ്ങള്‍ പ്രകടിപ്പിക്കാത്തവരിലും കൊവിഡ് സ്ഥിരീകരിച്ച സാഹചര്യത്തില്‍ എല്ലാവരിലും പരിശോധന നടത്തുന്നത് കൂടുതല്‍ ഫലപ്രദമാകുമെന്നാണ് പ്രതീക്ഷിക്കുന്നത്. ഹോട്ട്സ്പോട്ട് പ്രദേശങ്ങളിൽ നിന്ന് കൂടുതല്‍ പേരിലേക്ക് രോഗം പടരാനുള്ള സാധ്യത സംസ്ഥാനസർക്കാർ രൂപീകരിച്ച വിദഗ്ധ സമിതി ചൂണ്ടിക്കാട്ടുന്നുണ്ട്. അതിനാലാണ് ഈ മേഖലകളില്‍ നിന്ന് ചികിത്സ തേടുന്ന എല്ലാ രോഗികളേയും പരിശോധനയ്ക്ക് വിധേയരാക്കാൻ തീരുമാനിച്ചത്.
Read More » - Top Stories
കോവിഡ് ബാധിച്ച് നാല് മാസം പ്രായമുള്ള കുഞ്ഞ് മരിച്ചു
കോഴിക്കോട് : കോവിഡ് ബാധിച്ച് കോഴിക്കോട് മെഡിക്കല്‍ കോളജിൽ ചികിത്സയിലുണ്ടായിരുന്ന നാല് മാസം പ്രായമുള്ള കുഞ്ഞ് മരിച്ചു. മഞ്ചേരി പയ്യനാട് സ്വദേശികളുടെ കുഞ്ഞാണ് ഇന്ന് രാവിലെ മരിച്ചത്. ഹൃദയാഘാതത്തെ തുടര്‍ന്നാണ് മരണം. ഇതോടെ സംസ്ഥാനത്ത് കോവിഡ് ബാധിച്ച് മരിച്ചവരുടെ എണ്ണം മൂന്നായി. ഏപ്രില്‍ 17ന് ശ്വാസ തടസം അനുഭവപ്പെട്ടതിനെ തുടര്‍ന്ന് കുട്ടിയെ മഞ്ചേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചിരുന്നു. പിന്നീട് ന്യൂമോണിയ കണ്ടെത്തിയതോടെ മഞ്ചേരിയിലെ മറ്റൊരു ആശുപത്രിയിലേക്ക് കുട്ടിയെ മാറ്റി.
Read More » - Top Stories
സ്പ്രിംക്ളർ ഇന്ന് വീണ്ടും ഹൈക്കോടതിയിൽ;കരാറിനെ എതിർത്ത് കേന്ദ്രം
കൊച്ചി : സ്പ്രിംക്ളർ കരാർ റദ്ദാക്കണമെന്നാവശ്യപ്പെട്ടുള്ള ഹർജികൾ ഹൈക്കോടതി ഇന്ന് വീണ്ടും പരിഗണിക്കും. പ്രതിപക്ഷ നേതാവ് രമേശ്‌ ചെന്നിത്തല, ബിജെപി സംസ്ഥാന പ്രസിഡണ്ട്‌ കെ സുരേന്ദ്രൻ എന്നിവരടക്കം നൽകിയ ഹർജികളാണ് കോടതി പരിഗണിക്കുന്നത്. സംസ്ഥാന സർക്കാർ വിശദമായ സത്യവാങ്മൂലം നൽകണമെന്ന് ഹൈക്കോടതി ആവശ്യപ്പെട്ടിരുന്നു. വിവര ചോർച്ച ഇല്ലെന്ന് ഉറപ്പാക്കാനുള്ള വ്യവസ്ഥകൾ കരാറിലുണ്ടെന്നാണ് സംസ്ഥാനസർക്കാർ കോടതിയിൽ നൽകിയ സത്യവാങ്മൂലം. അതേസമയം, കരാർ വ്യക്തി സ്വകാര്യത സംരക്ഷിക്കുമെന്ന് ഉറപ്പാക്കുന്നില്ലെന്നും വിവരങ്ങൾ രഹസ്യമാക്കി സൂക്ഷിക്കാനുള്ള വ്യവസ്ഥകൾ കരാറിലില്ലന്നും കേന്ദ്ര സർക്കാർ ഇന്നലെ കോടതിയിൽ സത്യവാങ്മൂലം നൽകി. ഇന്ത്യൻ സംസ്ഥാനങ്ങൾ വിദേശ കമ്പനികളുമായി കരാറിൽ ഏർപ്പെടുന്നത് ഐ.ടി ആക്ടിന് വിധേയമായിട്ടായിരിക്കണം. സ്പ്രിംക്ലർ കരാറിൽ അതുസംബന്ധിച്ച വ്യവസ്ഥകളില്ല. ന്യൂയോർക്ക് കോടതിയിലാണ് കേസ് അടക്കമുള്ളവ നടത്തേണ്ടത്. ഒരു വ്യക്തിയുടെ ആരോഗ്യ വിവരങ്ങൾ സെൻസിറ്റീവ് ഡേറ്റയാണ്. അത് സർക്കാർ സംവിധാനങ്ങളാണ് കൈകാര്യം ചെയ്യേണ്ടതെന്നും കേന്ദ്ര സർക്കാർ ഹൈക്കോടതിയിൽ നൽകിയ സത്യവാങ്മൂലത്തിൽ വ്യക്തമാക്കിയിട്ടുണ്ട്.
Read More » - News
ലോക്ക്ഡൗണില്‍ പിടിച്ചെടുത്ത വാഹനങ്ങള്‍ വിട്ടുനല്‍കാന്‍ നിർദ്ദേശം
തിരുവനന്തപുരം : ലോക്ക്ഡൗണില്‍ പിടിച്ചെടുത്ത വാഹനങ്ങള്‍ ഹൈക്കോടതി നിര്‍ദ്ദേശിച്ച തുക സ്വീകരിച്ച് വിട്ടുനല്‍കാന്‍ പൊലീസ് മേധാവി ലോക്നാഥ് ബെഹ്റ നിര്‍ദ്ദേശം നൽകി. ടി.ആര്‍-5 രസീത് നല്‍കി പണം സ്വീകരിച്ച് വാഹനങ്ങള്‍ വിട്ടുനല്‍കാന്‍ സ്റ്റേഷന്‍ ഹൗസ് ഓഫീസര്‍മാരെയും ക്രമസമാധാനവിഭാഗം സബ് ഇന്‍സ്പെക്ടര്‍മാരെയും ചുതലപ്പെടുത്തും.
Read More » - Top Stories
മഹാരാഷ്ട്രയിൽ മന്ത്രിയ്ക്ക് കോവിഡ്
മുംബൈ : മഹാരാഷ്ട്രയിൽ മന്ത്രിയ്ക്ക് കോവിഡ് ബാധിച്ചു. ഭവനവകുപ്പ് മന്ത്രി ജിതേന്ദ്ര അഹ്വാദിനാണ് കോവിഡ്-19 സ്ഥിരീകരിച്ചത്. ഇദ്ദേഹത്തിൻറെ സുരക്ഷാ ഉദ്യോഗസ്ഥരിൽ ചിലർക്ക് രോഗം സ്ഥിരീകരിച്ചതോടെ ഒരാഴ്ചയായി സമ്പർക്കവിലക്കിൽ കഴിയുകയായിരുന്നു അഹ്വാദ്. ഇവരിൽ നിന്നാകാം മന്ത്രിയ്ക്ക് രോഗം പകർന്നത് എന്നാണ് കരുതുന്നത്. രാജ്യത്ത് കോവിഡ് ബാധിക്കുന്ന ആദ്യത്തെ മന്ത്രിയാണ് അഹ്വാദ്. മുബ്ര-കൽവ നിയോജകമണ്ഡലത്തിൽനിന്നുള്ള എം.എൽ.എ.യാണ് എൻ.സി.പി. അംഗമായ ഇദ്ദേഹം.
Read More »
