Month: April 2020
- News
വ്യവസായ പ്രമുഖൻ ജോയി അറയ്ക്കലിന്റെ മരണം ആത്മഹത്യ
ദുബായ് : ദുബായിൽ മരിച്ച വ്യവസായ പ്രമുഖൻ ജോയി അറയ്ക്കൽ ആത്മഹത്യ ചെയ്തതാണെന്ന് ദുബായ് പോലീസ് സ്ഥിരീകരിച്ചു. ബർ ദുബൈയിലെ കെട്ടിടത്തിന്റെ 14-ാം നിലയിൽ നിന്ന് ചാടി ആത്മഹത്യ ചെയ്യുകയായിരുന്നുവെന്ന് ബർ ദുബായ് പോലീസ് സ്റ്റേഷൻ ഡയറക്ടർ അറിയിച്ചു. ഈ മാസം 23-നായിരുന്നു മരണം. മാനന്തവാടിക്കടുത്ത വഞ്ഞോട് സ്വദേശിയാണ് ജോയ് അറയ്ക്കൽ. കുടുംബസമേതം ദുബായിൽ ആയിരുന്നു താമസം. മൂന്നു മാസം മുമ്പാണ് നാട്ടിൽ വന്ന് പോയത്. അരുൺ ഗ്രൂപ്പ് ഓഫ് കമ്പനീസിന്റെ മാനേജിങ് ഡയറക്ടറായിരുന്നു. നിരവധി ചാരിറ്റി പ്രവർത്തനങ്ങൾക്ക് നേതൃത്വം കൊടുക്കുന്നതിലൂടെ ശ്രദ്ധേയനായിരുന്നു ജോയി. മൃതദേഹം ചാർട്ടേഡ് വിമാനത്തിൽ നാട്ടിലെത്തും.
Read More » - News
കൊവിഡ് നിരിക്ഷണത്തിലുള്ളവരുടെ ലിസ്റ്റ് പ്രചരിപ്പിച്ചു; പത്തനംതിട്ടയിൽ ഒരാൾ അറസ്റ്റിൽ
പത്തനംതിട്ട : കൊവിഡ് നിരിക്ഷണത്തിലുള്ളവരുടെ ലിസ്റ്റ് സാമൂഹിക മാധ്യമങ്ങളിലൂടെ പ്രചരിപ്പിച്ച സംഭവത്തിൽ പത്തനംതിട്ടയില്‍ ഒരാള്‍ അറസ്റ്റില്‍. തെള്ളീയൂർ മൃഗാശുപത്രിയിലെ ലൈവ്സ്റ്റോക് ഇൻസ്പെക്ടറായ കോയിപ്രം സ്വദേശി മായയാണ് അറസ്റ്റിലായത്. പത്തനംതിട്ട പൊലീസാണ് അറസ്റ്റ് ചെയ്‍തത്. തുടർന്ന് ഇവരെ സ്റ്റേഷൻ ജാമ്യത്തിൽ വിട്ടു.
Read More » - Top Stories
കൊവിഡ് ബാധിച്ച് യുഎഇയില്‍ ഒരു മലയാളി കൂടി മരിച്ചു
ദുബായ് : കൊവിഡ് ബാധിച്ച് യുഎഇയില്‍ ഒരു മലയാളി കൂടി മരിച്ചു. തൃക്കരിപ്പൂര്‍ മൊട്ടമ്മല്‍ സ്വദേശിയായ എംടിപി അബ്ദുല്ലയാണ് മരിച്ചത്. 63 വയസ്സായിരുന്നു. കൊവിഡ് ബാധിച്ച് ദുബായിലെ ആശുപത്രിയില്‍ ചികിത്സയിലായിരുന്നു. വര്‍ഷങ്ങളായി ദുബായിലുള്ള ഇദ്ദേഹം ദുബായ് ദെയ്‌റയില്‍ റെസ്റ്റോറന്‍റിലാണ് ജോലി ചെയിതിരുന്നത്. ഭാര്യ: ജമീല. മക്കള്‍: നജീബ്, നജ്മ മരുമകന്‍: അബ്ദുസ്സലാം.
Read More » - News
മറ്റ് സംസ്ഥാനങ്ങളിലെ മലയാളികൾക്ക് നാട്ടിലേക്ക് മടങ്ങാൻ രജിസ്റ്റർ ചെയ്യാം
തിരുവനന്തപുരം : മറ്റ് സംസ്ഥാനങ്ങളിൽ കുടുങ്ങിപ്പോയ മലയാളികൾക്ക് കേരളത്തിലേക്ക് മടങ്ങിവരാൻ വേണ്ടിയുള്ള രജിസ്ട്രേഷൻ നോർക്ക ആരംഭിച്ചു. www.registernorkaroots.org എന്ന വെബ്സൈറ്റിലാണ് രജിസ്റ്റർ ചെയ്യേണ്ടത്. മറ്റ് സംസ്ഥാനങ്ങളിൽ ചികിത്സയ്ക്ക് പോയവർ, കേരളത്തിലെ വിദഗ്ധ ചികിത്സയക്ക് രജിസ്റ്റർ ചെയ്യുകയും തീയതി നിശ്ചയിക്കപ്പെടുകയും ചെയ്ത മറ്റ് സംസ്ഥാനങ്ങളിലെ താമസക്കാർ, പഠനം പൂർത്തീകരിച്ച മലയാളികൾ, പരീക്ഷ, ഇന്റർവ്യൂ, തീർത്ഥാടനം, വിനോദയാത്ര, ബന്ധുഗൃഹസന്ദർശനം എന്നിവയ്ക്കായി പോയവർ, ലോക്ക് ഡൗൺ മൂലം അടച്ച വിദ്യാഭ്യാസസ്ഥാപനങ്ങളിലെ കേരളീയ വിദ്യാർത്ഥികൾ, ജോലി നഷ്ടപ്പെട്ടവർ, റിട്ടയർ ചെയ്തവർ, കൃഷി ആവശ്യത്തിന് മറ്റ് സംസ്ഥാനങ്ങളിൽ പോയവർ എന്നിവർക്കായിരിക്കും നാട്ടിലേക്ക് കൊണ്ടുവരുന്നതിന് പ്രഥമ പരിഗണന നൽകുക.
Read More » - News
മോട്ടോർ വാഹന രേഖകൾക്ക് ജൂൺ 30 വരെ സാധുത
തിരുവനന്തപുരം : സംസ്ഥാനത്തെ മോട്ടോർ വാഹനങ്ങളുടെ പെർമിറ്റുകൾക്കടക്കം ഇളവുകൾ പ്രഖ്യാപിച്ചു. ഫെബ്രുവരി ഒന്നിനും ജൂൺ 30 നും ഇടക്ക് കാലാവധി അവസാനിക്കുന്ന വാഹനഹനങ്ങളുടെ ഫിറ്റ്നസ് സർട്ടിഫിക്കറ്റ്, രജിസ്ട്രേഷൻ, എല്ലാ വിധ പെർമിറ്റുകൾ, ഡ്രൈവിംഗ് ലൈസൻസ് അടക്കമുള്ള രേഖകൾക്ക് ജൂൺ 30 വരെ സാധുതയുണ്ടാകും. ഏപ്രിൽ ഒന്നിന് അടക്കേണ്ട സംസ്ഥാനത്തെ മോട്ടോർ വാഹനങ്ങളുടെ ത്രൈമാസ നികുതി ജൂൺ ഒന്നു വരെ അടക്കുന്നതിന് സാവകാശം നൽകും. സ്വകാര്യ ടൂറിസ്റ്റ് ബസുകൾ, ഓട്ടോ, ടാക്സി,ചരക്ക് വാഹനങ്ങൾ എന്നിവയ്ക്കെല്ലാം ഇതിന്റെ പ്രയോജനം ലഭ്യമാകും.
Read More » - Top Stories
സംസ്ഥാനത്ത് നാളെ മുതൽ പൊതുസ്ഥലങ്ങളിൽ മാസ്ക് നിർബന്ധം
തിരുവനന്തപുരം : സംസ്ഥാനത്ത് നാളെ മുതൽ പൊതുസ്ഥലങ്ങളിലും ജോലിസ്ഥലങ്ങളിലും മാസ്ക് ധരിയ്ക്കേണ്ടത് നിർബന്ധമാക്കി. നിർദ്ദേശം ലംഘിക്കുന്നവർക്കെതിരെ ഇന്ത്യൻ ശിക്ഷാനിയമത്തിലെ വകുപ്പ് 290 പ്രകാരം നടപടി സ്വീകരിച്ച് ബന്ധപ്പെട്ട കോടതിയിൽ പെറ്റികേസ് ചാർജ്ജ് ചെയ്യുമെന്ന് സംസ്ഥാന പോലീസ് മേധാവി ലോക്നാഥ് ബെഹ്റ അറിയിച്ചു. 200 രൂപയാണ് പൊതു സ്ഥലത്ത് മാസ്ക് ധരിച്ചില്ലങ്കിലുള്ള പിഴ. കുറ്റം ആവർത്തിക്കുകയാണെങ്കിൽ 5000 രൂപ പിഴ ഈടാക്കുമെന്ന് സംസ്ഥാന പോലീസ് മേധാവി അറിയിച്ചു. പകർച്ചവ്യാധി പടരുന്ന പശ്ചാത്തലത്തിൽ പൊതുജനങ്ങളുടെ സുരക്ഷ മുൻനിർത്തി പൊതുസ്ഥലങ്ങളിലും ജോലിസ്ഥലങ്ങളിലും മാസ്ക് ധരിക്കണമെന്ന് കേന്ദ്ര, സംസ്ഥാന സർക്കാരുകൾ നിർദ്ദേശിച്ചിരുന്നു. ഇതിന്റെ പശ്ചാത്തലത്തിലാണ് മാസ്ക് നിർബന്ധമാക്കിയുള്ള ഉത്തരവിറക്കിയത് വീടുകളിൽ നിർമ്മിച്ച തുണികൊണ്ടുളള മാസ്ക്, തോർത്ത്, കർച്ചീഫ് എന്നിവയും ഉപയോഗിക്കാവുന്നതാണ്.
Read More » - Top Stories
സംസ്ഥാനം കടന്നുപോകുന്നത് അസാധാരണ സാമ്പത്തിക പ്രതിസന്ധിയിലൂടെ: മുഖ്യമന്ത്രി
തിരുവനന്തപുരം : കൊവിഡ് 19ന്റെ പശ്ചാത്തലത്തിൽ അസാധാരണ സാമ്പത്തിക പ്രതിസന്ധിയിലൂടെയാണ് സംസ്ഥാനം കടന്നുപോകുന്നതെന്ന് മുഖ്യമന്ത്രി പിണറായി വിജയൻ. അതിനാലാണ് സർക്കാർ ജീവനക്കാരുടെ ശമ്പളം പിടിയ്ക്കാൻ ഓർഡിനൻസ് ഇറക്കുന്നതെന്നും മുഖ്യമന്ത്രി പറഞ്ഞു. ‘കൊവിഡ് സൃഷ്ടിച്ച സാമ്പത്തിക പ്രതിസന്ധി താങ്ങാനാവത്താതാണ്. വരുമാനത്തിൽ കാര്യമായ ഇടിവുണ്ടായി. പ്രതിസന്ധി പരിഹരിക്കാനുള്ള മാർഗങ്ങളിലൊന്ന് എന്ന നിലയിൽ സർക്കാർ ജീവനക്കാരുടെ ആറ് ദിവസത്തെ ശമ്പളം അടുത്ത അഞ്ച് മാസത്തേക്ക് മാറ്റിവയ്ക്കാൻ തീരുമാനിച്ചിരുന്നു. ഇതിനു നിയമപ്രാബല്യം പോരാ എന്ന് ഹൈക്കോടതി ചൂണ്ടിക്കാട്ടി. ഇതിനായി ഓർഡിനൻസ് പുറപ്പെടുവിക്കാൻ ഗവർണറോട് ശുപാർശ ചെയ്യാൻ മന്ത്രിസഭായോഗം തീരുമാനിച്ചു എന്നും മുഖ്യമന്ത്രി പറഞ്ഞു.
Read More » - Top Stories
രണ്ട് പഞ്ചായത്തുകളെ കൂടി ഹോട്ട്സ്പോട്ടിൽ ഉൾപ്പെടുത്തി
തിരുവനന്തപുരം : സംസ്ഥാനത്ത് രണ്ട് പഞ്ചായത്തുകളെ കൂടി ഹോട്ട് സ്പോട്ടുകളിൽ ഉൾപ്പെടുത്തിയതായി മുഖ്യമന്ത്രി അറിയിച്ചു. ഇടുക്കി ജില്ലയിലെ വണ്ടിപ്പെരിയാർ, കാസർകോട് ജില്ലയിലെ അജാനൂർ എന്നീ പഞ്ചായത്തുകളെയാണ് പുതുതായി ഹോട്ട്സ്പോട്ടിൽ ഉൾപ്പെടുത്തിയത്. ഇതോടെ സംസ്ഥാനത്തെ ഹോട്ട്സ്പോട്ടുകളുടെ എണ്ണം 102 ആയി.
Read More » - Top Stories
സംസ്ഥാനത്ത് ഇന്ന്10 പേർക്കു കൂടി കോവിഡ്
തിരുവനന്തപുരം : സംസ്ഥാനത്ത് ഇന്ന് (ബുധനാഴ്ച) 10 പേർക്കു കൂടി കോവിഡ്-19 സ്ഥിരീകരിച്ചു. കൊല്ലത്ത് ആറുപേർക്കും തിരുവനന്തപുരം, കാസർകോട് എന്നിവിടങ്ങളിൽ രണ്ടുപേർക്കു വീതവുമാണ് രോഗബാധ സ്ഥിരീകരിച്ചത്. ഇന്ന് രോഗം സ്ഥിരീകരിച്ച മൂന്നുപേർ ആരോഗ്യ പ്രവർത്തകരും ഒരാൾ മാധ്യമപ്രവർത്തകനുമാണ്. കാസർകോട്ട് രോഗം സ്ഥിരീകരിച്ച രണ്ടുപേരിൽ ഒരാൾ ഒരു ദൃശ്യമാധ്യമ പ്രവർത്തകനാണ്. മുഖ്യമന്ത്രി പിണറായി വിജയനാണ് വാർത്താസമ്മേളനത്തിൽ ഇക്കാര്യം അറിയിച്ചത്. കൊല്ലത്ത് 5 പേർക്ക് സമ്പർക്കം മൂലമാണ് രോഗം ബാധിച്ചത്. ഒരാൾ ആന്ധ്രാപ്രദേശിൽനിന്ന് വന്നതാണ്. തിരുവനന്തപുരത്ത് ഒരാൾ തമിഴ്നാട്ടിൽനിന്ന് വന്നതാണ്. കാസർകോട് രണ്ടുപേർക്ക് സമ്പർക്കം മൂലമാണ് രോഗം ബാധിച്ചത്. 10 പേരുടെ പരിശോധനാഫലം ഇന്ന് നെഗറ്റീവായിട്ടുണ്ട്. കണ്ണൂർ,കോഴിക്കോട്, കാസർകോട് എന്നിവിടങ്ങളിൽ മൂന്നുപേരും പത്തനംതിട്ടയിൽ ഒരാളുമാണ് രോഗമുക്തി നേടിയത്. സംസ്ഥാനത്ത് ഇതുവരെ 495 പേർക്കാണ് കോവിഡ് സ്ഥിരീകരിച്ചത്. ഇതിൽ 123 പേർ ചികിത്സയിലുണ്ട്. സംസ്ഥാനത്ത് ആകെ 20,673 പേർ നിരീക്ഷണത്തിലുണ്ട്. 20,172 പേർ വീടുകളിലാണ് നിരീക്ഷണത്തിലുള്ളത്. 501 പേർ ആശുപത്രികളിലും നിരീക്ഷണത്തിൽ കഴിയുന്നുണ്ട്. 84 പേരെയാണ് ഇന്ന് ആശുപത്രിയിൽ പ്രവേശിപ്പിച്ചത്. ഇതുലരെ 24,952 സാമ്പിളുകൾ പരിശോധനയ്ക്ക് അയച്ചു. ഇതിൽ 23,880 എണ്ണത്തിൽ രോഗബാധയില്ലെന്ന് സ്ഥിരീകരിച്ചിട്ടുണ്ട്. ആരോഗ്യ പ്രവർത്തകർ, അതിഥി തൊഴിലാളികൾ, സാമൂഹിക സമ്പർക്കം കൂടുതലായി പുലർത്തുന്നവർ എന്നിങ്ങനെ മുൻഗണനാ ഗ്രൂപ്പുകളിൽനിന്ന് ശേഖരിച്ച 875 സാമ്പിളുകളിൽ 801 എണ്ണത്തിന്റെ റിസൾട്ട് നെഗറ്റീവാണ്.
Read More » മാസ്ക് ധരിയ്ക്കാതെ പുറത്തിറങ്ങിയാൽ 5000 രൂപ പിഴ
വയനാട് : പൊതു സ്ഥലങ്ങളിൽ മാസ്ക് ധരിയ്ക്കാതെ ഇറങ്ങിയാൽ 5000 രൂപ പിഴ ഈടാക്കുമെന്ന് വയനാട് ജില്ലാ പൊലീസ് മേധാവി ആർ. ഇളങ്കോ. പിഴ അടച്ചില്ലെങ്കിൽ കേരള പൊലീസ് ആക്ട് 118 ( ഇ ) പ്രകാരം കേസ് എടുക്കുമെന്നും പൊലീസ് മേധാവി പറഞ്ഞു. കുറ്റം തെളിഞ്ഞാൽ 3 വർഷം വരെ തടവ് അനുഭവിക്കേണ്ടി വരുന്ന വകുപ്പാണിത്. കടകളിൽ സാനിറ്റൈസർ വച്ചില്ലെങ്കിൽ 1000 രൂപ പിഴ അടയ്ക്കേണ്ടി വരുമെന്നും ജില്ലാ പൊലീസ് മേധാവി പറഞ്ഞു.
Read More »
